22 ᐊᑐᕐᑕᓐᓂᒃ ᐊᑐᕆᐊᖃᕈᒫᕐᐳᓯ; ᖃᓂᓯ ᒪᑐᐊᕈᒫᓐᖏᓚᓯ, ᕿᒃᓵᒃᑐᓪᓗ ᓂᕆᕙᒃᑕᖏᓐᓂᒃ ᓂᕆᔭᕆᐊᖃᕈᒫᓐᖏᓚᓯ.
ᑭᖑᕚᖏᓐᓂᑦ ᐊᒥᐊᒃᑰᔪᑦ ᐋᓐᓂᐊᓇᕐᑐᒧᑦ ᑐᖁᔪᒫᕐᐳᑦ, ᐅᐃᒡᒐᕐᓂᖏᓪᓗ ᐃᓚᓐᖓᕋᓗᐊᕈᑎᒃ ᕿᒃᓵᒍᑎᖃᕈᒫᓐᖏᓚᑦ.
ᑐᓂᕐᕈᓯᕐᑎᑦᓯᔨᖁᑎᖏᑦ ᓴᕕᒡᔪᐊᒧᑦ ᐅᕐᕈᑎᑕᐅᓚᐅᕐᐳᑦ, ᐅᐃᒡᒐᕐᓂᖁᑎᖏᓪᓗ ᕿᒃᓵᖕᓂᕐᒧᑦ ᐅᒡᒍᐊᓚᐅᓐᖏᓚᑦ.
ᕿᒻᒥᕐᔪᐊᑦ ᐸᖓᓕᒃᑐᑦ ᕿᑭᕐᕋᖏᑦ ᑐᓴᕐᓴᐅᓕᕐᐸᑕ, ᐊᑭᕋᖏᑕ ᕿᒧᒃᓯᐅᑎᕐᕙᓗᖏᑦ ᕿᑭᕐᕌᓕᕐᐸᑕ, ᐊᑖᑕᐅᔪᑦ ᓄᑕᖅᑲᒥᖕᓂᒃ ᐃᑲᔪᕐᓯᕈᓐᓇᕐᓂᐊᓐᖏᓚᑦ, ᑕᓕᖏᑦ ᓄᑮᕈᑎᔪᒫᕐᒪᑕ.
‘ᐃᓴᕆᐊᓕᐅᑉ ᑭᖑᕚᖏᑦ ᐅᖃᐅᑎᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᐃᑦᔪᕐᓁᑦᑐᕕᖁᑎᒐ ᓇᕐᕈᓇᕐᓯᑎᓐᓂᐊᕐᐸᕋ, ᐱᔪᓐᓇᕐᓂᑦᓯᓐᓄᑦ ᐱᐅᔪᕆᑦᔪᑎᒋᓯᒪᔭᓯ, ᑕᑯᒥᒋᔭᓯᓗ, ᑕᕐᓂᑦᓯᓗ ᐱᔪᒪᔭᖓ; ᐃᕐᓂᓯ ᐸᓂᓯᓗ ᔨᕉᓴᓕᒧᑦ ᕿᒪᒃᓯᒪᔭᓯ ᓴᕕᒡᔪᐊᓄᑦ ᑐᖁᕋᕐᑕᐅᔪᒫᕐᐳᑦ.
ᓂᐊᖁᓯᓐᓂ ᓂᒥᕆᕙᒃᑕᑦᓯᓐᓂᒃ ᐊᑐᕆᐊᖃᕈᒫᕐᐳᓯ ᐃᑎᒐᒍᑎᓯᓗ ᐊᑐᕐᓗᒋᑦ; ᕿᐊᔪᒫᓐᖏᓚᓯ ᖁᕝᕕᐅᕈᑎᖃᖏᓪᓗᓯᓘᓐᓃᑦ, ᐊᔪᕐᑐᓕᓂᑦᓯᓐᓂᒃ ᐅᒡᒍᐊᕈᑎᖃᓕᕈᒫᕐᐳᓯ ᐃᓕᑦᓯᓐᓄᑦ ᐊᑐᓂᑦ.
“ᐃᓄᒃ ᑍᒤᑦᑐᒥᒃ ᐸᕐᑎᕐᑐᖅ ᐊᓐᓄᕌᓂᒃ ᐊᓕᒃᑐᕐᓯᒪᔪᓂᒃ ᐊᑐᕐᑐᒃᓴᐅᕗᖅ, ᓄᔭᑉᐱᒋᐊᖃᕐᓗᓂᓗ, ᑮᓇᕐᒥᓗ ᐃᓚᖓ ᐅᓕᒃᓯᒪᔭᕆᐊᖃᕐᐹ, ᓂᓪᓕᐊᕙᒡᓗᓂᓗ, ‘ᓴᓗᒤᑦᑐᖓ! ᓴᓗᒤᑦᑐᖓ!’