ᐃᓯᑭᐊᓕᐅᑉ ᐊᒡᓚᖏᑦ 23:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐊᖑᓐᓂᐊᕐᓂᓂᓕ ᑲᔪᓯᑎᓐᓇᒥᐅᒃ ᑲᓐᖑᓱᒐᓂ ᐊᓐᓄᕌᖃᖏᓐᓂᓂ ᓴᖅᑭᔮᕐᑎᓕᕐᒪᒍ, ᑐᓄᓚᐅᕐᐸᕋ ᓇᕐᕈᒋᓕᕐᓗᒍ, ᐊᖓᔪᐊᑦᑕᐅᖅ ᑍᒤᓚᐅᕐᒥᒐᒃᑯ.

ᐃᓯᑭᐊᓕᐅᑉ ᐊᒡᓚᖏᑦ 23:18 ပူးပေါင်းရင်းမြစ်များ

ᐃᓐᖏᕈᑎᑦ 106:40

ᑍᒤᒻᒪᑦ ᐊᑕᓂᐅᑉ ᓂᓐᖓᓂᖓ ᐱᒋᐊᓯᓚᐅᕐᐳᖅ ᐃᓄᖁᑎᒥᓄᑦ, ᓇᕐᕈᒋᓕᕐᓗᒋᓪᓗ ᓇᖕᒥᓂᖅ ᑭᖑᕐᖑᑦᔨᔨᖁᑎᒋᔭᓂ.

ᐃᓐᖏᕈᑎᑦ 78:59

ᒎᑎᓕ ᑕᒪᑐᒥᖓ ᑐᓴᕋᒥ, ᐊᒃᓱᐊᓗᒃ ᓂᓐᖓᓚᐅᕐᐳᖅ, ᐃᓴᕆᐊᓖᓪᓗ ᓇᕐᕈᒋᓕᕐᓗᒋᑦ ᖁᔭᓈᑦᓯᐊᓚᐅᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 3:9

ᑮᓇᖏᑕ ᑕᑯᒃᓴᐅᓂᖏᑦ ᓇᓗᓁᕐᓯᕗᑦ ᐸᓯᔭᒃᓴᐅᓂᖏᓐᓂᒃ; ᐊᔪᕐᓂᑎᒃ ᓴᖅᑭᑎᑉᐰᑦ ᓱᑑᒪᒥᐅᑎᑐᑦ, ᐃᔨᕐᓯᒪᓇᒋᓪᓗ. ᑲᑉᐱᐊᓐᓇᒦᒃ ᑕᕐᓂᖏᑦ! ᐱᐅᖏᑦᑐᒥᒃ ᐃᒻᒥᖕᓄᑦ ᓇᖕᒥᓂᖅ ᐱᑎᑦᓯᖕᒪᑕ.

ᐂᓮᐊᓯᐅᑉ ᐊᒡᓚᖏᑦ 57:8

ᐅᒃᑯᐊᑦᓯᓐᓄᑦ ᐊᕙᓗᖏᓐᓄᓪᓗ ᓂᕕᓐᖓᕐᑎᑦᓯᕙᒃᐳᓯ ᒎᑎᖃᖏᑦᑐᑦ ᐱᔪᓐᓇᐅᑎᖏᓐᓂᒃ; ᐅᕙᓐᓂᒃ ᖁᔭᓈᕐᓯᖔᕐᓗᓯ, ᕿᐱᓯᓗ ᒪᒃᐱᕐᓗᒋᑦ ᐃᓐᓇᖓᖃᑎᒌᒃᐸᒃᐳᓯ; ᓯᓂᒡᕕᓯ ᓴᓂᒧᑐᔫᓕᕐᑎᓪᓗᒋᑦ ᐊᖏᖃᑎᖃᕐᐸᒃᐳᓯ ᐊᑭᑭᒡᓕᒋᐊᕈᑎᒃᓴᖏᓐᓂᒃ ᑖᒃᑯᐊ; ᓯᓂᒡᕕᖏᑦ ᐅᖓᒋᒐᑦᓯᐅᒃ, ᐊᓐᓄᕅᓐᖔᕐᑎᓪᓗᒋᑦ ᑕᑯᓐᓇᕈᒪᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 12:8

ᐃᓄᖁᑎᒋᔪᒪᓯᒪᔭᒪ ᓇᐹᕐᑐᓃᑦᑐᑎᑐᑦ ᓛᔭᑎᑐᑦ ᐃᕐᓯᓵᓕᕐᒪᖓ, ᑍᒤᒻᒪᑦ ᐆᒥᒋᓕᕐᐸᒃᑲ.

ᔨᕆᒤᐊᐅᑉ ᐊᒡᓚᖏᑦ 15:1

ᑕᕝᕙ ᐊᑕᓂᐅᑉ ᐅᖃᕐᕕᒋᕚᖓ, “ᒨᓯᓯᓗ ᓴᒧᐃᓕᓗ ᐅᕙᓐᓄᑦ ᕿᓄᒐᔭᕋᓗᐊᕐᐸᑎᒃ, ᑖᒃᑯᐊ ᐃᓅᖃᑎᒌᑦ ᓂᑲᒋᓕᕋᔭᓐᖏᓚᒃᑲ, ᑕᑯᓐᓇᕈᒪᖏᓐᓇᒃᑭᑦ ᓇᔪᕐᑕᓐᓂᑦ ᐊᐅᓪᓚᖁᓚᐅᒃᑭᑦ.

ᔨᕆᒤᐊᐅᑉ ᐊᒡᓚᖏᑦ 6:8

ᔨᕉᓴᓕᒥᐅᑕᐅᔪᓯ ᐃᓂᕐᑎᕆᑦᔪᑎᒃᑲ ᑐᓴᕐᓯᐅᒃ. ᑐᓴᕐᓂᐊᖏᒃᑯᑦᓯᐅᒃ ᕿᒪᖕᓂᐊᕐᐸᑦᓯ, ᓄᓇᖁᑎᓯᓗ ᓱᓇᖃᕈᓐᓃᕐᑎᓪᓗᒍ ᓄᓇᒋᔪᒥᓇᕈᓐᓃᕐᑎᓪᓗᒍᓗ ᑭᑯᒃᑐᐃᓐᓇᕐᓄᑦ.”

ᔨᕆᒤᐊᐅᑉ ᐊᒡᓚᖏᑦ 8:12

ᑲᓐᖑᓲᑎᖃᕐᐹᑦ ᓈᒻᒪᖏᑦᑐᓂᒃ ᐃᓕᖅᑯᓯᖃᕐᓂᕐᒥᖕᓃᒃ? ᐋᒃᑲ. ᑲᓐᖑᓱᖏᑦᓯᐊᕐᐳᑦ, ᐊᐅᐸᓪᓕᕆᐊᒃᓵᕐᓘᓐᓃᑦ ᓇᓗᓕᕐᐳᑦ, ᑲᑕᒃᓯᒪᔪᓄᑦ ᑲᑕᖃᑕᐅᓂᐊᕐᐳᑦ, ᓱᒋᐊᓕᕈᒃᑭᑦ ᓱᓇᐅᔪᓐᓃᕈᒫᕐᐳᑦ ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:7

ᐊᑕᓂᐅᑉ ᑐᓂᕐᕈᓯᕐᕕᖁᑎᓂ ᐃᑦᔪᕐᓁᑦᑐᒃᑯᕕᖁᑎᓂᓗ ᖁᔭᓈᕐᐰᑦ ᐃᒡᓗᒐᓴᒡᔪᐊᖁᑎᒥᓗ ᐊᕙᓗᕐᔪᐊᖏᑦ ᓯᖁᒥᑕᐅᑎᑉᐰᑦ ᐊᑭᕋᖏᓐᓄᑦ, ᓵᓚᖃᕐᓂᕐᒥᒃ ᓂᓪᓕᐊᕕᐅᓕᕐᐳᑦ ᑐᒃᓯᐊᕐᕕᒃᔪᐊᖁᑎᕗᑦ ᓂᕐᑐᐃᕙᓗᒃᑐᓂᒃ ᓂᓪᓕᐊᕕᐅᕙᓚᐅᕐᑐᖅ ᓇᓪᓕᐅᓐᓂᕐᓯᐅᕖᑦ ᐊᑐᕐᑎᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 16:36

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ, ᑲᓐᖑᓇᕐᑐᓕᓂᓯ ᓴᖅᑭᔮᑦᓯᐊᕐᐳᖅ ᐊᓐᓄᕅᔭᕐᑎᕐᓗᓯ ᐅᕕᓃᓐᓇᐅᓕᖃᑦᑕᕐᓂᑦᓯᑐᑦ ᐃᓐᓇᖓᖃᑎᖃᕐᓗᓯ ᐅᖓᒋᔨᑦᓯᓐᓂᒃ, ᒎᑎᓐᖑᐊᖃᕐᓂᓕᒫᓯᓗ, ᕿᑐᕐᖓᓯᓗ ᐊᐅᖏᓐᓂᒃ ᑐᓂᕐᕈᑎᖃᖃᑦᑕᕐᓂᓯ ᑖᒃᑯᓄᖓ,

ᐃᓯᑭᐊᓕᐅᑉ ᐊᒡᓚᖏᑦ 21:24

ᑍᒤᒻᒪᑦ ᐃᒫᒃ ᐊᑕᓂᖅ ᒎᑎ ᐅᖃᕐᐳᖅ: ᐸᓯᔭᒃᓴᐅᓂᓯ ᐃᖅᑲᐅᒪᔭᐅᑦᔪᑎᒃᓴᓕᐅᕋᑦᓯᐅᒃ, ᑕᒪᑐᒨᓇᓗ ᐊᔪᕐᑐᓕᓂᓯ ᓴᖅᑭᑎᑕᐅᕗᑦ, ᐱᓂᐊᕐᓂᕆᔭᓕᒫᑦᓯᒍᑦ ᓴᖅᑭᑎᑦᓯᕗᓯ ᐊᔪᕐᑐᓕᓂᑦᓯᓐᓂᒃ; ᐃᖅᑬᓯᒪᒐᑦᓯ, ᑕᕝᕙ ᐊᑭᕋᑦᓯᓐᓄᑦ ᑎᒍᔭᐅᔪᒃᓴᐅᓕᕐᐳᓯ.

ᐃᓯᑭᐊᓕᐅᑉ ᐊᒡᓚᖏᑦ 23:10

ᑖᒃᑯᐊ ᐊᓐᓄᕅᔭᕐᑎᓚᐅᕐᐹᑦ; ᐃᕐᓂᖏᑦ ᐸᓂᖏᓪᓗ ᑎᒍᔭᐅᓪᓗᑎᒃ; ᓴᕕᒡᔪᐊᒧᓪᓗ ᑐᖁᑕᐅᓪᓗᓂ; ᐊᕐᓇᓄᑦ ᐅᓂᒃᑳᕆᔭᐅᕙᓕᓚᐅᕐᐳᖅ, ᐊᑭᒋᐊᕐᑕᐅᓂᒃᑯᑦ ᑐᖁᑕᐅᓂᕋᕐᑕᐅᓪᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 23:19

ᐊᖑᓐᓂᐊᕐᐸᓪᓕᐊᑐᐃᓐᓇᓚᐅᕐᐳᕐᓕ, ᓂᕕᐊᕐᓵᖑᓪᓗᓂ ᐊᖑᓐᓂᐊᕐᑎᐅᓚᐅᕐᓂᓂ ᐃᖅᑲᐅᒪᓪᓗᒍ, ᐄᑦᔨᑉᑎᒥ ᐊᖑᓐᓂᐊᕐᑎᐅᓂᕆᓚᐅᕐᑕᓂ.

ᐃᓯᑭᐊᓕᐅᑉ ᐊᒡᓚᖏᑦ 23:9

ᑍᒤᒻᒪᑦ ᐅᖓᒋᓕᕐᑕᖏᓐᓄᑦ ᑐᓂᑦᔪᑎᒋᓚᐅᕐᐸᕋ, ᐊᓯᕆᐊᒥᐅᑦ ᐱᔪᓐᓇᕐᓂᖏᓐᓄᑦ, ᐃᒃᓯᒎᕐᓂᕐᒥᓄᑦ ᑍᒤᑦᑐᒪᖕᒪᑦ.

ᕼᐆᓯᐊᑉ ᐊᒡᓚᖏᑦ 2:2

“ᐊᓈᓇᓯ ᐊᔪᐃᓐᓈᕆᓯᐅᒃ ᐅᑎᖅᑯᓪᓗᒍ, ᓄᓕᐊᕆᔪᓐᓁᕋᒃᑯ ᑖᑦᓱᒪᓗ ᐅᐃᒋᔪᓐᓁᕐᒪᖓ, ᐊᔪᐃᓐᓈᕆᓯᐅᒃ ᐊᑐᒐᐅᔪᓐᓁᖁᓪᓗᒍ ᐊᑭᓕᕐᑕᐅᓂᕐᒧᑦ, ᐊᓯᓐᓂᐊᕐᑎᐅᔪᓐᓁᖁᓪᓗᒍᓗ.

ᕼᐆᓯᐊᑉ ᐊᒡᓚᖏᑦ 7:1

“ᐋᖅᑭᒍᒪᒐᓗᐊᕋᒃᑭᑦ ᐃᓴᕆᐊᓕᒥᐅᑦ, ᐱᐅᖏᑦᑐᓂᒃ ᐃᕗᕅᒥᐅᑦ ᐱᓇᓱᐊᕐᓂᖏᑦ ᓴᖅᑭᑉᐳᑦ, ᓴᒥᐊᕆᐊᒥᐅᓪᓗ ᐱᐅᖏᑦᑐᓕᓂᖏᑦ; ᓱᓕᖏᑦᑐᓂᒃ ᐋᖅᑮᖃᑎᖃᖃᑦᑕᕐᐳᑦ, ᑎᒡᓕᒃᑏᑦ ᐃᒡᓗᓄᑦ ᐃᓵᖃᑦᑕᕐᐳᑦ, ᐊᖅᑯᑎᒦᑦᑐᓂᒡᓗ ᑎᒡᓕᒐᕐᕕᖃᖃᑦᑕᕐᓗᑎᒃ.

ᐂᒨᓯᐅᑉ ᐊᒡᓚᖏᑦ 5:21

“ᓇᓪᓕᐅᓐᓂᕐᓯᐅᕐᕕᓯ ᐆᒥᒋᕙᒃᑲ ᓇᕐᕈᒋᓪᓗᒋᑦ, ᑐᒃᓯᐊᕆᐊᕐᓯᒪᓂᓯᓗ ᖁᕕᐊᒋᓐᖏᓚᒃᑲ.

ᐂᒨᓯᐅᑉ ᐊᒡᓚᖏᑦ 6:8

ᐊᑕᓂᖅ ᒎᑎᐅᓂᕐᒥᒍᑦ ᐊᖏᒻᒪᕆᒃᐳᖅ, ᕿᓚᖕᒥᐅᒐᓴᒃᔪᐊᑦ ᐊᑕᓂᖓ ᒎᑎ ᐅᖃᕐᐳᖅ, “ᔧᑰᑉ ᐱᐅᔪᕆᓂᖓ ᓇᕐᕈᒋᕙᕋ, ᕿᒫᕕᖏᓪᓗ ᐆᒥᒋᕙᒃᑲ, ᑍᒤᒻᒪᑦ ᐃᒡᓗᒐᓴᖓ ᐂᑦᑑᑎᒋᓂᐊᕐᐸᕋ ᑕᕝᕙᓃᑦᑐᓕᒫᓪᓗ.”

ᓴᑲᕅᐊᐅᑉ ᐊᒡᓚᖏᑦ 11:8

ᑕᖅᑭᒥ ᐊᑕᐅᓯᕐᒥ ᓰᐱᓕᕆᔩᑦ ᐱᖓᓱᑦ ᓄᖅᑲᕐᑎᓚᐅᕐᐸᒃᑲ; ᑖᒃᑯᓇᓐᖓᑦ ᐊᑲᐅᒋᔭᐅᓚᐅᖏᓐᓇᒪ ᐅᕙᖓᓗ ᑕᖃᑦᔪᑎᓚᐅᕋᒃᑭᑦ.

ᒨᓯᓯ ᑕᓪᓕᒪᖏᑦ 32:19

ᐊᑕᓂᐅᑉ ᑕᒪᓐᓇ ᑕᑯᒐᒥᐅᒃ ᓂᓐᖓᐅᒪᕕᒋᓕᓚᐅᕐᐰᑦ, ᐃᕐᓂᖏᓪᓗ ᐸᓂᖏᓪᓗ ᑖᑦᓱᒥᖓ ᓂᓐᖓᒃᓮᖕᒪᑕ.