ᐃᓯᑭᐊᓕᐅᑉ ᐊᒡᓚᖏᑦ 25:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᕌᐸᒥᐅᑦ ᐃᒡᓗᒐᓴᒡᔪᐊᖏᑦ ᑳᒥᓕᖕᓄᑦ ᓂᕿᒃᓴᖃᕐᕕᓐᖑᕐᑎᑦᓱᒫᕐᐸᕋ ᐊᒧᓁᑎᒥᐅᓪᓗ ᓄᓇᓕᒫᖓ ᓰᐱᒃᑯᕕᓐᖑᕐᑎᓪᓗᒍ. ᑕᕝᕙ ᖃᐅᔨᔪᒫᕐᐳᓯ ᐅᕙᖓᐅᒐᒪ ᐊᑕᓂᖅ.

ᐃᓯᑭᐊᓕᐅᑉ ᐊᒡᓚᖏᑦ 25:5 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 12:26

ᔪᐊᐱᓕ ᑲᔪᓯᓚᐅᕐᐳᖅ ᐅᓇᑕᕐᓂᕐᒥᓂᒃ ᕌᐸᒥᒃ ᐊᒧᓁᑎᒃᑯᓐᓂᒃ, ᐃᒡᓗᒐᓴᖏᑕᓗ ᐊᖓᔪᖅᑳᒃᑯᕕᖓ ᓵᓚᒋᓕᕐᓗᒍ.

ᐃᓐᖏᕈᑎᑦ 83:18

ᖃᐅᔨᑎᓚᐅᒃᑭᑦ ᐃᕝᕕᑑᓪᓗᑎᑦ, ᐊᓯᖃᖏᑦᑑᓪᓗᑎᑦ ᐊᑕᓂᑐᐊᖑᒐᕕᑦ, ᖁᑦᓯᖕᓂᕐᐸᐅᒐᕕᑦ ᓄᓇᕐᔪᐊᓕᒫᒥ.

ᐂᓮᐊᓯᐅᑉ ᐊᒡᓚᖏᑦ 17:2

ᐃᒡᓗᒐᓴᒡᔪᐊᖏᑦ ᐃᓄᐃᕈᑎᔪᒫᕐᐳᑦ ᕿᒤᓐᓇᕐᑕᐅᓗᑎᒃ; ᓰᐱᓄᑦ ᓂᕆᓇᓱᒡᕕᑐᐃᓐᓇᐅᓕᕈᒫᕐᐳᑦ, ᐊᖁᐱᕕᐅᓗᑎᒃ, ᕿᒫᑎᑦᓯᔨᒃᓴᖃᕋᑎᒡᓗ.

ᐂᓮᐊᓯᐅᑉ ᐊᒡᓚᖏᑦ 32:14

ᐊᖓᔪᖅᑳᕐᔪᐊᑉ ᐃᒡᓗᕐᔪᐊᖓ ᕿᒪᒃᑎᕐᑕᐅᔪᒫᕐᐳᖅ, ᐃᒡᓗᒐᓴᒡᔪᐊᓪᓗ ᐃᓄᒋᐊᒃᑑᐊᓘᓚᐅᕐᑐᑦ ᐃᓄᐃᕈᑎᔪᒫᕐᐳᑦ, ᓇᐸᔪᑦ ᐅᓇᑕᕐᑏᓪᓗ ᖃᐅᔨᓴᕐᕕᖏᑦ ᐳᕐᑐᔪᑦ ᓯᑎᖃᕐᕕᑐᐃᓐᓇᐅᓕᕈᒫᕐᒪᑕ ᐃᓱᖃᖏᑦᑐᒧᑦ, ᓯᐅᑎᖅᑯᕐᑐᔪᓄᑦ ᓄᔪᐊᕐᑐᓄᑦ ᖁᕕᐊᓱᒡᕕᐅᓕᕐᓗᑎᒃ, ᓰᐱᓄᓪᓗ ᓂᕆᓇᓱᒃᕕᑐᐃᓐᓇᐅᓕᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 37:20

ᒫᓐᓇᓕ ᐊᑕᓃᖅ ᒎᑎᕗᑦ, ᓴᐳᑎᓚᐅᕐᑎᒍᑦ ᑖᑦᓱᒪ ᐱᔪᓐᓇᕐᓂᖓᓂᑦ, ᓯᓚᕐᔪᐊᕐᒥᐅᑦ ᐊᖓᔪᖅᑳᕐᔪᐊᖃᕐᕕᓕᒫᖏᑦ ᑐᑭᓯᓕᖁᓪᓗᒋᑦ ᐃᕝᕕᑐᐊᖅ ᐊᑕᓂᑑᒐᕕᑦ.”

ᔨᕆᒤᐊᐅᑉ ᐊᒡᓚᖏᑦ 49:2

ᑍᒤᒻᒪᑦ, ᑕᑯᒋᑦ, ᐅᓪᓗᐃᑦ ᓇᓪᓕᐅᑦᓱᒫᕐᐳᑦ, ᐊᑕᓂᖅ ᐅᖃᕐᐳᖅ, ᐅᓇᑕᕆᐊᖁᔨᓗᖓ ᓂᓪᓕᕈᒫᕋᒪ ᕌᐸᒥᐅᓄᑦ ᐊᒧᓁᑎᒦᑦᑐᓄᑦ, ᓄᓇᓕᕕᓂᑐᐃᓐᓇᐅᓕᕈᒫᕐᐳᑦ, ᓄᓇᓖᓪᓗ ᖃᓂᒋᔭᖓᓃᑦᑐᑦ ᐃᑭᓐᓂᑯᐃᓐᓇᐅᓕᕐᓗᑎᒃ, ᐃᓴᕆᐊᓕᒥᐅᓪᓗ ᐊᕐᓵᕐᓯᔪᒫᕐᐳᑦ ᐊᕐᓵᕐᓯᔨᒋᓚᐅᕐᑕᒥᖕᓂᒃ, ᐊᑕᓂᖅ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 21:20

ᐊᖅᑯᑎᐅᑉ ᐂᑉᐸᖓ ᓇᓗᓁᕐᓯᓯᒪᓗᓂ ᐊᖓᔪᖅᑳᕐᔪᐊᑉ ᐊᒧᓁᑎᒥᐅᓄᐊᕈᓐᓇᕐᓂᖓᓂᒃ ᕌᐸᒦᑦᑐᒧᑦ, ᐂᑉᐸᖓᓗ ᓇᓗᓁᕐᓯᓯᒪᓗᓂ ᔫᑕᐅᑉ ᓄᓇᖓᓄᐊᕈᓐᓇᕐᓂᖓᓂᒃ ᔨᕉᓴᓕᒧᓪᓗ ᐊᕙᓗᕐᔪᐊᖃᕐᑐᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 21:25

ᐱᐅᖏᑦᑐᕐᔪᐊᖑᓪᓗᑎᑦ ᐊᖓᔪᖅᑳᖑᒐᕕᑦ ᐃᓴᕆᐊᓕᒥᐅᓄᑦ, ᐅᓪᓗᖅ ᑭᖑᓪᓕᕐᐹᖅ ᓱᒋᐊᕐᑕᐅᕕᒃᓮᑦ ᓇᓪᓕᐅᑎᕗᖅ.

ᐃᓯᑭᐊᓕᐅᑉ ᐊᒡᓚᖏᑦ 21:30

ᓴᕕᒡᔪᐊᓯ ᐴᖓᓄᑦ ᐴᓕᕐᓯᐅᒃ. ᐃᖅᑲᕐᑐᕈᒪᕙᑦᓯ ᐱᓐᖑᕐᑎᑕᐅᕕᒋᓚᐅᕐᑕᑦᓯᓐᓂ, ᓄᓇᒥ ᐃᓅᓕᕐᕕᒋᓯᒪᔭᑦᓯᓐᓂ.

ᐃᓯᑭᐊᓕᐅᑉ ᐊᒡᓚᖏᑦ 24:24

ᑕᕝᕙ ᐃᓯᑭᐊᓕ ᐃᓕᑦᓯᓐᓄᑦ ᓇᓗᓁᒃᑯᑕᐅᓕᕈᒫᕐᐳᖅ; ᐊᑐᕐᑕᓕᒫᖓᓂᒃ ᐊᑑᑎᔭᕆᐊᖃᕈᒫᕐᐳᓯ. ᑕᒪᓐᓇ ᓇᓪᓕᐅᑎᒃᐸᑦ, ᖃᐅᔨᔪᒫᕐᐳᓯ ᐅᕙᖓᐅᒐᒪ ᐊᑕᓂᖅ ᒎᑎ.’

ᐃᓯᑭᐊᓕᐅᑉ ᐊᒡᓚᖏᑦ 25:8

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: “ᒧᐊᐱᒥᐅᑦ ᓰᐊᕆᒥᐅᓪᓗ ᐅᖃᓚᐅᕐᒪᑕ ᐃᓴᕆᐊᓕᒥᐅᓂᒃ ᐊᑦᔨᐅᑐᐃᓐᓇᕐᓂᕅᓪᓗᑎᒃ ᐃᓅᖃᑎᒌᒡᔪᐊᓕᒫᓄᑦ ᐊᓯᖏᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 26:6

ᓄᓁᓐᓇᕐᒦᑦᑐᑦ ᓴᕕᒡᔪᐊᒧᑦ ᑐᖁᕋᕐᑕᐅᔪᒫᕐᐳᑦ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ.

ᐃᓯᑭᐊᓕᐅᑉ ᐊᒡᓚᖏᑦ 30:8

ᐄᑦᔨᑉᑎᒥᐅᑦ ᐃᑯᐊᓪᓚᒃᑎᒃᑯᒃᑭᑦ, ᓄᓇᓖᓪᓗ ᑕᐱᕆᔭᖏᑦ ᑐᖁᑕᐅᒃᐸᑕ. ᑕᕝᕙ ᑐᑭᓯᔪᒫᕐᐳᑦ ᐅᕙᖓᐅᒐᒪ ᐊᑕᓂᖅ.

ᐃᓯᑭᐊᓕᐅᑉ ᐊᒡᓚᖏᑦ 35:9

ᓄᓇᓯ ᓱᓇᖃᓚᐅᕐᓯᒪᔪᓐᓁᕐᑎᑦᓱᒫᕐᐸᕋ, ᐃᒡᓗᒐᓴᒡᔪᐊᓯᓗ ᐃᓄᖃᕈᓐᓁᕈᒫᕐᐳᑦ. ᑕᕝᕙ ᖃᐅᔨᓕᕈᒫᕐᐳᓯ ᐅᕙᖓᐅᒐᒪ ᐊᑕᓂᖅ.

ᐃᓯᑭᐊᓕᐅᑉ ᐊᒡᓚᖏᑦ 38:23

ᑍᒫᒡᓗ ᐊᔪᖏᑦᑐᕐᔪᐊᖑᓂᕋ ᐃᑦᔪᕐᓁᓐᓂᕋᓗ ᖃᐅᔨᔭᐅᑎᑦᓱᒫᕐᐸᕋ ᐃᓅᖃᑎᒌᒡᔪᐊᓄᑦ ᑕᑯᔭᐅᑎᓪᓗᒍ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ.”

ᔨᐸᓁᐊᐅᑉ ᐊᒡᓚᖏᑦ 2:6

ᑕᒪᓐᓇ ᓯᒡᔭᖅ ᐃᕕᖕᓂᒃ ᓂᕿᒃᓴᖃᑦᓯᐊᕈᒫᕐᐳᖅ ᓰᐱᓕᕆᔩᓪᓗ ᓯᓂᒃᑕᕐᕕᖃᕈᒫᕐᐳᑦ ᓰᐱᒃᑯᕕᖃᕐᓗᑎᒡᓗ.

ᒨᓯᓯ ᑕᓪᓕᒪᖏᑦ 3:11

(ᐊᖓᔪᖅᑳᕐᔪᐊᖅ ᐋᒡ ᐹᓴᓂᐅᑉ ᐊᖓᔪᖅᑳᕐᔪᐊᖓ ᐊᒥᐊᒃᑯᑐᐊᖑᓚᐅᕐᐳᖅ ᕆᐰᒥᐅᓂᑦ; ᐃᓗᕕᖓ, ᓴᕕᕋᔭᐅᓚᐅᕐᐳᖅ, ᑕᑭᓂᖃᓚᐅᕐᐳᖅ 13ᓂᒃ ᐃᑎᒐᖕᓂᒃ ᓯᓕᖕᓂᖃᕐᓗᓂᓗ 6ᓂᒃ ᐃᑎᒐᖕᓂᒃ ᐆᒃᑐᕋᐅᑎᓪᓚᕆᐅᓲᑦ ᒪᓕᒡᓗᒋᑦ. ᓱᓕ ᑕᑯᔭᒃᓴᐅᕗᖅ ᐊᒧᓁᑎᒥᐅᑦ ᐃᒡᓗᒐᓴᖏᓐᓂ ᕌᐸᒥ.)