ᐃᓯᑭᐊᓕᐅᑉ ᐊᒡᓚᖏᑦ 29:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑕᕝᕙ ᐄᑦᔨᑉᑎᒥᐅᓕᒫᑦ ᑐᑭᓯᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ. ᐊᔭᐅᑉᐱᐊᕆᔭᐅᓚᐅᕋᕕᑦ ᓱᓪᓗᓕᒃ ᐃᓴᕆᐊᓕᐅᑉ ᑭᖑᕚᖏᓐᓄᑦ;

ᐃᓯᑭᐊᓕᐅᑉ ᐊᒡᓚᖏᑦ 29:6 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 18:21

ᐄᑦᔨᑉᑎᒥᐅᓂᒃ ᐃᑲᔪᕐᑎᖃᕐᓂᐊᕋᓱᒋᒐᓗᐊᕐᑐᑎᑦ ᓱᓪᓗᓕᖕᒥᒃ ᐊᔭᐅᑉᐱᐊᖃᕋᓱᐊᕐᑐᑎᑐᑦ ᑍᒤᓐᓂᐊᕐᐳᑎᑦ ᓇᑲᑉᐸᑦ ᐊᒡᒐᑎᑦ ᑲᐱᓂᐊᕐᐳᑦ. ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑦ ᑍᒫᒃ ᐱᐅᓯᖃᕐᒪᑦ ᑕᑎᒋᔭᐅᓇᓱᐊᓕᕌᖓᒥ.”

ᐊᑕᓃᑦ ᐂᑉᐸᖏᑦ 18:24

ᐊᖓᔪᖅᑳᕐᔪᐊᖑᒐᓗᐊᕐᓗᑎᑦ ᐊᖓᔪᖅᑳᑦᑕ ᐱᔨᖏᑕ ᐱᔪᓐᓇᖏᓐᓂᕐᐹᖓᓂᒡᓘᓐᓃᑦ ᓇᓪᓕᐅᒻᒪᑎᖏᓐᓇᕕᑦ, ᓱᓕ ᓂᕆᐅᒐᓱᐊᕐᐳᑎᑦ ᐄᑦᔨᑉᑎᒥᐅᓄᑦ ᕿᒧᒃᓯᐅᑎᓂᒃ ᐊᒃᓴᓗᐊᓕᖕᓂᒃ ᕿᒻᒥᕐᔪᐊᓂᒡᓗ ᐱᑎᑕᐅᓂᐊᕋᓱᒋᓪᓗᑎᑦ.

ᒨᓯᓯ ᐂᑉᐸᖏᑦ 14:18

ᐄᑦᔨᑉᑎᒥᐅᓪᓗ ᓵᓚᒋᒍᒃᑭᑦ ᖃᐅᔨᓂᐊᕐᐳᑦ ᐊᑕᓂᐅᓂᓐᓂᒃ.”

ᒨᓯᓯ ᐂᑉᐸᖏᑦ 9:14

ᑕᒪᑐᒪᓂᓕ ᓱᓕ ᐱᖁᔨᓂᐊᖏᒃᑯᕕᑦ ᑕᕝᕙ ᐱᔨᑎᑦ ᐃᓄᖁᑎᑎᓪᓗ ᓱᒋᐊᕐᑕᑐᐊᕆᓂᐊᕈᓐᓃᕐᐸᒃᑲ ᐃᕝᕕᓪᓕ ᓱᒋᐊᖃᓯᐅᑎᓂᐊᓕᕐᐸᒋᑦ, ᖃᐅᔨᓕᖁᓪᓗᑎᑦ ᐅᕙᑦᑐᑦ ᑍᒤᑦᑐᒥᒃ ᐱᑕᖃᖏᓐᓂᖓᓂᒃ ᓄᓇᕐᔪᐊᓕᒫᒥ.

ᐂᓮᐊᓯᐅᑉ ᐊᒡᓚᖏᑦ 36:6

ᑕᑯᒋᑦ, ᐄᑦᔨᑉᑎᒥᐅᓄᑦ ᐃᑲᔪᕐᑕᐅᓂᐊᕋᓱᒋᒐᓗᐊᕐᑐᑎᑦ, ᑍᓐᓇᓕ ᕿᔪᒃ ᓱᓪᓗᓕᒃ ᐊᔭᐅᑉᐱᐊᖅ ᓇᕕᒃᓯᒪᕗᖅ, ᐊᒡᒐᖕᒥᒃ ᐳᑐᓯᒐᔭᕐᑐᖅ ᐄᒐᕐᕕᐅᒍᓂ. ᐰᕉ ᐄᑦᔨᑉᑎᒥᐅᑉ ᐊᖓᔪᖅᑳᕐᔪᐊᖓᑦ ᑍᒤᑦᑑᖕᒪᑦ ᐃᑲᔪᕐᑎᒋᔭᐅᔪᒪᓕᕌᖓᒥ.

ᔨᕆᒤᐊᐅᑉ ᐊᒡᓚᖏᑦ 2:36

ᓱᖕᒪᑦ ᐱᐅᓯᑦᓯᓐᓂᒃ ᐊᓯᑦᔩᓴᕅᑉᐱᓰ? ᐄᑦᔨᑉᑎᒥᐅᓄᑦ ᑲᓐᖑᓱᒃᑎᑕᐅᔪᒫᕐᐳᓯ ᓲᕐᓗᑦᑕᐅᖅ ᐊᓯᕆᐊᒥᐅᓄᑦ ᑍᒤᑎᑕᐅᓚᐅᕋᑦᓯ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:17

ᐃᑲᔪᕐᑎᒃᓴᕐᓯᐅᓚᐅᕐᐳᒍᑦ ᓴᐱᓕᑐᐃᓐᓇᕐᓗᑕ ᓱᓇᖃᖏᑦᑐᒧᑦ ᓱᓇᐅᕝᕙ, ᐃᓅᖃᑎᒌᒡᔪᐊᓂᓪᓗ ᐃᑲᔪᕐᓯᕐᑕᐅᓂᐊᕋᓱᒋᓪᓗᑕ ᐅᑕᖅᑭᓚᐅᕐᐳᒍᑦ ᑖᒃᑯᐊᓕ ᐱᐅᓕᓯᔪᓐᓇᓚᐅᓐᖏᓚᑦ.

ᐃᓯᑭᐊᓕᐅᑉ ᐊᒡᓚᖏᑦ 17:17

ᐄᑦᔨᑉᑎᒥᐅᑦ ᐅᓇᑕᕐᑎᖁᑎᕐᔪᐊᖏᑦ ᐊᔪᖏᑦᑐᕐᔪᐊᖑᒐᓗᐊᑦ ᐃᑲᔪᕈᓐᓇᕐᓂᐊᓐᖏᓚᑦ ᐅᓇᑕᕐᓂᒃᑯᑦ, ᐹᐱᓘᓂᒥᐅᑦ ᓄᓇᒥᒃ ᐃᑎᕐᓴᓕᐅᕆᓯᒪᖕᒪᑕ ᐊᕙᓗᕐᔪᐊᑉ ᓯᓚᑖᓂ ᐳᕐᑐᓯᑎᑦᓯᓯᒪᓪᓗᑎᒡᓗ ᐃᓄᖕᓂᒃ ᐅᓄᕐᑐᓂᒃ ᑐᖁᑦᓯᔪᒪᓪᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 28:26

ᓄᓇᖃᓕᕈᒫᕐᐳᑦ ᐃᓱᒫᓗᒋᔭᖃᖏᓪᓗᑎᒃ, ᐃᒡᓗᓕᐅᕈᒫᕐᐳᑦ ᐱᕈᕐᓰᕕᓕᐅᕐᓗᑎᒡᓗ ᕔᓂᖃᕐᕕᒃᓴᓂᒃ. ᓄᓇᖃᓕᕈᒫᕐᐳᑦ ᐃᓱᒫᓗᓇᖏᑦᑐᒥ, ᓄᓇᖃᑎᒌᑦ ᐋᓐᓂᕐᓯᔪᒪᔪᑦ ᑖᒃᑯᓂᖓ ᓱᒋᐊᖃᑦᑕᕈᒫᕐᐸᒃᑲ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ ᑖᒃᑯᐊ ᒎᑎᖓᑦ.”

ᐃᓯᑭᐊᓕᐅᑉ ᐊᒡᓚᖏᑦ 29:16

ᐄᑦᔨᑉᑎᒥᐅᓪᓗ ᑕᑎᒋᔭᐅᓇᓱᐊᒃᑲᓐᓂᕈᒫᓐᖏᓚᑦ ᐃᓴᕆᐊᓕᐅᑉ ᑭᖑᕚᖏᓐᓄᑦ, ᐄᑦᔨᑉᑎᒥᐅᓂᒃ ᑕᑎᒃᓴᕋᓱᐊᕐᐸᒡᓗᑎᒃ ᑕᒻᒪᓚᐅᕐᓯᒪᓂᕕᓂᕐᒥᖕᓂᒃ ᑐᑭᓯᔪᒫᕐᒪᑕ. ᑕᕝᕙ ᑐᑭᓯᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ ᒎᑎ.”

ᐃᓯᑭᐊᓕᐅᑉ ᐊᒡᓚᖏᑦ 30:8

ᐄᑦᔨᑉᑎᒥᐅᑦ ᐃᑯᐊᓪᓚᒃᑎᒃᑯᒃᑭᑦ, ᓄᓇᓖᓪᓗ ᑕᐱᕆᔭᖏᑦ ᑐᖁᑕᐅᒃᐸᑕ. ᑕᕝᕙ ᑐᑭᓯᔪᒫᕐᐳᑦ ᐅᕙᖓᐅᒐᒪ ᐊᑕᓂᖅ.