ᐃᓯᑭᐊᓕᐅᑉ ᐊᒡᓚᖏᑦ 22:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᑐᓂᕐᕈᓯᕐᑎᑦᓯᔩᑦ ᐱᖁᔭᓐᓂᒃ ᓯᖁᒥᑦᓯᓪᓗᑎᒃ ᐃᑦᔪᕐᓁᑎᑕᓐᓂᒡᓗ ᓇᕐᕈᓇᕐᓯᑎᑦᓯᖃᑦᑕᕐᐳᑦ; ᐃᑦᔪᕐᓁᑦᑐᓂᒃ ᖃᐅᑕᒫᕐᓯᐅᑎᓂᒡᓗ ᐊᑦᔨᒌᖏᑦᑑᑎᑦᓯᔪᓐᓃᕐᐳᑦ, ᐊᔪᕆᕐᑐᐃᖃᑦᑕᕋᑎᒡᓗ ᓇᕐᕈᓇᕐᑐᑦ ᓇᕐᕈᓇᖏᑦᑐᓪᓗ ᐊᑦᔨᒌᖏᓐᓂᖏᓐᓂᒃ, ᓴᐸᑎᖁᑎᒃᑲᓗ ᑲᒪᒋᔪᓐᓁᕐᓗᒋᑦ, ᑍᒤᒻᒪᑦ ᓇᕐᕈᓇᕐᑎᑕᐅᓕᕐᐳᖓ ᑖᒃᑯᓇᓂ.

ᐃᓯᑭᐊᓕᐅᑉ ᐊᒡᓚᖏᑦ 22:26 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 36:14

ᑐᓂᕐᕈᓯᕐᑎᑦᓯᔩᑦᑕᐅᖅ ᓯᕗᓕᕐᑎᖏᑦ ᐃᓄᐃᓪᓗ ᓈᒻᒪᖏᑦᑐᓕᕙᓪᓕᐊᓚᐅᕐᐳᑦ, ᐃᓅᖃᑎᒌᒡᔪᐊᑦ ᓇᕐᕈᓇᕐᑐᓕᓂᖏᓐᓂᒃ ᒪᓕᒃᓗᑎᒃ; ᐊᑕᓂᐅᓪᓗ ᐃᒡᓗᖓ ᓴᓗᒤᓕᕐᑎᓚᐅᕐᐹᑦ ᑖᑦᓱᒪ ᐃᑦᔪᕐᓁᓕᑎᓚᐅᕐᑕᖓ ᔨᕉᓴᓕᒥ.

ᔨᕆᒤᐊᐅᑉ ᐊᒡᓚᖏᑦ 15:19

ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᕐᐳᖅ: “ᐅᕙᓐᓄᑦ ᐅᑎᕈᕕᑦ ᑕᕝᕙ ᐅᑎᕐᑎᓐᓂᐊᕐᐸᒋᑦ, ᐱᔨᑦᓯᓕᕐᓂᐊᕋᕕᖓ, ᐊᑐᕐᓇᕐᑐᓂᒡᓗ ᐅᖃᓪᓚᖃᑦᑕᓕᕐᓂᐊᕋᕕᑦ, ᐊᑐᕐᓇᖏᑦᑐᓂᒃ ᐅᖃᐅᓯᖃᕈᓐᓃᕐᓗᑎᑦ, ᖃᓂᕆᓕᕐᓂᐊᕆᕙᒋᑦ, ᑖᒃᑯᓄᖓ ᐅᐸᒃᑕᐅᔪᒫᕐᐳᑎᑦ, ᑖᒃᑯᓄᖓᓕ ᐅᐸᒍᑎᔭᕆᐊᖃᕐᓂᐊᓐᖏᓚᑎᑦ.

ᔨᕆᒤᐊᐅᑉ ᐊᒡᓚᖏᑦ 2:8

ᑐᓂᕐᕈᓯᕐᑎᑦᓯᔩᓪᓗ ᑐᑭᓯᓇᓱᓚᐅᓐᖏᓚᑦ, ‘ᐊᑕᓂᖅ ᓇᓃᒻᒪᖔᑦ?’ ᐱᖁᔭᓂᒡᓗ ᐱᓇᓱᐊᕐᐸᒃᑑᒐᓗᐊᑦ ᐅᕙᓐᓂᒃ ᖃᐅᔨᒪᓚᐅᓐᖏᓚᑦ; ᓯᕗᓕᕐᑎᐅᔪᓪᓗ ᐅᕙᓐᓂᒃ ᐊᑭᕋᕐᑐᓚᐅᕐᐳᑦ, ᓇᓚᐅᑦᑍᔩᓪᓗ ᐰᓕᒧᑦ ᓇᓚᐅᑦᑍᔨᒋᔭᐅᓕᕐᓗᑎᒃ, ᒪᓕᒃᑲᒥᒃ ᒎᑎᓐᖑᐊᓂᒃ ᐊᑑᑎᒃᓴᖃᖏᑦᑐᓂᒃ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:13

ᑍᒤᑦᓱᓐᓁᓚᐅᕐᐳᕐᓕ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ, ᑐᓂᕐᕈᓯᕐᑎᑦᓯᔨᖁᑎᖏᓪᓗ ᒎᑎᒧᑦ ᐊᔪᕐᑐᓕᓚᐅᕐᒪᑕ ᑐᖁᑕᐅᑎᑦᑎᓯᒪᓂᕐᒥᖕᓄᑦ ᐸᓯᔭᒃᓴᐅᖏᑦᑐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 22:8

ᐃᑦᔪᕐᓁᑦᑐᖁᑎᒃᑲ ᓇᕐᕈᒋᕙᓯ, ᓴᐸᑎᖁᑎᒃᑲᓗ ᓇᕐᕈᓇᕐᓯᑎᑦᓱᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 23:38

ᓱᓕᓗ ᐱᓂᐊᕐᓯᒪᕘᒃ ᐃᑦᔪᕐᓁᑦᑐᕕᖁᑎᒐ ᐃᑦᔪᕐᓇᕐᓯᑎᓚᐅᕐᐹᒃ ᐅᓪᓗᒥᓗ ᑕᕝᕙᓂᑦᓮᓐᓇᖅ ᓴᐸᑎᖁᑎᒃᑲ ᓇᕐᕈᓇᕐᓯᑎᑦᓱᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 36:20

ᐃᓅᖃᑎᒌᒡᔪᐊᓄᓪᓕ ᑎᑭᑦᓴᕌᖓᑕ, ᓇᑭᑐᐃᓐᓈᕋᓗᐊᕐᐸᑕ, ᐊᑎᕋ ᐃᑦᔪᕐᓁᑦᑐᖅ ᓇᕐᕈᓇᕐᓯᑎᖃᑦᑕᓚᐅᕐᐹᑦ, ᐃᓄᖕᓄᑦ ᐅᖃᐅᓯᐅᕙᓚᐅᕐᒪᑕ, ‘ᐅᑯᐊ ᐊᑕᓂᐅᑉ ᐃᓄᖁᑎᖏᑦ, ᓄᓇᖁᑎᖓᓂᓪᓕ ᐊᐅᓪᓚᕐᑎᑕᐅᔭᕆᐊᖃᓕᓚᐅᕐᐳᑦ.’

ᐃᓯᑭᐊᓕᐅᑉ ᐊᒡᓚᖏᑦ 42:20

ᐊᑭᓐᓇᓕᒫᖏᑦ ᓯᑕᒪᑦ ᐆᒃᑐᕋᕇᕐᒪᒋᑦ. ᐊᕙᑖᒍᑦ ᐊᕙᓗᕐᔪᐊᖓ, 840ᓂᒃ ᐃᑎᒐᖕᓂᒃ ᑕᑭᓂᖃᕐᐳᖅ ᓴᓂᒧᖃᕐᓗᓂᓗ ᑭᒃᐹᕆᓪᓗᐊᕐᓗᓂ, ᐊᕙᓗᕐᔪᐊᕐᓗ ᐊᕕᒃᓯᒪᑎᑦᓯᕗᖅ ᐃᑦᔪᕐᓁᑦᑐᓂᒃ ᐃᑦᔪᕐᓁᑦᑑᖏᑦᑐᓂᒡᓗ.

ᐃᓯᑭᐊᓕᐅᑉ ᐊᒡᓚᖏᑦ 44:10

“ᓕᕔᑎᓪᓕ ᐅᕙᓐᓂᑦ ᐅᖓᓯᒃᓯᓚᐅᕐᐳᑦ, ᐅᕙᓐᓂᒃ ᕿᒤᓪᓗᑎᒃ ᒎᑎᓐᖑᐊᓄᑦ ᓵᖔᓕᕐᓗᑎᒃ ᐃᓴᕆᐊᓕᒥᐅᑦ ᐃᓚᒋᓪᓗᒋᑦ, ᑖᒃᑯᐊ ᓱᒋᐊᕐᑕᐅᓂᒃᓴᒥᖕᓂᒃ ᓇᔪᕐᑎᖃᓕᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 44:23

“ᐃᓄᖁᑎᓐᓂᒃ ᐊᔪᕆᕐᑐᐃᖃᑦᑕᕐᑐᒃᓴᐅᕗᑦ ᓱᓇᑦ ᐃᑦᔪᕐᓁᒻᒪᖔᑕ ᓱᓁᓪᓗ ᐃᑦᔪᕐᓁᑦᑑᖏᒻᒪᖔᑕ, ᓱᓁᓪᓗ ᐅᒃᐱᕐᓂᒃᑯᑦ ᓇᕐᕈᓇᕐᒪᖔᑕ ᓱᓁᓪᓗ ᓇᕐᕈᓇᖏᒻᒪᖔᑕ.

ᐃᓯᑭᐊᓕᐅᑉ ᐊᒡᓚᖏᑦ 44:24

ᑲᒪᒋᔭᐅᔭᕆᐊᖃᕐᑐᒥᒃ ᐃᓱᐊᖏᑦᔪᑎᒃᓴᖃᕐᑐᖃᓕᕐᐸᑦ ᐃᖅᑲᕐᑐᐃᔪᓐᓇᕐᐳᑦ, ᑲᒪᔪᒃᓴᐅᕗᓪᓗ ᐃᖅᑲᕐᑐᐃᓂᕋ ᒪᓕᒡᓗᒍ. ᐱᖁᔭᒃᑲ ᒪᓕᒃᑕᐅᖁᔭᒃᑲᓗ ᓇᓪᓕᐅᓐᓂᕐᓯᐅᕕᐅᑎᑕᒃᑲᓗ ᒪᓕᑦᓯᐊᕐᑕᒃᓴᕆᕔᑦ, ᓴᐸᑎᖁᑎᒃᑲᓗ ᐃᑦᔪᕐᓁᑎᑕᒃᓴᕆᕔᑦ.

ᐃᓯᑭᐊᓕᐅᑉ ᐊᒡᓚᖏᑦ 7:26

ᐊᓯᕈᕐᑕᐅᓇᕐᑐᑦ ᑭᖑᓕᕇᒃᑕᕐᓗᑎᒃ ᓇᓪᓕᐅᑎᖃᑦᑕᕈᒫᕐᐳᑦ, ᑐᓴᐅᒪᑐᐃᓐᓇᕐᓂᒃᑯᑦ ᑐᓴᕐᑎᑦᓯᓃᑦ ᑭᖑᓕᕇᒃᑕᕈᒫᕐᐳᑦ; ᒎᑎᐅᓪᓗ ᐱᔪᒫᕐᑐᒃᓴᓂᒃ ᐅᖃᕐᑎᖏᑕ ᑕᑯᑎᑕᐅᓂᖏᓐᓂᒃ ᕿᓂᖃᑦᑕᕈᒫᕐᐳᑦ, ᑐᓂᕐᕈᓯᕐᑎᑦᓯᔩᓪᓗ ᐱᖁᔭᓂᒃ ᐊᓯᐅᔨᔪᒫᕐᐳᑦ, ᐃᓄᑐᖃᐅᔪᓪᓗ ᐅᖃᐅᑦᔨᒋᐊᕈᑎᒃᓴᖃᕈᓐᓁᕐᓗᑎᒃ.

ᒨᓯᓯ ᐱᖓᔪᖏᑦ 10:10

“ᓇᓗᓁᕐᓯᑦᓯᐊᕆᐊᖃᕐᐳᓯ ᐃᑦᔪᕐᓁᑦᑐᒥᒃ, ᐃᑦᔪᕐᓁᑦᑑᖏᑦᑐᒥᒡᓗ ᐃᓄᑐᐃᓐᓇᕐᓯᐅᑎᒥᒃ, ᓴᓗᒤᑦᑐᒥᒃ, ᓴᓗᒪᔪᒥᒡᓗ.

ᒨᓯᓯ ᐱᖓᔪᖏᑦ 11:47

ᐅᑦᔨᕐᓱᑦᓯᐊᕆᐊᖃᕐᐳᓯ ᓇᓪᓕᐊᑦ ᓴᓗᒤᑦᑑᖕᒪᖔᑕ ᓇᓪᓕᐊᓪᓗ ᓴᓗᒪᖕᒪᖔᑕ, ᓇᓪᓕᐊᓪᓗ ᐆᒪᔪᑦ ᓂᕆᔭᐅᔭᕆᐊᖃᕐᒪᖔᑕ, ᓇᓪᓕᐊᓪᓗ ᓂᕆᔭᐅᔭᕆᐊᖃᖏᒻᒪᖔᑕ.”

ᒨᓯᓯ ᐱᖓᔪᖏᑦ 13:43

ᑐᓂᕐᕈᓯᕐᑎᑦᓯᔨᐅᑉ ᑕᕝᕙ ᖃᐅᔨᓴᕆᐊᖃᕐᐹ, ᐳᕕᑦᑐᕐᓗ ᑖᓐᓇ ᓂᐊᖁᐊᓃᑦᑐᕐᓘᓐᓃᑦ ᖃᐅᖓᓃᑦᑐᕐᓘᓐᓃᑦ ᐊᐅᐸᔪᒡᓗᓂ ᖃᑯᕈᔪᒃᐸᑦ ᑕᐅᑦᑐᖃᕐᓗᓂᓗ ᐂᑦᑐᐃᔭᑦᑐᑎᑐᑦ ᐸᕐᑎᕐᑐᑎᑐᑦ.

ᒨᓯᓯ ᐱᖓᔪᖏᑦ 20:25

ᑍᒤᒻᒪᑦ ᐅᑦᔨᕈᓱᑦᓯᐊᓕᕆᑦᓯ ᓂᕐᔪᑎᓂᒃ ᓴᓗᒪᔪᓂᒃ ᓴᓗᒤᑦᑐᓂᒡᓗ, ᑎᖕᒥᐊᓂᒡᓗ ᓴᓗᒪᔪᓂᒃ ᓴᓗᒤᑦᑐᓂᒡᓗ, ᐃᓕᑦᓯᓐᓂᒃ ᐃᑦᔪᕐᓇᕐᓯᑎᓐᓂᐊᕋᓯ ᓂᕐᔪᑎᑦ ᓄᓇᒦᑦᑐᑦ ᐱᓪᓗᒋᑦ ᑎᖕᒥᐊᓪᓘᓐᓃᑦ ᓄᓇᒥᓘᓐᓃᑦ ᐹᕐᖑᕐᑐᑦ ᐱᑦᔪᑎᒋᓗᒋᑦ ᑕᒪᒃᑯᐊ ᐅᖃᐅᓯᕆᓗᒋᑦ ᐊᕕᒃᑐᑦᓯᐊᓚᐅᕋᒃᑭᑦ ᐃᑦᔪᕐᓇᕐᑐᑦ ᐃᓕᑦᓯᓐᓄᑦ.

ᒪᓚᑬᑉ ᐊᒡᓚᖏᑦ 2:7

ᑐᓂᕐᕈᓯᕐᑎᑦᓯᔨᐅᑉ ᖃᓂᖓ ᓴᐳᒻᒥᔪᒃᓴᐅᖕᒪᑦ ᖃᐅᔨᒪᓂᕐᒥᒃ, ᐃᓄᐃᓪᓗ ᕿᓂᕐᑐᒃᓴᐅᕗᑦ ᐊᔪᕆᕐᑐᕐᑕᐅᓂᕐᒥᒃ ᑖᑦᓱᒪ ᖃᓂᖓᓂᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐅᖃᕐᑎᒋᒪᒍ.

ᒪᓚᑬᑉ ᐊᒡᓚᖏᑦ 2:8

“ᐃᓕᑦᓯᓕ ᕿᒤᓯᒪᕗᓯ ᐊᖅᑯᒻᒥᒃ; ᐅᓄᕐᑐᓂᒡᓗ ᐹᓪᓚᒃᑎᑦᓯᓚᐅᕐᐳᓯ ᐊᔪᕆᕐᑐᐃᓂᑦᓯᒍᑦ; ᓕᕔᓪᓗ ᐊᖏᖃᑎᒌᒍᑎᖏᓐᓂᒃ ᓯᖁᒥᑦᓯᓯᒪᓪᓗᓯ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᕉᒪᒥᐅᓄᑦ 2:24

ᑎᑎᕋᕐᓯᒪᖕᒪᑦ, “ᒎᑎᐅᑉ ᐊᑎᖓ ᓇᕐᕈᓇᕐᓯᑎᑕᐅᕗᖅ ᔫᑎᐅᖏᑦᑐᓂᑦ ᔫᑎᐅᔪᓯ ᑍᒤᑎᑦᓯᑎᓪᓗᓯ.”

ᓴᒧᐃᓕ ᓯᕗᓪᓖᑦ 2:22

ᐃᓔᓕ ᐃᓄᑐᖃᒻᒪᕆᐅᓕᓚᐅᕐᐳᖅ, ᑐᓴᖃᑦᑕᕐᓗᓂᓗ ᐃᕐᓂᖏᑕ ᐱᓂᐊᕐᓂᕆᖃᑦᑕᕐᑕᖏᓐᓂᒃ ᐃᓴᕆᐊᓕᒥᐅᓕᒫᓄᑦ, ᐊᕐᓇᓂᒡᓗ ᐱᖃᑎᖃᖃᑦᑕᕐᓂᖏᓐᓂᒃ ᐊᑕᓂᐅᑉ ᓇᔪᒐᖓᑕ ᑐᐱᐅᑉ ᐃᑎᕆᐊᕐᕕᖓᓂ ᐱᓇᓱᐊᕐᑎᐅᔪᓂᒃ.

ᓴᒧᐃᓕ ᓯᕗᓪᓖᑦ 2:29

ᓱᖕᒪᓪᓕ, ᐱᔪᒪᑐᓗᐊᖃᑦᑕᓕᕐᐱᓯ ᑐᓂᕐᕈᑎᒋᔭᐅᔪᓂᒃ ᐱᓇᓱᐊᕐᑕᐅᖁᓯᒪᔭᓐᓂᒃ ᐃᓄᖁᑎᓐᓄᑦ? ᖃᓄᐃᒻᒪ ᐃᕐᓂᑎᑦ ᐅᕙᓐᓂᑦ ᐅᐱᒋᓂᕐᓴᕆᕕᒋᑦ ᐃᒻᒥᖕᓂᒃ ᖁᐃᒃᓯᑎᑐᐃᓐᓇᓕᕐᒪᑕ ᑐᓂᕐᕈᑎᒋᔭᐅᔪᑦ ᐱᐅᓂᕐᐹᖏᓐᓂᒃ ᐱᕙᒃᓗᑎᒃ ᑐᓂᕐᕈᑎᒋᔭᐅᔪᓂᒃ ᐅᕙᓐᓄᑦ?’