ᐃᓯᑭᐊᓕᐅᑉ ᐊᒡᓚᖏᑦ 21:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᐊᓯᕈᕐᐳᑦ, ᐊᓯᕈᕐᐳᑦ, ᐊᓯᕈᕐᑕᐅᑎᓐᓂᐊᕐᐸᒃᑲ; ᑕᒪᓐᓇ ᓇᓪᓕᐅᑎᓂᐊᓐᖏᓚᖅ ᑍᒤᓕᐅᕈᓐᓇᕐᑐᖅ ᑎᑭᓚᐅᖏᓐᓂᖓᓂ; ᑖᑦᓱᒧᖓ ᑕᒪᓐᓇ ᑐᓂᔪᒫᕐᐸᕋ.”

ᐃᓯᑭᐊᓕᐅᑉ ᐊᒡᓚᖏᑦ 21:27 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 49:10

ᐊᖓᔪᖅᑳᕐᔪᐊᑉ ᐱᔪᓐᓇᐅᑎᖓᑕ ᓇᓗᓁᒃᑯᑕᖓ ᔫᑕᒥᑦ ᕿᒪᕉᑎᓂᐊᓐᖏᓚᖅ, ᐊᐅᓚᑦᓯᔨᐅᓪᓗ ᐊᔭᐅᑉᐱᐊᖓ ᐃᑎᒐᖏᑕ ᐊᑯᕐᖓᓐᓂᑦ ᐲᕐᑕᐅᓂᐊᖏᓐᓂᕗᖅ, ᐊᖓᔪᖅᑳᕐᔪᐊᖅ ᐱᖁᑎᓕᒃ ᑎᑭᓚᐅᖅᑳᕐᑎᓐᓇᒍ; ᑖᓐᓇ ᐃᓄᖕᓄᑦ ᐅᐱᒋᔭᐅᔪᒫᕐᐳᖅ ᓈᓚᒃᑕᐅᔪᒫᕐᓗᓂᓗ.

ᐃᓐᖏᕈᑎᑦ 2:6

“ᐊᖓᔪᖅᑳᕐᔪᐊᖁᑎᒐ ᐃᓕᕙᕋ ᓮᐅᓂᒧᑦ, ᖃᖅᑲᒥ ᐃᑦᔪᕐᓁᑦᑐᖁᑎᓐᓂ.”

ᔨᕆᒤᐊᐅᑉ ᐊᒡᓚᖏᑦ 30:21

ᓇᖕᒥᓂᕐᒥᖕᓂᓪᓗ ᓯᕗᓕᕐᑎᑖᕈᒫᕐᐳᑦ ᐊᖓᔪᖅᑳᕐᔪᐊᖃᕐᓗᑎᒡᓗ ᐃᓅᖃᑎᒥᖕᓂᑦ ᐱᔪᒥᒃ. ᐅᕙᓐᓄᓪᓗ ᖃᒡᓕᑎᓐᓂᐊᕐᐸᕋ ᖃᓂᒋᔭᓐᓃᓪᓗᓂ ᐃᓅᖁᓪᓗᒍ. ᑭᓇ ᕾᔪᓐᓇᕐᐹ ᐅᕙᓐᓄᑦ ᑐᓐᖓᓴᕐᑕᐅᖏᓪᓗᓂ?

ᔨᕆᒤᐊᐅᑉ ᐊᒡᓚᖏᑦ 32:24

“ᑕᑯᒋᑦ, ᐃᑳᕈᑎᕐᔪᐊᑦ ᐃᒡᓗᒐᓴᒡᔪᐊᓂᑦ ᓵᓚᒃᓴᕈᑕᐅᓂᐊᕐᑐᑦ ᐋᖅᑭᒃᓯᒪᓕᕐᐳᑦ, ᐅᓇᑕᕐᓂᖃᓕᕐᒪᑦ ᑳᖕᓇᕐᑐᕐᔪᐊᖃᓕᕐᐳᖅ ᐋᓐᓂᐊᓇᕐᑐᖃᓕᕐᓗᓂᓗ ᓇᓗᓇᕈᓐᓃᕐᐳᑦ ᑲᐅᓪᑎᐊᒥᐅᓄᑦ ᐃᒡᓗᒐᓴᒡᔪᐊᑦ ᐱᔭᐅᓂᐊᓕᕐᑐᑦ. ᐅᖃᐅᓯᕆᓚᐅᕐᑍᑦ ᓇᓪᓕᐅᑎᕗᖅ, ᑕᑯᒋᓪᓗ, ᑕᒪᓐᓇ ᑕᑯᓕᕐᐹᑦ.

ᔨᕆᒤᐊᐅᑉ ᐊᒡᓚᖏᑦ 33:21

ᑍᒫᒃᑕᐅᖅ ᐱᔨᓐᓄᑦ ᑍᕕᑎᒧᑦ ᐊᖏᖃᑎᒌᒍᑎᒐ ᓕᕔᑎᓪᓗ ᑐᓂᕐᕈᓯᕐᑎᑦᓯᔨᐅᓂᖏᓐᓄᑦ ᓯᖁᒥᒃᑲᔭᕐᐳᖅ, ᑍᕕᑎᐅᑉ ᑭᖑᕚᖏᓐᓂᑦ ᐱᔪᒃᓴᖃᕈᓐᓃᕋᔭᕐᐳᖅ ᐃᒃᓯᕙᐅᑕᕐᔪᐊᕐᒥ ᐊᖓᔪᖅᑳᕐᔪᐊᖑᔪᒃᓴᓂᒃ.

ᔨᕆᒤᐊᐅᑉ ᐊᒡᓚᖏᑦ 33:26

ᑍᒫᒃᑕᐅᖅ ᔧᑰᑉ ᑭᖑᕚᖏᑦ ᖁᔭᓈᕋᔭᓚᐅᕐᐸᒃᑲ, ᑍᕕᑎᐅᓪᓗ ᐱᔨᒋᔭᒪ ᐃᕐᓂᖏᓐᓂᑦ ᐱᓯᒪᔪᒥᒃ ᐂᑉᕋᕼᐋᒻᑯᑦ, ᐂᓴᑭᒃᑯᑦ, ᔧᑯᒃᑯᓪᓗ ᐊᐅᓚᑦᓯᔨᒃᓴᖃᕋᔭᓚᐅᓐᖏᓚᑦ, ᑖᒃᑯᐊ ᒪᑭᑎᑦᓱᒫᕋᒃᑭᑦ ᓂᑲᒋᓪᓗᒋᓪᓗ.”

ᔨᕆᒤᐊᐅᑉ ᐊᒡᓚᖏᑦ 52:4

ᔨᑎᑬᐊᐅᑉ ᐊᖓᔪᖅᑳᕐᔪᐊᖑᓂᖓᑕ ᐊᕐᕌᒍᖏᑦᑕ 9ᖓᓐᓂ ᑕᖅᑮᑦ 10ᖓᓐᓂ, ᐅᓪᓗᖏᑦᑕ 10ᒋᓕᕐᑕᖓᓐᓂ ᓂᐱᑯᓁᓴ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ ᐅᓇᑕᕆᐊᓕᓚᐅᕐᐳᖅ ᔨᕉᓴᓕᒥᐅᓂᒃ, ᐅᓇᑕᕐᑎᖁᑎᓕᒫᓂ ᐃᓚᒋᓪᓗᒋᑦ, ᔨᕉᓴᓕᐅᓪᓗ ᐊᕙᓗᕐᔪᐊᖓᑕ ᓯᓚᑖᓂ ᐊᕙᓗᓯᒪᓪᓗᒍ ᑕᖕᒫᕐᑎᓚᐅᕐᐳᑦ ᔨᕉᓴᓕᒥᐅᑦ ᐊᓂᔪᓐᓁᓪᓕᑎᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 21:13

ᒫᓐᓇ ᐃᓄᖁᑎᒃᑲ ᖃᐅᔨᓴᓕᕐᐸᒃᑲ, ᖃᓄᐃᑦᑐᖃᕐᓂᐊᕐᐸ ᓱᐊᒃᓯᓂᒃᑲ ᓈᓚᒃᑕᐅᖏᑉᐸᑕ?” ᐊᑕᓂᖅ ᒎᑎ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 34:23

ᐊᑕᐅᓯᕐᒥᒃ ᐰᕐᓯᔨᑖᕐᑎᑦᓱᒫᕐᐸᒃᑲ, ᐱᔨᓐᓂᒃ ᑍᕕᑎᒥᒃ, ᑖᑦᓱᒪᓗ ᓂᕆᑎᑦᓱᒫᕐᐰᑦ; ᑲᒪᒋᔪᒫᕐᐰᑦ ᑖᒃᑯᓇᓐᖓᓪᓗ ᐰᕐᓯᔨᒋᔭᐅᔪᒫᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 34:24

ᐅᕙᖓᓗ ᐊᑕᓂᖅ, ᑖᒃᑯᓄᖓ ᒎᑎᒋᔭᐅᓂᐊᕐᐳᖓ, ᐱᔨᒐᓗ ᑍᕕᑎ ᑖᒃᑯᓄᖓ ᐊᖓᔪᖅᑳᖑᔪᒫᕐᐳᖅ; ᐅᕙᖓ ᐊᑕᓂᖅ, ᑍᒫᒃ ᐅᖃᕐᐳᖓ.

ᐃᓯᑭᐊᓕᐅᑉ ᐊᒡᓚᖏᑦ 4:2

ᐊᑭᕋᖏᓐᓄᑦ ᐊᕙᑕᖏᕐᑕᐅᓯᒪᓂᖓ ᓇᓗᓁᕐᓗᒍ, ᐃᑎᕐᓴᓕᐅᕐᓯᒪᔪᓂᒃ; ᓄᓇᓗ ᖃᓕᕇᒃᓯᓯᒪᓗᒍ; ᐃᑎᕐᑕᕐᕕᖕᓂᒡᓗ ᓯᖁᒥᑦᓯᓇᓲᑎᓂᒃ ᐊᕙᓗᕐᔪᐊᖓᑕ ᓯᓚᑎᓕᒫᖓ ᓈᓗᒍ.

ᑖᓂᐊᓕᐅᑉ ᐊᒡᓚᖏᑦ 2:44

ᑖᒃᑯᐊ ᐊᖓᔪᖅᑳᕐᔪᐊᑦ ᑭᖑᓕᕇᒃᑕᕐᓗᑎᒃ ᐊᖓᔪᖅᑲᐅᑎᓪᓗᒋᑦ, ᒎᑎ ᕿᓚᖕᒦᑦᑐᖅ ᐊᖓᔪᖅᑲᐅᕕᓕᐅᕈᒫᕆᕗᖅ ᓯᖁᒥᑕᐅᓂᐊᖏᑦᑐᒥᒃ, ᐃᓄᐃᓪᓗ ᐊᓯᖏᓐᓄᑦ ᐱᔭᐅᓂᐊᖏᑦᑐᒥᒃ. ᑖᓐᓇ ᓵᓚᖃᕈᒫᕐᐳᖅ ᐊᖓᔪᖅᑲᐅᕕᖕᓂᒃ ᐊᓯᒥᓂᒃ ᑖᒃᑯᓂᖓ ᐃᓱᓕᑎᓪᓗᒋᓪᓗ, ᐊᖓᔪᖅᑲᐅᕕᒡᓕ ᑖᓐᓇ ᐃᓱᓕᓐᓂᐊᓐᖏᓚᖅ ᐃᓱᖃᖏᑦᑐᒧᑦ.

ᑖᓂᐊᓕᐅᑉ ᐊᒡᓚᖏᑦ 9:25

ᐅᓇ ᖃᐅᔨᒍᒃ ᑐᑭᓯᑦᓯᐊᕐᓗᒍᓗ; ᐱᖁᔨᓂᖅ ᔨᕉᓴᓕᐅᑉ ᓴᓇᔭᐅᒃᑲᓐᓂᕐᓂᒃᓴᖓᓂᒃ ᐅᑎᕐᑎᑕᐅᑦᓯᐊᕐᓂᖓᓂᒡᓗ, ᐱᔪᒫᕐᐳᖅ ᐅᕐᓱᒧᑦ ᒥᖑᐊᕐᑕᐅᓯᒪᔪᖅ ᐊᐅᓚᑦᓯᔨ ᑎᑭᑉᐸᑦ, ᑭᖑᓂᖓᓂ ᓇᓪᓕᐅᓐᓃᑦ 7ᐃᑦ 7ᐃᕐᑐᕐᓗᒋᑦ. ᐊᒻᒪᓗ ᓇᓪᓕᐅᓐᓃᑦ 62 7ᐃᕐᑐᕐᓗᒋᑦ, ᐃᒡᓗᒐᓮᑦ ᓴᓇᔭᐅᒃᑲᓐᓂᕈᒫᕐᐳᑦ, ᐊᑐᕆᐊᖏᓪᓗ, ᑰᒃᕖᓪᓗ, ᑲᑉᐱᐊᓇᕐᑐᑦ ᓇᓪᓕᐅᑎᓯᒪᑎᓪᓗᒋᑦ.

ᕼᐆᓯᐊᑉ ᐊᒡᓚᖏᑦ 3:5

ᑕᒪᑐᒪ ᑭᖑᓂᖓᒍᑦ ᐃᓴᕆᐊᓕᒥᐅᑦ ᐃᓄᖏᑦ ᐅᑎᕈᒫᕆᕗᑦ ᕿᓂᓕᕐᓗᑎᒡᓗ ᐊᑕᓂᕐᒥᒃ ᒎᑎᒥᖕᓂᒃ, ᑍᕕᑎᒥᒡᓗ ᐊᖓᔪᖅᑳᕐᔪᐊᒥᖕᓂᒃ; ᓯᕘᕋᓕᕈᒫᕐᐳᓪᓗ ᐊᑕᓂᕐᒥᒃ ᐱᐅᔪᓂᒡᓗ ᑐᓂᕐᕈᑎᖏᓐᓂᒃ ᐱᓕᕈᒫᕐᐳᑦ ᐅᓪᓗᐃᑦ ᑭᖑᓪᓕᖏᓐᓂ.

ᒤᑲᐅᑉ ᐊᒡᓚᖏᑦ 5:2

“ᐃᕝᕕᓪᓕ ᐱᑦᓕᐊᒻ ᐃᐸᕋᑕ, ᔫᑕᒥᐅᓂᑦ ᒥᑭᓐᓂᕐᐹᖑᒐᓗᐊᕐᑐᑎᑦ, ᐃᓕᖕᓂᑦ ᐱᔪᒫᕐᐳᖅ ᐊᐅᓚᑦᓯᔨᒃᓴᖅ, ᐃᓴᕆᐊᓕᒥᐅᓂᒃ ᐊᐅᓚᑦᓯᔨᐅᔪᒫᕐᑐᖅ, ᐃᓚᒌᓂᑦ ᑍᑦᓱᒪᓂᐊᓗᖕᓂᑦ ᐱᔪᒥᒃ ᐃᓱᖃᖏᑦᑐᒥᑦ.”

ᕼᐊᒊᑉ ᐊᒡᓚᖏᑦ 2:7

ᐃᓅᖃᑎᒌᒡᔪᐊᓕᒫᓪᓗ ᓴᔪᒃᑎᑦᓱᒫᕐᐸᒃᑲ, ᐊᑭᑐᔪᖁᑎᓕᒫᒥᖕᓂᒃ ᑕᕝᕗᓐᖓᐅᔨᖁᓪᓗᒋᑦ, ᑖᓐᓇᓗ ᐃᒡᓗ ᐱᓐᓇᕐᓇᕐᓂᕐᒥᒃ ᑕᑕᑎᑦᓱᒫᕐᐸᕋ,’ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᓴᑲᕅᐊᐅᑉ ᐊᒡᓚᖏᑦ 9:9

ᖁᕕᐊᓱᕕᒡᔪᐊᕆᑦᓯ, ᓮᐅᓂᐅᑉ ᐸᓂᐊ! ᕾᒐᓛᕆᑦ ᔨᕉᓴᓕᐅᑉ ᐸᓂᐊ! ᑕᑯᒋᑦ, ᐊᖓᔪᖅᑳᕐᔪᐊᓯ ᑎᑭᓕᕐᒪᑦ ᐃᓕᑦᓯᓐᓄᑦ! ᑖᓐᓇ ᐱᓂᐊᕐᓂᒥᒍᑦ ᐊᑦᔨᒌᒃᑎᑦᓯᔪᖅ, ᐱᐅᓕᔭᐅᓂᕐᒥᒡᓗ ᐱᖃᕐᓗᓂ; ᒥᑭᒡᓕᑎᕐᓯᒪᕗᖅ, ᓯᐅᑎᖅᑯᕐᑐᔪᒥ ᐃᑭᒪᓪᓗᓂ, ᓯᐅᑎᖅᑯᕐᑐᔫᑉ ᓄᕐᕋᖓᓂ.

ᒪᓚᑬᑉ ᐊᒡᓚᖏᑦ 3:1

“ᑕᑯᒋᑦ, ᐅᖃᕆᐊᕐᑐᕐᑎᑕᕋ ᑎᓕᕙᕋ ᑖᑦᓱᒪ ᐊᖅᑯᑎᒃᓴᕋ ᓯᕗᓂᓐᓂ ᐅᐸᓗᖎᔭᕐᓂᐊᕐᐹ, ᐊᑕᓂᖅ ᕿᓂᕐᑕᓯ ᑕᕝᕔᓐᓇᖅ ᓴᖅᑭᓐᓂᐊᕐᐳᖅ ᑐᒃᓯᐊᕐᕕᒡᔪᐊᒥᓂ; ᐊᖏᖃᑎᒌᖕᓂᐅᑉ ᐅᖃᕐᑎᖓ ᑖᓐᓇ ᖁᕕᐊᒋᔭᓯ, ᑕᑯᒋᑦ, ᑎᑭᓕᕐᐳᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒪᓚᑬᑉ ᐊᒡᓚᖏᑦ 4:2

ᐊᑎᓐᓂᒡᓕ ᓯᕘᕋᔪᓯ ᐃᓱᐊᕐᑐᓕᓂᐅᑉ ᓯᕿᓂᖓᓄᑦ ᓄᐃᕕᐅᔪᒫᕐᐳᓯ, ᐃᓴᕈᕐᒥᒍᑦ ᐋᖅᑭᒃᑕᐅᓂᕐᒥᒃ ᐱᑕᓕᖕᒧᑦ. ᐊᓂᔪᒫᕐᐳᓯ ᒥᓯᒃᑕᕐᓗᓯ ᓄᕐᕋᕐᑎᑐᑦ ᐆᒪᔪᒃᑯᕕᖕᒥᑦ ᐊᓂᔪᑎᑐᑦ.

ᒨᓯᓯ ᓯᑕᒪᖏᑦ 24:19

ᐊᖓᔪᖅᑳᕐᔪᐊᖅ ᓴᖅᑭᑦᓱᒫᕐᐳᖅ ᔧᑯᒥᑦ, ᐃᒡᓗᒐᓴᒡᔪᐊᓂ ᐊᒥᐊᒃᑯᑦ ᓄᖑᑦᓱᒫᕐᐰᑦ.”

ᒫᑎᐅᓯᐅᑉ ᐊᒡᓚᖏᑦ 28:18

ᔩᓱᓯᐅᑉ ᐅᐸᒃᓗᒋᑦ ᐅᖃᐅᑎᕔᑦ, “ᐱᔪᓐᓇᕐᓂᕐᓂᒃ ᑕᒤᓐᓂᒃ ᑐᓂᓯᕕᐅᕗᖓ ᕿᓚᖕᒥ ᓄᓇᕐᔪᐊᒥᓗ.

ᓘᑲᓯᐅᑉ ᐊᒡᓚᖏᑦ 1:32

ᑖᓐᓇ ᐊᖏᓂᕐᐹᖑᔪᒫᕐᐳᖅ, ᑍᔭᐅᔪᒫᕐᓗᓂᓗ ᖁᓪᓕᕐᐸᐅᔫᑉ ᐃᕐᓂᖓᓂᒃ; ᐊᑕᓂᐅᑉ ᒎᑎᐅᑉ ᐊᖓᔪᖅᑳᕐᔪᐊᓐᖑᕐᑎᑦᓱᒫᕐᐹ ᓯᕗᓕᕕᓂᖓᑐᑦ ᑍᕕᑎᑐᑦ.

ᓘᑲᓯᐅᑉ ᐊᒡᓚᖏᑦ 1:69

ᐱᐅᓕᔨᕐᔪᐊᒥᒃ ᑐᓂᓯᕕᒋᖕᒪᑎᒍᑦ, ᐱᔨᒥ ᑍᕕᑎᐅᑉ ᑭᖑᕚᖏᓐᓂ.

ᓘᑲᓯᐅᑉ ᐊᒡᓚᖏᑦ 2:11

ᐅᓪᓗᒥ ᑕᕝᕙ ᐱᐅᓕᔨ ᐊᑕᓂᖅ ᙭ᔅᑑᓯ ᐃᕐᓂᐊᖑᖕᒪᑦ ᑍᕕᑎᐅᑉ ᐃᒡᓗᒐᓴᖏᓐᓂ.

ᔪᐊᓇᓯᐅᑉ ᐊᒡᓚᖏᑦ 1:4

ᐃᓅᓯᖅ ᑖᑦᓱᒪᓃᓚᐅᕐᐳᖅ, ᐃᓅᓯᕐᓗ ᐃᓄᖕᓄᑦ ᑕᒤᓐᓄᑦ ᖃᐅᒻᒪᖅᑯᑕᐅᓚᐅᕐᐳᖅ.

ᔪᐊᓇᓯᐅᑉ ᐊᒡᓚᖏᑦ 1:9

ᓱᓕᔪᒥᒡᓕ ᖃᐅᒪᔫᕗᖅ ᑖᓐᓇ ᓯᓚᕐᔪᐊᕐᒧᑦ ᑎᑭᑦᑐᓕᒫᓂᒃ ᐃᓄᖕᓂᒃ ᖃᐅᒪᒃᓮᔪᖅ.

ᐲᑦᑐᕉᓯ ᓯᕗᓪᓖᑦ 3:22

ᑖᓐᓇ ᕿᓚᓕᐊᓚᐅᕐᐳᖅ ᒫᓐᓇᓗ ᒎᑎᐅᑉ ᑕᓕᕐᐱᐊᓃᑉᐳᖅ, ᐂᖏᓖᓂᒃ ᐃᓚᖃᕐᓗᓂ, ᐱᔪᓐᓇᕐᑎᑕᐅᔪᑦ, ᐱᔪᓐᓇᕐᓃᓪᓗ ᑖᑦᓱᒥᖓ ᓈᓚᒐᖃᕐᐳᑦ.