ᐃᓯᑭᐊᓕᐅᑉ ᐊᒡᓚᖏᑦ 21:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᑕᓕᕐᐱᖕᒥᓄᓪᓗ ᖃᕐᔪᒥᒃ ᑎᒍᓯᕗᖅ ᓇᓗᓁᕐᓯᔪᒥᒃ ᔨᕉᓴᓕᒥᒃ, ᐅᓇᑕᕆᐊᕐᑐᓪᓗ ᐊᐅᓪᓚᕆᐊᕈᑎᒃᓴᖓᓂᒃ ᕾᒐᓛᕈᑕᐅᓂᐊᕐᑐᒥᒃ, ᐋᖅᑭᒃᓱᐃᕗᓪᓗ ᐅᑯᐊᕐᔪᐊᖏᓐᓄᑦ ᒪᑐᐃᕐᓯᓇᓱᐊᕈᑎᒃᓴᒥᖕᓂᒃ, ᓄᓇᒥᒡᓗ ᐳᕐᑐᓯᑎᑦᓯᑦᔪᑎᒃᓴᒥᖕᓂᒃ, ᐊᕙᓗᕐᔪᐊᖓᓄᑦ ᒪᔪᕈᓐᓇᕐᓯᑦᔪᑎᒃᓴᒥᖕᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 21:22 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 25:1

ᑕᖅᑮᑦ 10ᖓᑦᑕ ᐅᓪᓗᖏᑕ 10ᖓᓐᓂ ᐊᕐᕌᒍᐃᑦ 9ᒋᓕᕐᑕᖓᓂ ᔨᑎᑬᐊᐅᑉ ᐊᖓᔪᖅᑳᕐᔪᐊᖑᕕᒋᔭᖏᓐᓂ, ᓂᐱᑯᓁᓴ ᐅᓇᑕᕐᑎᖁᑎᓕᒫᒥᓂᒃ ᐃᓚᖃᕐᓗᓂ ᐅᓇᑕᕆᐊᕐᐳᖅ ᔨᕉᓴᓕᒧᑦ, ᐃᒡᓗᒐᓴᒡᔪᐊᑦ ᐃᓗᒪᓪᓗᒋᑦ ᑕᖕᒫᕐᑎᕐᐳᑦ ᓴᐴᓗᑕᓕᐅᕐᓗᑎᒡᓗ ᐃᒡᓗᒐᓴᒡᔪᐊᑦ ᑬᕙᓪᓚᓯᒪᓪᓗᒋᑦ ᔨᑎᑬᐊ ᐊᑭᕋᕐᑐᓕᓚᐅᕐᒪᑦ ᓂᐱᑯᓁᓴᒥᒃ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓂᒃ.

ᔫᐱᐅᑉ ᐊᒡᓚᖏᑦ 39:25

ᑎᑦᑐᓚᐅᑎᐅᑉ ᓂᐱᖓ ᓂᓪᓕᕌᖓᑦ ᓱᐳᐊᖃᑦᑕᕐᐳᖅ; ᐅᓇᑕᕐᓂᐅᑉ ᑎᐱᖓ ᓁᒪᓕᖃᑦᑕᕐᐹ ᐅᖓᓯᒃᑎᓪᓗᒍ ᓱᓕ, ᐅᓇᑕᕐᑏᑦ ᐊᖓᔪᖅᑳᖏᑕ ᐱᖁᔨᓂᖏᓐᓂᒃ ᑐᓵᓕᖃᑦᑕᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 32:24

“ᑕᑯᒋᑦ, ᐃᑳᕈᑎᕐᔪᐊᑦ ᐃᒡᓗᒐᓴᒡᔪᐊᓂᑦ ᓵᓚᒃᓴᕈᑕᐅᓂᐊᕐᑐᑦ ᐋᖅᑭᒃᓯᒪᓕᕐᐳᑦ, ᐅᓇᑕᕐᓂᖃᓕᕐᒪᑦ ᑳᖕᓇᕐᑐᕐᔪᐊᖃᓕᕐᐳᖅ ᐋᓐᓂᐊᓇᕐᑐᖃᓕᕐᓗᓂᓗ ᓇᓗᓇᕈᓐᓃᕐᐳᑦ ᑲᐅᓪᑎᐊᒥᐅᓄᑦ ᐃᒡᓗᒐᓴᒡᔪᐊᑦ ᐱᔭᐅᓂᐊᓕᕐᑐᑦ. ᐅᖃᐅᓯᕆᓚᐅᕐᑍᑦ ᓇᓪᓕᐅᑎᕗᖅ, ᑕᑯᒋᓪᓗ, ᑕᒪᓐᓇ ᑕᑯᓕᕐᐹᑦ.

ᔨᕆᒤᐊᐅᑉ ᐊᒡᓚᖏᑦ 33:4

ᐃᒫᒃ ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᐃᒡᓗᒐᓴᒡᔪᐊᑦ ᔫᑕᒥᐅᓪᓗ ᐊᖓᔪᖅᑳᕐᔪᐊᖓᑕ ᐃᒡᓗᖏᑦ ᐱᓪᓗᒋᑦ ᑖᒃᑯᐊ ᓯᖁᑦᑎᕐᑕᐅᔪᒫᕐᐳᑦ ᐅᓇᑕᕐᑐᓄᑦ ᑎᑭᑕᐅᒃᐸᑕ.

ᔨᕆᒤᐊᐅᑉ ᐊᒡᓚᖏᑦ 4:16

ᐃᓅᖃᑎᒌᒡᔪᐊᑦ ᑕᒪᑐᒥᖓ ᐅᖃᐅᑎᓯᒋᒃ, ᔨᕉᓴᓕᒥᐅᓄᓪᓗ ᐅᓇᑕᕆᐊᕐᑐᕐᑐᑦ ᕾᓕᕐᒪᑕ ᐅᖓᓯᒃᑐᒥᑦ, ᓂᐱᖅᑯᕐᑐᓗᑎᒡᓗ ᐅᓇᑕᕆᐊᕐᑐᕐᓂᕐᒥᖕᓂᒃ ᓂᓪᓕᐊᑦᔪᑎᖃᕐᒪᑕ ᔫᑕᒥᐅᓄᑦ.

ᔨᕆᒤᐊᐅᑉ ᐊᒡᓚᖏᑦ 51:14

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕕᒍᑎᒋᕗᖅ ᐃᒻᒥᓂᒃ, ᐅᓇᑕᕐᑐᒃᓴᓂᒃ ᑕᑕᑕᐅᑎᑦᓱᒫᕐᐸᑦᓯ ᐱᒡᓕᕐᑕᐅᔮᕐᑐᑎᑐᑦ ᐅᓄᕐᑎᒋᔪᓂᒃ, ᕾᒐᓛᕈᒫᕐᐳᓪᓗ ᐃᓕᑦᓯᓐᓂᒃ ᓵᓚᖃᕐᓂᑎᒃ ᐱᑦᔪᑎᒋᓗᒍ.”

ᔨᕆᒤᐊᐅᑉ ᐊᒡᓚᖏᑦ 52:4

ᔨᑎᑬᐊᐅᑉ ᐊᖓᔪᖅᑳᕐᔪᐊᖑᓂᖓᑕ ᐊᕐᕌᒍᖏᑦᑕ 9ᖓᓐᓂ ᑕᖅᑮᑦ 10ᖓᓐᓂ, ᐅᓪᓗᖏᑦᑕ 10ᒋᓕᕐᑕᖓᓐᓂ ᓂᐱᑯᓁᓴ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ ᐅᓇᑕᕆᐊᓕᓚᐅᕐᐳᖅ ᔨᕉᓴᓕᒥᐅᓂᒃ, ᐅᓇᑕᕐᑎᖁᑎᓕᒫᓂ ᐃᓚᒋᓪᓗᒋᑦ, ᔨᕉᓴᓕᐅᓪᓗ ᐊᕙᓗᕐᔪᐊᖓᑕ ᓯᓚᑖᓂ ᐊᕙᓗᓯᒪᓪᓗᒍ ᑕᖕᒫᕐᑎᓚᐅᕐᐳᑦ ᔨᕉᓴᓕᒥᐅᑦ ᐊᓂᔪᓐᓁᓪᓕᑎᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 26:8

ᓄᓁᓐᓇᕐᒦᑦᑐᑦ ᓴᕕᒡᔪᐊᒧᑦ ᑐᖁᕋᕐᑕᐅᔪᒫᕐᐳᑦ; ᓄᓇ ᖃᑦᑎᒃᓯᑎᓪᓗᒍ ᓴᐴᓗᑕᕆᔪᒫᕐᐹᑦ ᐊᕙᓗᕐᔪᐊᒧᑦ ᒪᔪᕐᕕᓕᐅᕐᓗᑎᒃ, ᒥᓗᕆᐊᖃᑦᑕᐅᑎᓕᐊᕆᓯᒪᔪᒥᒃ ᐊᑐᕐᓗᑎᒃ, ᓴᐴᓗᑕᖃᕐᓗᑎᒃ ᖁᓛᓕᖕᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 26:9

ᐊᕙᓗᕐᔪᐊᖁᑎᓯ ᓯᖁᑦᑎᕐᑕᐅᔪᒫᕐᐳᑦ ᑐᒐᐅᓯᐊᕆᓯᒪᔭᒥᖕᓄᑦ ᐅᖁᒤᑦᑐᓄᑦ, ᐳᕐᑐᔪᖁᑎᓯᓗ ᐅᕐᕈᑎᑦᓱᒫᕐᐰᑦ ᓯᖁᑦᑎᕆᐅᑎᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 4:2

ᐊᑭᕋᖏᓐᓄᑦ ᐊᕙᑕᖏᕐᑕᐅᓯᒪᓂᖓ ᓇᓗᓁᕐᓗᒍ, ᐃᑎᕐᓴᓕᐅᕐᓯᒪᔪᓂᒃ; ᓄᓇᓗ ᖃᓕᕇᒃᓯᓯᒪᓗᒍ; ᐃᑎᕐᑕᕐᕕᖕᓂᒡᓗ ᓯᖁᒥᑦᓯᓇᓲᑎᓂᒃ ᐊᕙᓗᕐᔪᐊᖓᑕ ᓯᓚᑎᓕᒫᖓ ᓈᓗᒍ.

ᐃᓯᑭᐊᓕᐅᑉ ᐊᒡᓚᖏᑦ 5:12

ᐃᓅᖃᑎᑦᓯ ᐱᖓᔪᓪᓗᐊᖏᑦ ᐋᓐᓂᐊᓇᕐᑐᒧᑦ ᑐᖁᕋᕈᒫᕐᐳᑦ ᑳᖕᓇᕐᑐᕐᔪᐊᒧᓪᓗ ᐱᕐᓕᕋᕐᓗᑎᒃ ᐊᑯᓐᓇᑦᓯᓐᓂ; ᐃᓅᖃᑎᑦᓯ ᐱᖓᔪᒋᖕᒥᔭᖏᑦ ᑐᖁᕋᕐᑕᐅᔪᒫᕐᐳᑦ ᓴᕕᒡᔪᐊᒧᑦ ᐊᕙᑎᑦᓯᓐᓂ; ᐱᖓᔪᒋᖕᒥᔭᖏᑦ ᓯᐊᒻᒪᕐᑎᓪᓗᒋᑦ ᐊᓄᕆᓕᒫᓄᑦ ᑎᒃᑕᐅᕋᕐᑎᑦᓱᒫᕐᐸᒃᑲ ᓴᕕᒡᔪᐊᕐᓗ ᐴᖓᓂᑦ ᐊᒧᓗᒍ ᒪᓕᒍᒫᕐᐸᒃᑲ ᕿᒫᑎᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 5:13

“ᑍᒫᒃ ᓂᓐᖓᐅᒪᓂᕋ ᐊᐅᓚᓂᖃᕈᒫᕐᐳᖅ, ᓂᓐᖓᕕᒡᔪᐊᕐᓂᕋᓗ ᑖᒃᑯᓄᖓ ᑐᕌᕈᒫᕐᐳᖅ ᐱᔭᕇᓚᐅᖏᓐᓂᓐᓂ; ᑖᒃᑯᐊ ᖃᐅᔨᓕᕈᒫᕐᐳᑦ ᐅᕙᖓ ᐊᑕᓂᐅᔪᖓ ᐅᖃᓪᓚᒃᓯᒪᒐᒪ ᓯᖕᓇᓂᕐᒧᑦ, ᓂᓐᖓᒡᕕᖃᕐᓯᒪᓂᕐᒧᓪᓗ ᐱᓇᓱᐊᕐᓯᒪᓂᓐᓂᒃ ᑖᒃᑯᓄᖓ.

ᐂᒨᓯᐅᑉ ᐊᒡᓚᖏᑦ 1:14

ᕌᐸᐅᑉ ᐊᕙᓗᕐᔪᐊᖓ ᐃᑯᐊᓪᓚᒃᑎᓐᓂᐊᕐᐸᕋ, ᑕᒪᑐᒧᖓᓗ ᕿᒫᕕᖏᑦ ᐊᓯᕈᕐᑕᐅᓂᐊᕐᐳᑦ, ᐃᓄᖏᓪᓗ ᕾᒐᓛᕐᓂᐊᕐᐳᑦ ᓂᐱᕐᔪᐊᖃᕐᓗᑎᒃ ᐅᓇᑕᕆᐊᕐᑐᑎᑐᑦ, ᓱᓗᒃᓱᕐᔪᐊᕐᑐᑎᑐᓪᓗ ᐊᓄᕌᕐᑎᓪᓗᒍ ᐅᓚᔪᔨᕋᕐᑐᑎᑐᑦ.

ᔮᓱᐊᑉ ᐊᒡᓚᖏᑦ 6:10

ᔮᓱᐊᓪᓕ ᐃᓄᐃᑦ ᐅᖃᐅᑎᓚᐅᕐᐰᑦ, “ᕾᒐᓛᕐᓂᐊᕋᓯ, ᓂᓪᓕᕐᓂᐊᕋᓯᓗ, ᐅᖃᓪᓚᖕᓂᐊᕋᓯᓘᓐᓃᑦ, ᐅᓪᓗᖅ ᓇᓪᓕᐅᑎᖅᑳᕐᑎᓐᓇᒍ ᕾᒐᓛᖁᔨᓂᒃᓴᕋ; ᑕᕝᕙ ᕾᒐᓛᕆᐊᖃᓕᕈᒫᕐᐳᓯ.”

ᔮᓱᐊᑉ ᐊᒡᓚᖏᑦ 6:20

ᑕᕝᕙ ᑐᓂᕐᕈᓯᕐᑎᑦᓯᔩᑦ ᑎᑦᑐᓚᐅᑎᒥᖕᓂᒃ ᓂᓪᓕᕐᑎᑦᓯᑐᐊᕐᒪᑕ, ᐊᖑᑏᑦ ᓂᐱᖅᑯᕐᑐᓪᓗᑎᒃ ᕾᒐᓛᓕᓚᐅᕐᐳᑦ. ᔨᕆᑰᓪᓗ ᐊᕙᓗᕐᔪᐊᖏᑦ ᐅᕐᕈᕗᑦ, ᐃᓄᓕᒫᓪᓗ ᓵᓐᖓᔭᒥᒃᑎᒍᑦ ᑐᕅᓐᓇᕐᓗᑎᒃ ᐃᑎᕐᐳᑦ ᐃᒡᓗᒐᓴᖕᓄᑦ, ᐃᒡᓗᒐᓮᓪᓗ ᓵᓚᒋᓪᓗᒋᑦ.

ᓴᒧᐃᓕ ᓯᕗᓪᓖᑦ 17:20

ᑍᕕᑎᓗ ᒪᑭᑉᐳᖅ ᐅᓪᓛᒻᒪᕆᒃᑯᑦ, ᓰᐱᓪᓗ ᕿᒪᒃᐰᑦ ᑲᒪᔨᒧᑦ, ᔨᓯᐅᓪᓗ ᑐᔫᑎᖏᑦ ᑎᒍᓪᓗᒋᑦ ᐊᐅᓪᓚᕐᐳᖅ, ᔨᓯᐅᑉ ᑎᓕᓚᐅᕐᒪᒍ; ᑎᑭᑉᐳᓪᓗ ᑕᖕᒫᕐᓯᒪᕕᖓᓐᓄᑦ ᐅᓇᑕᕐᑏᑦ ᐅᓇᑕᕆᐊᕐᐸᓪᓕᐊᓕᕐᑎᓪᓗᒋᑦ, ᕾᒐᓛᕐᓗᑎᒡᓗ ᐅᓇᑕᕆᐊᓕᕐᑐᕐᓯᐅᒻᒥᒃ.