ᐃᓯᑭᐊᓕᐅᑉ ᐊᒡᓚᖏᑦ 3:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐊᓂᕐᓂᐅᓪᓗ ᖃᖓᑦᑕᕐᑎᓪᓗᓂᖓ ᐊᐅᓪᓚᕈᑎᕚᖓ, ᑕᕝᕙ ᖁᕕᐊᓇᖏᑦᑐᕐᔪᐊᕐᒧᑦ ᓂᓐᖓᐅᒪᓇᕐᑐᒧᑦ ᐊᓂᕐᓂᒃᑯᑦ ᑎᑭᑕᐅᕗᖓ, ᐊᑕᓂᐅᓪᓕ ᐊᒡᒐᖏᑕ ᓲᖑᔪᕐᔪᐊᓄᑦ ᑎᒍᒥᐊᕐᐹᖓ;

ᐃᓯᑭᐊᓕᐅᑉ ᐊᒡᓚᖏᑦ 3:14 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 18:12

ᐃᓕᖕᓂᓪᓗ ᕿᒪᕉᑎᑐᐊᕈᒪ, ᐊᑕᓂᐅᑉ ᐊᓂᕐᓂᖓᑕ ᐊᐅᓪᓚᕈᑎᓂᐊᕐᐹᑎᑦ ᓄᓇᒧᑦ ᖃᐅᔨᒪᓐᖏᑕᓐᓄᑦ; ᑕᕝᕙ, ᐅᖃᕆᐊᕐᑐᕈᒪ ᐂᕼᐊᑉᒧᑦ ᓇᓂᓐᖏᑐᐊᕈᓂᑎᑦ, ᑕᕝᕙ ᑐᖁᓐᓂᐊᕐᐹᖓ, ᑭᓯᐊᓂᓕ ᐅᕙᖓ ᐱᔩᑦ ᐊᑕᓂᕐᒥᒃ ᑲᒪᑦᓯᐊᒻᒪᕆᒃᐳᖓ ᐅᕕᒃᑲᐅᓂᓐᓂᑦ.

ᐊᑕᓃᑦ ᓯᕗᓪᓖᑦ 18:46

ᑕᕝᕙ ᐊᑕᓂᐅᑉ ᐊᔪᒐᖃᖏᓐᓂᖓ ᐃᓔᑦᔭᒧᐊᕐᐳᖅ; ᐊᓐᓄᕌᓂᓗ ᕿᑎᕉᑎᒥᓄᑦ ᕿᓚᒃᓗᒋᑦ ᐅᓪᓚᒃᓯᕗᖅ ᐂᕼᐊᑉ ᓯᕗᓂᖓᓂ ᔨᔭᕆᐅᓪᒧᓪᓗ ᑎᑭᖅᑳᕐᐳᖅ.

ᐊᑕᓃᑦ ᐂᑉᐸᖏᑦ 2:16

ᑖᒃᑯᐊ ᐅᖃᕐᐳᑦ ᐃᓔᓴᒧᑦ, “ᑕᑯᒋᑦ, ᐱᔪᓐᓇᑦᓯᐊᕐᑐᓂᒃ 50ᓂᒃ ᐊᖑᑎᖁᑎᖃᕋᑦᑕ ᐊᖓᔪᖅᑳᕐᓂᒃ ᕿᓂᕆᐊᕈᓐᓇᕐᐳᑦ, ᐊᑕᓂᐅᑉ ᐊᓂᕐᓂᖓᑕ ᐱᒐᒥᐅᒃ ᓇᒧᑦ ᖃᖅᑲᐅᑉ ᖄᖓᓄᑦ ᓇᕐᓴᒧᓪᓘᓐᓃᑦ ᑲᑕᒃᑎᑕᕕᓂᕆᑐᐃᓐᓇᕆᐊᖃᕐᒪᒍ.” ᐃᓔᓴᐅᑉ ᑭᐅᕔᑦ, “ᕿᓂᕆᐊᕐᑎᓐᖏᓪᓗᒋᑦ.”

ᐊᑕᓃᑦ ᐂᑉᐸᖏᑦ 3:15

ᒫᓐᓇᓕ ᑯᑭᑦᑕᐸᐅᑎᐅᔭᕐᒥᒃ ᐱᓐᖑᐊᕈᓐᓇᕐᑐᒥᒃ ᕾᔪᖃᓚᐅᕐᓕ.” ᑯᑭᑦᑕᐸᐅᑎᐅᔭᕐᒥᒃ ᐱᓐᖑᐊᕐᑐᖃᓕᕐᑎᓪᓗᒍ ᐊᑕᓂᐅᑉ ᓇᔫᑎᓂᖓ ᐃᓔᓴᒧᐊᕐᐳᖅ,

ᐂᓮᐊᓯᐅᑉ ᐊᒡᓚᖏᑦ 8:11

ᐊᑕᓂᐅᑉ ᐅᖃᐅᑎᕚᖓ, ᐱᔪᓐᓇᕐᓂᕐᒥᓄᑦ ᓴᓐᖏᔪᕐᔪᐊᒧᑦ ᓇᔪᕐᓗᖓ, ᒪᓕᖁᓇᖓ ᐃᓄᐃᑦ ᑖᒃᑯᐊ ᐊᑐᕐᑕᖏᓐᓂᒃ, ᐅᖃᕐᓗᓂ:

ᔨᕆᒤᐊᐅᑉ ᐊᒡᓚᖏᑦ 6:11

ᐅᕙᖓᓕ ᐊᑕᓂᐅᑉ ᓂᓐᖓᐅᓯᖓᓂᑦ ᐱᑕᖃᓗᐊᓂᕐᒧᑦ ᐱᓯᒪᒋᐊᖓ ᑕᖃᕙᕋ, “ᐊᓂᑎᓕᕈᒃ ᕿᑐᕐᖓᖏᓐᓄᑦ ᐊᖅᑯᑎᒦᑦᑐᓄᑦ, ᐃᓅᓱᒃᑐᖁᑎᖏᓐᓄᓪᓗ ᑲᑎᒪᔪᓄᑦ, ᓄᓕᐊᕇᓄᓪᓗ ᓴᖅᑭᓐᓂᐊᕐᐸᕋ ᐃᓄᑐᖃᐅᓕᕐᑐᓄᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 1:3

ᐊᑕᓂᖅ ᐅᖃᕐᐳᖅ ᐃᓯᑭᐊᓕᒧᑦ ᑐᓂᕐᕈᓯᕐᑎᑦᓯᔨᒧᑦ, ᐳᔾᔧᑎᐅᑉ ᐃᕐᓂᖓᓄᑦ, ᑲᐅᓪᑎᐊᒥᐅᑦ ᓄᓇᖓᓂ ᑰᑉ ᓰᐸᕆᐅᑉ ᖃᓂᒋᔮᓂ; ᐱᔪᓐᓇᕐᓂᖓᓄᓪᓗ ᓇᔪᕐᑕᐅᓕᕐᐳᖅ ᑕᕝᕙᓂ.

ᐃᓯᑭᐊᓕᐅᑉ ᐊᒡᓚᖏᑦ 11:1

ᐊᓂᕐᓂᐅᑉ ᖃᖓᑦᑕᕐᑎᒃᑲᒥᖓ, ᐊᑕᓂᐅᑉ ᐃᒡᓗᖓᑕ ᐃᑎᕐᑕᕐᕕᖓᓄᐊᕐᑎᑉᐹᖓ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒧᑦ. ᑕᑯᒋᓪᓗ, ᐃᑎᕐᑕᕐᕕᐅᑉ ᑖᑦᓱᒪ ᖃᓂᒋᔭᖓᓂ ᐊᖑᑎᓂᒃ 25ᓂᒃ ᑕᑯᕗᖓ; ᑕᑯᔭᒪᓗ ᐃᓚᖓᑦ ᔭ-ᐊᔭᓁᐊ ᐃᓚᒋᔭᐅᕗᖅ ᐊᔾᔪᕆᐅᑉ ᐃᕐᓂᖓ, ᐱᓚᑍᐊᓗ ᐱᓁᐊᐅᑉ ᐃᕐᓂᖓ, ᑖᒃᑯᐊᒃ ᐊᖓᔪᖅᑳᕆᔭᐅᕘᒃ ᐃᓅᖃᑎᒌᒡᔪᐊᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 3:12

ᑕᕝᕙ ᐊᓂᕐᓂᐅᑉ ᖃᖓᑦᑕᕐᑎᑉᐹᖓ, ᐊᑕᓂᐅᑉ ᓂᕐᑐᕐᓇᕐᓂᖓᑕ ᐃᓂᒥᓂᑦ ᖁᒻᒧᒃᑎᑕᐅᓂᖓᑐᑦ, ᓂᐱᕐᔪᐊᒥᒡᓗ ᑐᓴᕐᐳᖓ ᑐᓄᓐᓂᑦ ᑲᓪᓕᐅᑉ ᓂᐱᕐᔪᐊᖓᑐᑦ ᑍᒤᑦᑐᒥᒃ;

ᐃᓯᑭᐊᓕᐅᑉ ᐊᒡᓚᖏᑦ 37:1

ᐊᑕᓂᐅᑉ ᐱᔪᓐᓇᕐᓂᖓᑕ ᓇᔪᓕᕐᐹᖓ, ᐊᑕᓂᐅᓪᓗ ᐊᓂᕐᓂᖓᑕ ᐊᐅᓪᓚᕈᑎᕚᖓ, ᓇᕐᓴᐅᓪᓗ ᕿᑎᖓᓄᐊᕐᑎᑉᐹᖓ; ᓴᐅᓂᕕᓂᕐᓂᒃ ᑕᑕᑦᑐᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 40:1

ᐊᐅᓪᓚᕈᑦᔭᐅᓯᒪᓂᑦᑕ ᐊᕐᕌᒍᖏᑕ 25ᖓᓐᓂ, ᐊᕐᕌᒎᑉ ᐱᒋᐊᕐᓂᖓᓂ, ᑕᖅᑭᐅᑉ ᐅᓪᓗᒋᑕ 10ᖓᓐᓂ, ᔨᕉᓴᓕᐅᑉ ᓵᓚᐅᓯᒪᓂᖓᑕ ᐊᕐᕌᒍᐃᑦ 14ᖓᓐᓂ, ᐅᓪᓗᒥ ᑕᕝᕙᓂᓪᓗᐊᖅ, ᐊᑕᓂᐅᑉ ᐱᔪᓐᓇᕐᓂᖓᑕ ᓇᔪᓕᕐᐹᖓ,

ᐃᓯᑭᐊᓕᐅᑉ ᐊᒡᓚᖏᑦ 43:5

ᑕᕝᕙ ᐊᓂᕐᓂᐅᑉ ᒪᑭᑎᓪᓗᖓ, ᐃᓗᕙᓯᖕᓂᕐᓴᒧᑦ ᑐᕐᓲᖑᔭᕐᒧᐊᕐᑎᑉᐹᖓ; ᑕᑯᒋᓪᓗ, ᐊᑕᓂᐅᑉ ᓂᕐᑐᕐᓇᕐᓂᕐᔪᐊᖓᓄᑦ ᑐᒃᓯᐊᕐᕕᒡᔪᐊᖅ ᑕᑕᑕᐅᓯᒪᕗᖅ.

ᐃᓯᑭᐊᓕᐅᑉ ᐊᒡᓚᖏᑦ 8:1

ᐊᕐᕌᒍᑦ ᐱᖓᓲᔪᕐᑐᖓᓐᓂ, ᑕᖅᑮᑦ ᐱᖓᓲᔪᕐᑐᖏᑕ, ᐅᓪᓗᖏᑕ ᑕᓪᓕᒪᖓᓐᓂ, ᔫᑕᐅᑉ ᐊᖓᔪᖅᑳᖏᓐᓂᒃ ᐃᒃᓯᕙᖃᑎᖃᕐᑎᓪᓗᖓ ᐃᒡᓗᓐᓂ, ᐊᑕᓂᐅᑉ ᒎᑎᐅᑉ ᐱᔪᓐᓇᕐᓂᕐᔪᐊᖓᓄᑦ ᑎᑭᑕᐅᕗᖓ.

ᐃᓯᑭᐊᓕᐅᑉ ᐊᒡᓚᖏᑦ 8:3

ᐃᓴᒃᓗᓂ ᐊᒡᒐᒋᔮᕐᑕᒥᓄᑦ ᓄᔭᒃᑯᑦ ᑎᒍᕚᖓ; ᐊᓂᕐᓂᐅᑉ ᖃᖓᑦᑕᕐᑎᑉᐹᖓ ᓄᓇᐅᓪᓗ ᕿᓚᐅᓪᓗ ᐊᑯᓐᓂᖓᓄᑦ, ᑕᑯᑎᑦᔪᑎᒃᑯᓪᓗ ᒎᑎᒥᑦ ᐱᔪᒃᑯᑦ ᔨᕉᓴᓕᒧᐊᕐᑎᑉᐹᖓ, ᑐᒃᓯᐊᕐᕕᒡᔪᐊᓪᓗ ᐃᑎᕆᐊᕐᕕᖓᓄᐊᕐᑎᑉᐹᖓ ᐃᓗᓪᓕᕐᒧᑦ ᐅᓐᓄᐊᓪᓗᐊᑉ ᓇᓛᓃᑦᑐᒧᑦ, ᒎᑎᓐᖑᐊᓕᐊᕆᓯᒪᔫᑉ ᐃᓂᖓᓄᑦ ᓯᖕᓇᒋᔭᐅᔪᒧᑦ, ᑖᑦᓱᒧᖓ ᓯᖕᓇᑎᑦᓯᔪᒧᑦ.

ᔪᐊᓇᓯᐅᑉ ᐊᒡᓚᖏᑦ 4:1

ᔩᓱᓯᓕ ᖃᐅᔨᓕᕐᐳᖅ ᐹᕆᓯᑦ ᑐᓴᐅᒪᓕᕐᒪᑕ ᔩᓱᓯᐅᑉ ᐃᓕᓐᓂᐊᕐᑎᑖᖃᑦᑕᓕᕐᓂᖓᓂᒃ ᐹᑉᑎᑦᓯᖃᑦᑕᓂᖓᓂᒃᓗ ᐅᓄᕐᓂᕐᓴᓂᒃ ᔪᐊᓇᓯᒥᑦ.

ᔪᐊᓇᓯᐅᑉ ᐊᒡᓚᖏᑦ 4:3

ᑕᕝᕙ ᔩᓱᓯ ᔫᑎᐊᒥᑦ ᐊᐅᓪᓚᕐᐳᖅ ᒐᓕᓕᐊᒧᓪᓗ ᐅᑎᓕᕐᓗᓂ.

ᔪᐊᓇᓯᐅᑉ ᐊᒡᓚᖏᑦ 4:9

ᐊᕐᓇᐅᑉ ᑭᐅᕚ, “ᔫᑎᐅᒐᕕᑦ, ᓴᒥᐊᕆᐊᕐᒥᐅᑕᐅᒐᒪ ᓱᖕᒪᑦ ᐅᕙᓐᓄᑦ ᐃᒥᕐᑎᑕᐅᔪᒪᕖᑦ?” ᔫᑎᑦ ᓴᒥᐊᕆᐊᕐᒥᐅᓂᒃ ᐃᓅᖃᑎᖃᕈᒪᖏᒻᒪᑕ.

ᐋᐴᓯᑕᓖᑦ ᐱᓂᐊᕐᓂᖏᑦ 8:39

ᐃᒫᓂᑦ ᖃᑭᖕᒪᑎᒃ ᐊᑕᓂᐅᑉ ᐊᓂᕐᓂᖓᑕ ᐱᓕᑉᐴᓯ ᐊᐅᓪᓚᕈᑎᕚ; ᐃᑎᐅᐱᐊᒥᐅᑕᐅᓪᓗ ᑕᑯᒃᑲᓐᓂᕈᓐᓂᕐᐹ, ᐃᖏᕐᕋᓕᕐᐳᕐᓗ ᖁᕕᐊᓱᒃᑐᐊᓘᓪᓗᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 10:10

ᐊᒡᓔᓪᓗ ᐃᒧᓲᑦ ᒥᑭᑦᑐᑦ ᑖᑦᓱᒪᓐᖓᑦ ᑎᒍᒐᒃᑭᑦ ᓂᕆᕙᒃᑲ; ᖃᓂᓐᓂ ᒪᒪᕐᐳᑦ ᕼᐊᓂᑎᑐᑦ ᓰᕐᓇᕐᑎᒋᓪᓗᑎᒃ, ᐄᓯᒪᓕᕋᒃᑭᓪᓕ ᐊᕿᐊᕈᓐᓃᓕᕐᓗᑎᒃ ᒪᒪᕈᓐᓃᕐᐳᑦ.