ᐃᓯᑭᐊᓕᐅᑉ ᐊᒡᓚᖏᑦ 22:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᓯᐊᒻᒪᒃᑎᑦᓱᒫᕐᐸᑦᓯ ᐃᓅᖃᑎᒌᒡᔪᐊᓄᑦ ᓇᒧᑐᐃᓐᓇᕐᓗ ᓄᓇᓕᒡᔪᐊᓄᐊᕐᑎᓪᓗᓯ, ᓴᓗᒤᑦᑐᓕᓂᓯ ᓄᖑᑎᑦᓱᒪᒐᒃᑯ.

ᐃᓯᑭᐊᓕᐅᑉ ᐊᒡᓚᖏᑦ 22:15 ပူးပေါင်းရင်းမြစ်များ

ᓂᕼᐃᒤᐊᐅᑉ ᐊᒡᓚᖏᑦ 1:8

ᐃᖅᑬᓚᐅᕆᑦ ᑐᒃᓯᐊᕐᐳᖓ, ᐅᖃᐅᓰᑦ ᐱᖁᔨᑦᔪᑎᒋᓚᐅᕐᑕᑎᑦ ᐱᔨᖕᓄᑦ ᒨᓯᓯᒧᑦ, ᐅᖃᕐᓗᑎᑦ, ‘ᐱᖁᔭᓐᓂᒃ ᒪᓕᖕᓂᐊᖏᒃᑯᑦᓯ, ᓄᓇᓖᑦ ᐊᓯᖏᓐᓄᑦ ᐊᐅᓪᓚᕐᑎᓪᓗᓯ ᓯᐊᒻᒪᕐᑎᑦᓱᒫᕐᐸᑦᓯ;

ᐂᓮᐊᓯᐅᑉ ᐊᒡᓚᖏᑦ 1:25

ᐊᒡᒐᒃᑲ ᐃᓕᑦᓯᓐᓄᑦ ᓵᑎᓪᓗᒋᑦ ᐱᒋᐊᕐᓂᐊᕐᓕᕐᐸᑦᓯ ᓴᓗᒪᖏᓐᓃᑦ ᐊᐅᒃᑎᑦᓱᒪᕙᒃᑲ, ᐅᐊᓴᐅᑎᑎᑐᑦ, ᓴᕕᕋᔭᒃᓴᐅᖏᑦᑐᓪᓗ ᐃᓕᑦᓯᓐᓂᑦ ᐲᔭᕈᒪᕙᒃᑲ.

ᔨᕆᒤᐊᐅᑉ ᐊᒡᓚᖏᑦ 15:4

ᐊᖓᔪᖅᑳᕐᔪᐊᓄᑦ ᓄᓇᕐᔪᐊᓕᒫᒥ ᑲᑉᐱᐊᓲᑎᒃᓴᐅᑎᓐᓂᐊᕐᐸᒃᑲ ᐊᖓᔪᖅᑳᕐᔪᐊᑉ ᒫᓇᓯᐅᑉ ᕼᐃᓯᑬᐊᐅᑉ ᐃᕐᓂᖓᑕ ᐱᓂᐊᕐᓂᕆᓚᐅᕐᑕᖏᑦ ᔨᕉᓴᓕᒧᑦ ᐱᑦᔪᑎᒋᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 20:23

ᑕᕝᕙ ᐅᖃᕕᓕᓚᐅᕆᕗᖓ ᐃᓄᖃᖏᑦᑐᒦᑎᓪᓗᒋᑦ ᐃᓅᖃᑎᒌᒡᔪᐊᓄᑦ ᓯᐊᒻᒪᕐᑎᓛᕈᒪᓪᓗᒋᑦ ᐊᐅᓪᓚᕐᑎᓪᓗᒋᓪᓗ ᓄᓇᓕᒡᔪᐊᓄᑦ ᓇᒧᑐᐃᓐᓇᖅ.

ᐃᓯᑭᐊᓕᐅᑉ ᐊᒡᓚᖏᑦ 20:38

ᐊᑭᕋᕐᑐᕐᑏᑦ ᐃᓕᑦᓯᓐᓂᑦ ᐲᔭᕈᒫᕐᐸᒃᑲ, ᐊᔪᕐᑐᓕᔪᓪᓗ ᐅᕙᓐᓄᑦ: ᓄᓇᒋᔭᖏᓐᓂᑦ ᐊᐅᓪᓚᕐᑎᓪᓗᒋᑦ, ᐅᑎᕐᑎᑦᓱᒫᓐᖏᓚᒃᑲ ᐃᓴᕆᐊᓕᒧᑦ. ᑕᕝᕙ ᖃᐅᔨᓕᕈᒫᕐᐳᓯ ᐅᕙᖓᐅᒐᒪ ᐊᑕᓂᖅ.

ᐃᓯᑭᐊᓕᐅᑉ ᐊᒡᓚᖏᑦ 22:18

“ᐃᓅᑉ ᐃᕐᓂᖓ, ᐃᓴᕆᐊᓕᐅᑉ ᑭᖑᕚᖏᑦ ᐅᕙᓐᓄᑦ ᐱᐅᖏᓐᓂᕐᓗᑯᑐᐃᓐᓇᐅᓕᕐᐳᑦ; ᐃᓘᓐᓇᑎᒃ ᓯᐅᓪᕕᕆᑐᑦ ᑲᓐᓄᔭᑎᑐᓪᓗ ᓴᕕᕋᔭᒃᑐᑦ ᓵᑦᑐᑎᑐᑦ ᓴᕕᕋᔭᒃᑎᑐᓪᓗ ᑯᓯᕐᓯᐊᑎᑐᓪᓗ ᐊᐅᒃᑎᑕᐅᓚᐅᕐᑎᓪᓗᒋᑦ ᐊᐅᒃᑎᑦᓯᕕᖕᒥ ᐱᐅᖏᓐᓂᕐᓗᑯᖏᑎᑐᑦ ᑍᒤᓕᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 22:22

ᓯᐅᓪᕕᕇᑦ ᐊᐅᒃᑎᑦᓯᕕᖕᒥ ᐊᐅᒃᑎᑕᐅᓲᖑᖕᒪᑕ, ᐃᓕᑦᓯᑦᑕᐅᖅ ᐊᐅᒃᑎᑕᐅᔪᒫᕐᐳᓯ ᑕᕝᕙᓂ; ᑕᕝᕙ ᖃᐅᔨᔪᒫᕐᐳᓯ ᐅᕙᖓ ᐊᑕᓂᖅ, ᐃᓕᑦᓯᓐᓂᒃ ᓂᓐᖓᐅᑦᔨᓯᒪᓂᓐᓄᑦ ᑍᒤᓕᐅᕐᕕᒋᓚᐅᕋᑦᓯ.”

ᐃᓯᑭᐊᓕᐅᑉ ᐊᒡᓚᖏᑦ 23:27

ᐃᒃᓯᒎᕐᓂᕆᖃᑦᑕᓚᐅᕐᑍᑦ ᐊᖑᓐᓂᐊᕐᑎᐅᓂᕆᓯᒪᔧᓪᓗ ᐄᑦᔨᑉᑎᒥᑦ ᐱᒋᐊᕐᓗᑎᑦ ᓄᖅᑲᕐᑎᑦᓱᒫᕐᐸᕋ; ᑕᑯᓴᕈᓐᓁᓪᓕᔪᒫᕐᐳᑎ ᐄᑦᔨᑉᑎᒥᐅᓂᒃ ᐃᖅᑲᐅᒪᔪᓐᓁᕐᓗᒋᓪᓘᓐᓃᑦ.

ᐃᓯᑭᐊᓕᐅᑉ ᐊᒡᓚᖏᑦ 34:6

ᓰᐱᖁᑎᒃᑲ ᓯᐊᒻᒪᕐᓯᒪᓕᕐᐳᑦ, ᖃᖅᑲᓂᓗ ᐱᖑᕐᓂᓗ ᐳᕐᑐᔪᓂ ᐃᓂᖃᓕᕐᓗᑎᒃ; ᓰᐱᖁᑎᒃᑲᓗ ᓄᓇᕐᔪᐊᓕᒫᒧᑦ ᓯᐊᒻᒪᕐᓯᒪᓕᕐᐳᑦ, ᕿᓂᕐᑕᐅᖏᓐᓇᒥᒃ ᕿᓂᕆᐊᕐᑕᐅᓯᒪᓇᑎᒡᓗ.

ᐃᓯᑭᐊᓕᐅᑉ ᐊᒡᓚᖏᑦ 36:19

ᓯᐊᒻᒪᕐᑎᓚᐅᕐᐸᒃᑲ ᐃᓅᖃᑎᒌᒡᔪᐊᓄᑦ, ᓄᓇᓕᒡᔪᐊᓂᓗ ᓄᓇᑖᕐᑎᓪᓗᒋᑦ; ᐃᓕᖅᑯᓯᖏᑦ ᐱᓂᐊᕐᓂᖏᓪᓗ ᒪᓕᒡᓗᒋᑦ ᓵᓐᖓᓕᓚᐅᕐᐸᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 5:10

ᑍᒤᒻᒪᑦ ᐊᑖᑕᐅᔪᑦ ᕿᑐᕐᖓᒥᖕᓂᒃ ᓂᕿᖃᓕᕈᒫᕐᐳᑦ ᐊᑯᓐᓇᑦᓯᓐᓂ, ᕿᑐᕐᖓᐅᔪᓪᓗ ᐊᖓᔪᖅᑳᒥᖕᓂᒃ ᓂᕿᖃᓕᕐᒥᓗᑎᒃ; ᑍᒫᒃ ᓱᒋᐊᕈᒫᕐᐸᑦᓯ, ᐊᒥᐊᒃᑰᔪᓪᓗ ᓇᒧᓕᒫᖅ ᓯᐊᒻᒪᒍᒫᕐᐳᑦ ᐊᓄᕆᓕᒫᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 5:12

ᐃᓅᖃᑎᑦᓯ ᐱᖓᔪᓪᓗᐊᖏᑦ ᐋᓐᓂᐊᓇᕐᑐᒧᑦ ᑐᖁᕋᕈᒫᕐᐳᑦ ᑳᖕᓇᕐᑐᕐᔪᐊᒧᓪᓗ ᐱᕐᓕᕋᕐᓗᑎᒃ ᐊᑯᓐᓇᑦᓯᓐᓂ; ᐃᓅᖃᑎᑦᓯ ᐱᖓᔪᒋᖕᒥᔭᖏᑦ ᑐᖁᕋᕐᑕᐅᔪᒫᕐᐳᑦ ᓴᕕᒡᔪᐊᒧᑦ ᐊᕙᑎᑦᓯᓐᓂ; ᐱᖓᔪᒋᖕᒥᔭᖏᑦ ᓯᐊᒻᒪᕐᑎᓪᓗᒋᑦ ᐊᓄᕆᓕᒫᓄᑦ ᑎᒃᑕᐅᕋᕐᑎᑦᓱᒫᕐᐸᒃᑲ ᓴᕕᒡᔪᐊᕐᓗ ᐴᖓᓂᑦ ᐊᒧᓗᒍ ᒪᓕᒍᒫᕐᐸᒃᑲ ᕿᒫᑎᓪᓗᒋᑦ.

ᒨᓯᓯ ᐱᖓᔪᖏᑦ 26:33

ᓄᓇᓖᑦ ᐊᓯᖏᓐᓄᑦ ᐃᓅᖃᑎᒌᒡᔪᐊᓄᑦ ᐊᐅᓪᓚᕐᑎᓪᓗᓯ ᓯᐊᒻᒪᕐᑎᑦᓱᒫᕐᐸᑦᓯ, ᐅᓇᑕᕐᓂᕐᒥᒃᓗ ᓴᖅᑭᑎᑦᓯᓗᖓ. ᓄᓇᖁᑎᓯ ᐃᓄᖃᕈᓐᓁᕐᓗᑎᒃ ᐃᒡᓗᒐᓴᒡᔪᐊᓯ ᓯᖁᒥᓯᒪᒐᔭᕐᐳᑦ.

ᓴᑲᕅᐊᐅᑉ ᐊᒡᓚᖏᑦ 13:9

ᑖᒃᑯᐊ ᐱᖓᔪᖏᑦ ᐃᑯᒪᒃᑰᕐᑎᓱᒪᕙᒃᑲ, ᓯᐅᓪᕕᕆᑎᑐᓪᓗ ᐊᐅᒃᑎᓪᓗᒋᑦ ᓴᓗᒻᒪᕐᓴᕈᒪᕙᒃᑲ, ᐆᒃᑐᕐᓗᒋᓪᓗ ᒎᓗᐃᑦ ᐆᒃᑐᕐᑕᐅᑦᔪᓯᖏᑎᑐᑦ: ᐊᑎᓐᓄᓪᓗ ᓂᓪᓕᐊᔪᒫᕐᐳᑦ ᑭᐅᔪᒫᕐᐸᒃᑲᓗ, ᐅᖃᓕᕐᓗᖓᓗ, ‘ᐅᑯᐊ ᑕᕝᕙ ᐃᓄᖁᑎᒃᑲ,’ ᑖᒃᑯᐊᓗ ᐅᖃᓕᕐᓗᑎᒃ, ‘ᐊᑕᓂᖅ ᒎᑎᒋᕙᕗᑦ.’”

ᓴᑲᕅᐊᐅᑉ ᐊᒡᓚᖏᑦ 7:14

ᐅᓚᔪᔭᕐᒧᑦ ᓯᐊᒻᒪᕐᑎᓚᐅᕐᐸᒃᑲ ᐃᓅᖃᑎᒌᒡᔪᐊᓄᑦ ᐊᑦᔨᒌᖏᑦᑐᓄᑦ, ᑕᑯᓕᒪᓇᖏᑦᑑᓪᓗᑎᒃ ᓄᓇᒋᓐᖏᑕᒥᖕᓂ ᓄᓇᖃᖃᑕᐅᓕᓚᐅᕐᐳᑦ. ᓄᓇ ᕿᒪᒃᑕᖓᑦ ᑐᓐᖓᓇᕈᓐᓁᓚᐅᕐᒪᑦ, ᑕᒪᓐᓇ ᓄᓇᑦᓯᐊᕙᒃ ᓄᓇᒋᔭᐅᔪᓐᓁᓚᐅᕐᐳᖅ ᐃᓄᖃᕈᓐᓁᕐᓗᓂ.”

ᒪᓚᑬᑉ ᐊᒡᓚᖏᑦ 3:3

ᑖᓐᓇ ᐃᒃᓯᕙᔪᒫᕐᐳᖅ ᐃᑯᒪᒧᑦ ᐊᐅᒃᑎᑦᓯᔨᑎᑐᑦ ᓯᐅᓪᕕᕆᓂᒡᓗ ᓴᓗᒻᒪᕐᓮᔨᑎᑐᑦ, ᓕᕔᑉ ᑭᖑᕚᖏᓐᓂᒃ ᓴᓗᒻᒪᕐᓮᔪᒫᕐᐳᖅ ᐊᐅᒃᑎᑦᓱᒫᕐᐰᑦ ᒎᓗᑎᑐᑦ ᓯᐅᓪᕕᕆᑎᑐᓪᓗ, ᑐᓂᕐᕈᓯᕈᓐᓇᕐᓯᓚᐅᖏᓐᓂᖏᓐᓂ ᐊᑕᓂᐅᑉ ᓈᒻᒪᒋᔭᖏᓐᓂᒃ.

ᒪᓚᑬᑉ ᐊᒡᓚᖏᑦ 4:1

“ᑕᑯᒋᑦ, ᐅᓪᓗᖅ ᑎᑭᓕᕐᐳᖅ, ᐃᑯᐊᓪᓔᔪᒫᕐᑐᖅ ᐃᒐᐅᑉ ᐆᑦᓯᕕᖓᑐᑦ, ᐱᐅᔪᕆᔪᓕᒫᑦ ᐱᐅᖏᑦᑐᓕᔪᓕᒫᓪᓗ ᐃᑯᐊᓪᓚᒍᒫᕐᐳᑦ; ᐅᓪᓗᖅ ᑎᑭᓕᕐᐳᖅ ᐃᑯᐊᓪᓔᔪᒫᕐᑐᖅ ᑖᒃᑯᓂᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐊᒫᖃᕈᓐᓁᕈᒫᕐᐳᑦ ᐊᕙᓚᖓᔪᖃᕈᓐᓁᕐᓗᑎᒡᓗ.

ᒫᑎᐅᓯᐅᑉ ᐊᒡᓚᖏᑦ 3:12

ᑖᑦᓱᒪ ᓂᐊᖂᔭᒃᓴᓂᒃ ᓴᓃᔧᑦᔪᑎᓂ ᑎᒍᒥᐊᕐᐹ, ᓂᐊᖂᔭᒃᓴᓂᒃ ᓯᖃᓕᑦᓯᕕᖕᒥᓂᑦ ᓂᐊᖂᔭᒃᓴᐅᖏᑦᑐᑦ ᐊᕕᑎᑦᓱᒪᓪᓗᒋᑦ ᓂᐊᖂᔭᒃᓴᓂᑦ, ᓂᐊᖂᔭᒃᓮᓪᓗ ᓯᕐᓗᐊᕐᒥᓄᑦ ᑲᑎᑦᓱᒫᕐᐰᑦ, ᐃᕕᐅᓂᖏᑦ ᐃᑯᐊᓪᓚᒍᒫᕐᐰᑦ ᐃᑯᒪᒧᑦ ᖃᒥᓱᐃᑦᑐᒧᑦ.”

ᒨᓯᓯ ᑕᓪᓕᒪᖏᑦ 28:25

“ᐊᑕᓂᐅᑉ ᓵᓚᐅᑎᑦᓱᒫᕐᐹᓯ ᐊᑭᕋᑦᓯᓐᓄᑦ; ᐊᑕᐅᓯᕐᒥᓐᖔᕐᓗᓯ ᐅᓇᑕᕆᐊᕈᒫᕐᐸᓯ, ᕿᒫᔪᒫᕐᐳᓯᓕ ᓵᓐᖓᔭᑐᐃᓐᓇᑦᓯᓐᓄᑦ ᕿᒫᓕᕐᓗᓯ, ᓄᓇᕐᔪᐊᕐᒥᐅᓪᓗ ᐊᖓᔪᖅᑲᐅᕕᖃᕐᑐᓕᒫᑦ ᑯᐊᕐᓵᕐᓯᒪᔪᒫᕐᐳᑦ ᖃᓄᐃᓕᕐᓂᑦᓯᓐᓂᒃ ᑕᑯᒍᑎᒃ.

ᒨᓯᓯ ᑕᓪᓕᒪᖏᑦ 28:64

“ᐊᑕᓂᐅᑉ ᐃᓅᖃᑎᒌᒡᔪᐊᓄᑦ ᓇᒧᑐᐃᓐᓇᓕᒫᖅ ᓯᐊᒻᒪᕐᑎᑦᓱᒫᕐᐹᓯ, ᓄᓇᕐᔪᐊᑉ ᐃᓱᐊᓂᑦ ᐱᒋᐊᕐᓗᒍ ᐃᓱᐊᓄᑦ ᑎᑭᓪᓗᒍ, ᑕᒪᒃᑯᓇᓂᓗ ᒎᑎᓐᖑᐊᓂᒃ ᑐᒃᓯᐊᕐᕕᖃᕐᑎᑕᐅᔪᒫᕐᐳᓯ ᓴᓇᔭᐅᓯᒪᔪᓂᒃ ᕿᔪᖕᓂᒃ ᐅᔭᕋᖕᓂᒡᓗ, ᐃᓕᑦᓯ ᓯᕗᓕᕕᓂᑦᓯᓗ ᑐᒃᓯᐊᕐᕕᒋᓚᐅᕐᓯᒪᓐᖏᑕᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 4:27

ᐊᑕᓂᐅᑉ ᓯᐊᒻᒪᕐᑎᓐᓂᐊᕐᐹᓯ ᐃᓅᖃᑎᒌᒡᔪᐊᓄᑦ ᐊᓯᑦᓯᓐᓄᑦ, ᐅᓄᖏᑦᑐᓯᒍᓪᓕ ᐊᒥᐊᒃᑰᓂᐊᕐᐳᓯ.

ᐲᑦᑐᕉᓯ ᓯᕗᓪᓖᑦ 4:12

ᓇᒡᓕᖕᓇᕐᑐᓯ, ᑲᒪᓂᐊᕐᑍᓕᒋᑦᓯ ᒫᓐᓇ ᐊᒃᓱᕈᖕᓇᕐᑐᒦᑎᑕᐅᓗᐊᕐᓂᓯ ᐱᑦᔪᑎᒋᓗᒍ, ᐆᒃᑐᕋᕐᑕᐅᑦᔪᑎᒋᒐᑦᓯᐅᒃ ᐊᑦᔨᐅᖏᑦᑐᒥᒃ ᐊᑐᕋᓱᒋᑦᑍᓕᒋᑦᓯ.