ᐃᓯᑭᐊᓕᐅᑉ ᐊᒡᓚᖏᑦ 27:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᐊᒃᓗᐃᑦᔪᑎᓯ, ᐱᖁᑎᓯ, ᓂᐅᕕᐊᒃᓴᓯ, ᐅᒥᐊᕐᑐᑎᖁᑎᓯ, ᐊᖁᑎᖏᓪᓗ, ᕿᔪᓕᕆᔨᖁᑎᓯ, ᓂᐅᕕᕐᑎᑦᓯᔨᖁᑎᓯᓗ, ᐅᓇᑕᕐᑎᖁᑎᓕᒫᓯᓗ ᓇᔪᕐᑎᒋᔭᓯ, ᐃᓚᒋᔭᓕᒫᓯᓗ ᐃᓕᑦᓯᓐᓃᑦᑐᑦ, ᑭᕕᔪᒫᕐᐳᑦ ᐃᒫᓂ ᐅᓪᓗᕐᒥ ᐅᒦᔭᕐᕕᑦᓯᓐᓂ.

ᐃᓯᑭᐊᓕᐅᑉ ᐊᒡᓚᖏᑦ 27:27 ပူးပေါင်းရင်းမြစ်များ

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:4

ᐊᒃᓗᐃᓐᓂᖅ ᓴᐳᑦᔨᓯᒪᔪᓐᓇᓐᖏᓚᖅ ᓂᓐᖓᖕᓂᐅᑉ ᐅᓪᓗᖓᓂ, ᐃᓱᐊᕐᓂᕐᓕ ᓴᐳᑦᔨᔪᓐᓇᕐᐳᖅ ᑐᖁᒥᑦ.

ᔨᕆᒤᐊᐅᑉ ᐊᒡᓚᖏᑦ 25:22

ᐊᖓᔪᖅᑳᕐᔪᐊᕆᔭᐅᔪᓕᒫᑦ ᑍᕆᒥ, ᓮᑐᓂᒥᓗ, ᐊᖓᔪᖅᑳᕐᔪᐊᓕᒫᑦ ᑕᕆᐅᕌᓗᑉ ᓯᒃᔭᖓᓃᑦᑐᓂ.

ᐃᓯᑭᐊᓕᐅᑉ ᐊᒡᓚᖏᑦ 26:1

ᐊᐅᓪᓚᕈᑦᔭᐅᓯᒪᓂᑦᑕ ᐊᕐᕌᒍᐃᑦ 11ᖓᓐᓂ, ᑕᖅᑭᐅᑉ ᐅᓪᓗᖏᑕ ᓯᕗᓪᓕᕐᐹᖓᓂ, ᐊᑕᓂᐅᑉ ᐅᖃᐅᓯᖓᑕ ᑎᑭᑉᐹᖓ, ᐅᖃᕐᓗᓂ:

ᐃᓯᑭᐊᓕᐅᑉ ᐊᒡᓚᖏᑦ 26:12

ᑎᒎᖅᑬᔪᒫᕐᐳᑦ ᐊᒃᓗᐃᑦᔪᑎᑦᓯᓐᓂᒃ ᓂᐅᕕᐊᒃᓴᖁᑎᑦᓯᓐᓂᒡᓗ; ᐃᒡᓗᑦᓯ ᐊᑭᓐᓇᖏᑦ ᐅᕐᕈᑎᑦᓱᒫᕐᐰᑦ ᐃᒡᓗᑦᓯᐊᕙᓯ ᐊᓯᕈᕐᑕᐅᓗᑎᒃ; ᐅᔭᕋᖁᑎᓯ ᕿᔪᐃᓪᓗ ᓄᓇᔭᖁᑎᓯᓗ ᐃᒫᓄᑦ ᐃᒋᑕᐅᔪᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 26:14

ᓄᓇ ᕾᕐᑐᑐᐃᓐᓇᐅᓕᕈᒫᕐᐳᖅ; ᓄᓗᐊᓄᑦ ᐃᓯᕕᑦᓯᕕᐅᓕᕐᓗᓂ; ᐃᒡᓗᒐᓴᓕᐅᕐᕕᐅᒃᑲᓐᓂᕈᒫᓐᖏᓚᖅ; ᐅᕙᖓ ᐊᑕᓂᐅᔪᖓ ᐅᖃᕋᒪ, ᐅᖃᕐᐳᖅ ᐊᑕᓂᖅ ᒎᑎ.

ᐃᓯᑭᐊᓕᐅᑉ ᐊᒡᓚᖏᑦ 26:21

ᑲᑉᐱᐊᓱᖕᓂᕐᒥᒃ ᐃᓱᓕᓐᓂᖃᕐᑎᓐᓂᐊᕐᐸᑦᓯ, ᓄᖑᑕᐅᔪᒫᕐᐳᓯᓗ; ᕿᓂᕐᑕᐅᒐᓗᐊᕈᑦᓯ, ᓇᓂᔭᐅᔪᒫᓐᖏᓚᓯ, ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 27:12

“‘ᑖᕐᓯᓯᒧᑦ ᓂᐅᕐᕈᑎᑲᕆᐊᕐᑐᖃᑦᑕᕐᐳᓯ ᐊᔪᕐᓴᖏᑦᑐᕐᔪᐊᖑᒐᑦᓯ ᓱᓇᓕᒫᓂᒃ; ᓯᐅᓪᕕᕆᓂᒃ, ᓴᕕᕋᔭᖕᓂᒃ, ᓴᕕᕋᔭᖕᓂᒡᓗ ᓵᑦᑐᓂᒃ, ᑯᓯᕐᓯᐊᓂᒡᓗ ᓱᓇᑐᐃᓐᓇᕐᑖᕈᑎᖃᖃᑦᑕᕐᐳᓯ ᐊᑭᓕᐅᑕᐅᔪᓂᒃ ᑕᐅᕐᓰᑦᔪᑎᒋᔭᑦᓯᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 27:22

ᓰᐸᒥᐅᑦ ᕌᒪᒥᐅᓪᓗ ᓂᐅᕕᕋᕐᑎᖏᑕ ᑕᐅᕐᓰᕕᒋᕙᒃᐹᓯ ᐱᐅᓴᐅᑎᓂᒃ ᐅᔭᕋᖕᓂᒃ, ᒎᓗᓂᒃ ᓂᕿᓄᓪᓗ ᒪᒪᕐᓴᐅᑎᒃᓴᓂᒃ ᐱᐅᓂᕐᐹᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 27:24

ᑕᐅᕐᓰᖃᑎᒋᕙᒃᐸᓯ ᖃᓪᓗᓈᕐᑕᓂᒃ ᐊᑭᑐᔪᒃᓴᔭᓂᒃ, ᐊᓐᓄᕌᓂᒡᓗ ᐊᐅᐸᓪᓚᕆᒃᑐᓂᒃ ᐱᐅᓴᕐᓯᒪᔪᓂᒃ, ᑕᕐᓯᕐᑐᕐᓯᒪᔪᓂᒡᓗ ᓇᑎᕌᓗᖕᓂᒃ, ᐊᒃᓱᓇᐅᔭᓄᑦ ᕿᓚᒃᓱᑦᓯᐊᕐᓯᒪᔪᓂᒃ ᐊᑦᑕᕐᓇᖏᑦᑐᓂᒃ; ᑕᒪᒃᑯᓂᖓ ᑕᐅᕐᓰᖃᑎᒋᕙᒃᐸᓯ.

ᐃᓯᑭᐊᓕᐅᑉ ᐊᒡᓚᖏᑦ 27:26

ᐅᒥᐊᕐᑐᕐᑎᖁᑎᑦᓯ ᐃᒪᕐᐱᖕᒨᕐᑎᑉᐹᓯ; ᐊᓄᕆᕐᔪᐊᕐᒧᓪᓕ ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐱᔪᒧᑦ ᐅᒦᔭᕐᑎᑕᐅᔪᒫᕐᐳᓯ ᐃᒤᓐᓇᕐᒦᑎᓪᓗᓯ.

ᐃᓯᑭᐊᓕᐅᑉ ᐊᒡᓚᖏᑦ 27:28

ᐊᖁᑎᓯ ᕾᒐᓛᕐᓂᖏᓐᓄᑦ ᓄᓇᒦᑦᑐᑦ ᓴᔪᒍᒫᕐᐳᑦ,

ᐃᓯᑭᐊᓕᐅᑉ ᐊᒡᓚᖏᑦ 27:34

ᒫᓐᓇᓕ ᐃᒪᕕᖕᒥ ᐆᒥᔭᕐᐳᓯ, ᐃᒪᕕᖕᒥ ᐃᑎᔪᒥ; ᓂᐅᕕᐊᒃᓴᖁᑎᓯ ᐅᒥᐊᕐᑐᕐᑎᓯᓗ ᑭᕕᖃᑕᐅᓪᓗᑎᒃ.”

ᐃᓯᑭᐊᓕᐅᑉ ᐊᒡᓚᖏᑦ 28:1

ᐊᑕᓂᐅᑉ ᐅᖃᐅᓯᖓᑕ ᑎᑭᑉᐹᖓ ᐅᖃᕐᓗᓂ:

ᐃᓯᑭᐊᓕᐅᑉ ᐊᒡᓚᖏᑦ 28:8

ᑖᒃᑯᐊᓗ ᐃᑎᕐᓴᒧᑦ ᐃᒋᑦᓱᒫᕐᐹᑎᑦ, ᑕᕝᕙᓂᓗ ᑐᖁᔪᒫᕐᐳᑎᑦ ᑐᖁᑕᐅᓗᑎᑦ ᐃᒪᕐᕕᒡᔪᐊᕐᒥ.

ᐂᒨᓯᐅᑉ ᐊᒡᓚᖏᑦ 1:9

ᐊᑕᓂᖅ ᐅᖃᕐᐳᖅ, “ᐱᖓᓱᓄᑦ ᑍᕆᐅᑉ ᐊᔪᕐᑐᓕᓂᖏᓐᓄᑦ, ᓯᑕᒪᖓᓪᓗᑦ ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ, ᑎᒍᔭᐅᓯᒪᔪᓕᒫᓂᒃ ᐄᑐᒥᒧᐊᕐᑎᑦᓯᓚᐅᕐᒪᑕ, ᐃᖅᑲᐅᒪᓚᐅᖏᒻᒪᑕ ᐊᖏᖃᑎᒌᖕᓂᕆᓚᐅᕐᑕᒥᖕᓂᒃ ᐃᓚᒌᑦᓯᐊᕈᒪᓂᕐᒥᒃ.

ᓴᑲᕅᐊᐅᑉ ᐊᒡᓚᖏᑦ 9:3

ᑍᕆᒥ ᓄᓇᖃᕐᑐᑦ ᐊᕙᓗᓕᐅᕈᑎᓯᒪᔫᒐᓗᐊᑦ ᓴᓐᖏᔪᒥᒃ, ᓯᐅᓪᕕᕆᒥ ᑲᑎᕐᓯᓯᒪᔫᒐᓗᐊᑦ ᐳᔪᕐᓗᒃᑎᑐᑦ ᐊᖏᑎᒋᔪᒥᒃ, ᒎᓗᖁᑎᖃᕐᓗᑎᒡᓗ ᐱᐅᑦᓯᐊᕐᑐᒥᒃ ᒪᕐᕋᕐᑎᑐᑦ ᐊᖅᑯᑎᒦᑦᑐᑎᑐᑦ.