ᐃᓯᑭᐊᓕᐅᑉ ᐊᒡᓚᖏᑦ 3:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ “ᐃᓅᑉ ᐃᕐᓂᖓ, ᖃᐅᔨᓴᕐᑎᓐᖑᕐᑎᑉᐸᒋᑦ ᐃᓴᕆᐊᓕᐅᑉ ᑭᖑᕚᖏᓐᓄᑦ; ᑍᒤᒻᒪᑦ ᐅᖃᐅᓯᒃᑲ ᑐᓴᕈᕕᒋᑦ ᖃᓂᓐᓂᑦ ᐊᓂᔪᑦ, ᐃᓂᕐᑎᒃᑭᑦ ᐅᕙᓐᓂᑦ ᐱᔪᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 3:17 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 19:10

ᐋᖅᑭᒃᓱᐃᔭᕆᐊᖃᓕᕈᑦᓯ ᖃᑕᓐᖑᑎᑦᓯᓐᓂᒃ ᐃᒡᓗᒐᓴᖕᓃᑦᑐᓂᒃ, ᑐᖁᑦᓯᔪᖃᕐᓯᒪᓂᕐᒧᑦ, ᐱᖁᔭᓂᒃ, ᒪᓕᒐᕐᓂᒡᓗ, ᐊᑐᕐᑕᐅᔭᕆᐊᓕᖕᓂᒃ ᐱᓇᓱᐊᕐᑕᐅᔭᕆᐊᓕᖕᓂᒡᓗ, ᖃᓄᐃᓕᐅᕆᐊᖃᕐᓂᖏᓐᓂᒃ ᐅᖃᐅᑦᔪᕐᑕᒃᓴᕆᕙᓯ, ᐊᑕᓂᐅᑉ ᓂᓐᖓᐅᓯᖓᓄᑦ ᑎᑭᑕᐅᖁᓇᓯ ᖃᑕᓐᖑᑎᓯᓗ. ᑕᕝᕙ ᑍᒫᒃ ᐱᓇᓱᐊᕐᑐᒃᓴᐅᕗᓯ, ᐸᓯᔭᒃᓴᐅᓕᖁᓇᓯ.

ᓲᓗᒨᓂᐅᑉ ᐃᓐᖏᕈᓯᖏᑦ 3:3

ᐅᓐᓄᐊᒃᑯᑦ ᖃᐅᔨᓴᕐᑎᑦ ᑲᑎᒐᒃᑭᑦ, ᐃᒡᓗᒐᓴᖕᓂ ᐱᓱᑲᑕᒃᑎᓪᓗᒋᑦ. ᐊᐱᕆᕙᒃᑲ, “ᐅᖓᔭᕋ ᑕᑯᓚᐅᕐᐱᓯᐅᒃ?”

ᓲᓗᒨᓂᐅᑉ ᐃᓐᖏᕈᓯᖏᑦ 5:7

ᑕᕝᕙ ᐃᒡᓗᒐᓴᖕᓂ ᖃᐅᔨᓴᕐᑎᓄᑦ ᐅᐸᒃᑕᐅᕗᖓ, ᑖᒃᑯᓇᓐᖓᑦ ᐋᓐᓂᕐᓯᕐᑕᐅᓪᓗᖓ ᐃᑭᓕᕐᑕᐅᕗᖓ; ᖃᐅᔨᓴᕐᑏᑦ ᐊᕙᓗᕐᔪᐊᒥ ᐅᓕᓐᓂᒃ ᐊᕐᓵᕐᐹᖓ.

ᐂᓮᐊᓯᐅᑉ ᐊᒡᓚᖏᑦ 21:6

ᐊᑕᓂᐅᑉ ᐃᒫᒃ ᐅᖃᐅᑎᓕᕐᐹᖓ: “ᐅᓇᑕᕐᑐᒃᓴᒥᒃ ᖃᐅᔨᓴᕐᑎᐅᓂᐊᕐᑐᒥᒃ ᓂᑯᕕᖁᔨᓕᕆᑦ, ᑕᑯᔭᒥᓂᒡᓗ ᐅᖃᕆᐊᕐᑐᖃᑦᑕᖁᓗᒍ.

ᐂᓮᐊᓯᐅᑉ ᐊᒡᓚᖏᑦ 21:8

ᖃᐅᔨᓴᕐᑎ ᓂᓪᓕᐊᓕᕐᐸᑦ, “ᐊᑕᓃᖅ, ᖃᐅᔨᓴᕐᕕᖕᒥ ᓇᖏᓚᐅᕐᐳᖓ ᐅᓪᓗᓕᒫᖅ, ᐃᓂᒋᔭᓐᓂᓗ ᖃᐅᔨᓴᓚᐅᕐᐳᖓ ᐅᓐᓄᐊᓕᒫᖅ.

ᐂᓮᐊᓯᐅᑉ ᐊᒡᓚᖏᑦ 52:8

ᐅᐊᑦᓯᔨᓯᓗ ᖁᕕᐊᓱᒡᓗᑎᒃ ᕾᒐᓛᓕᕈᒫᕐᐳᑦ, ᐃᓐᖏᕐᓯᓗᑎᒃ ᐊᑕᐅᑦᓯᒃᑯᑦ; ᓇᖕᒥᓂᖅ ᑕᑯᓕᕈᓂᑦᔪᒃ ᐊᑕᓂᖅ ᐅᑎᕐᑎᓪᓗᒍ ᓮᐅᓂᒧᑦ.

ᐂᓮᐊᓯᐅᑉ ᐊᒡᓚᖏᑦ 56:10

ᐃᓴᕆᐊᓕᒥᐅᑦ ᖃᐅᔨᓴᕐᑎᖏᑦ ᑕᐅᑐᖏᒻᒪᑕ, ᐃᓕᓯᒪᓂᖃᕋᑎᒡᓗ; ᕿᒻᒥᑎᑐᑦ ᐅᖃᕈᓐᓇᖏᑦᑐᑎᑐᑦ ᑍᒤᑉᐳᑦ, ᕿᓗᒍᓐᓇᖏᒻᒪᑕᓘᓐᓃᑦ, ᓇᓚᕋᑐᐃᓐᓇᕐᐳᑦ ᓯᓐᓇᒃᑑᒪᑐᐃᓐᓇᕐᓗᑎᒃ ᓯᓂᒍᒪᑐᐃᓐᓇᕋᒥᒃ.

ᐂᓮᐊᓯᐅᑉ ᐊᒡᓚᖏᑦ 58:1

“ᓂᐱᖅᑯᕐᑐᓗᓯ ᓂᓪᓕᐊᓕᕆᑦᓯ, ᓂᐰᓐᖔᕐᓂᐊᕋᓯ, ᑎᑦᑐᓚᐅᑎᑎᑐᑦ ᓂᐱᖅᑯᕐᑐᑎᒋᓗᓯ ᓂᓪᓕᐊᒋᑦᓯ; ᐃᓄᖁᑎᒃᑲ ᐊᔪᕐᑐᓕᓂᖏᓐᓂᒃ ᐅᖃᐅᑎᓯᒋᒃ, ᔧᑰᓪᓗ ᑭᖑᕚᖏᑦ ᐅᖃᐅᑎᓗᒋᑦ ᐊᔪᕐᓂᖏᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 62:6

ᐊᕙᓗᕐᔪᐊᕐᓂ ᔨᕉᓴᓕᒻ ᖃᐅᔨᓴᕐᑎᑖᕐᑎᓚᐅᕐᐸᒋᑦ; ᐅᓪᓗᒃᑯᑦ ᐅᓐᓄᐊᒃᑯᓪᓘᓐᓃᑦ ᓂᐰᓚᐅᕐᓯᒪᓂᐊᖏᑦᑐᓂᒃ, ᐊᑕᓂᕐᒥᒃ ᐅᖃᐅᓯᖃᕐᐸᒃᑐᓯ ᓄᖅᑲᕐᑍᓕᒋᑦᓯ,

ᔨᕆᒤᐊᐅᑉ ᐊᒡᓚᖏᑦ 1:7

ᐊᑕᓂᐅᓪᓕ ᐅᖃᐅᑎᕚᖓ, “ᐅᕕᒃᑲᐅᓗᐊᕐᓂᕋᕐᑍᓕᒋᑦ, ᐂᔪᒃᓴᐅᕗᑎᑦ ᑕᒤᓐᓄᑦ ᐂᕕᒋᔭᐅᖁᔭᓐᓄᑦ, ᐅᖃᕐᕕᒋᓗᒋᓪᓗ ᐅᖃᐅᓯᕆᔭᐅᖁᔭᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 31:6

ᐅᓪᓗᖅ ᓇᓪᓕᐅᑎᔪᒫᕐᐳᖅ ᐃᕗᕅᒻ ᖃᖅᑲᖏᓐᓂ ᖃᐅᔨᓴᕐᑏᑦ ᕾᒐᓛᕐᕕᒃᓴᖓᑦ, ‘ᕾᓕᕆᑦᓯ ᓮᐅᓂᒧᐊᓚᐅᕐᑕ, ᐊᑕᓂᐅᑉ ᒎᑎᑦᑕ ᓇᔪᕐᑕᖓᓄᑦ.’”

ᔨᕆᒤᐊᐅᑉ ᐊᒡᓚᖏᑦ 6:10

ᑭᓇᒃᑯᑦ ᐃᓂᕐᑎᕆᑦᔪᑎᓐᓂᒃ ᑐᓴᕈᓐᓇᕐᓂᐊᕐᐹᑦ? ᑭᓇᒃᑯᓐᓄᓪᓗ ᓈᓚᒃᑕᐅᔪᓐᓇᕐᓂᐊᕐᐳᖔ? ᑐᓵᔪᒪᔪᖃᕈᓐᓃᕐᒪᑦ, ᑕᑯᒋᑦ ᓈᓚᒃᑐᖃᕈᓐᓇᕈᓐᓃᕐᐳᖅ. ᐊᑕᓂᐅᑉ ᐅᖃᐅᓯᖏᑦ ᑐᓴᕐᑕᐅᔭᕆᐊᒃᓴᖅ ᐱᐅᒋᔭᐅᔪᓐᓂᕐᒪᑕ, ᖁᕕᐊᒋᔭᐅᓇᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 6:17

ᖃᐅᔨᓴᕐᑎᓂᒃ ᑎᓕᓯᓚᐅᕐᐳᖓ ᐃᓕᑦᓯᓐᓄᑦ ᐅᖃᐅᔨᖁᓪᓗᒋᑦ ᑎᑦᑐᓚᐅᑦ ᓂᐱᖓᓂᒃ ᑐᓴᖁᓪᓗᓯ, ᑭᓯᐊᓂᓕ ᐅᖃᓚᐅᕐᐳᓯ ᓈᓚᒍᒪᖏᓐᓂᕋᕐᓗᓯ.

ᐃᓯᑭᐊᓕᐅᑉ ᐊᒡᓚᖏᑦ 11:25

ᐊᐅᓪᓚᕈᑦᔭᐅᓯᒪᔪᓪᓗ ᐅᖃᐅᑎᕙᒃᑲ ᑕᒤᓐᓂᒃ ᐊᑕᓂᐅᑉ ᐅᕙᓐᓄᑦ ᑕᑯᑎᑦᓯᑦᔪᑎᒋᔭᖏᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 11:4

ᑍᒤᒻᒪᑦ ᐃᓅᑉ ᐃᕐᓂᖓ, ᓇᓪᓕᐅᑎᔪᒫᕐᑐᓂᒃ ᐅᖃᐅᑎᓕᒃᑭᑦ.”

ᐃᓯᑭᐊᓕᐅᑉ ᐊᒡᓚᖏᑦ 2:7

ᐅᖃᕐᑕᐅᖁᔭᓂᒃ ᐅᖃᐅᓯᖃᕐᑐᒃᓴᐅᕗᑎᑦ, ᓈᓚᒃᑕᐅᓂᐊᕈᕕᑦ ᓈᓚᒃᑕᐅᔮᖏᒃᑯᕕᓪᓘᓐᓃᑦ, ᑖᒃᑯᐊ ᐊᑭᕋᕐᑐᕐᑎᐅᖕᒪᑕ.

ᕼᐊᐸᑲᐅᑉ ᐊᒡᓚᖏᑦ 2:1

ᖃᐅᔨᓴᕐᕕᖕᒦᑦᓱᒪᕗᖓ ᐊᕙᓗᕐᔪᐊᑉ ᓇᖏᕐᕕᖓᓂ, ᐅᑕᖅᑭᓗᖓ ᖃᓄᖅ ᐊᑕᓂᖅ ᐅᕙᓐᓄᑦ ᐅᖃᕐᓂᐊᕐᒪᖔᑦ, ᖃᓄᕐᓗ ᑭᐅᓂᐊᕐᒪᖔᕐᒪ ᓈᒻᒪᒃᓴᖏᑦᔪᑎᒋᔭᓐᓄᑦ.

ᕼᐊᒊᑉ ᐊᒡᓚᖏᑦ 1:13

ᑕᕝᕙ ᕼᐊᒊ, ᐊᑕᓂᐅᑉ ᐅᖃᕐᑎᖓ, ᐊᑕᓂᐅᑉ ᐅᖃᐅᓯᖏᓐᓂᒃ ᐃᓄᖕᓄᑦ ᐅᖃᕐᐳᖅ: “ᐃᓚᒋᕙᑦᓯ, ᐊᑕᓂᖅ ᐅᖃᕐᐳᖅ.”

ᒫᑎᐅᓯᐅᑉ ᐊᒡᓚᖏᑦ 3:7

ᐹᕆᓯᓪᓕ ᓵᑦᔪᓰᓪᓗ ᐊᒥᓱᑦ ᑎᑭᑎᓂ ᐹᑉᑎᑦᓯᕕᖕᒥᓄᑦ ᑕᑯᒐᒥᒋᑦ, ᐅᖃᐅᑎᕔᑦ, “ᖁᒡᓗᒋᐊᖑᔮᕐᑐᓯ, ᑭᐊ ᕿᒫᖁᕚᓯ ᒎᑎᐅᑉ ᓂᓐᖓᖕᓂᖓᓂᑦ ᐱᔪᒫᕐᑐᒥᑦ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:28

ᒎᑎᓗ ᐋᖅᑭᒃᓯᓯᒪᕗᖅ ᐃᓚᒌᒃᑐᓂ ᓯᕗᓪᓕᕐᒥᒃ ᐋᐴᓯᑕᓕᖕᓂᒃ, ᐂᑉᐸᖓᓂᒃ ᓇᓚᐅᑦᑍᔪᓂᒃ, ᐱᖓᔪᐊᓐᓂᒃ ᐃᓕᓮᔨᓂᒃ, ᑲᒪᓇᕐᑐᓕᓂᕐᒥᒃ ᐱᓇᓱᐊᕈᓐᓇᕐᑐᓂᒃ, ᐋᓐᓂᐊᕐᑐᓂᒡᓗ ᐋᖅᑭᒃᓯᓂᕐᒥᒃ ᑐᓂᕐᕈᓯᐊᓕᖕᓂᒃ, ᐊᓯᒥᖕᓂᒡᓗ ᐃᑲᔪᕈᓐᓇᕐᑐᓂᒃ, ᐃᓚᒌᒃᑐᓂᒡᓗ ᐊᐅᓚᑦᓯᔨᐅᔪᓐᓇᕐᑐᓂᒃ, ᐅᖃᐅᓯᕐᓄᓪᓗ ᑐᓴᕐᖓᕐᑕᓄᑦ ᐊᑦᔨᒌᖏᑦᑐᓄᑦ ᐅᖃᓪᓚᒍᓐᓇᕐᑐᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:14

ᑕᒪᒃᑯᓂᖓ ᑎᑎᕋᓐᖏᓚᖓ ᑲᓐᖑᓱᒃᑎᑦᓯᓇᓱᐊᕐᓗᖓ ᐃᓕᑦᓯᓐᓂᒃ, ᑐᑭᓯᒃᑲᓐᓂᕐᑎᓐᓇᓱᐊᕐᐸᑦᓯᓕ ᓇᖕᒥᓂᖅ ᕿᑐᕐᖓᑦᑐᑦ ᓇᒡᓕᒋᔭᑦᑐᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:11

ᑍᒤᒻᒪᑦ ᐊᑕᓂᕐᒥᒃ ᓯᕘᕋᒋᔭᖃᕐᓂᕐᒥᒃ ᖃᐅᔨᒪᒐᑦᑕ, ᐃᓄᐃᑦ ᐃᓇᓐᓇᓱᐊᕐᐸᕗᑦ; ᒎᑎᐅᓪᓕ ᖃᐅᔨᒪᕚᑎᒍᑦ, ᐃᓕᑦᓯᓐᓄᓪᓕᑦᑕᐅᖅ ᖃᐅᔨᔭᐅᓂᐊᕐᑐᒃᓴᐅᒐᓗᐊᕐᐳᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:20

ᑍᒤᒻᒪᑦ ᑎᓕᔭᐅᓯᒪᕗᒍᑦ ᙭ᔅᑑᓯ ᐃᓇᖏᕐᓗᒍ, ᒎᑎ ᐅᕙᑦᑎᒍᑦ ᐃᓄᖕᓂᒃ ᐃᓇᑦᓯᕗᖅ. ᑍᒤᒻᒪᑦ ᐃᓇᑉᐸᑦᓯ ᙭ᔅᑑᓯᒃᑯᑦ, ᒎᑎᒥᒃ ᐃᓚᓐᓇᕆᔭᕐᑖᓕᕆᑦᓯ.

ᑯᓘᓯᐊᒥᐅᓄᑦ 1:28

ᑍᒤᒻᒪᑦ ᙭ᔅᑑᓯ ᐊᔪᕆᕐᑐᐃᑦᔪᑎᒋᕙᕗᑦ ᐃᓄᓕᒫᓄᑦ, ᓯᕘᕋᒋᔭᒃᓴᖏᓐᓂᒃ ᐅᖃᐅᑦᔪᐃᑦᔪᑎᒋᓪᓗᒍ ᐊᔪᕆᕐᑐᐃᑦᔪᑎᒋᕙᕗᓪᓗ ᑕᒤᓐᓄᑦ ᓯᓚᑐᓂᖃᕐᓗᑕ, ᑕᒪᕐᒥᒃ ᐱᕈᕇᕐᓯᒪᓗᑎ ᐅᒃᐱᕐᓂᒃᑯᑦ ᓴᖅᑭᑎᑦᓱᒪᓪᓗᑎᒍ ᙭ᔅᑑᓯᒥ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:14

᙭ᔅᑑᓯᒥᐅᑕᐅᖃᑎᕗᑦ, ᐃᓇᑉᐸᑦᓯ, ᐱᓇᓱᐊᒐᖃᕋᓱᐊᓐᖏᑦᑐᑦ ᐱᓇᓱᐊᖁᓗᒋᑦ ᐊᔪᕆᕐᑐᕐᓯᒋᒃ, ᓴᓐᖐᓕᓯᒪᔪᑦ ᐱᕙᓪᓕᕐᓇᕐᑐᓂᒃ ᐅᖃᐅᑎᓯᒋᒃ, ᓴᓐᖐᑦᑐᑦ ᐃᑲᔪᕐᓯᒋᒃ, ᑕᒤᓐᓄᑦ ᕿᓄᐃᓵᕐᓂᖃᕆᑦᓯ.

ᐄᑉᕈᐃᓄᑦ 13:17

ᓯᕗᓕᕐᑎᓯ ᓈᓚᒃᓯᒋᒃ ᐱᖁᔨᓂᖏᓪᓗ ᐊᑐᑦᓯᐊᕐᓗᒋᑦ; ᑕᕐᓂᑦᓯᓐᓂᒃ ᑲᒪᒋᔭᖃᕐᒪᑕ, ᐱᓂᐊᕐᓂᕆᔭᒥᓂᒃᑕᐅᖅ ᓇᓗᓁᕐᓯᔭᕆᐊᖃᕈᒫᕐᒪᑕ ᒎᑎᒧᑦ. ᖁᕕᐊᓱᒡᓗᑎᒃ ᐱᓇᓱᐊᖁᓪᓗᒋᑦ, ᖁᕕᐊᓱᖏᑦᑑᖏᓪᓗᑎᒃ, ᖁᕕᐊᒋᖏᓪᓗᒍ ᐱᓇᓱᐊᕐᐸᑕ ᐃᓕᑦᓯᓐᓄᑦ ᐃᑲᔪᕐᓂᖃᑦᔮᖏᒻᒪᑕ.