ᐃᓯᑭᐊᓕᐅᑉ ᐊᒡᓚᖏᑦ 28:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᓄᓇᖃᓕᕈᒫᕐᐳᑦ ᐃᓱᒫᓗᒋᔭᖃᖏᓪᓗᑎᒃ, ᐃᒡᓗᓕᐅᕈᒫᕐᐳᑦ ᐱᕈᕐᓰᕕᓕᐅᕐᓗᑎᒡᓗ ᕔᓂᖃᕐᕕᒃᓴᓂᒃ. ᓄᓇᖃᓕᕈᒫᕐᐳᑦ ᐃᓱᒫᓗᓇᖏᑦᑐᒥ, ᓄᓇᖃᑎᒌᑦ ᐋᓐᓂᕐᓯᔪᒪᔪᑦ ᑖᒃᑯᓂᖓ ᓱᒋᐊᖃᑦᑕᕈᒫᕐᐸᒃᑲ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ ᑖᒃᑯᐊ ᒎᑎᖓᑦ.”

ᐃᓯᑭᐊᓕᐅᑉ ᐊᒡᓚᖏᑦ 28:26 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 4:25

ᐃᓄᐃᑦ ᓄᓇᖃᕐᑐᑦ ᔫᑕᒥ ᐃᓴᕆᐊᓕᒥᓗ ᓄᓇᖃᓚᐅᕐᐳᑦ ᐊᑦᑕᕐᓇᖏᑦᓯᐊᕐᑐᒥ, ᑖᓐᒥᑦ ᐱᐊᕐᓯᐸᒧᑦ ᑎᑭᓪᓗᒋᑦ, ᐃᓄᓕᒫᑦ ᓇᖕᒥᓂᖅ ᐸᐅᕐᖓᓂᒃ ᕔᓂᒃᓴᓂᒃ ᐱᕈᕐᓯᐊᖃᕐᓗᑎᒃ ᓇᐹᕐᑐᖁᑎᖃᕐᓗᑎᒡᓗ ᐸᐅᕐᖓᓕᖕᓂᒃ, ᓲᓗᒨᓂᐅᑉ ᐃᓅᓂᓕᒫᖓᓂ.

ᐃᓐᖏᕈᑎᑦ 149:9

ᑎᑎᕋᕐᓯᒪᔪᓂᒃ ᐃᖅᑲᕐᑐᕐᑕᐅᑦᔪᑎᓂᒃ ᑐᓂᓯᖁᓪᓗᒋᑦ ᑖᒃᑯᓄᖓ; ᐃᑦᔪᕐᓁᑦᑐᖁᑎᓕᒫᖏᑦ ᑍᒤᑦᑐᒥᒃ ᓂᕐᑐᕐᓇᕐᓂᖃᕐᐳᑦ. ᐊᑕᓂᖅ ᓂᕐᑐᕐᑕᐅᓕ!

ᒨᓯᓯ ᐂᑉᐸᖏᑦ 29:46

ᖃᐅᔨᓂᐊᕐᐳᓪᓗ ᐅᕙᖓ ᐊᑕᓂᐅᒐᒪ ᒎᑎᒋᔭᖓᑦ, ᑖᓐᓇ ᑖᒃᑯᓂᖓ ᐊᓂᑎᑦᓯᓚᐅᕐᑐᖅ ᐄᑦᔨᑉᑎᒥᐅᓂᑦ ᑖᒃᑯᓇᓂ ᐃᓂᖃᕈᓐᓇᖁᓪᓗᖓ; ᐅᕙᖓ ᐊᑕᓂᐅᒐᒪ ᒎᑎᒋᔭᖓᑦ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:26

ᐊᑕᓂᕐᒥᒃ ᓯᕘᕋᔪᑦ ᓴᐱᖏᓐᓂᕐᒥᒃ ᑎᒍᒥᐊᕐᐳᑦ, ᕿᑐᕐᖓᖏᓪᓗ ᕿᒫᕕᒃᓴᖃᕐᓂᐊᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 17:14

ᐅᓐᓄᒃᑯᑦ ᑕᑯᒋᑦ, ᑲᑉᐱᐊᓇᕐᑐᖃᓕᕐᐳᖅ! ᐅᓪᓛᓐᖑᓛᐅᕐᑎᓐᓇᒍ ᓱᓇᑕᖃᕈᓐᓃᕐᐳᖅ! ᑍᒫᒃ ᑕᕝᕙ ᑭᒃᑯᑐᐃᓐᓁᑦ ᓄᓇᑦᑎᓐᓂᒃ ᓄᓁᕈᑦᔨᓇᓱᒃᑐᑦ ᐱᔪᒫᕐᐳᑦ, ᐅᕙᑦᑎᓐᓂᒡᓗ ᓱᓁᕈᑦᔨᓇᓱᐊᕐᑐᑦ ᓇᓚᐅᑦᑖᕈᑎᒃᑯᑦ ᐱᕖᕈᑦᔭᐅᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 33:1

ᑲᑉᐱᐊᓐᓇᒦᒃ ᐊᓯᕈᐃᔨᐅᔪᑎᑦ, ᐃᕝᕕᑦ ᓇᖕᒥᓂᖅ ᐊᓯᕈᕐᑕᐅᓯᒪᖏᒃᑲᓗᐊᕐᑐᑎᑦ; ᐃᕝᕕᑦ ᐃᕐᓯᓇᕈᒪᔪᑎᑦ, ᑭᓇᒧᓪᓘᓐᓃᑦ ᑲᑉᐱᐊᓱᒃᑎᑕᐅᓚᐅᕐᓯᒪᓇᑎᑦ! ᐊᓯᕈᐃᖃᑦᑕᕈᓐᓃᕈᕕᑦ ᐊᓯᕈᕐᑕᐅᔪᒫᕐᐳᑎᑦ; ᐃᕐᓯᓵᕆᖃᑦᑕᕈᓐᓃᕋᓗᐊᕈᕕᑦ; ᐃᕐᓯᓵᕐᑕᐅᓕᕈᒫᕐᐳᑎᑦ.

ᔨᕆᒤᐊᐅᑉ ᐊᒡᓚᖏᑦ 12:14

ᐃᒫᒃ ᐊᑕᓂᖅ ᐅᖃᕐᐳᖅ, “ᐃᓄᖁᑎᒪ ᐃᓴᕆᐊᓕᒥᐅᑦ ᐊᓯᖏᑦ ᐊᑲᐅᖏᑦᑐᓕᔪᑦ ᑎᒍᓯᓚᐅᕐᑐᑦ ᑖᒃᑯᓂᖓ ᓄᓱᒍᒫᕐᐸᒃᑲ ᓄᓇᖏᓐᓂᑦ, ᔫᑕᒥᐅᓪᓗ ᐱᔭᐅᕕᒋᓯᒪᔭᖏᓐᓂᑦ ᓄᓱᒍᒫᕆᕙᒃᑲ.

ᔨᕆᒤᐊᐅᑉ ᐊᒡᓚᖏᑦ 29:28

ᐹᐱᓘᓂᒧᑦ ᐅᖃᐅᓯᒃᓴᖃᓚᐅᕐᒪᑦ ᐃᒤᑦᑐᒥᒃ, ᐊᑯᓂ ᑕᐅᕙᓃᓐᓂᐊᕋᑦᓯ ᐃᒡᓗᓕᐅᓕᕆᑦᓯ ᓄᓇᖃᑯᑖᖕᓂᐊᕐᑐᑎᑐᑦ, ᐱᕈᕐᓰᕕᓕᐅᕆᑦᓯ ᓂᕿᒃᓴᖃᕐᕕᒋᓂᐊᕐᑕᑦᓯᓐᓂᒃ.”

ᔨᕆᒤᐊᐅᑉ ᐊᒡᓚᖏᑦ 30:16

ᐃᓕᑦᓯᓐᓂᒃ ᓄᖑᑎᑦᓯᔪᓕᒫᑦ ᓄᖑᑕᔪᒫᕐᐳᑦ; ᐊᑭᕋᕐᑐᕐᑎᓕᒫᓯ ᐊᐅᓪᓚᕈᑦᔭᐅᔪᒫᕐᐳᑦ, ᐃᓕᑦᓯᓐᓂᒃ ᐱᖁᑍᕈᑦᔨᔪᑦ ᐱᖁᑍᕈᑦᔭᐅᔪᒫᕐᐳᑦ, ᐃᓕᑦᓯᓐᓂᒡᓗ ᓱᓇᐅᔪᓐᓃᕐᑎᑦᓯᔪᑦ ᓱᓇᐅᔪᓐᓃᕐᑎᑦᓱᒫᕐᐸᒃᑲ.

ᔨᕆᒤᐊᐅᑉ ᐊᒡᓚᖏᑦ 32:15

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᒪᑦ: ᐃᒡᓗᐃᓪᓗ ᐱᕈᕐᓰᕖᓪᓗ ᓄᓇᒥ ᑕᒫᓂ ᓂᐅᕐᕈᑎᒋᔭᐅᖃᑦᑕᕈᒫᕆᕗᑦ.’”

ᔨᕆᒤᐊᐅᑉ ᐊᒡᓚᖏᑦ 32:37

ᑕᑯᒋᑦ, ᑲᑎᕐᓱᕈᒫᕆᕙᒃᑲ ᓄᓇᓕᖕᓂᑦ ᓂᓐᖓᕕᒡᔪᐊᕐᓂᓐᓄᑦ ᐊᐅᓪᓚᕐᑎᑕᐅᕕᒋᓚᐅᕐᑕᖏᓐᓂᑦ, ᑕᒪᐅᖓᓗ ᐅᑎᕐᑎᑦᓱᒫᕐᐸᒃᑲ, ᐃᓅᓯᖃᓕᕐᑎᓪᓗᒋᑦ ᐃᓂᓪᓚᖓᑦᓯᐊᕐᓇᕐᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 32:43

ᐱᕈᕐᓰᕖᓪᓗ ᑕᒫᓂ ᓂᐅᕕᐊᖑᔪᓐᓇᕐᓯᔪᒫᕆᕗᑦ ᐅᖃᕐᐸᓚᐅᕋᓗᐊᕐᑎᓪᓗᓯ ᓱᓇᑕᖃᖏᓐᓂᕐᒧᑦ ᐃᓄᖃᕐᑐᒃᓴᐅᔪᓐᓃᕐᓂᕋᕐᓗᒋᑦ ᐆᒪᔪᖃᕐᑐᒃᓴᐅᔪᓐᓃᕐᓂᕋᕐᓗᒋᓪᓗ ᑲᐅᓪᑎᐊᒥᐅᓄᑦ ᑐᓂᔭᐅᓯᒪᓕᕐᒪᑦ.

ᔨᕆᒤᐊᐅᑉ ᐊᒡᓚᖏᑦ 33:16

ᑍᒃᑯᓇᓂ ᐅᓪᓗᓂ ᔫᑕᒥᐅᑦ ᐱᐅᓕᔭᐅᔪᒫᕐᐳᑦ, ᔨᕉᓴᓕᒥᐅᓪᓗ ᐃᓕᒪᓱᖏᓪᓗᑎᒃ ᐃᓅᔪᒫᕐᐳᑦ ᑍᔭᐅᔪᒫᕐᐳᓪᓗ ‘ᐊᑕᓂᖅ ᐃᓱᐊᕐᓯᑦᔪᑎᒋᕙᕗᑦ.’

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:8

ᔨᕉᓴᓕᒥᐅᑦ ᐊᔪᕐᑐᓕᓚᐅᕐᒪᑕ ᕿᒃᓵᖕᓇᕐᑐᒥᒃ ᒥᑕᐅᑎᒃᓴᑐᐃᓐᓇᐅᓕᕐᐳᑦ, ᐅᐱᒍᓲᑎᖃᓚᐅᕐᑐᓕᒫᑦ ᒫᓐᓇ ᓇᕐᕈᓕᕐᐳᑦ, ᓱᓇᖃᖏᓐᓂᖓ ᑕᑯᓕᕋᒥᑦᔪᒃ, ᓇᖕᒥᓂᕐᓗ ᐋᓐᓂᐊᑎᑉᐳᑦ ᑲᓐᖑᓱᒃᓗᑎᒡᓗ.

ᐃᓯᑭᐊᓕᐅᑉ ᐊᒡᓚᖏᑦ 28:22

ᐅᖃᕐᓗᑎᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᓮᑐᓃ ᐊᑭᕋᕐᑐᓕᕐᐸᒋᑦ, ᐊᑯᓐᓇᑦᓯᓐᓂ ᓂᕐᑐᕐᓇᕐᓂᕋ ᓴᖅᑭᑎᓐᓂᐊᕐᐸᕋ. ᖃᐅᔨᔪᒫᕐᐳᓪᓗ ᐅᕙᖓᐅᒐᒪ ᐊᑕᓂᖅ, ᐃᓕᑦᓯᓐᓂᒃ ᓱᒋᐊᕐᓯᓕᕈᒪ, ᐃᑦᔪᕐᓁᓐᓂᕋᓗ ᓴᖅᑭᑎᒃᑯᒃᑯ ᑖᒃᑯᓄᖓ.

ᐃᓯᑭᐊᓕᐅᑉ ᐊᒡᓚᖏᑦ 28:24

“ᐃᓴᕆᐊᓕᐅᑉ ᑭᖑᕚᖏᑦ ᐋᓐᓂᕐᓯᑕᐅᕙᒍᓐᓃᕈᒫᕐᐳᑦ ᑲᑭᓪᓚᕐᓇᕐᑐᓄᑦ ᐊᕙᑖᓂ ᓄᓇᖃᕐᑐᓄᑦ ᐸᒡᕕᓴᕐᑕᐅᕙᖑᓐᓃᕐᓗᑎᒃ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ ᒎᑎ.

ᐃᓯᑭᐊᓕᐅᑉ ᐊᒡᓚᖏᑦ 34:14

ᓂᕿᒃᓴᖃᑦᓯᐊᕐᑐᒥ ᓂᕆᑎᑦᓱᒫᕐᐸᒃᑲ, ᐃᓴᕆᐊᓕᐅᓪᓗ ᓄᓇᑦᓯᐊᕆᖕᓂᖏᓐᓂ ᖃᖅᑲᓂ ᓂᕿᒃᓴᖃᑦᓯᐊᕐᑐᒦᑦᓱᒫᕐᐳᑦ; ᐃᕕᒃᓱᒐᖃᑦᓯᐊᕐᑐᒥᓗ ᓄᓇᑦᓯᐊᕆᒃᑐᒥ ᐃᓂᓪᓚᖓᔪᒫᕐᐳᑦ, ᓂᕿᒃᓴᖃᑦᓯᐊᕐᑐᒥᓗ ᐃᓴᕆᐊᓕᐅᑉ ᖃᖅᑲᖏᓐᓂ ᓂᕆᔪᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 34:31

ᓰᐱᖁᑎᒋᕙᑦᓯᓗ, ᓂᕆᑎᖃᑦᑕᕐᐸᑦᓯ, ᒎᑎᒋᕙᑦᓯᓐᖓᓗ, ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 36:9

ᑕᑯᒋᑦ, ᑕᑉᐱᕐᓗᓯ, ᓵᕝᕕᒋᓂᐊᕐᐸᑦᓯ, ᐃᑎᕐᓴᓕᐅᕐᑕᐅᓗᓯ ᑲᓐᖓᕐᓱᐃᕕᐅᔪᒫᕐᐳᓯ;

ᐃᓯᑭᐊᓕᐅᑉ ᐊᒡᓚᖏᑦ 38:11

ᐅᖃᕐᓗᑎᓪᓗ, ‘ᓄᓇᓕᖕᓄᑦ ᐊᕙᓗᕐᔪᐊᖃᖏᑦᑐᓄᐊᕈᒪᕗᖓ; ᐃᓄᖕᓄᑦ ᐃᓂᓪᓚᖓᑦᓯᐊᕐᑐᓄᑦ, ᓄᓇᓕᖕᓄᑦ ᐊᕙᓗᕐᔪᐊᖃᖏᑦᑐᓄᑦ, ᓴᕕᕋᔭᖕᓄᓪᓗ ᐅᑯᐊᕐᔪᐊᓄᑦ ᐱᔭᐅᑦᔧᕐᓯᒪᖏᑦᑐᓄᑦ ᐃᑎᕐᑕᕐᕕᖃᖏᑦᑐᓄᑦ’;

ᐃᓯᑭᐊᓕᐅᑉ ᐊᒡᓚᖏᑦ 38:8

ᐅᓪᓗᐃᑦ ᐅᓄᕐᑐᑦ ᓈᒃᐸᑕ ᐅᓇᑕᕆᐊᖁᔪᒫᕋᒃᑭᑦ; ᐊᕐᕌᒎᓛᕐᑐᓂ ᐅᓇᑕᕆᐊᖁᔪᒫᕋᒃᑭᑦ ᐅᓇᑕᕋᓱᒍᓐᓃᕐᑐᓂᒃ, ᐃᓴᕆᐊᓕᒥᐅᑦ ᖃᖅᑲᖏᓐᓂᕐᒥᐅᓂᒃ ᑲᑎᕐᓱᕐᓯᒪᔪᓂᒃ ᐃᓅᖃᑎᒌᒡᔪᐊᓂᑦ, ᐊᑯᓂ ᓱᓇᐅᔪᓐᓃᕐᓯᒪᔪᓂᒃ; ᐃᓄᖃᕐᑐᓂᒃ ᐃᓅᖃᑎᒌᒡᔪᐊᓂᓐᖔᕐᓯᒪᔪᓂᒃ ᒫᓐᓇᓗ ᐃᓂᓪᓚᑦᑎᐊᕐᓯᒪᓕᕐᑐᓂᒃ, ᑖᒃᑯᓂᖓᓕᒫᖅ.

ᐃᓯᑭᐊᓕᐅᑉ ᐊᒡᓚᖏᑦ 39:10

ᕿᔪᒃᓴᒥᖕᓂᒃ ᐱᕈᕐᓰᕕᖕᓂᑦ ᑲᑎᑦᓯᔭᕆᐊᖃᕈᒫᓐᖏᓚᑦ ᓇᐹᕐᑐᓂᒡᓘᓐᓃᑦ ᓇᑲᑎᕆᔭᕆᐊᖃᕈᒫᓐᖏᓚᑦ ᕿᑦᔨᐅᕋᓱᐊᕐᓗᑎᒃ, ᓱᒋᐅᑎᕕᓂᕐᓂᒃ ᕿᔪᖃᖃᑦᑕᕈᒫᕐᒪᑕ, ᐱᖁᑎᒥᖕᓂᒃ ᐱᑖᕐᑐᕐᑎᒋᓚᐅᕐᑕᑎᒃ ᐱᑖᕐᕕᒋᓕᕈᒫᕆᕔᑦ, ᓄᖑᕈᑦᔨᔨᒋᓚᐅᕐᑕᑎᒡᓗ ᓄᖑᕈᑎᓕᕐᒥᓗᒋᑦ, ᐊᑕᓂᖅ ᒎᑎ ᐅᖃᕐᐳᖅ.”

ᕼᐆᓯᐊᑉ ᐊᒡᓚᖏᑦ 11:11

ᐄᑦᔨᑉᑎᒥᑦ ᑎᑭᑦᓱᒫᕐᐳᑦ ᓯᕘᕋᓂᕐᒧᑦ ᓴᔪᒡᓗᑎᒃ ᑎᖕᒥᐊᑎᑐᑦ, ᑑᕕᑎᑐᓪᓗ ᐊᓯᕆᐊᑉ ᓄᓇᖓᓂᑦ; ᐅᑎᕐᑎᑦᓱᒫᕐᐸᒃᑲᓗ ᐊᖏᕐᕋᖏᓐᓄᑦ, ᐊᑕᓂᖅ ᐅᖃᕐᐳᖅ.”

ᕼᐆᓯᐊᑉ ᐊᒡᓚᖏᑦ 2:15

ᑍᑲᓂᓗ ᐸᐅᕐᖓᓂᒃ ᐱᕈᕐᓰᕕᖁᑎᖏᑦ ᑐᓂᔪᒫᕐᐸᒃᑲ, ᐂᑯᐊᓗ ᓇᕐᓴᖅ ᐅᖁᒤᒃᓴᕐᓇᕐᑐᖅ ᐅᒃᑯᐊᓐᖑᕐᑎᑦᓱᒫᕐᐸᕋ ᓂᕆᐅᖕᓂᕐᒧᑦ. ᑕᕝᕙᓂᓗ ᑭᐅᓕᕈᒫᕐᐳᖅ ᐅᕕᒃᑲᐅᓪᓗᓂ ᐱᓂᐊᕐᓂᕆᓚᐅᕐᑕᒥᑐᑦ, ᑎᑭᕋᑖᕐᓯᒪᓂᕆᓚᐅᕐᑕᒥᑐᑦ ᐄᑦᔨᑉᑎᐅᑉ ᓄᓇᖓᓂᑦ.

ᕼᐆᓯᐊᑉ ᐊᒡᓚᖏᑦ 2:18

“ᑕᕝᕙᓂᓗ ᐊᖏᖃᑎᒌᖕᓂᖃᕐᑎᑦᓯᔪᒫᕐᐳᖓ ᐃᓕᑦᓯᓐᓂᒃ ᐃᕐᓯᓇᕐᑐᑦ ᐆᒪᔪᓕᒫᑦ ᓇᑎᕐᓇᒦᑦᑐᑦ, ᑎᖕᒥᐊᓪᓗ ᖃᖓᑕᕙᒃᑐᑦ, ᓄᓇᒥᓗ ᐹᕐᖑᕐᐸᒃᑐᑦ ᐃᓚᒋᓗᒋᑦ; ᐅᓇᑕᐅᑏᓪᓗ ᐲᕐᑎᑦᓱᒫᕐᐸᒃᑲ ᓄᓇᒥᑦ, ᐱᑎᒃᓰᑦ, ᓴᕕᒡᔪᐊᓪᓗ, ᐃᓱᒫᓗᓇᖏᑦᑐᒥ ᑲᑉᐱᐊᓇᖏᑦᑐᒥᓗ ᐃᓂᖃᖁᓪᓗᒋᑦ.

ᕼᐊᐸᑲᐅᑉ ᐊᒡᓚᖏᑦ 2:8

ᐃᓅᖃᑎᒌᒡᔪᐊᑦ ᐅᓄᕐᑐᑦ ᐱᖁᑎᖏᓐᓂᒃ ᐊᕐᓵᓚᐅᕋᑦᓯᐅᒃ, ᒫᓐᓇᓕ ᐃᓄᐃᑦ ᐊᒥᐊᒃᑯᖏᓐᓂᑦ ᐱᖁᑎᑦᓯᓐᓂᑦ ᐱᐅᕋᕐᕕᐅᓂᐊᓕᕐᐳᓯ, ᑐᖁᕅᖃᑦᑕᓚᐅᕐᓂᑦᓯᓐᓄᑦ ᓄᓇᒥᓗ ᐃᒡᓗᒐᓴᒡᔪᐊᖏᓐᓂᒡᓗ ᑲᑉᐱᐊᓱᒃᑎᑦᓯᔨᐅᓚᐅᕐᓂᑦᓯᓐᓄᑦ, ᓄᓇᖃᕐᑐᓄᑦ ᑖᒃᑯᓇᓂ.

ᓴᑲᕅᐊᐅᑉ ᐊᒡᓚᖏᑦ 1:15

ᐊᒃᓱᒻᒪᕆᐊᓗᒃ ᓂᓐᖓᐅᒪᕕᖃᕐᐳᖓ ᐃᓅᖃᑎᒌᒡᔪᐊᓂᒃ ᓄᓇᓂ ᓮᓕᓇᕐᑐᒦᑦᑐᓂᒃ. ᓂᓐᖓᐅᒪᓗᐊᓚᐅᓐᖏᒃᑲᓗᐊᕐᐳᖓ ᐃᓄᖁᑎᓐᓄᑦ, ᔫᑎᐅᖏᑦᑐᓪᓕ ᐅᖁᒤᒃᓴᕐᑎᑦᓯᕙᓪᓕᐊᓚᐅᕐᐳᑦ ᑖᒃᑯᓂᖓ.

ᒨᓯᓯ ᑕᓪᓕᒪᖏᑦ 12:10

ᑰᖕᒥᒃ ᔪᐊᕐᑕᓂᐅᑉ ᑰᖓᓂᒃ ᐃᑳᕈᑦᓯ, ᐊᑕᓂᐅᑉ ᓄᓇᑖᕐᑎᑦᓱᒫᕐᐹᓯ ᑕᕝᕙᓂ ᓄᓇᖃᕈᓐᓇᖁᓪᓗᓯ. ᐊᑕᓂᐅᑉ ᓴᐳᑎᓯᒪᔪᒫᕐᐹᓯ ᐊᑭᕋᕐᑐᕐᑎᑦᓯᓐᓂᑦ, ᐃᓱᒫᓗᖏᓪᓗᓯ ᑕᕝᕙᓂ ᓄᓇᖃᕈᓐᓇᖁᓪᓗᓯ.