ᐃᓯᑭᐊᓕᐅᑉ ᐊᒡᓚᖏᑦ 20:40 - ᐊᒡᓔᑦ ᐃᑦᔪᕐᖕᓁᑦᑐᑦ

⁴⁰ ᖃᖅᑲᖁᑎᓐᓂ ᐃᑦᔪᕐᓁᑦᑐᒥ, ᐃᓴᕆᐊᓕᒥᐅᑦ ᖃᖅᑲᖏᓐᓂ ᐳᕐᑐᓂᕐᐹᒥ, ᐊᑕᓂᖅ ᒎᑎ ᐅᖃᕐᐳᖅ, ᑕᕝᕙᓂ ᐃᓴᕆᐊᓕᐅᑉ ᑭᖑᕚᓕᒫᖏᑕ ᑐᒃᓯᐊᕐᕕᒋᔭᒃᓴᕆᕚᖓ; ᑕᕝᕙᓂ ᐃᓚᓕᐅᕈᒫᕐᐸᒃᑲ, ᑕᕝᕙᓂᓗ ᑐᓂᕐᕈᓯᖁᕙᑦᓯ ᑐᓂᔭᒃᓴᓂᒃ ᐱᐅᓂᕐᐹᓂᒃ ᑐᓂᕐᕈᑎᒃᓴᑦᓯᓐᓂᒃ ᐃᑦᔪᕐᓁᑦᑐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 20:40 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 24:23

ᐊᕋᐅᓇᐅᑉ ᑕᒪᕐᒥᒃ ᑕᒪᒃᑯᐊ ᑐᓂᓚᐅᕐᐰᑦ ᐊᖓᔪᖅᑳᕐᔪᐊᕐᒧᑦ ᐅᖃᐅᑎᓪᓗᒍᓗ, “ᐊᑕᓂᐅᑉ ᒎᑎᕕᑦ ᑐᓂᕐᕈᑎᑎᑦ ᓈᒻᒪᒋᓕᒋᑦ.”

ᐃᓐᖏᕈᑎᑦ 2:6

“ᐊᖓᔪᖅᑳᕐᔪᐊᖁᑎᒐ ᐃᓕᕙᕋ ᓮᐅᓂᒧᑦ, ᖃᖅᑲᒥ ᐃᑦᔪᕐᓁᑦᑐᖁᑎᓐᓂ.”

ᐂᓮᐊᓯᐅᑉ ᐊᒡᓚᖏᑦ 56:7

ᑖᒃᑯᐊ ᖃᖅᑲᖁᑎᓐᓄᑦ ᐃᑦᔪᕐᓁᑦᑐᒧᑦ ᐂᑎᑦᓱᒫᕐᐸᒃᑲ, ᖁᕕᐊᓱᒃᑎᓪᓗᒋᓪᓗ ᐃᒡᓗᓐᓂ ᑐᒃᓯᐊᕐᕕᖁᑎᓐᓂ. ᐃᑯᐊᓚᑦᓯᓂᒃᑯᑦ ᑐᓂᕐᕈᑎᖏᑦ ᑐᓂᕐᕈᑎᑐᐃᓐᓇᖏᓪᓗ ᓈᒻᒪᒋᔭᐅᔪᒫᕐᐳᑦ ᑐᓂᕐᕈᓯᕐᕕᖁᑎᓐᓂ; ᐃᒡᓗᒐ ᑍᔭᐅᔪᒫᕐᒪᑦ ᑐᒃᓯᐊᕐᕕᖕᒥᒃ ᐃᓅᖃᑎᒌᒡᔪᐊᓕᒫᓄᑦ.

ᐂᓮᐊᓯᐅᑉ ᐊᒡᓚᖏᑦ 60:7

ᑭᑕᕆᒥᐅᑦ ᓰᐱᖁᑎᓕᒫᖏᑦ ᐃᓕᑦᓯᓐᓄᑦ ᑲᑎᑕᐅᔪᒫᕐᐳᑦ, ᓂᐰᐅᑎᐅᑉ ᓰᐱᖁᑎᖏᑕ ᐊᖑᓴᓪᓗᖏᑦ ᐱᓇᓲᑎᒋᓕᕈᒫᕐᐸᓯ; ᑐᓂᕐᕈᓯᐅᑎᒃᓴᐅᔪᓐᓇᕐᓗᑎᒡᓗ ᑐᓂᕐᕈᓯᕐᕕᖁᑎᓐᓂ ᐃᓚᓕᐅᕈᒫᕐᐸᒃᑲ, ᑐᒃᓯᐊᕐᕕᒡᔪᐊᖁᑎᒐᓗ ᐱᐅᔪᕐᔪᐊᖅ ᐱᓐᓇᕐᓇᕐᓯᑎᑦᓱᒫᕐᐸᕋ.

ᐂᓮᐊᓯᐅᑉ ᐊᒡᓚᖏᑦ 66:20

ᐃᓅᖃᑎᓯᓗ ᑕᒪᕐᒥᒃ ᐊᖏᕐᕋᐅᑎᑦᓱᒫᕐᐰᑦ ᐃᓅᖃᑎᒌᒡᔪᐊᓂᑦ ᑐᓂᕐᕈᑎᒥᒃᑎᑐᑦ ᐊᑕᓂᕐᒧᑦ, ᕿᒥᕐᔪᐊᒃᑰᕐᓗᑎᒃ ᑲᓕᒐᓕᒃᑯᑦ ᐅᓂᐊᒐᕐᑎᒍᑦ, ᓯᐅᑎᖅᑯᕐᑐᔪᑎᒍᓪᓗ ᑳᒥᓕᑯᓪᓗᒃ, ᖃᖅᑲᖁᑎᓐᓄᑦ ᐃᑦᔪᕐᓁᑦᑐᒧᑦ ᔨᕉᓴᓕᒦᑦᑐᒧᑦ, ᐊᑕᓂᖅ ᐅᖃᕐᐳᖅ, ᐃᓴᕆᐊᓕᒥᐅᓪᓗ ᓂᐊᖂᔭᒃᓴᓂᒃ ᑐᓂᕐᕈᑎᒃᓴᒥᖕᓂᒃ ᓴᓗᒪᑦᓯᐊᕐᑐᓂᒃ ᐴᕐᓯᒪᔪᓂᒃ ᑐᓂᓯᔭᕐᑐᕐᐸᖕᒪᑕ ᐊᑕᓂᐅᑉ ᐃᒡᓗᖓᓄᑦ.

ᐂᓮᐊᓯᐅᑉ ᐊᒡᓚᖏᑦ 66:23

ᑕᖅᑮᓚᓪᓗᐊᒥᑦ ᑕᖅᑮᓚᓪᓗᐊᒧᑦ ᓇᓪᓕᐅᓐᓂᕐᓯᐅᕐᓂᖃᕐᐸᖕᒪᑦ, ᓴᐸᑎᒥᑦ ᓴᐸᑎᒧᑦ ᑎᑭᓪᓗᒍ, ᑍᒫᒃᑕᐅᖅ ᐃᓄᓕᒫᑦ ᐅᕙᓐᓄᑦ ᑐᒃᓯᐊᕆᐊᖃᑦᑕᕈᒫᕐᐳᑦ; ᓵᓐᓄᑦ ᐹᒻᒪᒃᑎᕆᐊᕐᑐᕐᓗᑎᒃ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 31:12

ᕾᔪᒫᕐᐳᑦ ᖁᕕᐊᓱᖕᓂᕐᒧᑦ ᐃᓐᖏᕐᓗᑎᒃ ᕾᒐᓛᕐᓗᑎᒃ ᖃᖅᑲᒥ ᓮᐅᓂᒥ, ᖁᕕᐊᓲᑎᖃᕈᒫᕐᐳᓪᓗ ᐊᑕᓂᕐᒥᒃ ᐱᓕᐅᓯᐊᒥᖕᓂᒃ ᓂᐊᖂᔭᒃᓴᓂᒃ, ᐸᐅᕐᒊᑦ ᐃᑦᑎᖏᓐᓂᑦ ᐅᕐᓱᒃᓴᓂᓪᓗ, ᐆᒪᔪᖁᑎᒃᓴᖏᓪᓗ ᓰᐱᖁᑎᖏᑦ ᐃᒻᒧᒃᓯᐅᒊᓪᓗ ᐃᓅᔪᒫᕐᐳᑦ ᐱᕈᕐᓰᕕᒃᑎᑐᑦ ᐃᒪᖃᑦᓯᐊᕐᑐᑎᑐᑦ ᑍᒤᑦᓱᒫᕐᐳᑦ ᕿᒃᓵᒍᑎᒃᓴᖃᕈᓐᓃᕐᓗᑎᒡᓗ.

ᐃᓯᑭᐊᓕᐅᑉ ᐊᒡᓚᖏᑦ 17:22

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: “ᓇᖕᒥᓂᕐᓗ ᓇᐹᕐᑐᑦ ᑕᑭᔪᑦ ᓰᑕᕇᑦ ᓄᕗᖏᓐᓂᑦ ᐲᕐᓯᓗᖓ, ᐊᐅᓪᓚᕈᑦᔨᔪᒪᕗᖓ; ᐳᕐᑐᓂᕐᐹᑉ ᓄᕗᐊᓂᑦ ᐱᕈᓕᓵᕐᑐᒥᒃ ᓇᑲᑦᓯᓗᖓ, ᓇᖕᒥᓂᕐᓗ ᖃᖅᑲᒧᑦ ᐳᕐᑐᔪᒧᑦ ᖁᑦᓯᖕᓂᕐᐹᒧᑦ ᓇᑉᐸᕈᒪᕙᕋ;

ᐃᓯᑭᐊᓕᐅᑉ ᐊᒡᓚᖏᑦ 17:23

ᐃᓴᕆᐊᓕᒥᐅᑦ ᖃᖅᑲᖏᑕ ᐳᕐᑐᓂᕐᐹᖓᓐᓂ ᓇᑉᐸᕐᓯᔪᒪᕗᖓ, ᐊᕙᓚᖓᔪᕐᔪᐊᖃᓕᕈᒫᕐᐳᖅ ᐸᐅᕐᖓᖃᓕᕐᓗᓂᓗ, ᓇᐹᕐᑐᕐᔪᐊᖑᓕᖁᓪᓗᒍ ᓰᑕᕆᐅᓕᕐᓗᓂ; ᐆᒪᔪᓪᓗ ᖃᓄᐃᑦᑐᑐᐃᓐᓁᑦ ᓇᐹᕐᑑᑉ ᐊᑖᓂ ᐃᓂᖃᓕᕈᒫᕐᐳᑦ, ᐊᕙᓚᖓᔪᖏᑕᓗ ᑕᕐᕋᓕᓂᖏᓐᓂ ᑎᖕᒥᐊᑦ ᐊᑦᔨᒌᖏᑦᑐᑦ ᐅᓪᓗᖃᓕᕐᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 28:14

ᓂᕈᐊᕐᓯᒪᓚᐅᕐᐳᖓ ᓴᐳᑦᔨᔨᒃᓴᕐᓂᒃ ᐂᓐᖏᓕᒥᒃ ᓯᕈᐱᒥᒃ; ᒎᑎᐅᓪᓗ ᐃᑦᔪᕐᓁᑦᑐᖁᑎᖓᓂ ᖃᖅᑲᒥ ᐃᓂᖃᓚᐅᕐᐳᑎᑦ; ᐱᓱᖃᑦᑕᓚᐅᕐᐳᑎᑦ ᐅᔭᕋᒃᑎᒍᑦ ᐱᐅᔪᕐᔪᐊᑎᒍᑦ ᕿᓪᓛᒡᒋᔭᕐᑐᑎᒍᑦ.

ᐃᓯᑭᐊᓕᐅᑉ ᐊᒡᓚᖏᑦ 40:2

ᒎᑎᐅᑉ ᑕᑯᑎᑕᐅᓂᒃᑯᑦ ᐃᓴᕆᐊᓕᒥᐅᑦ ᓄᓇᖓᓄᐊᕈᑎᕚᖓ, ᖃᖅᑳᓘᓪᓗ ᐳᕐᑐᔫᑉ ᖃᖓᓄᐊᕐᑎᑉᐹᖓ, ᐃᒡᓗᒐᓴᒡᔪᐊᑎᑐᑦ ᓴᓇᓯᒪᔫᔮᕐᑐᓂᒃ ᐊᑭᓪᓗᐊᓐᓂ ᑕᑯᓕᕐᐳᖓ.

ᐃᓯᑭᐊᓕᐅᑉ ᐊᒡᓚᖏᑦ 43:12

ᐅᓇ ᑕᕝᕙ ᑐᒃᓯᐊᕐᕕᒡᔪᐊᑉ ᐱᖁᔭᖓ; ᖃᖅᑲᐅᑉ ᖄᖓᑕ ᖃᓂᒋᔭᓕᒫᖓ ᐃᑦᔪᕐᓁᑦᑑᓂᕐᐸᐅᔪᒃᓴᐅᕗᖅ. ᑕᑯᒋᑦ, ᑕᒪᓐᓇ ᑕᕝᕙ ᑐᒃᓯᐊᕐᕕᒡᔪᐊᑉ ᐱᖁᔭᖓ.”

ᐃᓯᑭᐊᓕᐅᑉ ᐊᒡᓚᖏᑦ 43:27

ᑕᒪᒃᑯᐊ ᐅᓪᓗᐃᑦ ᓈᔭᐅᒃᐸᑕ, ᐅᓪᓗᐃᑦ ᓯᑕᒪᐅᔪᕐᑐᖓᓂᑦ ᐱᒋᐊᕐᓗᑎᒃ ᑐᓂᕐᕈᓯᕐᑎᑦᓯᔩᑦ ᑐᓂᕐᕈᓯᕐᕕᖕᒥ ᑐᓂᕐᕈᓯᖃᑦᑕᓯᒋᐊᕐᑐᒃᓴᐅᕗᑦ ᑐᓂᕐᕈᑎᓂᒃ ᐃᑯᐊᓚᑎᑕᒃᓴᓂᒃ ᓮᒻᒪᖃᑎᒌᖕᓂᕐᒧᓪᓗ ᑐᓂᕐᕈᓯᕈᑎᓂᒃ; ᑕᕝᕙ ᐃᓚᓕᐅᕐᓂᐊᕐᐸᑦᓯ, ᐊᑕᓂᖅ ᒎᑎ ᐅᖃᕐᐳᖅ.”

ᐅᐸᑍᐊᑉ ᐊᒡᓚᖏᑦ 1:16

ᐃᒥᓚᐅᕋᕕᑦ ᖃᖅᑲᖁᑎᓐᓂᑦ ᐃᑦᔪᕐᓁᑦᑐᒥᑦ, ᑍᒫᒃ ᐃᓅᖃᑎᒌᒡᔪᐊᓕᒫᑦ ᐊᕙᑎᑦᓯᓐᓃᑦᑐᑦ ᐃᒥᕈᒫᕆᕗᑦ; ᐃᓛᒃ ᐃᒥᕈᒫᕐᐳᑦ ᑐᐊᕕᕐᓗᑎᒃ ᐄᓗᒍᓗ, ᑍᒤᓚᐅᕐᓯᒪᖏᑦᑐᑎᑐᓪᓗ ᐃᓕᖓᔪᒫᕐᐳᑦ.”

ᔨᐸᓁᐊᐅᑉ ᐊᒡᓚᖏᑦ 3:11

ᑍᑲᓂ ᐅᓪᓗᒥ ᑲᓐᖑᓱᒃᑎᑕᐅᔪᒫᓐᖏᓚᓯ ᑕᒻᒪᕐᓂᕆᓚᐅᕐᑕᓯ ᐅᕙᓐᓄᑦ ᐱᓪᓗᒋᑦ, ᑍᒃᑯᐊ ᐊᑯᓐᓇᑦᓯᓐᓃᑦᑐᑦ ᖁᕕᐊᓲᑎᓖᑦ ᐱᐅᔪᕆᓂᕐᒥᒃ ᓄᖑᑎᑦᓱᒫᕐᐸᒃᑲ. ᐃᒻᒥᓂᒃ ᐊᖏᒡᓕᑎᓚᐅᕐᓯᒪᓂᐊᕈᓐᓁᕐᐳᓯ ᖃᖅᑲᖁᑎᓐᓂ ᐃᑦᔪᕐᓁᑦᑐᒥ.

ᒪᓚᑬᑉ ᐊᒡᓚᖏᑦ 1:11

ᓯᕿᓂᐅᑉ ᓄᐃᕕᐊᓂᑦ ᓂᐱᕕᐊᓄᑦ ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓂ, ᓇᓂᓕᒫᖅ ᑎᐱᑦᓯᐊᕆᒃᑐᓂᒃ ᐳᔪᕐᓂᒃ ᑐᓂᕐᕈᓯᕐᐳᑦ ᐊᑎᓐᓄᑦ, ᐃᑦᔪᕐᓁᑦᑐᓂᒡᓗ ᑐᓂᕐᕈᑎᓂᒃ; ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓄᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒪᓚᑬᑉ ᐊᒡᓚᖏᑦ 3:4

ᑕᕝᕙ ᔫᑕᐅᑉ ᔨᕉᓴᓕᐅᓪᓗ ᑐᓂᕐᕈᑎᖏᑦ ᐊᑕᓂᐅᑉ ᖁᕕᐊᒋᓕᕈᒫᕐᐰᑦ, ᑍᑦᓱᒪᓂᐊᓗᒃ ᑍᒤᓚᐅᕐᓂᖏᑎᑐᑦ ᐊᕐᕌᒍᓂ ᐊᓂᒍᕐᓯᒪᔪᓂ.

ᕉᒪᒥᐅᓄᑦ 8:23

ᑖᒃᑯᐊᑐᐊᖑᖏᑦᑐᖅ, ᐅᕙᒍᓪᓕᑦᑕᐅᖅ, ᐊᓂᕐᓂᐅᑉ ᐱᕈᕐᑎᑕᖏᓐᓂᒃ ᓯᕗᓪᓕᕐᓂᒃ ᐱᓯᒪᔪᒍᑦ, ᐋᓐᓂᐊᔪᑐᑦ ᓂᓪᓕᐊᖃᑦᑕᕆᕗᒍᑦ ᐃᓗᑦᑎᒍᑦ ᐅᑕᖅᑭᓪᓗᑕ ᑎᒍᐊᕐᑖᖑᔪᒫᕐᓂᑦᑎᓐᓂᒃ, ᑎᒥᕗᑦ ᐱᐅᓕᔭᐅᓕᕐᐸᑕ.

ᐄᑉᕈᐃᓄᑦ 13:15

ᑖᑦᓱᒨᓇ ᑲᔪᓯᓗᑕ ᑐᓂᕐᕈᓯᓚᐅᕐᑕ ᒎᑎᒧᑦ ᓂᕐᑐᐃᓂᕐᒥᒃ, ᑕᕝᕙ ᑐᓂᕐᕈᓯᕐᓂᕐᒥᒃ ᖃᓂᑦᑎᒍᑦ ᓇᓗᓁᕐᓯᓪᓗᑕ ᑖᑦᓱᒪ ᐊᑕᓂᐅᓂᖓᓂᒃ.

ᐲᑦᑐᕉᓯ ᓯᕗᓪᓖᑦ 2:5

ᐃᓕᑦᓯᑦᑕᐅᖅ, ᐅᔭᕋᒃᑎᑐᑦ ᐆᒪᔪᑎᑐᑦ, ᐃᒡᓗᓕᐊᖑᓕᕐᐳᓯ ᐊᓂᕐᓂᒃᑯᑦ ᐃᒡᓗᓕᐊᕆᔭᐅᔪᒧᑦ ᑐᓂᕐᕈᓯᕐᑎᑦᓯᔨᐅᖁᓪᓗᓯ ᐃᑦᔪᕐᓁᑦᑑᓗᓯ, ᐊᓂᕐᓂᒃᑯᑦ ᑐᓂᕐᕈᓯᕐᑎᑦᓯᔨᐅᖁᓪᓗᓯ ᒎᑎᒧᑦ ᓈᒻᒪᒋᔭᐅᔪᒥᒃ ᔩᓱᓯ ᙭ᔅᑑᓯᒃᑯᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:1

ᕿᓚᖕᒥᓗ ᑕᑯᓕᒪᓇᖏᓪᓚᕆᒃᑐᒥᒃ ᓴᖅᑭᑦᑐᖃᕐᐳᖅ, ᐊᕐᓇᒥᒃ ᐊᓐᓄᕌᕐᓯᒪᔪᒥᒃ ᓯᕿᓂᕐᒥᒃ, ᐃᑎᒐᖏᓪᓗ ᐊᑎᒥᐅᑕᖃᕐᐳᑦ ᑕᖅᑭᕐᒥᒃ, ᓂᐊᖂᑎᖃᕐᓗᓂᓗ ᐅᓪᓗᕆᐊᓂᒃ 12ᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:10

ᐊᓂᕐᓂᒃᑯᓪᓗ ᐊᐅᓪᓚᕈᑎᕚᖓ ᖃᖅᑲᕐᔪᐊᕐᒧᑦ, ᐳᕐᑐᔪᕐᔪᐊᒧᑦ, ᑕᑯᑎᑉᐹᖓᓗ ᔨᕉᓴᓕᒥᒃ ᐃᑦᔪᕐᓁᑦᑐᓂᒃ ᐃᒡᓗᒐᓴᒡᔪᐊᓂᒃ ᕿᓚᖕᒥᑦ ᐊᖅᑲᕐᑐᓂᒃ ᒎᑎᒥᑦ,