ᐃᓯᑭᐊᓕᐅᑉ ᐊᒡᓚᖏᑦ 29:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐃᓄᖕᓄᑦ ᐆᒪᔪᓄᓪᓘᓐᓃᑦ ᐅᐸᒃᑕᐅᔪᓐᓁᓪᓕᔪᒫᕐᐳᖅ; ᐊᕐᕌᒍᓂᒃ 40ᓂᒃ ᐃᓄᖃᕈᒫᖏᒻᒪᑦ.

ᐃᓯᑭᐊᓕᐅᑉ ᐊᒡᓚᖏᑦ 29:11 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 36:21

ᑕᕝᕙ ᐊᑕᓂᐅᑉ ᐅᖃᐅᓯᖏᑦ ᓇᓚᐅᑦᓯᓚᐅᕐᐳᑦ ᔨᕆᒤᐊᒃᑯᑦ ᐅᖃᐅᓯᕆᓚᐅᕐᑕᖏᑦ, “ᓄᓇ ᖁᕕᐊᓲᑎᖃᕈᒫᕐᐳᖅ ᓴᐸᑎᒥᒃ. ᓵᓚᐅᓯᒪᓂᓕᒫᒥᖕᓂ ᐅᓪᓗᓂᒃ ᓴᐸᑎᒥᒃ ᐊᑐᕈᒫᕐᐳᑦ, ᐊᕐᕌᒍᐃᑦ 70 ᓈᓗᒋᑦ.”

ᐂᓮᐊᓯᐅᑉ ᐊᒡᓚᖏᑦ 23:15

ᓇᓪᓕᐅᑎᔪᒫᕐᐳᖅ ᑍᕆᒥᐅᑦ ᐳᐃᒍᕐᑕᐅᕕᒃᓴᖓᑦ ᐊᕐᕌᒍᓂᒃ 70ᓂᒃ, ᐊᖓᔪᖅᑳᕐᔪᐊᑉ ᐃᓅᓯᕆᕙᒃᑕᖓᑎᑐᑦ ᓯᕕᑐᑎᒋᔪᒥᒃ, ᑖᒃᑯᐊᓕ ᐊᕐᕌᒍᐃᑦ ᐊᓂᒍᕐᐸᑕ ᑍᕆᒥᐅᑦ ᐊᖑᓐᓂᐊᕐᑎᒧᑦ ᐱᓯᓕᐊᕆᔭᐅᓯᒪᔪᑎᑐᑦ ᐃᓐᖏᐅᓯᕆᔭᐅᓕᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 23:17

ᐊᕐᕌᒍᐃᑦ 70 ᓈᒃᐸᑕ, ᐊᑕᓂᐅᑉ ᑍᕆᒥᐅᑦ ᐱᓇᓱᐊᕐᓂᕆᕙᓚᐅᕐᑕᖏᓐᓄᑦ ᐅᑎᕐᑎᑦᓱᒫᕆᕔᑦ, ᐊᖓᔪᖅᑳᕐᔪᐊᖃᕐᕕᖕᓄᓪᓗ ᓇᓂᑐᐃᓐᓇᖅ ᓂᐅᕕᕋᕐᑎᑦᓯᔨᒋᓕᕈᒫᕆᕚᑦ.

ᐂᓮᐊᓯᐅᑉ ᐊᒡᓚᖏᑦ 34:10

ᖃᒥᔪᐃᑦᑑᓕᕈᒫᕐᐳᖅ ᐅᓪᓗᒃᑯᑦ ᐅᓐᓄᐊᒃᑯᓪᓗ, ᐳᔫᖏᓐᓇᓕᕐᓗᓂ ᐃᓱᖃᖏᑦᑐᒧᑦ, ᑭᖑᕚᕇᑦ ᐅᓄᕐᑐᑦ ᑎᑭᓪᓗᒋᑦ ᓄᓇᒋᔭᒃᓴᐅᔪᓐᓃᕈᒫᕐᐳᖅ, ᐃᖏᕐᕋᔪᓄᓪᓗ ᐊᖅᑯᑕᐅᕙᒍᓐᓃᕐᓗᓂ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᔨᕆᒤᐊᐅᑉ ᐊᒡᓚᖏᑦ 29:10

ᐃᒫᒡᓕ ᐊᑕᓂᖅ ᐅᖃᕐᐳᖅ, ‘ᐊᕐᕌᒍᐃᑦ 70 ᐹᐱᓘᓂᒦᓐᓂᓯ ᓈᒻᒪᒃᓯᒃᐸᑕ ᑕᕝᕙ ᐅᐸᒍᒫᕐᐸᑦᓯ ᐊᖏᕐᓂᕆᓚᐅᕐᑕᕋᓗ ᐃᓕᑦᓯᓐᓄᑦ ᐊᑑᑎᑎᑦᓱᒫᕐᐸᕋ ᐅᑎᕐᑎᓪᓗᓯᓗ ᑕᒪᐅᖓ.

ᔨᕆᒤᐊᐅᑉ ᐊᒡᓚᖏᑦ 46:19

ᐄᑦᔨᑉᑎᒥᐅᑕᐅᔪᓯ ᓇᒃᓴᕐᓂᐊᕐᑕᑦᓯᓐᓂᒃ ᐴᖅᑬᓕᕆᑦᓯ ᐊᐅᓪᓚᕈᑦᔭᐅᔪᒫᕋᑦᓯ, ᒥᒻᐱᓯᒥ ᓄᓇᖃᕐᑐᑦ ᓱᓁᕈᑎᔪᒫᕐᐳᑦ ᓄᓇᖃᕐᕕᕕᓂᑐᐃᓐᓇᐅᓕᕐᓗᑎᒃ ᐃᓄᖃᕈᓐᓃᕈᒫᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 9:10

ᖃᖅᑬᑦ ᕿᐅᑦᔪᑎᒋᓂᐊᕐᐸᒃᑲ ᓂᐹᓗᖓ, ᐅᒡᒍᐊᕈᑎᖃᕐᓗᖓᓗ ᓇᑎᕐᓁᑦ ᓄᓇᑦᓯᐊᕙᐅᓂᕆᕙᓚᐅᕐᑕᖏᓐᓂᒃ, ᓱᓇᑕᖃᕈᓐᓃᕐᒪᑕ ᐃᖏᕐᕋᕕᐅᔪᓐᓇᕈᓐᓃᕐᓗᑎᒡᓗ ᐆᒪᔪᐃᓪᓗ ᓂᕆᓇᓱᐊᕐᐸᓚᐅᕐᑐᑦ ᑐᓴᕐᑕᐅᑦᔮᔪᓐᓃᕐᒪᑕ, ᑎᖕᒥᐊᓕᒫᓪᓗ ᕿᒫᓗᑎᒃ ᐊᐅᓪᓚᕐᓯᒪᓕᕐᒪᑕ ᐆᒪᔪᖃᕈᓐᓃᕐᓗᓂᓘᓐᓃᑦ.

ᐃᓯᑭᐊᓕᐅᑉ ᐊᒡᓚᖏᑦ 31:12

ᓄᓇᖃᑎᒋᔭᐅᖏᑦᑐᓄᑦ ᐃᓅᖃᑎᒌᒡᔪᐊᓄᑦ ᓂᑲᒋᔭᖃᖏᑦᑐᓄᑦ ᓇᑲᑕᐅᓗᓂ ᕿᒪᒃᑕᐅᔪᒫᕐᐳᖅ. ᐅᕐᕈᒍᓂ ᐊᕙᓚᖓᔪᖏᑦ ᐅᓕᒃᓯᔪᒫᕐᐳᑦ ᖃᖅᑲᓂᒃ ᓇᕐᓴᓂᒡᓗ, ᐊᕙᓚᖓᔪᖏᑕᓗ ᓇᑲᑎᕐᓂᑯᖏᑦ ᓄᓇᐅᑉ ᐃᒥᖏᓐᓄᐊᖅᑲᕈᒫᕐᐳᑦ; ᐃᓅᖃᑎᒌᒡᔪᐊᓪᓗ ᓄᓇᕐᔪᐊᕐᒥᐅᑦ ᑖᑦᓱᒪ ᑕᕐᕋᓕᓂᖓᓃᑦᑐᑦ ᕿᒤᔪᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 32:13

ᐆᒪᔪᖁᑎᓕᒫᓯ ᐃᒥᕐᕕᒋᕙᒃᑕᖏᑕ ᖃᓂᒋᔮᓂ ᑐᖁᕋᕈᒫᕐᐸᒃᑲ; ᐃᓄᖕᓄᑦ ᐆᒪᔪᓄᓪᓗ ᑐᓪᓕᕋᕐᑕᐅᓗᓂ ᐃᒪᖅ ᐃᓱᕐᓯᑎᑕᐅᕙᒍᓐᓃᕈᒫᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 33:28

ᓄᓇᖓ ᓱᓁᕈᑎᑎᑦᓱᒫᕐᐸᕋ ᓄᓇᖃᕐᕕᕕᓂᑐᐃᓐᓇᐅᓕᕐᓗᓂᓗ; ᐱᔪᓐᓇᕋᓱᒋᓂᕐᒧᑦ ᐱᐅᔪᕆᓂᖓᑦ ᐃᓱᓕᑎᑦᓱᒫᕐᐸᕋ; ᐃᓴᕆᐊᓕᐅᓪᓗ ᖃᖅᑲᖏᑦ ᓱᓇᖃᓐᖏᓗᐊᓕᕐᓂᖏᓐᓄᑦ ᐊᖅᑯᓵᕐᑕᐅᔪᓐᓁᓪᓕᔪᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 36:28

ᓄᓇᖃᓕᕈᒫᕐᐳᓯ ᓯᕗᓕᑦᓯᓐᓄᑦ ᓄᓇᑖᕆᔭᐅᑎᓚᐅᕐᓯᒪᔭᓐᓂᒃ; ᐃᓄᖁᑎᒋᓂᐊᕐᐸᑦᓯ, ᒎᑎᒋᓂᐊᕐᐸᑦᓯᓐᖓᓗ.

ᑖᓂᐊᓕᐅᑉ ᐊᒡᓚᖏᑦ 9:2

ᐊᕐᕌᒍᑦ ᓯᕗᓪᓕᕐᐹᖓᓂ ᐊᖓᔪᖅᑳᕐᔪᐊᖑᑎᓪᓗᒍ, ᐅᕙᖓ, ᑖᓂᐊᓕ, ᑐᑭᓯᓚᐅᕐᐳᖓ ᒎᑎᐅᑉ ᐅᖃᐅᓯᖏᑦ ᒪᓕᒡᓗᒋᑦ, ᐊᑕᓂᖅ ᐅᖃᕐᓯᒪᖕᒪᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᒍᑦ ᔨᕆᒤᐊᒃᑯᑦ, ᔨᕉᓴᓕᐅᑉ ᓯᖁᒥᑕᐅᓯᒪᓂᖓ ᓯᕕᑐᑎᒋᔪᒫᕐᒪᑦ ᐊᕐᕌᒍᓂᒃ 70ᓂᒃ.