ᐃᓯᑭᐊᓕᐅᑉ ᐊᒡᓚᖏᑦ 25:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ, ᓱᒋᐊᕈᒫᕐᐸᒃᑲ ᐄᑐᒥᐅᑦ, ᑐᖁᕅᔪᒫᕐᐳᖓ ᐃᓄᖕᓂᒃ ᐆᒪᔪᓂᒡᓗ; ᐃᓄᖃᕈᓐᓃᕐᑎᑦᓱᒫᕐᐸᕋ; ᑏᒪᓐᓂᒥᑦ ᐱᒋᐊᕐᓗᒍ ᑎᑖᓂᒥᐅᑦ ᑎᑭᓪᓗᒋᑦ ᓴᕕᒡᔪᐊᒧᑦ ᑐᖁᕋᕐᑕᐅᔪᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 25:13 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 36:11

ᐃᓕᐹᓯᐅᓪᓗ ᐃᕐᓂᖏᑦ ᐅᑯᐊᖑᕗᑦ; ᑏᒪᓐ, ᐅᒪᕐ, ᔨᐳ, ᒐᑕᒻ, ᑮᓇᑦᔨᓗ.

ᒨᓯᓯ ᓯᕗᓪᓖᑦ 36:34

ᔫᐸᐱᓗ ᑐᖁᖕᒪᑦ, ᕼᐅᓴᒻ ᑎᒪᓁᑎᑦ ᓄᓇᖓᓂ, ᐊᖓᔪᖅᑳᕐᔪᐊᓐᖑᓚᐅᕐᐳᖅ ᑖᑦᓱᒧᖓ ᐃᓇᖏᐅᑎᓪᓗᓂ.

ᒨᓯᓯ ᓯᕗᓪᓖᑦ 6:7

ᑍᒤᒻᒪᑦ ᐊᑕᓂᖅ ᐅᖃᓕᕐᐳᖅ, “ᐱᓐᖑᕐᑎᓚᐅᕐᑕᒃᑲ ᐃᓄᐃᑦ ᓄᖑᑎᑦᓱᒪᕙᒃᑲ ᓄᓇᒥᑦ, ᐆᒪᔪᓪᓗ ᐹᕐᖑᕐᑐᓪᓗ ᑎᖕᒥᐊᓪᓗ ᖃᖓᑕᕙᒃᑐᑦ, ᐅᒡᒍᐊᓕᕋᒪ ᓴᓇᓚᐅᕋᒃᑭᑦ.”

ᐃᓐᖏᕈᑎᑦ 138:7

ᐊᑲᐅᖏᑦᔪᑎᑕᖃᕐᑐᒃᑯᑦ ᐃᖏᕐᕋᒐᓗᐊᕈᒪ, ᑕᕝᕙ ᓴᐳᑎᓯᒪᓂᐊᕐᐸᕐᒪ; ᐊᒡᒐᑎᑦ ᐃᓴᒡᓗᒋᑦ ᓄᖅᑲᕐᑎᓐᓂᐊᕐᐸᑎᑦ ᐊᑭᕋᕐᑐᕐᑎᒪ ᓂᓐᖓᐅᒪᓂᖏᑦ, ᑕᓕᕐᐱᒃᐱᓪᓗ ᓴᐳᑎᓯᒪᓂᐊᕐᐹᖓ.

ᔨᕆᒤᐊᐅᑉ ᐊᒡᓚᖏᑦ 25:23

ᑎᑖᓂᒥᐅᑦ, ᑏᒪᒥᐅᑦ, ᐳᔾᒥᐅᓪᓗ ᑖᒃᑯᐊᓗ ᐅᖓᓯᒋᔭᖓᓂ ᓄᓇᖃᐅᕐᑐᑦ.

ᔨᕆᒤᐊᐅᑉ ᐊᒡᓚᖏᑦ 49:13

ᐅᖃᒻᒪᕆᒃᐳᖓ, ᐊᑕᓂᖅ ᐅᖃᕐᐳᖅ, ᐳᔾᕋᒥᐅᑦ ᓄᓇᓕᕕᓂᑐᐃᓐᓇᐅᓕᕈᒫᕐᐳᑦ, ᑕᑯᒥᓁᑦᑐᕐᔪᐊᖑᓕᕐᓗᑎᒃ, ᐸᓯᔭᒃᓴᐅᔪᒫᕐᐳᑦ ᐅᖃᕐᓂᕐᓘᑎᒃᓴᐅᓕᕐᓗᑎᒡᓗ, ᓄᓇᓕᖁᑎᓕᒫᖏᑦ ᓄᓇᓕᕕᓂᑐᐃᓐᓇᐅᓕᕈᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 49:20

ᑐᓴᕐᓯᐅᒃ ᐊᑕᓂᐅᑉ ᐸᕐᓁᕈᑦᔨᓂᖓ ᐄᑐᒥᒥᐅᓂᒃ, ᐱᓇᓱᐊᕈᒪᓂᕆᔭᖓᓗ ᑏᒪᓐᒥᐅᓄᑦ, ᓄᕐᕋᖁᑎᖏᑦ ᐊᐅᓪᓚᕈᑎᓂᐊᕐᐰᑦ, ᐃᓄᖏᓪᓗ ᑲᑉᐱᐊᓱᕕᒡᔪᐊᕈᒫᕐᐳᑦ ᐱᓂᐊᕐᕕᐅᓂᕐᒥᓄᑦ.

ᔨᕆᒤᐊᐅᑉ ᐊᒡᓚᖏᑦ 7:20

ᐃᒫᒃ ᑕᕝᕙ ᐊᑕᓂᖅ ᒎᑎ ᐅᖃᕐᐳᖅ: ᑕᑯᒋᑦ, ᓂᓐᖓᒃᑯᒪ ᓂᓐᖓᐅᒪᓗᖓ ᐱᓇᓱᐊᕐᕕᒋᓂᐊᕐᐸᒃᑲ ᐃᓄᐃᓗ ᐆᒪᔪᓪᓗ, ᓇᐹᕐᑐᐃᓪᓗ, ᐸᐅᕐᒊᓪᓗ ᓄᓇᒥ ᐱᕈᕐᐸᒃᑐᑦ, ᐃᑯᐊᓚᓂᐊᕐᐳᑦ ᖃᒥᑕᐅᔪᓐᓇᖏᑦᑐᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 14:13

“ᐃᓅᑉ ᐃᕐᓂᖓ, ᓄᓇᓕᐅᖃᑎᒌᒡᔪᐊᑦ ᐊᔪᕐᑐᓕᒃᐸᑕ ᐅᕙᓐᓂᒃ ᐅᒃᐱᕆᔭᖃᖏᓐᓂᕐᒧᑦ, ᐱᔪᓐᓇᕐᓂᓐᓄᓪᓗ ᐱᓇᓱᐊᕐᕕᒋᓕᕈᒃᑭᑦ, ᓂᕿᒃᓴᖃᐅᑎᖏᑦ ᓄᖑᑎᒐᔭᕐᐸᒃᑲ ᑳᖕᓇᕐᑐᕐᔪᐊᕐᒧᓪᓗ ᑎᑭᑎᓪᓗᒋᑦ, ᐃᓄᖏᓪᓗ ᑐᖁᕋᕐᑎᒃᑲᔭᕐᐸᒃᑲ ᐆᒪᔪᖁᑎᖏᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 14:17

“ᐅᕝᕙᓗ ᓄᓇᖓᑦ ᓴᕕᒡᔪᐊᕐᒧᑦ ᑎᑭᑕᐅᑎᒃᑯᒃᑯ, ᐅᖃᕐᓗᖓᓗ, ‘ᓴᕕᒡᔪᐊᖅ ᓄᓇᒃᑯᑦ ᐊᖅᑯᓴᐅᑦᔭᐅᓕ;’ ᑕᕝᕙ ᐃᓄᐃᑦ ᐆᒪᔪᓪᓗ ᑕᒫᓃᑦᑐᑦ ᓄᖑᒃᑲᔭᕐᐸᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 14:8

ᑍᒤᓕᐅᕐᑐᖅ ᓵᓐᓂᐊᕐᐸᕋ, ᓇᓗᓁᒃᑯᑕᓐᖑᕐᑎᓪᓗᒍ ᐅᖃᐅᓯᐅᖃᑦᑕᕐᓗᓂ ᐅᓗᕆᐊᒋᔭᒃᓴᐅᖁᓪᓗᒍ ᐃᓄᖁᑎᓐᓄᓪᓗ ᐃᓚᒋᔭᐅᔪᓐᓃᕐᑎᓪᓗᒍ; ᑕᕝᕙ ᖃᐅᔨᓂᐊᕐᐳᓯ ᐅᕙᖓᐅᒐᒪ ᐊᑕᓂᖅ.

ᐃᓯᑭᐊᓕᐅᑉ ᐊᒡᓚᖏᑦ 25:16

ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ, ᑕᑯᒋᑦ, ᐱᓕᔅᑍᓂᒥᐅᑦ ᓱᒋᐊᕈᒫᕐᐸᒃᑲ, ᓯᕆᑍᑎᓪᓗ ᓄᖑᓪᓗᒋᑦ, ᐊᒥᐊᒃᑯᖏᓪᓗ ᑕᕆᐅᑉ ᓯᓈᓃᑦᑐᑦ ᓄᖑᑦᓱᒫᕐᐸᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 25:7

ᑍᒤᒻᒪᑦ, ᑕᑯᒋᑦ, ᐃᓅᖃᑎᒌᒡᔪᐊᓄᑦ ᐱᔭᐅᑎᑦᓱᒫᓕᕐᐸᑦᓯ, ᐱᖁᑎᑦᓯᓐᓂᒃ ᓇᒡᕚᕐᑕᕐᕕᐅᔪᒫᕐᐳᓯ; ᓄᖑᑕᐅᔪᒫᕐᐳᓯ ᓄᓇᒥᑦ; ᑍᒫᒃ ᐊᓯᕈᕈᒫᕐᐸᑦᓯ. ᑕᕝᕙ ᖃᐅᔨᔪᒫᕐᐳᓯ ᐅᕙᖓᐅᒐᒪ ᐊᑕᓂᖅ.”

ᐃᓯᑭᐊᓕᐅᑉ ᐊᒡᓚᖏᑦ 27:15

ᕉᑎᓯᒥᐅᑦ ᑕᐅᕐᓰᖃᑎᒋᕙᒃᐸᓯ; ᐃᒪᐅᓪᓗ ᓯᓈᓂᒥᐅᑦ ᑕᐅᕐᓰᖃᑎᒋᓂᕐᐹᕆᕙᒡᓗᒋᑦ, ᑖᒃᑯᓇᓐᖓᑦ ᐊᑭᓕᕐᑕᐅᕙᒃᓗᓯ ᑑᒑᕐᓂᒃ ᕿᔪᖕᓂᒡᓗ ᓯᑎᔪᔭᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 27:20

ᑎᑖᓂᒥᐅᓪᓗ ᐱᖁᑎᑦᓯᓐᓂᒃ ᑕᐅᕐᓰᕕᒋᕙᒃᐸᓯ ᕿᒻᒥᕐᔪᐊᑦ ᐃᒃᓯᕙᐅᑕᖏᑕ ᓂᕈᒻᒫᒃᑯᑎᒃᓴᖏᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 29:8

ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᐅᓇᑕᕐᑕᐅᑎᑦᓱᒫᕐᐸᑦᓯ ᓴᕕᒡᔪᐊᒧᑦ, ᑖᒃᑯᐊᓗ ᑐᖁᕅᔪᒫᕐᐳᑦ ᐃᓄᖕᓂᒃ ᐆᒪᔪᖁᑎᑦᓯᓐᓂᒡᓗ;

ᐃᓯᑭᐊᓕᐅᑉ ᐊᒡᓚᖏᑦ 32:29

ᐄᑐᒥᐅᑦ ᑕᕝᕙᓃᖃᑕᐅᒋᕗᑦ, ᐊᖓᔪᖅᑳᕐᔪᐊᕕᓂᖏᑦ ᐊᖓᔪᖄᖁᑎᖏᓪᓗ ᐃᓚᒋᓪᓗᒋᑦ, ᑖᒃᑯᐊ ᐊᔪᖏᑦᑐᕐᔪᐊᖑᓚᐅᕐᑐᑦ ᓴᕕᒡᔪᐊᒧᑦ ᑐᖁᑕᐅᔪᕕᓂᕐᓄᑦ ᐃᓗᕕᕐᑕᐅᓯᒪᖃᑕᐅᓕᕐᐳᑦ; ᑭᐱᓯᒪᖏᑦᑐᓄᑦ ᐃᓚᒋᔭᐅᓪᓗᑎᒃ, ᑐᖁᓯᒪᔪᑦ ᐃᓂᖓᓃᖃᑕᐅᓕᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 35:3

ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᓰᐊᕆᒥᐅᖑᔪᓯ ᓵᓐᖓᓕᕐᐸᑦᓯ, ᐊᒡᒐᓐᓄᑦ ᐅᕐᓕᕐᑐᓕᕐᐸᑦᓯ, ᓄᓇᓯ ᓱᓁᕈᑎᑎᑦᓱᒫᕐᐸᕋ ᓄᓇᓕᕕᓂᑐᐃᓐᓇᐅᓕᕐᓗᓂᓗ.

ᐃᓯᑭᐊᓕᐅᑉ ᐊᒡᓚᖏᑦ 35:9

ᓄᓇᓯ ᓱᓇᖃᓚᐅᕐᓯᒪᔪᓐᓁᕐᑎᑦᓱᒫᕐᐸᕋ, ᐃᒡᓗᒐᓴᒡᔪᐊᓯᓗ ᐃᓄᖃᕈᓐᓁᕈᒫᕐᐳᑦ. ᑕᕝᕙ ᖃᐅᔨᓕᕈᒫᕐᐳᓯ ᐅᕙᖓᐅᒐᒪ ᐊᑕᓂᖅ.

ᐃᓯᑭᐊᓕᐅᑉ ᐊᒡᓚᖏᑦ 38:13

ᓰᐸᒥᐅᑦ ᑎᑖᓂᒥᐅᓪᓗ ᓂᐅᕕᕋᕐᑏᓪᓗ ᑖᕐᓯᓯᒥᐅᑍᑦ ᐊᐱᕆᔪᒫᕐᐹᓯ, ‘ᐅᓇᑕᕐᑎᖁᑎᓯ ᐅᓇᑕᕆᐊᕐᑎᑉᐱᓯᐅᒃ ᐊᕐᓵᕐᓯᒋᐊᕐᑎᑐᐃᓐᓇᕐᓗᒋᑦ? ᐃᑖᕆᐊᕐᑐᕐᑎᓪᓗᒋᓪᓗ ᓄᓇᓕᖕᓂᒃ? ᓯᐅᓪᕕᕆᓂᒃ ᒎᓗᓂᒡᓗ ᐆᒪᔪᖁᑎᖏᓐᓂᒡᓗ ᑎᒎᖅᑬᓗᓯ ᐊᐅᓪᓚᕈᑦᔨᔪᒪᑐᐃᓐᓇᕐᓗᓰ?’

ᐂᒨᓯᐅᑉ ᐊᒡᓚᖏᑦ 1:12

ᑏᒪᓐ ᐃᑯᐊᓪᓚᒃᑎᓐᓂᐊᕐᐸᕋ, ᑕᒪᑐᒧᖓᓗ ᐳᔾᕋᒥᐅᑦ ᕿᒫᕕᖏᑦ ᓄᖑᑕᐅᓂᐊᕐᐳᑦ.”

ᐅᐸᑍᐊᑉ ᐊᒡᓚᖏᑦ 1:9

ᐱᒃᓴᕐᑐᔪᖁᑎᑎᓪᓗ ᓯᐊᒻᒪᕐᑎᑕᐅᔪᒫᕐᐳᑦ, ᐆ ᑏᒪᓐ, ᑲᑉᐱᐊᓱᒃᑐᐊᓘᔪᒫᕐᐳᑦ, ᑕᒪᕐᒥᒃ ᑐᖁᑕᐅᔪᒫᕐᐳᑦ ᐄᓴᐅᑉ ᖃᖅᑲᖓᓂ, ᐃᓄᐊᕐᑕᐅᓗᑎᒃ.”

ᕼᐊᐸᑲᐅᑉ ᐊᒡᓚᖏᑦ 3:3

ᒎᑎ ᑎᑭᑉᐳᖅ ᑏᒪᓂᒥᑦ; ᐃᑦᔪᕐᓁᑦᑐᖅ ᐸᕌᓂᐅᑉ ᖃᖅᑲᖓᓂᑦ. ᑖᑦᓱᒪ ᓂᕐᑐᕐᓇᕐᓂᖓᑕ ᕿᓚᒃ ᐅᓕᒃᓯᒪᕚ, ᓄᓇᕐᔪᐊᓕᒫᕐᓗ ᑕᑕᑉᐳᖅ ᑖᑦᓱᒥᖓ ᓂᕐᑐᐃᓂᕐᒥᒃ. ᓰᓚ