ᐃᓯᑭᐊᓕᐅᑉ ᐊᒡᓚᖏᑦ 28:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ “ᐃᓴᕆᐊᓕᐅᑉ ᑭᖑᕚᖏᑦ ᐋᓐᓂᕐᓯᑕᐅᕙᒍᓐᓃᕈᒫᕐᐳᑦ ᑲᑭᓪᓚᕐᓇᕐᑐᓄᑦ ᐊᕙᑖᓂ ᓄᓇᖃᕐᑐᓄᑦ ᐸᒡᕕᓴᕐᑕᐅᕙᖑᓐᓃᕐᓗᑎᒃ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ ᒎᑎ.

ᐃᓯᑭᐊᓕᐅᑉ ᐊᒡᓚᖏᑦ 28:24 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 35:9

ᐊᖅᑯᒻᒥ ᑕᒫᓂ ᓛᔭᑕᖃᕈᒫᓐᖏᓚᖅ, ᐆᒪᔪᓂᒡᓗ ᐃᕐᓯᓇᕐᑐᓂᑦ ᑎᑭᑕᐅᔪᒫᓐᖏᓚᖅ; ᑍᒤᑦᑐᑦ ᑕᒫᓂ ᐱᑕᖃᕈᒫᖏᒻᒪᑕ, ᐱᐅᓕᔭᐅᓯᒪᔪᓪᓕ ᑕᒪᐅᓇ ᐃᖏᕐᕋᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 55:13

ᐅᕐᐲᑦ ᑲᑭᓐᓇᕐᑐᓖᑦ ᐃᓇᖏᕐᑕᐅᔪᕐᒫᕐᐳᑦ ᓇᐹᕐᑐᓪᓚᕆᖕᓂᒃ ᐱᕈᕐᑐᓕᖕᓂᒃ; ᐊᕚᓚᕿᐊᑦ ᐃᓇᖏᕐᑕᐅᔪᒫᕐᐳᑦ ᐱᕈᕐᑐᓕᖕᓂᒃ ᓇᐹᕐᑐᑦᓯᐊᓂᒃ ᒨᕐᑐᓂᒃ ᐅᖃᐅᔭᕆᒃᑐᓂᒃ; ᑕᒪᒃᑯᐊ ᐊᑕᓂᐅᑉ ᐃᓕᑕᕆᔭᐅᑦᔪᑎᒃᓴᕆᓪᓗᒋᑦ, ᓇᓗᓁᒃᑯᑕᐅᑎᑦᓱᒫᕐᐰᑦ ᐃᓱᖃᖏᑦᑐᒧᑦ ᓱᕋᒃᑕᐅᔪᓐᓇᖏᓪᓗᑎᒃ.”

ᔨᕆᒤᐊᐅᑉ ᐊᒡᓚᖏᑦ 12:14

ᐃᒫᒃ ᐊᑕᓂᖅ ᐅᖃᕐᐳᖅ, “ᐃᓄᖁᑎᒪ ᐃᓴᕆᐊᓕᒥᐅᑦ ᐊᓯᖏᑦ ᐊᑲᐅᖏᑦᑐᓕᔪᑦ ᑎᒍᓯᓚᐅᕐᑐᑦ ᑖᒃᑯᓂᖓ ᓄᓱᒍᒫᕐᐸᒃᑲ ᓄᓇᖏᓐᓂᑦ, ᔫᑕᒥᐅᓪᓗ ᐱᔭᐅᕕᒋᓯᒪᔭᖏᓐᓂᑦ ᓄᓱᒍᒫᕆᕙᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 2:6

“ᐃᕝᕕᓪᓕ, ᐃᓅᑉ ᐃᕐᓂᖓ, ᑲᑉᐱᐊᒋᓂᐊᕐᓇᒋᑦ, ᐅᖃᐅᓯᖏᓪᓗ ᓯᕘᕋᒋᓇᒋᑦ, ᑲᑭᓪᓚᕐᓇᕐᑐᑎᑐᑦ ᑲᐱᔭᐅᓐᓇᕐᑐᑎᑐᓪᓗ ᓯᑯᐊᕐᐱᐅᓃᑦ ᐊᑯᓐᓂᖓᓃᑦᑐᑎᑐᑦ ᑍᒤᑦᑑᖃᑦᑕᕐᓂᐊᕐᐳᑎᑦ, ᑍᒤᒃᑲᓗᐊᕐᐸᑕ ᑲᑉᐱᐊᒋᑦᑍᓕᒃᑭᑦ ᐅᖃᐅᓯᖏᓪᓘᓐᓃᑦ ᓯᕘᕋᒋᑦᑍᓕᓗᒋᑦ, ᑕᐅᑦᑐᖏᓐᓄᑦ ᓴᐱᓕᕐᑎᑕᐅᑦᑍᓕᒋᑦ, ᑖᒃᑯᐊ ᐊᑭᕋᕐᑐᕐᑎᐅᖕᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 28:23

ᖃᓂᒪᓇᕐᑐᓂᒃ ᑎᑭᕝᕕᐅᑎᑦᓱᒫᐸᕋ, ᐊᐅᖕᒥᒡᓗ ᖁᕕᓯᔪᒫᕐᐳᖓ ᐊᖅᑯᑎᖏᓐᓄᑦ; ᓄᓇᖏᓐᓂ ᑐᖁᕋᕐᑕᐅᔪᒫᕐᐳᑦ, ᐅᓇᑕᕆᐊᕐᑐᓄᑦ ᐊᕙᑎᖏᓐᓂᑦ ᑎᑭᑦᑐᓄᑦ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ.”

ᐃᓯᑭᐊᓕᐅᑉ ᐊᒡᓚᖏᑦ 28:26

ᓄᓇᖃᓕᕈᒫᕐᐳᑦ ᐃᓱᒫᓗᒋᔭᖃᖏᓪᓗᑎᒃ, ᐃᒡᓗᓕᐅᕈᒫᕐᐳᑦ ᐱᕈᕐᓰᕕᓕᐅᕐᓗᑎᒡᓗ ᕔᓂᖃᕐᕕᒃᓴᓂᒃ. ᓄᓇᖃᓕᕈᒫᕐᐳᑦ ᐃᓱᒫᓗᓇᖏᑦᑐᒥ, ᓄᓇᖃᑎᒌᑦ ᐋᓐᓂᕐᓯᔪᒪᔪᑦ ᑖᒃᑯᓂᖓ ᓱᒋᐊᖃᑦᑕᕈᒫᕐᐸᒃᑲ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ ᑖᒃᑯᐊ ᒎᑎᖓᑦ.”

ᐃᓯᑭᐊᓕᐅᑉ ᐊᒡᓚᖏᑦ 39:28

ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ ᑖᒃᑯᐊ ᒎᑎᖓᑦ ᐊᐅᓪᓚᕈᑦᔭᐅᑎᑦᓯᓚᐅᕋᒪ ᐃᓅᖃᑎᒌᒡᔪᐊᑦ ᐊᑯᕐᖓᓐᓄᑦ, ᑲᑎᕐᓱᓕᕐᒥᒍᒃᑭᓪᓗ ᓇᖕᒥᓂᖅ ᓄᓇᖏᓐᓄᑦ. ᕿᒪᒃᑕᐅᑎᑦᓯᓂᐊᕈᓐᓃᕐᐳᖓᓗ ᐊᒥᐊᒃᑰᔪᓂᒃ ᐃᓅᖃᑎᒌᒡᔪᐊᑦ ᐊᑯᕐᖓᓐᓂ;

ᒤᑲᐅᑉ ᐊᒡᓚᖏᑦ 7:4

ᐱᐅᓂᕐᐹᕆᔭᕋᓗᐊᖏᑦ ᑲᑭᓪᓚᐅᑎᓕᒃᑎᑑᕐᐳᑦ; ᐅᒃᐱᕐᓇᕐᓂᕐᐹᖏᓪᓗ ᐅᕐᐱᖕᓂᑦ ᑲᑭᓪᓚᐅᑎᓕᖕᓂᑦ ᐱᐅᖏᓐᓂᕐᓴᐅᕗᑦ. ᐅᓪᓗᖅ ᓇᓪᓕᐅᑎᕗᖅ ᖃᐅᔨᓴᕐᑎᑦᓯ ᐅᖃᐅᓯᕆᓯᒪᔭᖏᑦ ᓱᒋᐊᕐᑕᐅᕕᒃᓴᓯᓗ ᐅᓪᓗᖅ ᑎᑭᓪᓗᓂ. ᒫᓐᓇ ᓇᓗᓕᐅᒪᓂᐊᓕᕐᐳᓯ.

ᒨᓯᓯ ᓯᑕᒪᖏᑦ 33:55

ᓄᓇᖃᕐᑐᑐᕾᓪᓕ ᓄᓇᒥᑦ ᐊᐅᓪᓚᕐᑎᓐᓂᐊᖏᒍᑦᓯᒋᒃ ᐃᓕᑦᓯᓐᓂᑦ, ᑖᒃᑯᐊ ᐊᐅᓪᓚᕐᑎᓐᖏᑕᓯ ᑕᕝᕙ ᑕᑯᓐᓇᕐᑕᑦᓯᓐᓄᑦ ᐃᓗᐊᖏᑦᔪᑕᐅᓂᐊᕐᐳᑦ ᓴᓂᕋᑦᓯᒍᓪᓗ ᑲᐱᖃᑦᑕᕐᑐᑎᑐᑦ ᑍᒤᓐᓂᐊᒃᐳᓯ, ᑖᒃᑯᐊ ᐃᓕᑦᓯᓐᓂᒃ ᐅᐃᒪᓵᕆᓂᐊᕐᒪᑕ ᓄᓇᒥ ᐃᓂᒋᔭᑦᓯᓐᓂ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:7

ᓂᕐᑑᑎᓗᐊᓕᖁᓇᖓ ᑕᒪᒃᑯᐊ ᑕᑯᑎᑕᐅᓃᑦ ᐊᖏᔪᑦ ᐱᓪᓗᒋᑦ, ᑎᒥᒃᑯᑦ ᐊᑲᐅᓐᖏᓗᑕᕐᑖᑎᑕᐅᓚᐅᕐᐳᖓ, ᓵᑖᓇᓯᐅᑉ ᑎᓕᔭᖓᓂᒃ ᐅᕙᓐᓄᑦ ᐋᓐᓂᐊᑎᑦᓯᔭᕐᑐᕐᑐᒥᒃ, ᐱᐅᔪᕆᓕᖁᓇᖓ ᐅᕙᓐᓂᒃ.

ᔮᓱᐊᑉ ᐊᒡᓚᖏᑦ 23:13

ᑕᕝᕙ ᖃᐅᔨᔪᒫᕐᐳᓯ ᖁᓚᕐᓇᖏᑦᑐᒥᒃ ᐊᑕᓂᐅᑉ ᒎᑎᑦᓯ ᓯᖏᑉᐸᓪᓕᐊᔪᓐᓃᕈᒫᕐᒪᒋᑦ ᐃᓅᖃᑎᒌᒡᔪᐊᑦ ᐃᓕᑦᓯᓐᓂᑦ; ᑖᒃᑯᐊᓕ ᐃᓕᑦᓯᓐᓄ ᑲᑉᐱᐊᓇᕐᓯᔪᒫᕐᐳᑦ ᓂᒐᕐᑎᑐᑦ ᒥᑭᒋᐊᑎᑐᓪᓗ, ᐋᓐᓂᐊᑎᑕᐅᓗᓯ ᐊᕙᑎᓕᒫᑦᓯᓐᓂᑦ, ᐃᑦᔨᓯᒪᐅᑎᑐᑦ ᑲᐳᕋᕐᓇᕐᑐᑎᑐᑦ, ᑕᒪᓐᓇᓗ ᑍᒤᒐᔭᕐᐳᖅ ᐊᓂᑎᑕᐅᖅᑳᕐᑎᓐᓇᓯ ᑕᒫᓐᖓᑦ ᓄᓇᑦᓯᐊᕙᖕᒥᑦ ᐊᑕᓂᐅᑉ ᒎᑎᑦᓯ ᑐᓂᓚᐅᕐᑕᖓᓂᒃ ᐃᓕᑦᓯᓐᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:4

ᖁᕝᕕᐅᕐᓂᓕᒫᖏᑦ ᐊᓪᓚᕐᑎᕐᓂᐊᕐᐰᑦ ᐃᔨᖏᓐᓂᑦ, ᑐᖁᖃᑦᑕᕐᓂᐊᕈᓐᓃᕐᐳᑦ, ᕿᒃᓵᖃᑦᑕᕈᓐᓃᕐᓗᑎᒃᓗ ᕿᐊᔪᖃᕐᓂᐊᕈᓐᓃᕐᐳᖅ, ᐋᓐᓂᐊᔪᖃᕐᓂᐊᕈᓐᓃᕐᓗᓂᓗ, ᐱᑐᕾᑦ ᓄᖑᒻᒪᑕ.”

ᐃᓗᐊᕐᓮᔩᑦ ᐊᒡᓚᖏᑦ 2:3

ᒫᓐᓇᓕ ᐅᖃᐅᑎᕙᑦᓯ ᑖᒃᑯᐊ ᐃᓄᐃᑦ ᐊᐅᓪᓚᕐᑎᓐᓂᐊᕈᓐᓃᕐᐸᒃᑲ ᓯᕗᓂᑦᓯᓐᓂ ᐊᑭᕋᕐᑐᕐᑎᒋᓂᐊᓕᕋᓯᐅᒃ ᒎᑎᓐᖑᐊᖏᓐᓂᓪᓗ ᐊᔪᓕᕐᑎᑕᐅᓗᓯ.”