ᐃᓯᑭᐊᓕᐅᑉ ᐊᒡᓚᖏᑦ 23:37 - ᐊᒡᓔᑦ ᐃᑦᔪᕐᖕᓁᑦᑐᑦ

³⁷ ᐊᓯᓐᓂᐊᖃᑦᑕᕐᓯᒪᕘᒃ, ᐃᓄᐊᕐᑎᑦᓯᖃᑦᑕᕐᓗᑎᒡᓗ; ᒎᑎᓐᖑᐊᓄᑦ ᐊᓯᓐᓂᐊᖃᑦᑕᕐᓯᒪᕘᒃ; ᑐᖁᑕᐅᑎᑦᓯᖃᑦᑕᕐᓯᒪᓪᓗᑎᒡᓗ ᐃᕐᓂᕐᑖᕆᓯᒪᔭᓐᓂᒃ, ᑐᓂᕐᕈᑕᐅᑎᓪᓗᒋᓪᓗ ᐃᑯᐊᓪᓚᒡᓗᒋᑦ ᒎᑎᓐᖑᐊᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 23:37 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 17:17

ᐃᑯᐊᓚᑎᓪᓗᒍ ᑐᓂᕐᕈᓯᕐᕕᖕᓂ ᑐᓂᕐᕈᓯᖃᑦᑕᓚᐅᕐᐳᑦ ᐃᕐᓂᕐᒥᖕᓂᒃ ᐸᓂᖕᒥᖕᓂᒡᓗ, ᐊᖓᒃᑯᓂᒡᓗ ᑕᑎᖃᖃᑦᑕᕐᓗᑎᒃ ᐃᒻᒥᖕᓂᒃ ᑐᓂᓯᒪᓂᖃᓚᐅᕐᐳᑦ ᐱᐅᖏᑦᑐᓂᒃ ᐱᓂᐊᕐᓂᐅᔪᓄᑦ ᐊᑕᓂᐅᑉ ᓵᖓᓂ ᓂᓐᖓᒍᑎᒋᔪᓐᓇᕐᑕᖏᓐᓂᒃ.

ᐊᑕᓃᑦ ᐂᑉᐸᖏᑦ 21:6

ᐃᕐᓂᕐᒥᓂᒃ ᐃᑯᐊᓚᑦᓯᓪᓗᓂ ᑐᓂᕐᕈᓯᓚᐅᕐᐳᖅ, ᓇᓗᓇᕐᑐᓂᒡᓗ ᖃᐅᔨᒪᑦᔪᑎᖃᕋᓱᒃᐸᒃᓗᓂ, ᐊᖓᒃᑯᓂᒡᓗ ᑕᑎᖃᕐᐸᒃᓗᓂ, ᑐᖁᖓᔪᓂᒡᓗ ᖃᐅᔨᒪᓂᕋᕐᑎᓂᒃ ᐃᑲᔪᕐᑎᖃᕋᓱᒃᐸᒃᓗᓂ. ᐊᖏᔪᒥᒃ ᐊᑕᓂᐅᑉ ᓵᖓᓂ ᐊᔪᕐᑐᓕᓚᐅᕐᐳᖅ, ᓂᓐᖓᒃᓮᒍᑎᓂᒡᓗ ᐊᑕᓂᕐᒥᒃ ᐱᓇᓱᐊᕐᓗᓂ.

ᐊᑕᓃᑦ ᐂᑉᐸᖏᑦ 23:10

ᑐᐱᑎᐅᑉ ᑐᒃᓯᐊᕐᕕᒋᔭᐅᔪᓐᓁᓪᓕᑎᑉᐹ ᓇᕐᓴᒦᑦᑐᖅ ᕼᐃᓇᓂᒥᒃ ᑍᔭᐅᔪᒥ, ᑭᓇᓕᒫᖅ ᐃᕐᓂᕐᒥᓂᒃ ᐸᓂᖕᒥᓂᒡᓘᓐᓃᑦ ᑐᓂᕐᕈᓯᖃᑦᑕᕈᓐᓁᖁᓪᓗᒋᑦ ᐃᑯᐊᓚᔪᒥ ᒧᓕᑭᒧᑦ.

ᐊᑕᓃᑦ ᐂᑉᐸᖏᑦ 24:4

ᐸᓯᔭᒃᓴᐅᖏᑦᑐᓂᒡᓗ ᑐᖁᕅᖃᑦᑕᕐᓯᒪᓂᖓᓄᑦ; ᔨᕉᓴᓕᒥᒃ ᐸᓯᔭᒃᓴᐅᖏᑦᑐᑦ ᐊᐅᖏᓐᓂᒃ ᑕᕐᓴᕐᑖᕐᑎᑦᓯᓯᒪᓕᓚᐅᕐᒪᑦ, ᑕᒪᓐᓇᓗ ᐊᑕᓂᐅᑉ ᐃᓱᒪᒋᔪᓐᓁᓚᐅᓐᖏᓛ.

ᐂᓮᐊᓯᐅᑉ ᐊᒡᓚᖏᑦ 1:15

“ᐊᒡᒐᓯ ᐃᓵᒃᑲᓗᐊᕋᑦᓯᐅᒃ ᐅᕙᓐᓄᑦ, ᑕᑯᓐᓇᕐᓂᐊᕈᓐᓃᕐᐸᑦᓯ; ᐅᓄᕐᑐᓂᒃ ᑐᒃᓯᐊᕐᓂᓕᐅᕋᓗᐊᕈᑦᓯ ᓈᓚᖕᓂᐊᓐᖏᓚᖓ, ᐊᒡᒐᓯ ᐊᐅᖏᓐᓇᐅᖕᒪᑕ.

ᔨᕆᒤᐊᐅᑉ ᐊᒡᓚᖏᑦ 32:35

ᒎᑎᓐᖑᐊᓪᓗ ᐰᓕᐅᑉ ᐃᓂᒃᓴᖏᓐᓂᒃ ᐳᕐᑐᔪᓂᒃ ᓴᓇᓯᒪᕗᑦ ᐱᓐ ᕼᐃᓇᐅᑉ ᓇᕐᓴᖓᓂ, ᑐᓂᕐᕈᓯᕈᒪᓪᓗᑎᒃ ᐃᕐᓂᕐᒥᖕᓂᒃ ᐸᓂᖕᒥᖕᓂᒡᓗ ᒎᑎᓐᖑᐊᒧᑦ ᒧᓕᑭᒧᑦ, ᑎᓕᓚᐅᕐᓯᒪᖏᒃᑲᓗᐊᕐᐸᒃᑲ, ᐃᓱᒪᒋᓚᐅᕐᓯᒪᓇᒍᓘᓐᓃᑦ, ᑍᒫᒃ ᐱᐅᖏᑦᑐᐊᓗᖕᒥᒃ ᐊᑐᕐᓗᑎᒃ, ᔫᑕᐅᑉ ᐃᓄᖏᑦ ᐊᔪᕐᑐᓕᑎᑉᐰᑦ.”

ᔨᕆᒤᐊᐅᑉ ᐊᒡᓚᖏᑦ 7:31

ᑐᓂᕐᕈᓯᕐᕕᓕᐅᕐᓯᒪᖕᒪᑕ ᑐᐱᑎᒥ ᐱᐊᓐ ᕼᐃᓇᒻ ᓇᕐᓴᖓᓂ ᐃᕐᓂᕐᒥᖕᓂᒃ ᐸᓂᖕᒥᖕᓂᒡᓗ ᑐᓂᕐᕈᓯᕐᕕᒋᖃᑦᑕᕐᒪᑦᔪᒃ ᐃᑯᐊᓚᓪᓗᒋᑦ ᐱᖁᔭᓕᐅᕈᑎᒋᓚᐅᕐᓯᒪᓐᖏᑕᕋ ᐊᑐᕐᑕᐅᖁᓗᒍ ᐃᓱᒪᒋᓚᐅᕐᓯᒪᓐᖏᑕᕋᓘᓐᓃᑦ.

ᔨᕆᒤᐊᐅᑉ ᐊᒡᓚᖏᑦ 7:6

ᐅᖁᒤᒃᓴᕐᑎᑦᓯᖏᓪᓗᓯᓗ ᐃᓅᖃᑎᑐᖃᕆᓐᖏᑕᑦᓯᓐᓂᒃ, ᐃᓕᐊᕐᔪᖕᓂᒃ, ᐅᐃᒡᒐᕐᓂᕐᓂᒡᓗ ᐸᓯᔭᒃᓴᐅᖏᑦᑐᓂᒡᓗ ᑐᖁᑕᐅᑎᑦᓯᕙᖏᓪᓗᓯ, ᒎᑎᓐᖑᐊᓂᒡᓗ ᒪᓕᒐᖃᕐᓂᑦᓯᓐᓄᑦ ᓇᖕᒥᓂᖅ ᓱᕋᒍᑎᒋᕙᖕᓂᐊᖏᓐᓇᑦᓯᐅᒃ.

ᔨᕆᒤᐊᐅᑉ ᐊᒡᓚᖏᑦ 7:9

ᑎᒡᓕᖃᑦᑕᕐᓂᐊᕐᐱᓰ? ᐃᓄᐊᕐᐸᒡᓗᓯᓗ, ᐊᓯᓐᓂᐊᕐᐸᒡᓗᓯᓗ ᐊᖏᕈᑎᒋᔭᕕᓂᑦᓯᓐᓂᒡᓗ ᐱᔮᖅᑯᒥᒃ ᐊᑐᕈᓐᓃᕐᐸᒡᓗᓯ, ᒎᑎᓐᖑᐊᒧᓪᓗ ᐰᓕᒧᑦ ᑐᓂᕐᕈᓯᕐᐸᒡᓗᓯ, ᒎᑎᓐᖑᐊᓂᒡᓗ ᒪᓕᓕᕐᐸᒡᓗᓯ ᖃᐅᔨᒪᓚᐅᓐᖏᑕᑦᓯᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 16:32

ᐊᓯᓐᓂᐊᕐᑎᐅᕗᓯ ᐊᕐᓇᑐᑦ ᓂᐅᕐᕈᐊᓂᒃ ᐱᖃᑎᖃᖃᑦᑕᕐᑐᑎᑐᑦ ᐅᐃᒥᖕᓂᒃ ᑲᒪᖏᑦᑐᑎᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 16:36

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ, ᑲᓐᖑᓇᕐᑐᓕᓂᓯ ᓴᖅᑭᔮᑦᓯᐊᕐᐳᖅ ᐊᓐᓄᕅᔭᕐᑎᕐᓗᓯ ᐅᕕᓃᓐᓇᐅᓕᖃᑦᑕᕐᓂᑦᓯᑐᑦ ᐃᓐᓇᖓᖃᑎᖃᕐᓗᓯ ᐅᖓᒋᔨᑦᓯᓐᓂᒃ, ᒎᑎᓐᖑᐊᖃᕐᓂᓕᒫᓯᓗ, ᕿᑐᕐᖓᓯᓗ ᐊᐅᖏᓐᓂᒃ ᑐᓂᕐᕈᑎᖃᖃᑦᑕᕐᓂᓯ ᑖᒃᑯᓄᖓ,

ᐃᓯᑭᐊᓕᐅᑉ ᐊᒡᓚᖏᑦ 16:38

ᐃᖅᑲᕐᑐᕈᒫᕐᐸᑦᓯ ᐊᕐᓁᑦ ᓄᓕᐊᕇᖕᓂᕐᒥᒃ ᐊᓯᕈᐃᓯᒪᔪᑦ ᐃᓄᐊᕐᑏᓪᓗ ᐃᖅᑲᕐᑐᕐᑕᐅᓂᖏᑎᑐᑦ, ᑎᑭᑕᐅᑎᑦᓱᒫᕐᐸᑦᓯ ᐊᐅᖕᒧᑦ ᓂᓐᖓᕕᒡᔪᐊᕐᓂᕐᒧᑦ ᓯᖕᓇᓂᕐᒧᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 16:45

ᐊᓈᓇᕕᑦ ᐸᓂᒋᕚᑎᑦ, ᐅᐃᒥᓂᒃ ᓇᕐᕈᓕᓚᐅᕐᑐᒥᒃ ᕿᑐᕐᖓᒥᓂᒡᓗ; ᖃᑕᓐᖑᑎᖕᓄᓪᓗ ᖃᑕᓐᖑᑎᒋᔭᐅᕗᑎᑦ, ᐅᐃᒥᖕᓂᒃ ᓇᕐᕈᓕᕐᓯᒪᔪᓄᑦ ᕿᑐᕐᖓᒥᖕᓂᒡᓗ. ᐊᓈᓇᖃᕐᐳᑎᑦ ᕼᐃᑍᑎᒥᒃ ᐊᑖᑕᖃᕐᓗᑎᓪᓗ ᐊᒧᕅᑎᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 20:26

ᓴᓗᒤᓕᑎᓚᐅᕐᐸᒃᑲ ᑐᓂᕐᕈᓯᖃᑦᑕᕐᓂᖏᑎᒍᑦ ᕿᑐᕐᖓᕐᑖᕆᐅᕈᑎᒥᖕᓂᒃ ᐃᑯᐊᓚᑎᑦᓯᓂᒃᑯᑦ, ᑲᑉᐱᐊᓱᒃᑎᑦᓱᒪᓪᓗᒋᑦ; ᑍᒤᑎᓚᐅᕐᐸᒃᑲ ᖃᐅᔨᓕᖁᓪᓗᒋᑦ ᐅᕙᖓᐅᒐᒪ ᐊᑕᓂᖅ.

ᐃᓯᑭᐊᓕᐅᑉ ᐊᒡᓚᖏᑦ 20:31

ᑐᓂᕐᕈᓯᕌᖓᑦᓯ ᑐᓂᕐᕈᑎᒃᓴᓂᒃ ᐃᕐᓂᑦᓯᓐᓂᒡᓗ ᐃᑯᐊᓪᓔᓪᓗᓯ ᑐᓂᕐᕈᓯᕌᖓᑦᓯ, ᑕᕝᕙ ᐃᓕᑦᓯᓐᓂᒃ ᓴᓗᒤᓕᑎᑉᐳᓯ ᒎᑎᓐᖑᐊᓕᒫᓯᓗ ᐅᓪᓗᒥᒧᑦ ᑎᑭᓪᓗᒍ. ᐊᐱᕐᓱᕐᑕᐅᔭᕆᐊᖃᕐᐳᖔ ᐃᓕᑦᓯᓐᓄᑦ, ᐃᓴᕆᐊᓕᒧᑦ ᑭᖑᕚᖑᔪᓯ? ᐃᓅᒐᒪ, ᐊᑕᓂᖅ ᒎᑎ ᐅᖃᕐᐳᖅ, ᐃᓕᑦᓯᓐᓄᑦ ᐊᐱᕐᓱᕐᑕᐅᔪᒪᓐᖏᓚᖓ.

ᐃᓯᑭᐊᓕᐅᑉ ᐊᒡᓚᖏᑦ 23:39

ᕿᑐᕐᖓᑎᒃ ᑐᖁᓪᓗᒋᑦ ᑐᓂᕐᕈᑎᖃᕋᒥᒃ ᒎᑎᓐᖑᐊᓄᑦ, ᐅᓪᓗᒥ ᑕᕝᕙᓂᑦᓮᓐᓇᖅ ᐃᑦᔪᕐᓁᑦᑐᕕᖁᑎᒐ ᓇᕐᕈᓇᕐᓯᑎᓚᐅᕐᐹᒃ; ᑕᕝᕙ ᑍᒫᒃ ᐃᒡᓗᓐᓂ ᑍᒤᓕᐅᖃᑦᑕᓚᐅᕐᐴᒃ.

ᐃᓯᑭᐊᓕᐅᑉ ᐊᒡᓚᖏᑦ 23:45

ᐊᖑᑎᓄᓪᓕ ᐃᓱᐊᕐᑐᓕᔪᓄᑦ ᐃᖅᑲᕐᑐᕐᑕᐅᓗᑎᒃ ᑐᑭᑖᕈᑕᐅᔪᒫᓕᕐᐴᒃ ᐊᓯᓐᓂᐊᕐᑎᐅᓂᕋᕐᑕᐅᓗᑎᒃ, ᐃᓄᐊᕐᑎᐅᓂᕋᕐᑕᐅᓗᑎᒡᓗ; ᐊᓯᓐᓂᐊᕐᑎᐅᖕᒪᑎᒃ ᐃᓄᐊᕐᑎᐅᓪᓗᑎᒡᓗ.

ᕼᐆᓯᐊᑉ ᐊᒡᓚᖏᑦ 1:2

ᐊᑕᓂᖅ ᓯᕗᓪᓕᕐᐹᒥᒃ ᐅᖃᕐᑎᓪᓗᒍ ᕼᐆᓯᐊᒃᑯᑦ, ᐊᑕᓂᖅ ᐅᖃᕐᐳᖅ ᕼᐆᓯᐊᒧᑦ, “ᓄᓕᐊᓂᒋᐊᕐᑐᓕᕆᑦ ᐊᖑᓐᓂᐊᕐᑎᒥᒃ ᕿᑐᕐᖏᐅᕐᓗᑎᓪᓗ ᐊᖑᓐᓂᐊᕐᑎᒃᑯᑦ, ᓄᓇ ᑕᒪᓐᓇ ᐊᓯᓐᓂᐊᕐᓯᒪᔪᕐᔪᐊᖑᖕᒪᑦ ᐊᑕᓂᕐᒥᒃ ᕿᒤᓯᒪᓂᕐᒥᒍᑦ.”

ᕼᐆᓯᐊᑉ ᐊᒡᓚᖏᑦ 3:1

ᐊᑕᓂᐅᓪᓗ ᐅᖃᐅᑎᕚᖓ, “ᐂᓚᐅᕐᒥᒋᑦ, ᓇᒡᓕᒋᓕᕐᒥᓗᒍᓗ ᐊᕐᓇᖅ ᐅᖓᒋᔭᐅᔪᖅ ᐊᓯᓐᓂᐊᕐᑎᐅᓪᓗᓂᓗ; ᑍᒫᒃᑕᐅᖅ ᐃᓴᕆᐊᓕᒥᐅᑦ ᐊᑕᓂᐅᑉ ᓇᒡᓕᒋᖕᒪᒋᑦ ᓱᓕ, ᒎᑎᓐᖑᐊᓄᑦ ᓵᖃᑦᑕᓚᐅᕋᓗᐊᕐᑎᓪᓗᒋᑦ ᐱᐅᒃᓴᓚᐅᕋᓗᐊᕐᑎᓪᓗᒋᓪᓗ ᑐᓂᕐᕈᓯᕈᑎᓂᒃ ᐆᓯᒪᔪᓂᒃ ᓂᐊᖂᔭᓂᒃ ᐸᐅᕐᖓᐅᔭᓕᖕᓂᒃ.”

ᕼᐆᓯᐊᑉ ᐊᒡᓚᖏᑦ 4:2

ᐅᖃᕕᒃᓗᑎᒃ ᐊᖏᒻᒪᕆᒃᐸᒃᑲᓗᐊᕐᐳᑦ, ᓴᒡᓗᖃᑦᑕᕐᐳᑦ, ᑐᖁᕅᕗᑦ, ᑎᒡᓕᒐᕐᐳᑦ, ᐊᓯᓐᓂᐊᕐᓗᑎᒡᓗ; ᐱᕋᔭᖕᓃᓪᓗ ᑭᒡᓕᖃᕈᓐᓃᕐᐳᑦ, ᑐᖁᕅᑐᐃᓐᓇᓕᕐᐳᑦ ᑐᖓᓕᕇᒥᒃ.

ᒨᓯᓯ ᐱᖓᔪᖏᑦ 18:21

ᕿᑐᕐᖓᕐᓂᒃ ᑐᓂᕐᕈᑎᖃᕆᐊᖃᓐᖏᓚᑎᑦ ᒎᑎᓐᖑᐊᒧᑦ ᒧᓕᑭᒧᑦ, ᒎᑎᕕᑦ ᐊᑎᖓᓂᒃ ᓇᕐᕈᓇᕐᓯᑎᑦᓯᖁᓇᒃ, ᐅᕙᖓ ᐊᑕᓂᐅᒐᒪ.

ᒤᑲᐅᑉ ᐊᒡᓚᖏᑦ 3:10

ᓴᓇᓚᐅᕐᑐᓯ ᓮᐅᓂᒥᒃ ᐊᐅᖕᒥᒃ ᐊᑭᖃᕐᓗᒍ, ᔨᕉᓴᓕᒥᒡᓗ ᓴᓇᓚᐅᕐᑐᓯ ᐱᐅᖏᑦᑐᓕᓂᒃᑯᑦ.

ᓘᑲᓯᐅᑉ ᐊᒡᓚᖏᑦ 13:34

“ᔨᕉᓴᓕᒻ, ᔨᕉᓴᓕᒻ, ᓇᓚᐅᑦᑍᔪᓂᒃ ᑐᖁᑦᓯᔪᑎᑦ ᐅᔭᖅᑲᓄᑦ ᒥᓪᓗᕐᑐᑎᑦ ᓇᓚᐅᑦᑍᔪᓂᒃ! ᐅᓄᕐᑐᐃᕐᓱᕐᓗᖓ ᐃᓄᒋᔭᑎᑦ ᐃᕿᑦᓱᒪᑲᑦᑕᓚᐅᕋᓗᐊᕐᐸᒃᑲ ᓲᕐᓗ ᐊᕿᒡᒋᐅᔭᐅᑉ ᕿᑐᕐᖓᓂ ᐃᓴᕈᕐᒥ ᐊᑖᓄᑦ ᑲᑎᑎᑕᖏᑎᑐᑦ, ᑍᒤᑕᐅᔪᒪᓚᐅᓐᖏᓚᓯᓕ!

ᒨᓯᓯ ᑕᓪᓕᒪᖏᑦ 12:31

ᐊᑕᓂᖅ ᒎᑎᓯ ᑐᒃᓯᐊᕐᕕᒋᔭᒃᓴᕆᓐᖏᓚᓯ ᑍᒃᑯᐊ ᒎᑎᓐᖑᐊᒥᖕᓄᑦ ᑐᒃᓯᐊᕈᓯᖏᑎᑐᑦ, ᒎᑎᒥᖕᓄᑦ ᑐᒃᓯᐊᓕᕌᖓᒥᒃ ᓈᒻᒪᖏᑦᑐᐊᓗᖕᓂᒃ ᐱᓂᐊᕐᓂᖃᓲᖑᖕᒪᑕ ᐊᑕᓂᐅᑉ ᐆᒥᒋᔭᖏᓐᓂᒃ. ᕿᑐᕐᖓᒥᖕᓂᒃ ᐊᒡᓛᑦ ᑐᓂᕐᕈᓯᓲᖑᖕᒪᑕ ᑐᓂᕐᕈᓯᕐᕕᖕᒥ ᐃᑯᐊᓪᓚᒃᑎᓪᓗᒋᑦ.