ᐃᓯᑭᐊᓕᐅᑉ ᐊᒡᓚᖏᑦ 30:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᑎᕼᐊᐸᓂᕼᐃᒥᐅᑦ ᑖᕐᓯᐅᓕᕈᒫᕐᐳᑦ, ᐄᑦᔨᑉᑎᒥᐅᑦ ᐱᔪᓐᓇᕐᓂᖏᑦ ᓵᓚᒋᒍᒃᑭᑦ, ᐱᐅᔪᕆᓂᖏᑦ ᐃᓱᓕᑦᓱᒫᕐᐳᑦ; ᓄᕗᔭᒧᑦ ᐅᓕᒃᑕᐅᔪᒫᕐᐳᑦ, ᐃᓄᖏᑦ ᑎᒍᔭᐅᓗᑎᒃ ᐊᐅᓪᓚᕈᑦᔭᐅᔪᒫᕐᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 30:18 ပူးပေါင်းရင်းမြစ်များ

ᒨᓯᓯ ᐂᑉᐸᖏᑦ 10:15

ᓄᓇᓕᒫᑦᓯᐊᕐᓗ ᑕᑕᑕᐅᓯᒪᓕᓚᐅᕐᐳᖅ ᑕᒪᒃᑯᓄᖓ, ᓄᓇᓗ ᐊᒡᓛᑦ ᑕᒪᒃᑯᓄᖓ ᑖᕐᓯᑎᑕᐅᓚᐅᕐᐳᖅ, ᐱᕈᕐᑐᓕᒫᓂᒡᓗ ᓄᓇᒦᑦᑐᓂᒃ ᓂᕆᓕᕐᐳᑦ ᓇᐹᕐᑐᐃᓪᓗ ᐱᕈᕐᑐᖏᓐᓂᒃ ᓇᑕᖅᑯᕐᓇᕐᓄᑦ ᐊᒥᐊᒃᑯᒋᔭᐅᓚᐅᕐᑐᓂᒃ; ᑐᖑᔪᕐᑕᓂᒡᓗ ᓄᓇᒥ ᐊᒥᐊᒃᑯᑕᖃᕈᓐᓃᓚᐅᕐᐳᖅ, ᐊᒡᓛᓪᓗ ᓇᐹᕐᑐᑦ, ᐱᕈᕐᑐᓪᓗ ᐱᕈᕐᓰᕕᖕᒦᑦᑐᑦ, ᐄᑦᔨᑉᑎᐅᑉ ᓄᓇᓕᒫᖓᓃᓕᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 10:27

ᐅᓪᓗᒥ ᑍᑦᓱᒪᓂ ᓇᓪᓕᐅᑎᔪᒫᕐᐳᖅ ᓇᖕᒪᒃᑎᑦᓯᓂᖏᑕ ᐲᕐᑕᐅᕕᒃᓴᖓ ᑐᐃᑦᓯᓐᓂᑦ, ᓇᖕᒪᐅᑕᖏᑕᓗ ᓯᖁᒥᑕᐅᓂᖏᑦ ᖁᖓᓯᑦᓯᓐᓂᑦ, ᓇᖕᒪᐅᑍᑦ ᓄᖑᑎᑕᐅᔪᒫᕐᐳᑦ ᐅᕐᓱᖅ ᒥᖑᐊᕈᑕᐅᔪᖅ ᐱᑦᔪᑎᒋᓗᒍ.

ᐂᓮᐊᓯᐅᑉ ᐊᒡᓚᖏᑦ 13:10

ᐅᓪᓗᕆᐊᑦ ᕿᓚᖕᒦᑦᑐᑦ ᐋᖅᑭᒃᓯᒪᓂᖏᓪᓗ ᖃᐅᒪᔪᓐᓃᕈᒫᕐᐳᑦ, ᓯᕿᓂᖅ ᑖᕐᓯᔪᒫᕐᐳᖅ ᓄᐃᓕᕈᓂ, ᑕᖅᑭᕐᓗ ᖃᐅᒪᔪᓐᓃᕈᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 14:11

ᐅᐱᒋᔭᐅᓪᓗᑎᑦ ᑯᑭᑦᑕᐸᐅᑎᓄᑦ ᓂᓪᓕᐊᑎᑦᓯᕕᐅᕙᓚᐅᕐᐳᑎᑦ, ᑕᑯᒋᑦ ᒫᓐᓇ ᑐᖁᖓᔪᑦ ᐃᓂᖓᓐᓃᓕᕐᐳᑎᑦ; ᓇᓪᓚᖓᕗᑎᑦ ᕿᑎᕈᓪᓕᖕᓂᒃ ᐊᓪᓕᓂᖃᕐᓗᑎᑦ ᐅᓕᖃᕐᓗᑎᓪᓗ ᖁᐱᕐᕈᓂᒃ.’

ᐂᓮᐊᓯᐅᑉ ᐊᒡᓚᖏᑦ 14:25

ᐊᓯᕆᐊᒥᐅᑦ ᐊᓯᕈᕈᒫᕐᐸᒃᑲ ᓄᓇᖁᑎᓐᓂᑦ; ᖃᖅᑲᖁᑎᓐᓃᑦᑐᑦ ᑐᓪᓕᕋᕈᒫᕐᐸᒃᑲ, ᐃᓄᖁᑎᒃᑲ ᓴᒃᑯᑕᐅᑎᑦᓱᒫᕐᐸᒃᑲ ᐅᖁᒤᒃᓴᕐᑎᑕᐅᓂᖏᓐᓂᓪᓗ ᐲᕐᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 19:1

ᐅᖃᐅᓰᑦ ᐄᑦᔨᑉᑎᒥᐅᑦ ᐱᓪᓗᒋᑦ, ᑕᑯᓕᕐᓯᐅᒃ ᐊᑕᓂᖅ ᓄᕗᔭᒥ ᓱᒃᑲᓕᔪᒥ ᐃᑭᒪᓗᓂ ᐄᑦᔨᑉᑎᒧᑦ ᑎᑭᓕᕐᑐᖅ; ᐄᑦᔨᑉᑎᒥᐅᑦ ᒎᑎᓐᖑᐊᖏᑦ ᓴᔪᒍᒫᕐᐳᑦ ᑖᑦᓱᒪ ᓇᔪᕐᑕᖓᓂ, ᐄᑦᔨᑉᑎᒥᐅᓪᓗ ᐆᒻᒪᑎᖏᑦ ᐊᐅᒃᑐᑎᑐᑦ ᑍᒤᑦᓱᒫᕐᐳᑦ ᐃᓗᖏᓐᓂ.

ᐂᓮᐊᓯᐅᑉ ᐊᒡᓚᖏᑦ 5:30

ᐃᕐᓯᓵᕐᕕᒋᔪᒫᕐᐰᑦ ᑕᒪᓐᓇ ᓇᓪᓕᐅᑎᒃᐸᑦ, ᐃᒪᕐᔪᐊᑉ ᑕᕆᐅᑉ ᓄᓇᒧᑦ ᓂᐱᕐᔪᐊᖃᕐᓂᖓᑐᑦ. ᓄᓇ ᑕᑯᔭᐅᒐᔭᕐᐸᑦ ᓇᓪᓕᐊᓐᓄᑦ, ᑕᑯᔭᐅᒐᔭᕐᐳᖅ ᑖᕐᑐᐊᓗᒃ ᑲᑉᐱᐊᓇᕐᑐᕐᓗ; ᖃᐅᒪᔪᕐᓗ ᑖᕐᓯᑎᑕᐅᕗᖅ ᓄᕗᔭᓄᑦ.

ᐂᓮᐊᓯᐅᑉ ᐊᒡᓚᖏᑦ 9:19

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᓂᓐᖓᐅᓯᖓᓄᑦ ᓄᓇ ᐃᑯᐊᓪᓚᒃᑕᐅᕗᖅ, ᐃᓄᐃᓪᓗ ᐃᑯᒪᒧᑦ ᐃᑯᐊᓪᓚᖅᑯᑎᒃᓴᑎᑐᑦ ᑍᒤᓪᓗᑎᒃ; ᓇᓪᓕᐊᓪᓘᓐᓃᑦ ᖃᑕᓐᖑᑎᒥᓂᒃ ᓴᐳᑦᔨᔪᓐᓇᕐᓂᐊᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 9:4

ᐃᓄᐃᑦ ᐅᖁᒤᒃᓴᕐᑎᑕᐅᓂᕐᒧᑦ ᓇᖕᒪᐅᑕᖏᑦ ᓱᕋᒃᐸᑎᑦ, ᑐᐃᖏᓐᓄᓪᓗ ᐊᓇᐅᓕᐅᑎᒋᔭᐅᔪᑦ ᕿᔪᐃᑦ ᓯᖁᒥᑉᐸᑎᑦ. ᐊᑭᕋᖏᑕᓗ ᐊᓇᐅᑕᖏᑦ ᓇᑲᑎᕐᐸᑎᑦ, ᑍᑦᓱᒪᓂᑎᑐᑦ ᒥᑎᐊᓂᒥᐅᑦ ᓵᓚᒋᔭᐅᑎᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 2:16

ᒥᒻᐱᓯᒥᐅᑦ ᑕᐸᓂᓯᒥᐅᓪᓗ ᐊᖑᑎᖏᓐᓄᑦ ᓂᐊᖁᓯ ᓱᕋᒃᑕᐅᕗᑦ.

ᔨᕆᒤᐊᐅᑉ ᐊᒡᓚᖏᑦ 27:2

ᐃᒫᒃ ᐊᑕᓂᐅᑉ ᐅᖃᕐᕕᒋᕚᖓ, “ᐃᖃᕐᑎᐅᔭᕐᒥᒃ ᐊᓄᓕᐅᕆᑦ ᕿᔪᖕᒥᒡᓗ ᐃᑳᖓᔪᒃᓴᓕᐅᕐᓗᒍ ᖁᖓᓯᕐᓄᓪᓗ ᐊᑎᓗᒍ.

ᔨᕆᒤᐊᐅᑉ ᐊᒡᓚᖏᑦ 28:10

ᕼᐊᓇᓁᐊᐅᓪᓗ ᔨᕆᒤᐊᐅᑉ ᐊᓄᓯᒪᐅᑎᖓ ᕿᔪᒃ ᖁᖓᓯᖓᓂᑦ ᐲᕐᓗᓂᐅᒃ ᓱᕋᒃᐹ.

ᔨᕆᒤᐊᐅᑉ ᐊᒡᓚᖏᑦ 28:13

“ᕼᐊᓇᓁᐊ ᐅᖃᐅᑎᔭᕐᑐᕈᒃ, ᓯᖁᒥᑦᓯᒐᓗᐊᕐᐳᑎᑦ ᐊᓄᓯᒪᐅᑎᒥᒃ ᕿᔪᖕᒥᒃ ᑭᖑᕝᕕᕐᑕᐅᑎᓐᓂᐊᕐᐸᕋᓕ ᐊᓄᓯᒪᐅᑎᒥᒃ ᓴᕕᕋᔭᖕᒥᒃ ᓴᓇᓯᒪᔪᒥᒃ.

ᔨᕆᒤᐊᐅᑉ ᐊᒡᓚᖏᑦ 30:8

ᐊᑕᓂᖅ ᐅᖃᕐᐳᖅ, ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᓄᓯᒪᑦᔪᑎᖏᑕ ᕿᔪᒃᑕᖏᑦ ᖁᖓᓯᖏᓐᓃᑦᑐᑦ ᓱᕋᒍᒫᕐᐸᒃᑲ, ᐊᑦᑐᖏᕐᓯᒪᑦᔪᑎᒋᔭᖏᓪᓗ ᐲᔭᕐᓗᒋᑦ, ᐊᔪᓕᕐᑎᑕᐅᓯᒪᒃᑲᓐᓂᖁᓇᒋᑦ ᐊᓯᖏᑕ ᐊᐅᓚᑦᓯᓂᖏᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 44:1

ᐊᑕᓂᐅᑉ ᔨᕆᒤᐊ ᐅᖃᕐᕕᒋᕚ ᔫᑎᑦ ᐄᑦᔨᑉᑎᒦᑦᑐᑦ ᐱᑦᔪᑎᒋᓗᒋᑦ ᓄᓇᓕᖕᓂ ᐅᑯᓇᓃᑦᑐᑦ; ᒥᒡᑐᓕᒥ, ᑕᐸᓂᓯᒥ ᒥᒻᐱᓯᒥᓗ, ᓄᓇᒥᓗ ᐹᑐᕉᓯᒥ.

ᔨᕆᒤᐊᐅᑉ ᐊᒡᓚᖏᑦ 46:14

“ᑕᒪᓐᓇ ᐅᖃᐅᓯᕆᒍᒃ ᐄᑦᔨᑉᑎᒥᐅᓂ, ᐅᖃᐅᓯᕆᓗᒍᓗ ᒥᒡᑐᓕᒥ, ᐅᖃᐅᓯᕆᖕᒥᓗᒍᓗ ᒥᒻᐱᓯᒥ ᑕᐸᓂᓯᒥᓗ, ᐃᓂᒃᓴᑦᓯᓐᓄᐊᕐᓗᓯ ᐅᐸᓗᖕᒊᕐᓯᒪᓕᕆᑦᓯ, ᐊᕙᑎᑦᓯᓐᓃᑦᑐᑦ ᓴᕕᒡᔪᐊᒧᑦ ᑐᖁᕋᕐᑕᐅᓂᐊᕐᒪᑕ!

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:1

ᐊᑕᓂᐅᑉ ᓮᐅᓂ ᐅᓕᒃᐹ ᓂᓐᖓᐅᒪᓂᕐᒥᓂᒃ, ᓮᐅᓂᐅᓪᓗ ᐸᓂᖓ ᑲᓐᖑᓱᒃᑎᑉᐹ! ᐃᓴᕆᐊᓕᒥᐅᑦ ᐃᓂᖁᓇᕐᓂᖓ ᐊᓯᐅᑎᑉᐸᑦ ᓇᕐᕈᓇᕐᓂᕐᐸᐅᓕᕐᑎᓪᓗᒍ, ᓂᓐᖓᕕᒃᔪᐊᕐᓂᖓᑕ ᓇᓪᓕᐅᑎᓯᒪᓂᖓᓄᑦ ᑐᒃᓯᐊᕐᕕᒡᔪᐊᖁᑎᖃᕐᓂᓂ ᐊᒡᓛᑦ ᐳᐃᒍᕐᐹ.

ᐃᓯᑭᐊᓕᐅᑉ ᐊᒡᓚᖏᑦ 29:15

ᓱᓇᐅᖏᓐᓂᕐᐸᐅᔪᒫᕐᐳᖅ ᐊᖓᔪᖅᑲᐅᕕᓕᒫᓂᑦ, ᐃᓅᖃᑎᒌᒡᔪᐊᓂᓪᓗ ᐊᓯᒥᖕᓂᑦ ᐊᖏᓂᕐᓴᐅᓚᐅᕐᓯᒪᔪᓐᓁᕈᒫᕐᐳᑦ; ᓱᓇᐅᓐᖏᓗᐊᕐᓂᕐᒥᖕᓄᑦ ᐊᒡᓛᑦ ᐃᓅᖃᑎᒌᒡᔪᐊᓂᒃ ᐊᓯᒥᖕᓂᒃ ᐊᐅᓚᑦᓯᓚᐅᕐᓯᒪᔪᓐᓁᕈᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 30:23

ᐄᑦᔨᑉᑎᒥᐅᑦ ᐃᓅᖃᑎᒌᒡᔪᐊᓄᑦ ᓯᐊᒻᒪᕐᑎᑦᓱᒫᐸᒃᑲ, ᓄᓇᓕᒡᔪᐊᓄᓪᓗ ᐂᑎᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 30:3

ᐅᓪᓗᖅ ᖃᒡᓕᓕᕐᐳᖅ, ᐊᑕᓂᐅᑉ ᐅᓪᓗᖓ ᖃᒡᓕᓕᕐᐳᖅ; ᐅᓪᓗᖅ ᓄᕗᔭᔪᑎᑐᑦ ᑍᒤᑉᐳᖅ, ᐃᓅᖃᑎᒌᒡᔪᐊᑦ ᓱᒋᐊᕐᑕᐅᕕᒃᓴᖓᑦ.

ᐃᓯᑭᐊᓕᐅᑉ ᐊᒡᓚᖏᑦ 31:18

ᓂᕐᑐᕐᓇᕐᑑᓚᐅᕐᐲᑦ ᐊᔪᓐᖏᑎᒋᓪᓗᑎᓪᓗ ᐄᑕᓂᐅᑉ ᓇᐹᕐᑐᖏᑎᑐᑦ? ᐄᑕᓂᐅᓪᓕ ᓇᐹᕐᑐᖏᓐᓄᑦ ᓇᑲᑕᐅᖃᑕᐅᓂᐊᕐᐳᑎᑦ ᑐᖁᖓᔪᑦ ᐃᓂᖓᓄᐊᖃᑕᐅᓗᑎᑦ ᓄᓇᐅᑉ ᐊᑖᓄᑦ; ᑭᐱᓯᒪᖏᑦᑐᑦ ᐃᓚᒋᓗᒋᑦ, ᓴᕕᒡᔪᐊᒧᑦ ᑐᖁᑕᐅᓯᒪᔪᑦ ᐃᓚᒋᓗᒋᑦ. ᑖᓐᓇᐅᕗᖅ ᑕᕝᕙ ᐰᕉᖅ ᐃᓄᒐᓴᒡᔪᐊᖁᑎᖏᓪᓗ, ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 32:7

ᐃᓕᖕᓂᒃ ᐊᓯᕈᐃᓕᕈᒪ, ᕿᓚᒃ ᑕᓕᑎᑦᓱᒫᕐᐸᕋ, ᐅᓪᓗᕆᐊᓪᓗ ᑖᕐᓯᓗᑎᒃ; ᓯᕿᓂᖅ ᓄᕗᔭᓄᑦ ᑕᓕᑎᑦᓱᒫᕐᐸᕋ, ᑕᖅᑭᕐᓗ ᖃᐅᒪᔪᓐᓁᕐᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 34:27

ᓇᐹᕐᑐᑦ ᐱᕈᕐᓰᕕᖕᒦᑦᑐᑦ ᐱᕈᕐᑐᖃᕈᒫᕐᐳᑦ, ᓄᓇᓗ ᐱᕈᕐᕕᐅᒋᐊᓪᓚᒍᒫᕐᐳᖅ, ᐃᓱᒫᓗᖏᑦᓯᐊᕐᓗᑎᒃ ᓄᓇᒥᖕᓃᑦᓱᒫᕐᐳᑦ; ᑖᒃᑯᐊᓗ ᖃᐅᔨᔪᒫᕐᐳᑦ ᐅᕙᖓᐅᒐᒪ ᐊᑕᓂᖅ, ᐃᓄᖁᑎᒪ ᓇᖕᒪᐅᑕᖏᑕ ᐊᕐᓵᕐᑑᔭᖏᑦ ᓱᕋᒃᑯᒃᑭᑦ, ᐱᐅᓕᓗᒋᓪᓗ ᑖᒃᑯᓂᖓ ᓯᐊᓛᖃᕐᑐᓂᑦ.

ᐃᓯᑭᐊᓕᐅᑉ ᐊᒡᓚᖏᑦ 38:9

ᓵᓚᒋᔪᒫᕐᐸᑎᑦ, ᐊᓄᕆᕐᔪᐊᑎᑐᑦ ᑎᑭᕝᕕᒋᓗᒋᑦ, ᓄᓇᖓᓪᓗ ᓄᕗᔭᒧᑦ ᑖᓪᓕᕐᑕᐅᔪᑎᑐᑦ ᑍᒤᑦᓱᒫᕐᐸᑦ, ᐃᓚᒋᔭᓕᒫᑎᓪᓗ ᐃᓚᒋᓗᒋᑦ ᐃᓄᒋᐊᒃᑐᕐᔪᐊᑦ.

ᔪᐃᓕᐅᑉ ᐊᒡᓚᖏᑦ 3:15

ᓯᕿᓂᕐᓗ ᑕᖅᑭᕐᓗ ᑖᕐᓯᔪᒫᕐᐴᒃ, ᐅᓪᓗᕆᐊᓪᓗ ᖃᐅᒪᔪᓐᓁᕐᓗᑎᒃ.

ᒨᓯᓯ ᐱᖓᔪᖏᑦ 26:13

ᐅᕙᖓ ᐊᑕᓂᐅᒐᒪ ᒎᑎᓯ, ᐅᕙᖓ ᐊᐅᓪᓚᕐᑎᓚᐅᕐᐸᑦᓯ ᐄᑦᔨᑉᑎᒥᑦ ᐃᓖᔭᐅᓪᓗᓯ ᓯᐊᓛᖑᖁᔪᓐᓃᕐᓗᓯ ᐱᔪᓐᓇᕐᓂᖅ ᓯᖁᒥᓚᐅᕐᐸᕋ ᐃᓕᑦᓯᓐᓂᒃ ᐊᔪᓕᕐᑎᑦᓯᓯᒪᓚᐅᕐᑐᖅ ᒪᑭᑕᑦᓯᐊᕐᓗᓯ ᐱᓱᒍᓐᓇᖁᓪᓗᓯ.”

ᒫᑎᐅᓯᐅᑉ ᐊᒡᓚᖏᑦ 24:29

“ᐅᓪᓗᐃᑦ ᑲᑉᐱᐊᓇᕐᑐᑦ ᑭᖑᓂᑦᓯᐊᖓᒍᑦ, ᓯᕿᓂᖅ ᑖᕐᓯᔪᒫᕐᐳᖅ, ᑕᖅᑭᕐᓗ ᖃᐅᒪᔪᓐᓃᕈᒫᕐᐳᖅ, ᐅᓪᓗᕆᐊᓪᓗ ᕿᓚᖕᒥᑦ ᑲᑕᒍᒫᕐᐳᑦ, ᓯᓚᐅᑉ ᐱᔪᓐᓇᕐᓂᖏᑦ ᐃᓂᒋᔭᒥᖕᓂ ᓴᔪᒃᐱᓗᒍᒫᕐᐳᑦ.