ᐃᓯᑭᐊᓕᐅᑉ ᐊᒡᓚᖏᑦ 20:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᓂᑲᒋᓕᕋᒃᑭᑦ ᑐᖁᕋᓚᐅᓐᖏᓚᒃᑲ, ᓄᖑᑎᓚᐅᕐᓇᖏᓪᓗ ᐃᓄᖃᖏᑦᑐᒦᑎᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 20:17 ပူးပေါင်းရင်းမြစ်များ

ᓂᕼᐃᒤᐊᐅᑉ ᐊᒡᓚᖏᑦ 9:19

ᑭᓯᐊᓂᓕ ᕿᒪᓚᐅᓐᖏᓚᑎᑦ ᐃᓄᖃᖏᑦᑐᒥ, ᓈᒃᑭᒍᓱᖕᓃᑦ ᐊᖏᔫᖕᒪᑦ, ᓄᕗᔭ ᓇᐸᔪᖅ ᐅᓪᓗᕐᓯᐅᑎ ᐲᓚᐅᖏᓐᓇᕕᐅᒃ ᑕᓯᐅᕐᓯᖃᑦᑕᓚᐅᕐᑐᖅ ᐊᖅᑯᑎᒃᓴᖓᓐᓂᒃ; ᐃᑯᒪᓗ ᓇᐸᔪᖅ ᐅᓐᓄᒃᓯᐅᑎ ᐲᓚᐅᖏᓐᓇᕕᐅᒃ ᖃᐅᒪᑎᑦᓯᖃᑦᑕᓚᐅᕐᑐᖅ ᑖᒃᑯᓂᖓ, ᓇᓗᓁᕐᓯᓯᒪᖁᓪᓗᒋᑦ ᐊᖅᑯᑎᒃᓴᖏᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 4:27

ᐃᒫᒃ ᐊᑕᓂᖅ ᐅᖃᕐᐳᖅ, “ᓄᓇᓕᒫᖅ ᐊᓯᕈᕐᑕᐅᓂᐊᕐᐳᖅ ᑭᓯᐊᓂᓕ ᓄᖑᑕᐅᒻᒪᕆᒃᑎᓐᓂᐊᓐᖏᓚᕋ.)

ᔨᕆᒤᐊᐅᑉ ᐊᒡᓚᖏᑦ 5:18

ᑍᒤᑕᐅᒐᓗᐊᕐᑎᓪᓗᓯ ᐅᓪᓗᓂ ᑍᑯᒃᓇᓂ, ᐊᑕᓂᖅ ᐅᖃᕐᐳᖅ, ᓄᖑᑕᐅᑎᒻᒪᕆᖕᓂᐊᓐᖏᓚᑦᓯ.

ᐃᓯᑭᐊᓕᐅᑉ ᐊᒡᓚᖏᑦ 11:13

ᑕᒪᒃᑯᓂᖓ ᐊᑐᕈᒫᕐᑐᓂᒃ ᐅᖃᓪᓚᒡᑎᓪᓗᖓ ᐱᓚᑍᐊ ᐱᓁᐊᐅᑉ ᐃᕐᓂᖓ ᑐᖁᕗᖅ. ᑕᕝᕙ ᒪᓂᖅᑲᒧᑦ ᐹᒻᒪᒃᓗᖓ ᕾᒐᓛᓕᕐᐳᖓ, ᐅᖃᕐᓗᖓ, “ᐊᑕᓃᖅ ᒎᑏᒃ! ᐃᓴᕆᐊᓕᒥᐅᓕᒫᑦ ᐊᒥᐊᒃᑯᖏᑦ ᓄᖑᓐᓂᐊᓕᕐᐱᒌᑦ?”

ᐃᓯᑭᐊᓕᐅᑉ ᐊᒡᓚᖏᑦ 20:22

ᑍᒤᑦᑐᒪᔪᓐᓁᓚᐅᕆᕙᒃᑲᓕ ᐊᑎᕋ ᐱᑦᔪᑎᒋᓪᓗᒍ, ᐃᓅᖃᑎᒌᒡᔪᐊᑦ ᐄᑦᔨᑉᑎᒥᑦ ᐊᐅᓪᓚᕐᑎᑦᓯᑎᓪᓗᖓ ᖃᐅᔨᓚᐅᕐᑐᑦ ᓇᕐᕈᓇᕐᓯᑎᑦᓯᖁᓇᒋᑦ ᐅᕙᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 7:2

“ᐃᕝᕕᑦ, ᐃᓅᑉ ᐃᕐᓂᖓ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ ᐃᓴᕆᐊᓕᒥᐅᓄᑦ: ᐃᓱᓕᑉᐳᖅ! ᓄᓇᓕᒫᖅ ᐃᓘᓐᓈᑦ ᐃᓱᓕᕝᕕᒃᓴᒥᓄᑦ ᑎᑭᑉᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 8:18

ᑍᒤᒻᒪᑦ ᓂᓐᖓᐅᒪᓗᖓ ᐱᓇᓱᐊᕐᕕᒋᓂᐊᓕᕐᐸᒃᑲ; ᐊᓐᓇᒃᑎᓐᓂᐊᓐᖏᓚᒃᑲ ᓂᑲᒋᓂᐊᕐᓇᒋᓪᓗ; ᕾᒐᓛᕐᓗᑎᒃ ᓂᓪᓕᐊᒐᓗᐊᕐᐸᑕ ᐅᕙᓐᓄᑦ ᑐᓴᑦᔮᓐᖏᓚᒃᑲ.”

ᐃᓯᑭᐊᓕᐅᑉ ᐊᒡᓚᖏᑦ 9:10

ᐅᕙᖓᑦᑕᐅᖅ ᓇᒡᓕᒋᓗᒋᑦ ᑕᑯᓐᓇᕐᓂᐊᕈᓐᓃᕐᐸᒃᑲ, ᓂᑲᒋᓂᐊᕈᓐᓃᕐᓗᒋᓪᓗ, ᐊᑭᓂᐊᕐᕕᒋᓂᐊᓕᕐᐸᒃᑲ ᐱᓂᐊᕐᓂᖏᑦ ᒪᓕᒡᓗᒋᑦ.”

ᓴᒧᐃᓕ ᓯᕗᓪᓖᑦ 24:10

ᑕᑯᒋᑦ, ᐅᓪᓗᒥ ᐃᔨᖕᓄᑦ ᑕᑯᕗᑎᑦ ᐊᑕᓂᐅᑉ ᑐᓂᓚᐅᕐᐹᑎᑦ ᐊᒡᒐᓐᓄᑦ ᕾᕈᓲᑉ ᐃᓗᐊᓂ, ᐅᖃᐅᑦᔭᐅᓚᐅᕐᐳᖓ ᑐᖁᑕᐅᖁᔭᐅᓪᓗᑎᑦ, ᐅᕙᖓᓕ ᓴᐳᑎᓚᐅᕐᐸᒋᑦ, ᐅᖃᓚᐅᕋᒪ, ‘ᐊᒡᒐᓐᓄᑦ ᐱᓇᓱᐊᕐᓂᐊᓐᖏᓚᖓ ᐊᑕᓂᓐᓄᑦ; ᑖᓐᓇ ᐊᑕᓂᐅᑉ ᐅᕐᓱᕐᑎᕐᓯᒪᖕᒪᒍ.’