46 “ᐃᓅᑉ ᐃᕐᓂᖓ ᐅᓪᓗᓗᐊᑉ ᓇᓛᓄᑦ ᓵᓪᓗᑎᑦ, ᐅᓪᓗᓪᓗᐊᑉ ᓇᓛᓃᑦᑐᑦ ᓈᒻᒪᒋᖏᓪᓗᒋᑦ ᐊᔪᕆᕐᑐᒃᑭᑦ, ᓂᒋᑉᒧᓪᓗ ᓇᐹᕐᑐᒐᓴᓕᖕᒧᑦ ᐱᔪᒫᕐᑐᒃᓴᓂᒃ ᐅᖃᓪᓚᒋᑦ.
ᐅᖃᓪᓚᒌᕅᒐᒪ ᐅᖃᐅᓯᕆᔭᒃᑲ ᐃᓚᔭᐅᒋᐊᒃᑲᓐᓂᕐᐸᓚᐅᓐᖏᓚᑦ, ᐅᖃᐅᓯᒃᑲ ᓯᓚᓗᒃᑎᑐᑦ ᑯᕕᕙᓚᐅᕐᐳᑦ ᐅᖃᓪᓚᒡᕕᒋᔭᓐᓄᑦ.
ᒎᑎᐅᑉ ᐅᖃᐅᓯᖃᕐᓂᖓ ᐆᒪᔪᓂᒃ ᓯᐅᕌᓗᖕᒥᐅᑕᓂᒃ ᐅᓪᓗᓪᓗᐊᑉ ᓇᓛᓂᒥᐅᓂᒃ ᓂᒋᑉᒥ, ᑎᓕᔭᐅᓯᒪᔪᑦ ᐃᖏᕐᕋᔭᕆᐊᖃᕐᐸᒃᐳᑦ ᓄᓇᑎᒍᑦ ᑲᑉᐱᐊᓇᕐᑐᖃᕐᑐᑎᒍᑦ ᓛᔭᓄᑦ ᐃᓂᒋᔭᐅᕙᒃᑐᑯᑦ, ᖁᒡᓗᒋᐊᓂᒃ ᑐᖁᓐᓇᕐᑐᓕᒃᑯᑦ, ᐆᒪᔪᕐᓗᖃᕐᑐᒃᑯᑦ ᖃᖓᑕᓲᓂᒃ, ᓯᐅᑎᖅᑯᕐᑐᔪᖁᑎᑎᒃ ᓇᖕᒪᒃᑎᑉᐸᒃᐰᑦ ᐊᑭᑐᔪᒃᓴᔭᓂᒃ, ᐱᒃᑯᒥᓇᕐᑐᓂᒡᓗ ᑳᒥᓕᖁᑎᑎᒃ ᓇᖕᒪᒃᑎᖃᑦᑕᕐᐰᑦ ᐃᓅᖃᑎᒋᒡᔪᐊᓄᑦ ᐃᑲᔪᕈᓐᓇᖏᑦᑐᓄᑦ.
ᐃᒡᓗᒐᓴᒡᔪᐊᑦ ᓂᒋᑉᒦᑦᑐᑦ ᓇᒧᓐᖓᕐᕕᒃᓴᖃᕈᓐᓃᕐᒪᑕ, ᒪᑐᐃᕐᑕᐅᔪᓐᓇᕈᓐᓃᕐᓗᑎᒡᓗ; ᔫᑕᒥᐅᓕᒫᑦ ᐊᐅᓪᓚᕈᑦᔭᐅᕗᑦ ᐅᖓᓯᒃᑐᒧᑦ ᓄᓇᒋᓐᖏᑕᒥᖕᓄᑦ.
ᐊᓯᕈᐃᔪᒃᓴᓂᒃ ᑎᑭᑎᑦᓯᔪᒫᕋᒪ ᐃᓕᑦᓯᓐᓄᑦ, ᐊᑐᓂᑦ ᐅᓇᑕᐅᑎᖃᑦᓯᐊᕐᑐᓂᒃ; ᑖᒃᑯᐊ ᐅᕐᕈᑎᑦᓯᔪᒫᕐᐳᑦ ᓱᑲᖁᑎᑦᓯᓐᓂᒃ ᓰᑕᕆᓂᒃ ᐱᐅᓂᕐᐹᓂᒃ, ᐃᑯᒪᒧᓪᓗ ᐃᑯᐊᓪᓚᒡᓗᒋᑦ.
ᑍᒤᒻᒪᑦ ᐃᓅᑉ ᐃᕐᓂᖓ, ᓇᓪᓕᐅᑎᔪᒫᕐᑐᓂᒃ ᐅᖃᐅᑎᓕᒃᑭᑦ.”
ᐊᑕᓂᐅᓪᓗ ᐅᖃᐅᓯᖓᑕ ᑎᑭᑉᐹᖓ ᐅᖃᕐᓗᓂ:
“ᐃᓅᑉ ᐃᕐᓂᖓ, ᔨᕉᓴᓕᒥᐅᑦ ᓵᓪᓗᒋᑦ ᐅᖃᓪᓚᒡᕕᒋᒃᑭᑦ ᓈᒻᒪᒋᖏᓪᓗᒋᑦ ᑐᒃᓯᐊᕐᕕᒋᕙᒃᑕᖏᑦ; ᓈᒻᒪᒋᖏᓪᓗᒋᓪᓗ ᐅᖃᐅᓯᐅᖁᔭᓐᓂᒃ ᐅᖃᓪᓚᒡᕕᒋᒃᑭᑦ ᐃᓴᕆᐊᓕᒥ ᓄᓇᖃᕐᑐᓕᒫᑦ.
ᐃᓕᑦᓯᓐᓂ ᑐᖁᕅᔪᒫᕐᐳᖓ ᐃᓱᐊᕐᑐᓕᔪᓂᒃ ᐱᐅᖏᑦᑐᓕᔪᓂᒡᓗ, ᑍᒤᒻᒪᑦ ᓴᕕᒡᔪᐊᕋ ᐊᒧᓗᒍ ᑐᖁᕅᔪᒫᕐᐳᖓ ᐃᓄᓕᒫᓂᒃ ᐅᓪᓗᓪᓗᐊᑉ ᓇᓛᓃᑦᑐᓂᑦ ᐅᓐᓄᐊᓪᓗᐊᑉ ᓇᓛᓃᑦᑐᑦ ᑎᑭᓪᓗᒋᑦ:
“ᔨᕉᓴᓕᐅᑉ ᐊᑭᕋᖏᓐᓄᑦ ᐊᕙᓗᔭᐅᓯᒪᓂᖓ ᓵᓐᖓᓗᒍ, ᑕᓖᑦ ᐅᕕᓃᓐᓇᕈᕐᓗᒍ; ᓇᓪᓕᐅᑎᓛᕐᑐᓂᒃ ᐃᒡᓗᒐᓮᑦ ᐅᖃᓪᓚᒡᕕᒋᒃᑭᑦ.
“ᐃᓅᑉ ᐃᕐᓂᖓ, ᐃᓴᕆᐊᓕᒥᐅᑦ ᖃᖅᑲᖏᓐᓄᑦ ᓵᓐᖓᓗᑎᑦ, ᓇᓪᓕᐅᑎᔪᒫᕐᑐᓂᒃ ᐅᖃᐅᑦᔪᒃᑭᑦ.
ᑍᒤᒻᒪᑦ ᒫᓐᓇ ᐊᑕᓂᐅᑉ ᐅᖃᐅᓯᖏᓐᓂᒃ ᑐᓴᓕᕆᑦ; ᐃᕝᕕᓪᓕ ᐅᖃᕐᐳᑎᑦ, ‘ᐅᖃᓪᓚᖕᓂᐊᕐᓇᒃ ᐊᑭᕋᕐᑐᕐᓗᑎᑦ ᐃᓴᕆᐊᓕᒥᐅᓂᒃ, ᐊᔪᕆᕐᑐᐃᑦᑍᓕᓗᑎᓪᓗ ᐂᓴᑭᐅᑉ ᑭᖑᕚᖏᓐᓄᑦ.’
ᓇᓚᐅᑦᑍᔪᒧᑦ ᐅᖃᕐᐳᓯ, “ᑕᒪᒃᑯᓂᖓ ᐊᔪᕆᕐᑐᓐᖏᓚᐅᕐᑎᒍᑦ, ᑍᒤᒻᒪᑦ ᓇᓚᐅᑦᑍᓂᐊᕈᓐᓁᕐᐳᑦ ᐅᕙᑦᑎᓐᓄᑦ; ᓇᕐᕈᓇᕐᓯᑎᑕᐅᓂᐅᑉ ᓵᓚᒋᓂᐊᓐᖏᓛᑎᒍᑦ.”
ᐊᔪᕆᕐᑐᐃᑦᔪᑎᒋᔭᒃᑲ ᓯᓚᓗᒃᑎᑐᑦ ᑲᑕᒐᕐᓕᑦ, ᐅᖃᐅᓯᒃᑲ ᖃᐅᓯᕐᑎᑦᓯᓗᑎᒃ ᒥᓂᔪᑎᑐᑦ, ᓯᓚᓗᒃᑐᑎᑐᑦ ᐃᕕᒃᓱᒐᕐᓄᑦ ᐱᕈᕐᐸᓪᓕᐊᔪᓄᑦ, ᒥᓂᔪᑎᑐᓪᓗ ᑍᒤᓐᓂᐊᕐᐳᑦ ᐃᕕᒐᕐᓄᑦ.