ᐃᓯᑭᐊᓕᐅᑉ ᐊᒡᓚᖏᑦ 20:28 - ᐊᒡᓔᑦ ᐃᑦᔪᕐᖕᓁᑦᑐᑦ

²⁸ ᓄᓇᑖᕆᔭᐅᖁᓪᓗᒍᓕ ᐊᖏᕈᑎᒋᓚᐅᕐᑕᓐᓄᑦ ᑎᑭᑎᓐᓇᒃᑭᑦ, ᖃᖅᑲᓂᒃ ᐳᕐᑐᔪᓂᒃ ᓇᐹᕐᑐᓂᒡᓗ ᑐᖑᔪᕐᑐᓂᒃ ᑕᑯᓕᕋᒥᒃ ᑐᓂᕐᕈᓯᕐᕕᒋᓚᐅᕐᐰᑦ ᓇᕐᕈᓇᕐᑐᓂᒡᓗ ᑐᓂᕐᕈᓯᕐᕕᒋᓪᓗᒋᑦ; ᑕᕝᕙᓂ ᓂᓐᖓᒃᓮᑦᔪᑎᓂᒃ ᑐᓂᕐᕈᓯᖃᑦᑕᓚᐅᕐᐳᑦ ᐃᑯᐊᓚᑦᓯᓪᓗᑎᒃ; ᑎᐱᑦᓯᐊᕆᒃᑐᓂᒃ ᐳᔫᕐᑎᑦᓯᖃᑦᑕᓚᐅᕐᐳᑦ, ᕔᓂᒥᒡᓗ ᑐᓂᕐᕈᑎᒥᖕᓄᑦ ᐃᓚᓕᐅᑦᔨᕙᒃᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 20:28 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 14:23

ᐃᒻᒥᓂᒃ ᓴᓐᓇᓚᐅᕆᕗᑦ ᑐᒃᓯᐊᕐᕕᒋᔭᒃᓴᒥᖕᓂᒃ ᒎᑎᓐᖑᐊᓂᒃ, ᐅᔭᕋᖕᓂᒃ ᓇᑉᐸᔪᓂᒃ, ᐃᓄᓐᖑᐊᓂᒡᓗ ᕿᔪᖕᓂᒃ ᐊᓯᕆᒻᓂᒃ ᖃᖅᑲᓕᒫᑦ ᖄᖏᓐᓂ ᑐᒃᓯᐊᕐᕕᒃᓴᒥᖕᓂᒃ ᓇᐹᕐᑐᕐᔪᐊᓪᓗ ᐊᖏᔪᑦ ᐊᑖᓐᓂ.

ᐊᑕᓃᑦ ᐂᑉᐸᖏᑦ 17:10

ᒎᑎᓐᖑᐊᓕᐊᕆᓯᒪᔪᓂᒃ ᓇᑉᐰᓯᒪᓚᐅᕐᐳᑦ ᐱᖑᐃᑦ ᐳᕐᑐᓂᓕᒫᖏᓐᓂ, ᓇᐹᕐᑐᐃᓪᓗ ᐊᑖᓐᓂ ᒎᑎᓐᖑᐊᑉ ᐊᓯᕋᐅᑉ ᐊᑦᔨᖏᓐᓂᒃ.

ᐊᑕᓃᑦ ᐂᑉᐸᖏᑦ 17:12

ᐊᑕᓂᐅᓪᓗ ᐱᖁᔭᖓᓂᒃ ᑍᒤᓕᐅᓂᕐᒧᑦ ᓯᖁᒥᑦᓯᓚᐅᕐᐳᑦ, ᐅᖃᐅᑎᓯᒪᓚᐅᕐᒪᒋᑦ, ᒎᑎᓐᖑᐊᓄᑦ ᑐᒃᓯᐊᕐᕕᖃᕐᑐᒃᓴᐅᖏᓐᓂᖏᓐᓂᒃ.

ᐊᑕᓃᑦ ᐂᑉᐸᖏᑦ 17:9

ᐃᓴᕆᐊᓕᒥᐅᑦ ᐱᓂᐊᓚᐅᕐᒪᑕ ᐊᑕᓂᐅᑉ ᓈᒻᒪᒋᓐᖏᑕᖏᓐᓂᒃ ᐃᔨᕋᕐᑐᕐᓗᑎᒃ. ᐃᒡᓗᒐᓴᒡᔪᐊᖁᑎᓕᒫᒥᖕᓂᒃ ᒎᑎᓐᖑᐊᒥᖕᓄᑦ ᑐᒃᓯᐊᕐᕕᒃᑕᖃᕐᑎᑦᓯᓚᐅᕐᒪᑕ, ᐃᒡᓗᒐᓴᖏᓐᓂᑦ ᒥᑭᓐᓂᕐᐹᓂᑦ ᐃᒡᓗᒐᓴᒡᔪᐊᑦ ᐊᖏᓂᕐᐹᑦ ᑎᑭᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 65:7

ᐊᔪᕐᑐᓕᓂᖏᑦ ᓯᕗᓕᕕᓂᖏᑕᓗ ᐊᔪᕐᑐᓕᓂᖏᑦ ᑲᑎᓪᓗᒋᑦ, ᐊᑕᓂᖅ ᐅᖃᕐᐳᖅ; ᑐᓂᕐᕈᓯᖃᑦᑕᓚᐅᕐᓂᖏᓐᓄᑦ ᐃᓯᕐᓗᐊᕐᓂᑎᑦᓯᓪᓗᑎᒃ ᖃᖅᑬᑦ ᖄᖏᓐᓂ, ᐱᖑᕐᓂᓗ ᓇᕐᕈᓇᕐᓯᑎᑦᓯᓪᓗᑎᒃ ᐅᕙᓐᓂᒃ, ᑍᒤᒻᒪᑦ ᓵᖓᓐᓄᐊᕐᓯᔪᒫᕐᐳᖓ ᐊᑭᓂᐊᕐᕕᐅᔪᒃᓴᐅᓂᖏᓐᓂᒃ ᐊᔪᕐᑐᓕᓂᕆᓯᒪᔭᖏᑦ ᒪᓕᒡᓗᒋᑦ.”

ᔨᕆᒤᐊᐅᑉ ᐊᒡᓚᖏᑦ 19:13

ᐃᒡᓗᐃᑦ ᔨᕉᓴᓕᒦᑦᑐᑦ, ᐊᖓᔪᖅᑳᕐᔪᐊᓪᓗ ᐃᒡᓗᖏᑦ ᔫᑕᒦᑦᑐᑦ ᓇᕐᕈᓇᕐᓯᔪᒫᕐᐳᑦ ᑐᐱᑎᒥᐅᑎᑐᑦ, ᐃᒡᓗᓕᒫᑦ ᖄᖏᓐᓂ ᐃᑯᐊᓚᑦᓯᕕᐅᖃᑦᑕᕐᑐᑦ ᑐᓂᕐᕈᓯᕐᑐᓄᑦ, ᖁᑦᓯᒃᑐᒦᑦᑐᓄᑦ ᐃᒥᒐᒃᓴᓂᒡᓗ ᑐᓂᕐᕈᑕᐅᕙᒃᑐᑦ ᒎᑎᓐᖑᐊᓄᑦ ᓇᕐᕈᓇᕐᓯᑎᑕᐅᔪᒫᕐᐳᑦ ᑐᐱᑎᒥᐅᑎᑐᑦ.’”

ᔨᕆᒤᐊᐅᑉ ᐊᒡᓚᖏᑦ 2:7

ᓄᓇᒧᐊᕐᑎᓚᐅᕐᐸᑦᓯ ᐱᕈᕐᑐᖃᑦᓯᐊᕐᑐᒧᑦ, ᐱᕈᕐᑐᖏᓐᓂᒃ ᓂᕿᖃᖁᓪᓗᓯ, ᐱᕈᕐᑎᑦᓯᖁᓪᓗᓯᓗ, ᑕᒪᐅᓐᖓᕋᑦᓯᓕ ᓄᓇᖁᑎᒐ ᓇᕐᕈᓇᕐᓯᑎᓚᐅᕐᐸᓯ, ᑭᖑᕐᖑᑎᔭᐅᒐᔭᕐᑐᕐᓗ ᐱᐅᔪᓐᓃᕐᑎᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 3:6

ᔫᓮᐊ ᐊᖓᔪᖅᑳᕐᔪᐊᖑᑎᓪᓗᒍ, ᐊᑕᓂᐅᑉ ᐅᖃᕐᕕᒋᕚᖓ, “ᑕᑯᓯᒪᕕᓪᓖ? ᐃᓴᕆᐊᓕᒥᐅᑦ ᐅᒃᐱᕈᒪᖏᑦᑐᑦ ᐃᓕᖅᑯᓯᖏᓐᓂᒃ? ᐱᖑᓕᒫᑦ ᖄᖏᓐᓂ ᓇᐹᕐᑐᐃᓪᓗ ᐊᑖᓐᓂ ᐊᓯᓐᓂᐊᓚᐅᕐᐹᖓ ᐊᖑᓐᓂᐊᕐᑎᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 32:30

ᐃᓴᕆᐊᓕᒥᐅᑦ ᔫᑕᒥᐅᓪᓗ ᐃᓄᖏᑦ ᓵᓐᓂ ᐱᐅᖏᑦᑐᐃᓐᓇᕐᒥᒃ ᐃᓕᖅᑯᓯᖃᕐᓯᒪᖕᒪᑕ ᒪᒃᑯᖕᓂᕐᒥᖕᓂᑦ, ᐃᓴᕆᐊᓕᒥᐅᓪᓕ ᓂᓐᖓᒃᓮᕗᑦ ᐊᒡᒐᖏᑕ ᐱᓂᐊᕐᓂᖏᑎᒍᑦ, ᐊᑕᓂᖅ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 16:19

ᓂᕿᓗ ᑐᓂᓚᐅᕐᑕᕋ ᐃᓕᖕᓄᑦ ᓂᐊᖂᔭᒃᓴᑦᓯᐊᕙᐅᓂᕐᐹᕐᓗ ᐅᕐᓱᒃᓮᓪᓗ ᕼᐊᓃᓪᓗ ᐃᓕᖕᓄᑦ ᓂᕿᒋᔭᐅᖁᓚᐅᕐᑕᒃᑲ; ᑐᓂᓚᐅᕐᐸᑎᑦ ᒪᒪᕆᔭᐅᑎᑦᑐᒪᓪᓗᒋᑦ ᑖᒃᑯᓄᖓ, ᐊᑕᓂᖅ ᒎᑎ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 16:24

ᓴᓇᓯᒪᕗᑎᑦ ᐊᑦᓱᖏᕈᓐᓇᕐᑐᓂᒃ ᐃᒡᓗᕈᓯᕐᓂᒃ, ᐳᕐᑐᔪᓂᒡᓗ ᑐᒃᓯᐊᕐᕕᓕᐅᕐᓯᒪᓪᓗᑎᑦ ᐊᖅᑯᑏᑦ ᑲᑎᓐᖓᓂᓕᒫᖏᓐᓂ;

ᐃᓯᑭᐊᓕᐅᑉ ᐊᒡᓚᖏᑦ 20:15

“ᑍᒤᒻᒪᑦ ᐃᓄᖃᖏᑦᑐᒦᑎᓪᓗᒋᑦ ᐅᖃᕕᓚᐅᕐᐳᖓ ᓄᓇᑖᕆᔭᐅᖁᓯᒪᔭᓐᓄᑦ ᑎᑭᑎᓛᕈᒪᔪᓐᓁᕐᓗᒋᑦ, ᓄᓇᒃᓴᕆᓚᐅᕐᑕᖓᓐᓄᑦ ᓂᕿᒃᓴᖃᑦᓯᐊᕐᑐᒧᑦ ᐊᔪᕐᓴᕐᓇᖏᑦᑐᒧᓪᓗ ᓄᓇᑦᓯᐊᕙᐅᓂᕐᐹᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 20:29

ᐅᖃᐅᑎᓚᐅᕐᐸᒃᑲ, ‘ᓇᒧᑦ ᐳᕐᑐᔪᓄᑦ ᑐᒃᓯᐊᕆᐊᕐᐸᒃᐱᓰ?’ ᑍᒪᓐᖓᓂᑦ ᐱᒋᐊᕐᓗᒍ ᐳᕐᑐᔪᓕᐊᕐᑐᓂᒃ ᑍᔭᐅᕙᓕᓚᐅᕐᐳᖅ ᐅᓪᓗᒥᒧᑦ ᑎᑭᓪᓗᒍ.

ᐃᓯᑭᐊᓕᐅᑉ ᐊᒡᓚᖏᑦ 20:6

ᑍᑦᓱᒪᓂ ᐅᓪᓗᒥ ᐅᖃᕕᒃᓗᖓ ᐊᖏᕐᕕᒋᓚᐅᕐᐸᒃᑲ ᐄᑦᔨᑉᑎᒥᑦ ᐊᐅᓪᓚᕐᑎᓛᕐᓂᕋᕐᓗᒋᑦ ᑕᓯᐅᕐᓗᒋᓪᓗ ᓄᓇᒧᑦ ᓄᓇᑖᕆᔭᐅᖁᓪᓗᒍ ᓂᕈᐊᕆᓯᒪᔭᓐᓄᑦ, ᓄᓇᑦᓯᐊᕙᐅᓂᕐᐹᒧᑦ ᓄᓇᒥ ᓂᕿᒃᓴᖃᑦᓯᐊᕐᓇᕐᑐᒧᑦ ᐊᔪᕐᓴᕐᓇᖏᑦᑐᒧᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 6:13

ᖃᐅᔨᔪᒫᕐᐳᓯᓗ ᐅᕙᖓ ᐊᑕᓂᐅᒐᒪ, ᑐᖁᖓᔪᑦ ᒎᑎᓐᖑᐊᖃᕐᕕᖕᓂ ᑐᓂᕐᕈᓯᕐᕕᖕᓂᓗ ᓯᐊᒻᒪᕐᓯᒪᓕᕐᐸᑕ, ᐱᖑᕐᓂᓗ ᐳᕐᑐᔪᓕᒫᓂ, ᖃᖅᑬᓪᓗ ᖄᖏᓐᓂ, ᓇᐹᕐᑐᐃᓪᓗ ᑐᖑᔪᕐᑐᑦ ᐊᑖᓂ, ᓇᐹᕐᑐᕐᔪᐊᓪᓗ ᐅᖃᐅᔭᖅᑯᕐᑐᔪᑦ ᐊᑖᓂ, ᓇᓂᑐᐃᓐᓇᕐᓗ ᒎᑎᓐᖑᐊᓕᒫᓄᑦ ᒪᒪᕐᑐᓂᒃ ᑐᓂᕐᕈᓯᕐᕕᖏᓐᓂ.

ᒨᓯᓯ ᐱᖓᔪᖏᑦ 17:5

ᑕᒪᓐᓇ ᑍᒤᑉᐳᖅ ᐃᓴᕆᐊᓕᒥᐅᑦ ᐂᑦᑐᐃᖁᓪᓗᒋᑦ ᐊᑕᓂᕐᒧᑦ ᑕᒫᓂᑐᐃᓐᓇᖅ ᑐᓂᕐᕈᓯᕐᓂᕆᕙᓚᐅᕐᑕᒥᖕᓂᒃ, ᒫᓐᓇᓕ ᕾᑦᔪᑎᔭᕆᐊᖃᓕᕐᐰᑦ ᑐᓂᕐᕈᓯᕐᑎᑦᓯᔨᒧᑦ, ᐃᒫᒃ ᐊᑕᓂᕐᒧᑦ ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᖓᓄᑦ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒃᓴᓂᒃ ᑐᓂᕐᕈᑎᖃᕐᓗᑎᒃ.

ᔮᓱᐊᑉ ᐊᒡᓚᖏᑦ 23:14

“ᑕᑯᒋᑦ, ᐅᓪᓗᒥ ᑐᖁᕕᒃᓴᕋ ᓇᓪᓕᐅᑎᓕᕐᐳᖅ, ᖃᐅᔨᒪᔪᐃᓐᓇᐅᕗᓯ ᐆᒻᒪᑎᑦᓯᒍᑦ ᑕᕐᓂᑦᓯᒍᓪᓗ, ᐊᑕᓂᐅᑉ ᒎᑎᑦᓯ ᑐᓂᓚᐅᕐᒪᓯ ᐱᐅᔪᓂᒃ ᐊᖏᕈᑎᒋᓚᐅᕐᑕᓕᒫᒥᓂᒃ ᐃᓕᑦᓯᓐᓄᑦ; ᐊᖏᕈᑎᒋᓚᐅᕐᑕᓕᒫᓂ ᐃᓕᑦᓯᓐᓄᑦ ᑲᔪᓯᑎᓚᐅᕐᒪᒋᑦ; ᐊᑕᐅᓯᕐᒥᒡᓘᓐᓃᑦ ᐊᑐᖏᑦᑑᑎᑦᓯᓚᐅᖏᓚᖅ.