ᐃᓯᑭᐊᓕᐅᑉ ᐊᒡᓚᖏᑦ 27:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² “‘ᑖᕐᓯᓯᒧᑦ ᓂᐅᕐᕈᑎᑲᕆᐊᕐᑐᖃᑦᑕᕐᐳᓯ ᐊᔪᕐᓴᖏᑦᑐᕐᔪᐊᖑᒐᑦᓯ ᓱᓇᓕᒫᓂᒃ; ᓯᐅᓪᕕᕆᓂᒃ, ᓴᕕᕋᔭᖕᓂᒃ, ᓴᕕᕋᔭᖕᓂᒡᓗ ᓵᑦᑐᓂᒃ, ᑯᓯᕐᓯᐊᓂᒡᓗ ᓱᓇᑐᐃᓐᓇᕐᑖᕈᑎᖃᖃᑦᑕᕐᐳᓯ ᐊᑭᓕᐅᑕᐅᔪᓂᒃ ᑕᐅᕐᓰᑦᔪᑎᒋᔭᑦᓯᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 27:12 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 10:4

ᔭᕚᓇᐅᑉ ᐃᕐᓂᖏᑦ ᐅᑯᐊᖑᕗᑦ; ᐃᓔᓴᕼᐊ, ᑖᕐᓯᓯ, ᑭᑎᒻ, ᑐᑕᓂᒻᓗ;

ᐊᑕᓃᑦ ᓯᕗᓪᓖᑦ 10:22

ᐅᒥᐊᕐᔪᐊᖁᑎᖃᕐᓗᓂᓗ ᐅᓄᕐᑐᓂᒃ ᐃᒪᕐᕕᖕᒥ ᐃᓚᖃᕐᓗᑎᒃ ᕼᐅᕋᒻ ᐅᒥᐊᕐᔪᐊᖁᑎᖏᓐᓂᒃ. ᐊᕐᕌᒍᑦ ᐱᖓᓱ ᑕᒫᑦ ᐅᒥᐊᕐᔪᐊᖁᑎᖏᑦ ᑖᕐᓯᓯᒥᐅᑦ ᐅᑎᕐᐸᓚᐅᕐᐳᑦ ᓇᒃᓴᕐᓗᑎᒃ ᒎᓗᓂᒃ, ᓯᐅᓪᕕᕆᓂᒃ, ᑑᒑᓂᒡᓗ, ᐂᑉᓂᒡᓗ ᒪᖕᑭᓂᒃ, ᒪᖕᑭᑐᐃᓐᓇᕐᓂᒡᓗ.

ᐊᑕᓃᑦ ᓯᕗᓪᓖᑦ 22:48

ᔨᕼᐆᓴᐸᑦ ᑖᕐᓯᓯᒥ ᐅᒥᐊᕐᔪᐊᓂᒃ ᓴᓇᓚᐅᕐᐳᖅ ᓄᓇᒧᑦ ᐅᐱᕼᐃᒧᑦ ᒎᓗᓯᐅᕆᐊᕐᑐᒃᓴᓂᒃ; ᑭᓯᐊᓂᓕ ᐊᐅᓪᓚᓚᐅᓐᖏᓚᑦ, ᐅᒦᔭᓚᐅᕐᒪᑕ ᐃᔨᐅᓂ-ᒋᐱᕆᒥ.

ᑯᕉᓂᑲ ᐂᑉᐸᖏᑦ 9:21

ᐊᖓᔪᖅᑳᕐᔪᐊᑉ ᐅᒥᐊᕐᔪᐊᖁᑎᖏᑦ ᑖᕐᓯᓯᒧᐊᖃᑦᑕᓚᐅᕐᐳᑦ ᕼᐅᕋᐅᑉ ᐱᔨᖏᑦ ᐱᖃᑎᒋᓪᓗᒋᑦ; ᐊᕐᕌᒍᐃᑦ ᐱᖓᓱᑦ ᓈᔭᕌᖓᑕ ᑕᒫᑦ ᓇᒃᓴᖃᑦᑕᕐᓗᑎᒃ ᒎᓗᓂᒃ, ᓯᐅᓪᕕᕆᓂᒃ, ᑑᒑᓂᒃ, ᒪᖓᑭᐊᓗᖕᓂᒃ, ᒪᖓᑭᑐᐃᓐᓇᓂᒡᓗ.

ᐃᓐᖏᕈᑎᑦ 72:10

ᐊᖓᔪᖅᑳᕐᔪᐊᑦ ᑖᕐᓯᓯᒥᐅᑦ ᐅᖓᓯᒃᑐᒥᐅᓪᓗ ᑐᓂᕐᕈᑎᓂᒃ ᕾᑦᓯᔪᒫᕐᐳᑦ; ᐊᖓᔪᖅᑳᕐᔪᐊᓪᓗ ᓰᐸᒥᐅᑦ ᓰᕙᒥᐅᓪᓗ ᑐᓂᕐᕈᑎᒥᖕᓂᒃ ᐋᑦᓯᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 2:16

ᐊᑭᕋᕐᑐᕐᓗᓂᓗ ᑖᕐᓯᓯᐅᑉ ᐅᒥᐊᕐᔪᐊᖁᑎᖏᓐᓂᒃ ᑕᒤᓐᓂᒃ, ᐅᒥᐊᓂᒡᓗ ᑕᑯᒥᓇᕐᑐᓂᒃ ᑕᒤᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 23:10

ᑖᕐᓯᓯᐅᑉ ᓄᓇᖓᓂ ᓄᓇᓕᖁᑎᒋᔭᐅᔪᓯ ᓄᓇᒥ ᐱᕈᕐᓰᓇᓱᐊᓕᕆᑦᓯ! ᑭᓇᒧᑦ ᓴᐳᑎᔭᐅᓯᒪᓂᐊᕈᓐᓃᕐᑐᓯ.

ᐂᓮᐊᓯᐅᑉ ᐊᒡᓚᖏᑦ 23:14

ᓂᐱᖅᑯᕐᑐᓗᓯ ᕿᐊᓕᕆᑦᓯ ᑖᕐᓯᓯᒥᐅᑦ ᐅᒥᐊᕐᑐᕐᑎᐅᔪᓯ ᐃᒪᕐᔪᐊᑎᒍᑦ! ᐃᒡᓗᒐᓴᒡᔪᐊᑦ ᑕᑎᒋᔭᓯ ᐊᓯᕈᕐᑕᐅᖕᒪᑕ.

ᐂᓮᐊᓯᐅᑉ ᐊᒡᓚᖏᑦ 23:6

ᐱᓃᓯᐊᒥᐅᑕᐅᔪᓯ ᓂᐱᖅᑯᕐᑐᓗᓯ ᕿᐊᓕᕆᑦᓯ ᑖᕐᓯᓯᒧᑦ ᐊᓐᓇᒋᐊᓕᕆᑦᓯ.

ᐂᓮᐊᓯᐅᑉ ᐊᒡᓚᖏᑦ 60:9

ᐃᒪᐅᑉ ᓯᓇᓂᒥᐅᑦ ᐅᑕᖅᑭᔪᒫᕐᐳᑦ ᐅᕙᓐᓂᒃ, ᐅᒥᐊᕐᔪᐊᑦ ᑖᕐᓯᓯᒥᑦ ᐱᔪᑦ ᑎᑭᖅᑳᕈᒫᕐᐳᑦ, ᐃᕐᓂᑦᓯᓐᓂᒃ ᓇᒃᓴᕐᓗᑎᒃ ᐅᖓᓯᒃᑐᒥᑦ, ᓯᐅᓪᕕᕆᖁᑎᒥᖕᓂᒃ ᒎᓗᖁᑎᒥᖕᓂᒡᓗ ᐱᖃᓯᐅᑦᔨᓗᑎᒃ, ᐊᑕᓂᐅᑉ ᒎᑎᑦᓯ ᐊᑎᖓᓄᑦ, ᐃᓴᕆᐊᓕᑏᓪᓗ ᐃᑦᔪᕐᓁᑦᑐᖁᑎᖓᓐᓄᑦ, ᑖᑦᓱᒪ ᐅᐱᓐᓇᕐᓯᑎᓯᒪᖕᒪᓯ.

ᔨᕆᒤᐊᐅᑉ ᐊᒡᓚᖏᑦ 10:9

ᑲᑦᔪᒃᑕᐅᓯᒪᔭᕇᕐᑐᒥᒃ ᓯᐅᓪᕕᕆᑖᖃᑦᑕᕐᐳᑦ ᑖᕐᓯᓯᒥᑦ, ᒎᓗᑖᕐᐸᒡᓗᑎᒡᓗ ᐆᐸᔾᒥᑦ. ᓴᓇᓐᖑᐊᕐᑎᓄᑦ ᒎᓗᒥᒡᓗ ᐋᖅᑭᒃᓱᐃᔨᓄᑦ ᓴᓇᔭᐅᔭᕇᕌᖓᑕ, ᐊᓐᓄᕌᓕᐅᕐᑕᐅᕗᖅ ᑐᖑᑦᑐᕆᒃᑐᒥᒃ ᐊᐅᐸᓪᓚᕆᒃᑐᒥᒡᓗ ᐱᔭᕇᕐᑕᐅᕗᑦ ᓴᓇᔭᐅᓪᓗᑎᒃ ᓴᓇᓯᑎᐅᓂᕐᐹᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 27:11

ᐊᕙᓗᕐᔪᐊᓯ ᑲᐅᔨᓴᕐᑎᖃᕐᐳᑦ ᐅᓇᑕᕐᑎᓂᒃ ᐊᕐᕙᑦᒥᑦ ᐱᓯᒪᔪᓂᒃ, ᒑᒪᒥᐅᓂᓪᓗ ᐱᓯᒪᔪᓂᒃ ᓇᐸᔪᖁᑎᓯ ᑲᐅᔨᓴᕐᑎᖃᕐᓗᑎᒃ; ᓴᐴᓗᑕᑎᒃ ᓂᕕᓐᖓᕕᖃᕐᑎᑉᐰᑦ ᐊᕙᓗᕐᔪᐊᑦᓯ ᐃᓗᐊᑕ ᐊᑭᓐᓇᖓᓂ; ᑖᒃᑯᓄᖓᓗ ᑕᑯᒥᓇᕐᑑᑎᑕᐅᕗᓯ.

ᐃᓯᑭᐊᓕᐅᑉ ᐊᒡᓚᖏᑦ 27:13

ᑕᐅᕐᓰᔭᕐᑐᖃᑦᑕᕐᐳᓯᓗ ᔭᕚᓇᒧᑦ, ᑐᐸᐅᓪᒧᑦ, ᒥᓯᑭᒧᓪᓗ; ᐃᓄᖁᑎᑖᕋᓱᐊᕐᓗᓯ ᓯᐊᓛᒃᓴᓂᒃ, ᑲᓐᓄᔭᓂᒡᓗ ᐃᒥᖃᐅᑎᓂᒃ ᓂᐅᕐᕈᑎᒃᓴᑦᓯᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 27:16

ᐱᖁᑎᓕᐊᓘᒐᑦᓯ ᓯᕆᐊᒥᐅᑦ ᓂᐅᕕᐊᕆᕙᒃᐰᑦ; ᑕᐅᕐᓯᐅᑎᔭᐅᕙᒃᐳᑦ ᐅᔭᕋᖕᓄᑦ ᑕᑯᒥᓇᕐᑐᓄᑦ ᐃᒧᕋᐅᓪᓄᑦ, ᖃᓪᓗᓈᕐᑕᑦᓯᐊᓄᓪᓗ ᐊᐅᐸᓪᓚᕆᒃᑐᓄᑦ, ᓵᑦᑐᓄᓪᓗ ᑕᕐᓯᕐᑐᕐᓯᒪᔪᓄᑦ ᖃᓪᓗᓈᕐᑕᓄᑦ ᓵᑦᑐᓄᑦ, ᐃᒪᕐᒥᐅᑕᓄᑦ ᐅᔭᕋᕈᕐᓂᑯᓄᑦ, ᐊᓕᒎᔭᕐᓄᑦ ᐊᐅᐸᕐᑐᓄᑦ ᐊᑭᓕᕐᑕᐅᓪᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 27:18

ᑕᒫᓯᑰᓯᒥᐅᑦ ᓂᐅᕕᕐᐸᒃᐳᑦ ᐱᖁᑎᓕᐊᓘᓂᑦᓯᓐᓄᑦ, ᓱᓇᓕᒫᓂᒃ ᐊᔪᕐᓴᖏᑦᑐᐊᓘᒐᑦᓯ; ᕔᓂᓄᑦ ᕼᐃᓪᐸᓐᒥᐅᑕᓄᑦ, ᓄᕕᕐᓵᒃᓴᓕᐊᕆᓯᒪᔪᓄᓪᓗ ᖃᑯᕐᑕᓄᑦ,

ᐃᓯᑭᐊᓕᐅᑉ ᐊᒡᓚᖏᑦ 27:33

ᓂᐅᕕᐊᒃᓮᑦ ᐅᒥᐊᕐᔪᐊᒃᑯᑦ ᑎᑭᐅᑦᔭᐅᔭᕌᖓᑕ, ᐃᓄᒐᓮᑦ ᑭᓐᖒᒪᔭᖏᓐᓂᒃ ᐱᑎᑉᐸᓚᐅᕐᐸᓯ; ᐊᖓᔪᖅᑳᕐᔪᐊᓪᓗ ᐊᒃᓗᐃᓕᑎᓪᓗᓯᐅᒃ ᐊᔪᕐᓴᖏᑦᑐᐊᓘᓂᑦᓯᓐᓄᑦ ᓂᐅᕕᐊᒃᓴᖁᑎᑦᓯᓐᓄᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 28:16

ᑕᐅᕐᓰᖃᑎᖃᖃᑦᑕᕐᓂᕐᒧᓪᓗ ᑲᔪᓯᒻᒪᕆᓕᕐᑎᓪᓗᑎᑦ, ᐱᓂᕐᓗᖕᓂᕐᒧᑦ ᑎᑭᐅᑎᓚᐅᕐᐳᑎᑦ, ᐊᔪᕐᑐᓕᓕᕐᓗᑎᓪᓗ; ᐊᓂᑎᑦᓴᕆᐊᖃᓕᓚᐅᕐᐸᒋᑦ ᓇᕐᕈᓇᕐᓯᑎᑦᓯᒐᕕᑦ ᒎᑎᐅᑉ ᖃᖅᑲᖁᑎᖓᓂᒃ, ᐂᓐᖏᓕᐅᓪᓗ ᓯᕋᐱᐅᑉ ᓴᐳᑦᔨᔨᒋᓚᐅᕐᑕᕕᑦ ᐊᓂᑎᑦᓴᕆᐊᖃᓕᓚᐅᕐᐹᑎᑦ ᑕᕝᕙᓐᖓᑦ ᐅᔭᕋᖕᓂᑦ ᐱᐅᔪᓂᑦ ᕿᓪᓛᒡᒋᕐᑕᕐᑐᓂᑦ.

ᐃᓯᑭᐊᓕᐅᑉ ᐊᒡᓚᖏᑦ 28:5

ᓯᓚᑐᓂᕐᓄᑦ ᑕᐅᕐᓰᔪᓐᓇᕐᓂᕐᓄᓪᓗ ᐊᔪᕐᓴᕈᓐᓃᕐᑎᓯᒪᒐᕕᑦ, ᐆᒻᒪᑎᒃᑯᓪᓗ ᐱᐅᔪᕆᑦᔪᑎᒋᓕᕐᐸᑦ ᐊᔪᕐᓴᖏᓐᓃᑦ.

ᐃᓯᑭᐊᓕᐅᑉ ᐊᒡᓚᖏᑦ 38:13

ᓰᐸᒥᐅᑦ ᑎᑖᓂᒥᐅᓪᓗ ᓂᐅᕕᕋᕐᑏᓪᓗ ᑖᕐᓯᓯᒥᐅᑍᑦ ᐊᐱᕆᔪᒫᕐᐹᓯ, ‘ᐅᓇᑕᕐᑎᖁᑎᓯ ᐅᓇᑕᕆᐊᕐᑎᑉᐱᓯᐅᒃ ᐊᕐᓵᕐᓯᒋᐊᕐᑎᑐᐃᓐᓇᕐᓗᒋᑦ? ᐃᑖᕆᐊᕐᑐᕐᑎᓪᓗᒋᓪᓗ ᓄᓇᓕᖕᓂᒃ? ᓯᐅᓪᕕᕆᓂᒃ ᒎᓗᓂᒡᓗ ᐆᒪᔪᖁᑎᖏᓐᓂᒡᓗ ᑎᒎᖅᑬᓗᓯ ᐊᐅᓪᓚᕈᑦᔨᔪᒪᑐᐃᓐᓇᕐᓗᓰ?’

ᔫᓇᐅᑉ ᐊᒡᓚᖏᑦ 1:3

ᓂᑯᕕᑉᐳᕐᓗ ᔫᓇ ᑖᕐᓯᓯᒧᑦ ᕿᒫᔪᒪᓪᓗᓂ ᐊᑕᓂᕐᒥᑦ; ᐊᑎᕐᓗᓂᓗ ᔮᐸᒧᑦ ᐅᒥᐊᕐᔪᐊᕐᓯᐅᕐᐳᖅ ᑖᕐᓯᓯᓕᐊᕐᑐᒥᒃ, ᐊᑭᓖᕗᕐᓗ ᐃᖏᕐᕋᑦᔪᑎᒋᓂᐊᕐᑕᒥᓂᒃ, ᐃᑭᕗᕐᓗ ᐅᒥᐊᕐᔪᐊᒧᑦ ᐃᖏᕐᕋᖃᑎᒋᔪᒪᓪᓗᒋᑦ ᑖᕐᓯᓯᒧᑦ, ᕿᒫᔪᒪᓪᓗᓂ ᐊᑕᓂᐅᑉ ᓵᖓᓂᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:12

ᓂᐅᕕᐊᒃᓴᖁᑎᖃᕐᒪᑕ ᒎᓗᓂᒃ, ᓯᐅᓪᕕᕆᓂᒃ, ᐅᔭᕋᖕᓂᒡᓗ ᐱᐅᓴᐅᑎᓂᒃ, ᓴᐸᖓᕐᓂᒡᓗ, ᖃᓪᓗᓈᕐᑕᑦᓯᐊᓂᒃ ᓵᑦᑐᓂᒃ, ᐊᐅᐸᓪᓚᕆᒃᑐᓂᒃ, ᐱᐊᒃᑐᓂᒡᓗ, ᐊᑭᑐᔪᒃᓴᔭᓂᒡᓗ ᐊᐅᐸᕐᑐᓂᒃ, ᕿᔪᖕᓂᒡᓗ ᐊᑦᔨᒌᖏᑦᑐᓂᒃ ᕿᔪᓯᐊᕙᖕᓂᒃ, ᑑᒑᕐᓂᒡᓗ ᓴᓇᓯᒪᔪᓂᒃ ᐊᒥᓱᓂᒃ, ᕿᔪᖕᓂᒡᓗ ᐊᑭᑐᔪᒃᓴᔭᓂᒃ ᓴᓇᓯᒪᔪᓂᒃ, ᑲᓐᓄᔭᓂᒃ, ᓴᕕᕋᔭᖕᓂᒃ, ᐅᔭᕋᖕᓂᒡᓗ ᒫᕐᐳᓂᒃ.