23 ᖃᓂᒪᓇᕐᑐᓂᒃ ᑎᑭᕝᕕᐅᑎᑦᓱᒫᐸᕋ, ᐊᐅᖕᒥᒡᓗ ᖁᕕᓯᔪᒫᕐᐳᖓ ᐊᖅᑯᑎᖏᓐᓄᑦ; ᓄᓇᖏᓐᓂ ᑐᖁᕋᕐᑕᐅᔪᒫᕐᐳᑦ, ᐅᓇᑕᕆᐊᕐᑐᓄᑦ ᐊᕙᑎᖏᓐᓂᑦ ᑎᑭᑦᑐᓄᑦ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ.”
ᐊᐱᕆᔭᐅᒍᕕᑦ, ‘ᓇᒧᓐᖓᕐᓂᐊᕋᑦᑕᓖ?’ ᐅᖃᐅᑎᓂᐊᕐᐸᑎᑦ, ‘ᐃᒫᒃ ᐊᑕᓂᖅ ᐅᖃᕐᐳᖅ: “ᑍᒃᑯᐊ ᐋᓐᓂᐊᔪᑦ ᑐᖁᓂᐊᕐᐳᑦ, ᐅᓇᑕᕐᑐᓂᓗ ᑐᖁᔪᒃᓴᒃᓮᑦ ᑐᖁᓂᐊᕐᐳᑦ; ᐱᕐᓕᕐᓗᑎᒡᓗ ᑐᖁᔪᒃᓮᑦ ᐱᕐᓕᕐᓗᑎᒃ ᑐᖁᓂᐊᕐᐳᑦ, ᑎᒍᔭᐅᓗᑎᒃ ᐊᐅᓪᓚᕈᑦᔭᐅᔪᒃᓮᑦ ᐊᐅᓪᓚᕈᑦᔭᐅᓂᐊᕐᐳᑦ.”’
ᑍᒤᒻᒪᑦ, ᑕᑯᒋᑦ, ᐅᓪᓗᐃᑦ ᑎᑭᑦᓱᒫᕐᐳᑦ, ᐊᑕᓂᖅ ᐅᖃᕐᐳᖅ, ᒎᑎᒋᔭᖏᑦ ᓱᒋᐊᕈᒫᕋᒃᑭᑦ, ᓄᓇᖏᓐᓂᓗ ᓇᓂᑐᐃᓐᓇᖅ ᓂᐹᔪᖃᕈᒫᕐᐳᖅ ᐃᑭᓕᕐᑕᐅᓂᑯᓂᒃ.
“ᑍᒤᒻᒪᑦ ᐃᓅᑉ ᐃᕐᓂᖓ, ᐱᔪᒫᕐᑐᒃᓴᓂᒃ ᐅᖃᐅᑦᔪᐃᓕᕆᑦ; ᐸᑦᑕᒃᑐᕌᖓᕕᑦ ᓴᕕᒡᔪᐊᖅ ᐱᒋᐊᒃᑲᓐᓂᖃᑦᑕᕐᓂᐊᕐᐳᖅ, ᓴᕕᒡᔪᐊᖅ ᑖᓐᓇᐅᖕᒪᑦ ᑐᖁᕅᔪᕐᔪᐊᖅ, ᓇᒧᓐᖓᕐᕖᒡᒍᑦᔨᓗᓂᓗ.
ᐱᒋᐊᖃᑦᑕᓕᕆᑦ ᓱᑲᑦᑐᒥᒃ ᑕᓕᕐᐱᒧᑦ ᓴᐅᒥᒧᓪᓗ ᓴᕕᒡᔪᐊᑉ ᑮᓇᖓᑕ ᓵᕝᕕᒋᔭᓕᒫᖏᓐᓄᑦ.
ᑍᒫᒃ ᒧᐊᐱ ᓱᒋᐊᕈᒫᕐᐸᕋ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ.”
ᓱᒋᐊᕈᒫᕐᐸᒃᑲ ᐊᑭᓂᐊᕕᒡᔪᐊᕐᓗᒋᑦ ᓂᓐᖓᐅᒪᓂᓐᓄᑦ ᐋᖅᑭᒃᓱᕐᓗᒋᑦ, ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ, ᑖᒃᑯᓄᖓ ᐊᑭᓂᐊᕐᑐᖅ.”
ᑍᒤᒻᒪᑦ, ᑕᑯᒋᑦ, ᐃᓅᖃᑎᒌᒡᔪᐊᓄᑦ ᐱᔭᐅᑎᑦᓱᒫᓕᕐᐸᑦᓯ, ᐱᖁᑎᑦᓯᓐᓂᒃ ᓇᒡᕚᕐᑕᕐᕕᐅᔪᒫᕐᐳᓯ; ᓄᖑᑕᐅᔪᒫᕐᐳᓯ ᓄᓇᒥᑦ; ᑍᒫᒃ ᐊᓯᕈᕈᒫᕐᐸᑦᓯ. ᑕᕝᕙ ᖃᐅᔨᔪᒫᕐᐳᓯ ᐅᕙᖓᐅᒐᒪ ᐊᑕᓂᖅ.”
ᓄᓁᓐᓇᕐᒦᑦᑐᑦ ᓴᕕᒡᔪᐊᒧᑦ ᑐᖁᕋᕐᑕᐅᔪᒫᕐᐳᑦ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ.
ᐄᑦᔨᑉᑎᒧᑦ ᐅᓇᑕᕐᓂᖅ ᑎᑭᑦᓱᒫᕐᐳᖅ, ᑲᑉᐱᐊᓱᕕᒡᔪᐊᕐᓂᕐᑕᖃᕈᒫᕐᐳᖅ ᐃᑎᐅᐱᐊᒥ, ᐄᑦᔨᑉᑎᒥᐅᑦ ᐅᓄᕐᑐᑦ ᑐᖁᕋᕐᑕᐅᒃᐸᑕ; ᓄᓇᖓᑕ ᐊᔪᕐᓴᖏᑦᔪᑎᖏᑦ ᐊᐅᓪᓚᕈᑦᔭᐅᔪᒫᕐᐳᑦ, ᑐᓐᖓᕕᖏᓪᓗ ᓯᖅᑯᑦᑎᕐᑕᐅᓗᑎᒃ.
“ᐅᓐᓄᐊᑉ ᓇᓛᓂᒥᐅᑦ ᐊᖓᔪᖅᑳᕕᓂᓕᒫᖏᑦ ᑕᕝᕙᓃᒃᑭᕗᑦ ᐊᑕᖏᕐᓗᑎᒃ, ᓮᑐᓂᒥᐅᓕᒫᓪᓗ ᑲᓐᖑᓲᑎᒃᓴᖃᕐᓗᑎᒃ ᑐᖁᑕᐅᓚᐅᕐᑐᕕᓂᕐᓄᑦ ᐃᓚᒋᔭᐅᕗᑦ, ᐱᔪᓐᓇᕐᓂᓕᒫᒥᖕᓄᑦ ᑲᑉᐱᐊᓱᒃᑎᑦᓯᖃᑦᑕᐅᓚᐅᕐᑐᑦ; ᑭᐱᓯᒪᖏᑦᑐᓄᑦ ᐃᓚᒋᔭᐅᕗᑦ ᓴᕕᒡᔪᐊᓄᑦ ᑐᖁᑕᐅᓯᒪᔪᓄᑦ, ᑲᓐᖑᓲᑎᒃᓴᒥᖕᓂᒃ ᓇᒃᓴᕐᓗᑎᒃ ᑐᖁᓯᒪᔪᑦ ᐃᓂᖓᓃᖃᑕᐅᓕᕐᐳᑦ.
ᓱᒋᐊᕈᒫᕐᐸᒃᑲ ᖃᓂᒪᓇᕐᑐᓄᑦ ᑐᖁᕋᐅᑎᓂᕐᓄᓪᓗ; ᓯᓚᓗᒡᕕᐅᑎᑦᓱᒫᕐᐸᒃᑲ ᐅᓇᑕᕐᑎᖁᑎᖏᓪᓗ ᐃᓅᖃᑎᒌᒡᔪᐊᓂᓪᓗ ᑕᐱᕐᑖᕆᓯᒪᔭᖏᑦ ᐃᓚᒋᔭᖏᑦ, ᓯᓚᓗᒡᔪᐊᒧᑦ ᓇᑕᖅᑯᕐᓇᓄᓪᓗ, ᐃᑯᒪᓄᑦ ᐊᐅᒪᓄᓪᓗ.
ᐃᓅᖃᑎᑦᓯ ᐱᖓᔪᓪᓗᐊᖏᑦ ᐋᓐᓂᐊᓇᕐᑐᒧᑦ ᑐᖁᕋᕈᒫᕐᐳᑦ ᑳᖕᓇᕐᑐᕐᔪᐊᒧᓪᓗ ᐱᕐᓕᕋᕐᓗᑎᒃ ᐊᑯᓐᓇᑦᓯᓐᓂ; ᐃᓅᖃᑎᑦᓯ ᐱᖓᔪᒋᖕᒥᔭᖏᑦ ᑐᖁᕋᕐᑕᐅᔪᒫᕐᐳᑦ ᓴᕕᒡᔪᐊᒧᑦ ᐊᕙᑎᑦᓯᓐᓂ; ᐱᖓᔪᒋᖕᒥᔭᖏᑦ ᓯᐊᒻᒪᕐᑎᓪᓗᒋᑦ ᐊᓄᕆᓕᒫᓄᑦ ᑎᒃᑕᐅᕋᕐᑎᑦᓱᒫᕐᐸᒃᑲ ᓴᕕᒡᔪᐊᕐᓗ ᐴᖓᓂᑦ ᐊᒧᓗᒍ ᒪᓕᒍᒫᕐᐸᒃᑲ ᕿᒫᑎᓪᓗᒋᑦ.
ᑳᖕᓇᕐᑐᕐᔪᐊᒧᑦ ᐆᒪᔪᓄᓪᓗ ᐃᕐᓯᓇᕐᑐᓄᑦ ᑎᑭᑕᐅᑎᑦᓱᒫᕐᐸᑦᓯ, ᑕᒪᒃᑯᓄᖓᑦ ᕿᑐᕐᖎᔭᕐᑕᐅᔪᒫᕐᐳᓯ; ᐋᓐᓂᐊᓇᕐᑐᓄᑦ ᑐᖁᕋᕐᑕᐅᓂᕐᓄᓪᓗ ᐊᖅᑯᓵᕐᑕᐅᔪᒫᕐᐳᓯ; ᐅᓇᑕᕐᓂᒃᑯᓪᓗ ᑐᖁᕋᕐᑕᐅᔪᒫᕐᐳᓯ. ᐅᕙᖓ, ᐊᑕᓂᖅ, ᑍᒫᒃ ᐅᖃᕐᐳᖓ.”