ᐃᓯᑭᐊᓕᐅᑉ ᐊᒡᓚᖏᑦ 20:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐃᓴᕆᐊᓕᐅᑉ ᑭᖑᕚᖏᑕ ᐃᓄᖃᖏᑦᑐᒦᓪᓗᑎᒃ ᐊᑭᕋᕐᑐᓕᓚᐅᕐᐹᖓ; ᐱᖁᔭᒃᑲ ᓯᖁᒥᓚᐅᕐᐰᑦ ᐱᓂᐊᕐᑕᐅᖁᔭᒃᑲᓗ ᓈᓚᓚᐅᕐᓇᒋᑦ, ᓈᓚᒃᑐᓄᑦ ᐃᓅᑦᔪᑕᐅᔪᓐᓇᕐᑎᓪᓗᒋᑦ; ᓴᐸᑎᖁᑎᒃᑲᓗ ᓇᕐᕈᓇᕐᓯᑎᓚᐅᕐᐰᑦ. ᓂᓐᖓᐅᒪᓂᓐᓄᑦ ᐱᒋᐊᕈᒪᓕᓚᐅᕋᓗᐊᕐᐸᒃᑲ ᐃᓄᖃᖏᑦᑐᒦᑎᓪᓗᒋᑦ, ᓄᖑᑦᓯᐊᒻᒪᕆᒍᒪᓪᓗᒋᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 20:13 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 12:9

ᓱᖕᒪᓪᓕ ᓈᓚᓚᐅᓐᖏᓚᑎᑦ ᐊᑕᓂᐅᑉ ᐅᖃᐅᓯᖓᓂᒃ? ᓱᖕᒪᑦ ᐱᐅᖏᑦᑐᐊᓗᖕᒥᒃ ᐱᓂᐊᓚᐅᕐᐲᑦ? ᔪᕅᐊ ᕼᐃᑍᑎᒥᐅᑕᖅ ᐅᓇᑕᕐᑐᓂ ᑐᖁᑕᐅᑎᓚᐅᕐᐸᑦ; ᐊᒧᓁᑎᒥᐅᓄᑦ ᑐᖁᑕᐅᑎᓚᐅᕐᐸᑦ, ᓄᓕᐊᖓᓗ ᓄᓕᐊᕐᑖᕆᓪᓗᒍ!

ᑯᕉᓂᑲ ᐂᑉᐸᖏᑦ 30:7

ᓯᕗᓕᓯ ᖃᑕᓐᖑᑎᓯᓗ ᐊᑦᔨᒋᑦᑍᓕᓯᐅᒃ, ᑖᒃᑯᐊ ᐊᑕᓂᕐᒥᒃ ᐅᒃᐱᕈᓐᓃᓚᐅᕐᒪᑕ ᓯᕗᓕᑦᓯ ᒎᑎᖓᓂᒃ, ᑖᑦᓱᒪᓗ ᑕᕝᕙ ᐃᓄᖃᕈᓐᓃᕐᑎᓚᐅᕐᐰᑦ, ᑕᒪᓐᓇ ᑕᑯᓯᒪᒐᑦᓯᐅᒃ.

ᓂᕼᐃᒤᐊᐅᑉ ᐊᒡᓚᖏᑦ 13:17

ᑕᕝᕙ ᔫᑕᐅᑉ ᐊᖓᔪᖅᑳᖏᑦ ᓱᐊᓚᐅᕐᐸᒃᑲ ᐅᖃᐅᑎᓪᓗᒋᓪᓗ, “ᓱᖕᒪᑦ ᐱᐅᖏᑦᑐᒥᒃ ᐱᓕᕆᓕᕐᐱᓰ, ᓴᐸᑎᒥᒃ ᓇᕐᕈᓇᕐᓯᑎᑦᓯᒐᑦᓯ?

ᒨᓯᓯ ᐂᑉᐸᖏᑦ 32:10

ᒫᓐᓇ ᐅᕙᓐᓂᒃ ᓄᖅᑲᕐᑎᑦᓯᓇᓱᐊᕐᓂᐊᕐᓇᒃ, ᐃᓄᐃᑦ ᑖᒃᑯᐊ ᓂᓐᖓᐅᑎᒻᒪᕆᒐᒃᑭ, ᐊᓯᕈᕐᓂᐊᓕᕐᐸᒃᑲ. ᐃᕝᕕᓪᓕ ᑭᖑᕚᒃᓴᑎᓪᓗ ᐃᓅᖃᑎᒌᒡᔪᐊᓐᖑᕐᑎᓐᓂᐊᕐᐸᒃᑲ.”

ᒨᓯᓯ ᐂᑉᐸᖏᑦ 32:8

ᑖᒃᑯᓄᖓ ᐊᑐᕐᑕᐅᖁᓚᐅᕐᑕᓐᓂᒃ ᒪᓕᒃᑕᐅᖁᓚᐅᕐᑕᓐᓂᒡᓗ ᕿᒤᓯᒪᓕᕇᕐᒪᑕ; ᒎᓗᒥᒃ ᐊᐅᒃᑎᑦᓯᓪᓗᑎᒃ ᐃᒻᒧᒃᓯᐅᒐᐅᑉ ᓄᕐᕋᓐᖑᐊᖓᓂᒃ ᓴᓇᓯᒪᓕᕐᐳᑦ ᑖᓐᓇᓗ ᑐᒃᓯᐊᕐᕕᒋᓪᓗᒍ ᑐᓂᕐᕈᓯᕐᕕᒋᓯᒪᓕᕐᐹᑦ. ᐅᖃᕐᓗᑎᒡᓗ ‘ᑖᒃᑯᐊ ᑕᕝᕙ ᒎᑎᓯ, ᐃᓴᕆᐊᓕᒥᐅᖑᔪᓯ ᐄᑦᔨᑉᑎᒥᑦ ᐊᐅᓪᓚᕈᑦᔨᔨᒋᓚᕐᑕᓯ.’”

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:25

ᐅᖃᐅᑦᔪᐃᑦᔪᑎᒋᔭᓕᒫᒃᑲ ᑲᒪᒋᓇᓱᐊᓚᐅᓐᖏᓚᑎᑦ ᐃᓂᕐᑎᕆᑦᔪᑎᒃᑲ ᐊᑐᕈᒪᓇᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:13

ᐅᖃᐅᓯᕐᒥᒃ ᓇᕐᕈᔪᖅ ᐊᓯᕈᕐᑕᐅᓂᐊᕐᐳᖅ, ᐱᖁᔭᓐᓂᒡᓕ ᓯᕘᕋᒋᔭᖃᕐᑐᖅ ᐊᑭᓕᕐᑕᐅᓂᐊᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 56:6

ᔫᑎᐅᖏᑦᑐᓪᓗ ᐊᑕᓂᕐᒧᑦ ᐃᒻᒥᖕᓂᒃ ᐃᓚᓕᐅᑎᔪᓄᑦ ᐱᔨᑦᓯᕈᒪᓪᓗᒍ, ᐊᑕᓂᐅᓪᓗ ᐊᑎᖓᓂᒃ ᐅᖓᒋᔭᖃᕐᑐᑦ, ᐱᔨᐅᔪᒪᓪᓗᑎᒡᓗ ᑖᑦᓱᒧᖓ, ᓴᐸᑎᒥᒡᓗ ᑲᒪᑦᓯᐊᕐᑐᑦ ᓇᕐᕈᓇᕐᓯᑎᓐᓇᒍ, ᐊᖏᖃᑎᒌᒃᓯᒪᓂᑦᑎᓐᓂᒡᓗ ᑎᒍᒥᐊᕐᑐᑦ ᓴᒃᑯᐃᓇᒍᓗ.

ᐂᓮᐊᓯᐅᑉ ᐊᒡᓚᖏᑦ 63:10

ᐊᑭᕋᕐᑐᓕᖃᑦᑕᓚᐅᕐᐳᓪᓕ, ᐊᓂᕐᓂᖓᓗ ᐃᑦᔪᕐᓁᑦᑐᖅ ᕿᒃᓵᒃᑎᓪᓗᒍ, ᑍᒤᒻᒪᑦ ᓇᖕᒥᓂᖅ ᓵᓐᖓᓕᓚᐅᕐᐰᑦ ᐊᑭᕋᕐᑐᕐᑎᑎᑐᑦ, ᓇᖕᒥᓂᕐᓗ ᐅᓇᑕᕐᓕᕐᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 7:24

ᑭᓯᐊᓂᓕ ᑐᓴᓚᐅᓐᖏᓚᑦ, ᓈᓚᓚᐅᓐᖏᓚᓪᓘᓐᓃᑦ, ᒪᓕᖔᑐᐃᓐᓇᓕᓚᐅᕐᐳᑦ ᓈᒻᒪᖏᑦᑐᓂᒃ ᐆᒻᒪᑎᖏᑦ ᓯᑎᔫᒐᒥᒃ, ᐃᓱᒪᒥᖕᓂᒃ ᐃᓅᑐᐃᓐᓇᐅᓚᐅᕐᐳᑦ ᑭᖑᒧᑦ ᑕᑯᓐᓇᕋᒥᒃ ᓯᕗᒨᖏᑦᑐᖅ.

ᐃᓯᑭᐊᓕᐅᑉ ᐊᒡᓚᖏᑦ 20:11

ᒪᓕᒐᒃᓴᐅᖁᔭᓐᓂᒃ ᑐᓂᓯᕕᒋᓪᓗᒋᑦ ᐊᑐᕐᑕᐅᖁᔭᓐᓂᒡᓗ ᐊᔪᕆᕐᑐᓚᐅᕐᐸᒃᑲ, ᑖᒃᑯᓂᖓ ᒪᓕᑦᓯᐊᕐᓂᕐᒥᓄᑦ ᐃᓄᒃ ᐃᓄᖁᓪᓗᒍ.

ᐃᓯᑭᐊᓕᐅᑉ ᐊᒡᓚᖏᑦ 20:14

ᑍᒤᓕᐅᓚᐅᓐᖏᓚᖓᓕ ᐊᑎᕋ ᐱᑦᔪᑎᒋᓪᓗᒍ, ᐃᓅᖃᑎᒌᒡᔪᐊᓄᑦ ᓇᕐᕈᓇᕐᓯᑎᑕᐅᖁᓇᒍ, ᐄᑦᔨᑉᑎᒥᑦ ᐊᐅᓪᓚᕐᑎᑦᓯᓂᕆᓚᐅᕐᑕᓐᓂᒃ ᖃᐅᔨᒪᖕᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 20:16

ᐱᓂᐊᕐᑕᐅᖁᔭᓐᓂᒃ ᐊᑭᕋᕐᑐᓚᐅᕐᒪᑕ ᐊᑐᕐᑕᐅᖁᔭᒃᑲᓗ ᒪᓕᓚᐅᖏᒻᒪᒋᑦ, ᓴᐸᑎᖁᑎᒃᑲᓗ ᓇᕐᕈᓇᕐᓯᑎᓚᐅᕐᐰᑦ; ᐆᒻᒪᑎᒥᒃᑎᒍᑦ ᒎᑎᓐᖑᐊᒥᖕᓂᒃ ᐱᔭᑐᐊᖃᓕᓚᐅᕐᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 20:21

ᑭᖑᕚᖑᖃᑎᒌᓪᓕ ᐊᑭᕋᕐᑐᓕᓚᐅᕆᕗᑦ ᐅᕙᓐᓂᒃ; ᐱᓂᐊᕐᑕᐅᖁᔭᒃᑲ ᒪᓕᓚᐅᓐᖏᓔᑦ, ᐊᑐᕐᑕᐅᖁᔭᒃᑲᓗ ᐊᑐᓚᐅᓐᖏᓔᑦ, ᐃᓅᑉ ᓈᓚᒃᑯᓂᒋᑦ ᐃᓅᒐᔭᕐᑎᓪᓗᒍ; ᓴᐸᑎᖁᑎᒃᑲᓗ ᓇᕐᕈᓇᕐᓯᑎᓚᐅᕐᐰᑦ. ᑕᕝᕙ ᐅᖃᓚᐅᕐᐳᖓ ᓂᓐᖓᒡᕕᒋᓂᐊᓕᕐᐸᒃᑲ ᓂᓐᖓᐅᓯᓐᓄᓪᓗ ᑎᑭᑕᐅᓂᐊᓕᕐᐳᑦ ᐃᓄᖃᖏᑦᑐᒦᑎᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 20:24

ᑍᒤᓕᐅᓚᐅᕐᐸᒃᑲ ᐱᓂᐊᕐᑕᐅᖁᔭᒃᑲ ᒪᓕᓚᐅᖏᒻᒪᒋᑦ, ᐊᑐᕐᑕᐅᖁᔭᒃᑲᓗ ᐊᑐᓚᐅᖏᒻᒪᒋᑦ, ᓴᐸᑎᖁᑎᒃᑲᓗ ᓇᕐᕈᓇᕐᓯᑎᑦᓱᒋᑦ, ᓯᕗᓕᕕᓂᖏᑕᓗ ᒎᑎᓐᖑᐊᖏᓐᓂᒃ ᐃᓱᒪᑐᐊᖃᓚᐅᕐᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 20:36

ᓯᕗᓕᑦᓯᓐᓂᒃ ᐃᖅᑲᕐᑐᐃᓚᐅᕐᓯᒪᓂᑦᑐᑦ ᐄᑦᔨᑉᑎᐅᑉ ᐃᓄᖃᔪᐃᑦᑐᖓᓂ, ᑍᒫᒃᑕᐅᖅ ᐃᖅᑲᕐᑐᕈᒫᕆᕙᑦᓯ, ᐊᑕᓂᖅ ᒎᑎ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 20:8

ᐅᕙᓐᓂᒡᓕ ᐊᑭᕋᕐᑐᓕᓚᐅᕐᐳᑦ ᓈᓚᒍᒪᓇᑎᒃ; ᐊᑕᖏᕐᓗᑎᒡᓕ ᒎᑎᓐᖑᐊᒥᖕᓂᒃ ᓇᕐᕈᓇᕐᑐᓂᒃ ᐃᒋᑦᓯᔪᒪᓚᐅᓐᖏᓚᑦ ᑕᑯᒥᒋᔭᒥᖕᓂᒃ, ᐄᑦᔨᑉᑎᒥᐅᓪᓗ ᒎᑎᓐᖑᐊᖏᓐᓂᒃ ᖁᔭᓈᕐᓯᓚᐅᕋᑎᒃ. ᐄᑦᔨᑉᑎᒦᑎᓪᓗᒋᑦ ᓱᓕ ᓂᓐᖓᐅᒪᓂᓐᓂᒃ ᐃᓱᒪᖃᕐᕕᒋᓕᓚᐅᕐᐸᒃᑲ, ᑭᖑᓂᖓᒍᓪᓗ ᓂᐅᖓᒪᓂᓐᓄᑦ ᐱᓇᓱᐊᕐᕕᒋᔪᒪᓕᕐᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 22:8

ᐃᑦᔪᕐᓁᑦᑐᖁᑎᒃᑲ ᓇᕐᕈᒋᕙᓯ, ᓴᐸᑎᖁᑎᒃᑲᓗ ᓇᕐᕈᓇᕐᓯᑎᑦᓱᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 23:38

ᓱᓕᓗ ᐱᓂᐊᕐᓯᒪᕘᒃ ᐃᑦᔪᕐᓁᑦᑐᕕᖁᑎᒐ ᐃᑦᔪᕐᓇᕐᓯᑎᓚᐅᕐᐹᒃ ᐅᓪᓗᒥᓗ ᑕᕝᕙᓂᑦᓮᓐᓇᖅ ᓴᐸᑎᖁᑎᒃᑲ ᓇᕐᕈᓇᕐᓯᑎᑦᓱᒋᑦ.

ᒨᓯᓯ ᐱᖓᔪᖏᑦ 18:5

ᒪᓕᒐᒃᓴᐅᖁᔭᒃᑲ ᐱᖁᔭᒃᑲᓗ ᐳᐃᒍᕐᓂᐊᕐᓇᒋᑦ, ᑖᒃᑯᓂᖓ ᓈᓚᒃᑐᖅ ᐃᓅᑦᔪᑎᖃᕐᓂᐊᕐᒪᑦ ᐅᕙᖓ ᐊᑕᓂᐅᒐᒪ.’

ᒨᓯᓯ ᐱᖓᔪᖏᑦ 26:15

ᐱᖁᔭᓐᓂᒡᓗ ᒪᓕᒍᒪᖏᒃᑯᑦᓯ, ᐃᓕᑦᓯᓐᓄᓪᓗ ᐊᖏᕈᑎᒋᓯᒪᔭᓐᓂᒃ ᓯᖁᒥᑦᓯᒍᑦᓯ,

ᒨᓯᓯ ᐱᖓᔪᖏᑦ 26:43

ᓄᓇ ᑭᓯᐊᓂ ᐃᓄᖏᓐᓂᑦ ᕿᒪᒃᑕᐅᔭᕆᐊᖃᕈᒫᕐᒪᑦ, ᑕᕾᕐᓯᑦᓯᐊᕈᓐᓇᖁᓪᓗᒍ, ᐃᓄᐃᓪᓗ ᐊᑭᓖᔭᕆᐊᖃᓕᕐᓗᑎᒃ ᐱᖁᔭᓐᓂᒃ ᒪᓕᒐᒃᓴᐅᖁᔭᓐᓂᒡᓗ ᓈᓚᓚᐅᖏᓐᓂᕐᒥᖕᓂᒃ.

ᐂᒨᓯᐅᑉ ᐊᒡᓚᖏᑦ 2:4

“ᔫᑕᐅᑉ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ, ᓯᑕᒪᖓᓪᓗ, ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ. ᓇᕐᕈᓕᓚᐅᕐᒪᑕ ᐊᑕᓂᐅᑉ ᐱᖁᔭᖓᓂᒃ, ᒪᓕᒃᑕᐅᖁᔭᖏᓐᓂᒡᓗ. ᓱᓕᖏᑦᑐᓄᑦ ᐃᒻᒥᖕᓂᒃ ᑕᒻᒪᕐᑎᒻᒪᑕ, ᓯᕗᓕᖏᑕ ᐱᐅᓯᕆᓚᐅᕐᑕᖏᑎᑐᑦ.

ᒨᓯᓯ ᓯᑕᒪᖏᑦ 14:22

ᐊᖑᑎᑦ ᐅᑯᐊ ᑕᑯᓯᒪᖕᒪᑕ ᐱᓐᓇᕐᓇᕐᓂᓐᓂᒃ ᓇᓗᓁᒃᑯᑕᓂᒡᓗ ᑲᒪᓇᕐᑐᓂᒃ ᐱᓂᐊᕐᓂᕆᓚᐅᕐᑕᓐᓂᒃ ᐄᑦᔨᑉᑎᒥ ᐃᓄᖃᖏᑦᑐᒥᓗ, ᐆᒃᑐᕐᒪᖓᓗ ᒫᓐᓇ ᖁᓕᕕᒡᓗᑎᒃ ᓂᐱᓐᓂᒡᓗ ᓈᓚᓚᐅᕋᑎᒃ,

ᒨᓯᓯ ᓯᑕᒪᖏᑦ 14:29

ᓈᒻᒪᒃᓴᕋᓯ ᓂᓪᓕᐊᔪᓯ ᐅᕙᓐᓄᑦ, ᑎᒥᕕᓂᓯ ᐅᕐᕈᖓᔪᒫᕐᐳᑦ ᐃᓄᖃᖏᑦᑐᒥ, ᐃᓕᑦᓯ ᓈᓴᕐᑕᐅᓚᐅᕐᑐᓯ, ᐅᓄᕐᓂᓯ ᒪᓕᒡᓗᒋᑦ, ᐊᕐᕌᒍᓖᑦ 20ᓂᒃ ᐅᖓᑖᓂᓗ.

ᒨᓯᓯ ᓯᑕᒪᖏᑦ 16:45

“ᐅᑯᐊ ᐃᓄᒋᐊᒃᑐᕐᔪᐊᑦ ᕿᒪᓕᒃᑭᑦ, ᑕᕝᕔᓐᓇᖅ ᓄᖑᓐᓂᐊᕋᒃᑭᑦ.” ᑖᒃᑯᐊᒡᓗ ᓄᓇᒧᑦ ᐹᒻᒪᒃᐴᒃ ᒪᓂᖅᑲᒧᑦ ᑮᓇᑎᒃ ᐳᓪᓗᒋᑦ.

ᒨᓯᓯ ᓯᑕᒪᖏᑦ 26:25

ᑖᒃᑯᐊ ᑕᕝᕙ ᐃᓴᑳᕆᐅᑉ ᑭᖑᕚᖏᑦ ᐃᓚᒌᑦ ᓈᓴᕐᑕᐅᓚᐅᕐᑐᑦ ᐅᓄᕐᓂᖏᑦ: 64,300ᓚᐅᕐᐳᑦ.

ᕉᒪᒥᐅᓄᑦ 10:5

ᒨᓯᓯ ᑎᑎᕋᓚᐅᕐᒪᑦ ᐃᓄᒃ ᒎᑎᒧᑦ ᐃᓗᐊᓂᕋᕐᑕᐅᔪᒪᓗᓂ ᐃᓅᓯᖃᕋᓱᐊᕐᑐᖅ ᐱᖁᔭᑎᒍᑦ, “ᑍᒤᓕᐅᕈᓂ ᒪᓕᑦᑎᐊᕋᓱᐊᕐᓂᕆᔭᓂ ᐃᓅᑦᔪᑎᒋᓂᐊᕐᐹ.”

ᒨᓯᓯ ᑕᓪᓕᒪᖏᑦ 31:27

ᖃᐅᔨᒪᒐᒪ ᓈᓚᒍᓐᓇᖏᓐᓂᑦᓯᓐᓂᒃ ᑕᑎᑐᔪᐊᓘᓂᑦᓯᓐᓂᒡᓗ; ᑕᑯᒋᑦ, ᐃᓅᖃᑎᒋᓪᓗᓯ ᓈᓚᒍᓐᓇᓚᐅᖏᓐᓇᑦᓯ ᑕᑎᑐᓴᒍᓐᓇᕐᓗᓯᓗ ᐊᑕᓂᕐᒧᑦ, ᐱᒋᐊᓪᓚᒃᑲᓐᓂᓛᕋᑦᓯ ᑐᖁᖓᓕᕈᒪ.

ᒨᓯᓯ ᑕᓪᓕᒪᖏᑦ 9:7

“ᑍᒪᓐᖓᑦ ᐳᐃᒍᕐᑐᒃᓴᐅᓐᖏᓚᓯ ᖃᓄᖅ ᐊᑕᓂᖅ ᒎᑎᓯ ᓂᓐᖓᒃᑎᓚᐅᕐᒪᖔᑦᓯᐅᒃ ᐃᓄᖃᖏᑦᑐᒥ. ᑍᒪᓐᖓᑦ ᐄᑦᔨᑉᑎᒥᑦ ᐊᐅᓪᓚᓚᐅᕐᓂᑦᓯᓐᓂᑦ ᐅᓪᓗᒧᑦ ᒪᐅᖓ ᑎᑭᓐᓂᑦᓯᓐᓄᑦ ᑎᑭᓪᓗᒍ, ᑖᑦᓱᒥᖓ ᐊᑭᕋᕐᑐᖃᑦᑕᕐᓯᒪᕗᓯ.

ᒨᓯᓯ ᑕᓪᓕᒪᖏᑦ 9:8

ᐊᒡᓛᑦ ᖃᖅᑲᒥ ᕼᐆᕆᑉᒥ ᐊᑕᓂᖅ ᓂᓐᖓᒃᑎᓚᐅᕐᐸᓯ, ᐊᑕᓂᐅᑉ ᐊᖏᔪᒥᒃ ᓂᓐᖓᒃᕕᒋᖕᒪᓯ ᐊᒡᓛᑦ ᓄᖑᑕᐅᑐᐃᓐᓇᕆᐊᖃᓕᓚᐅᕐᐳᓯ ᑖᑦᓱᒧᖓ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:8

ᑍᒤᒻᒪᑦ ᑕᒪᑐᒥᖓ ᐊᔪᕆᕐᑑᓯᕐᒥᒃ ᓇᕐᕈᔪᖅ, ᐃᓄᖕᒥᒃ ᓇᕐᕈᖏᓚᖅ ᒎᑎᒥᒡᓕ, ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓕᑦᓯᓐᓄᑦ ᑐᓂᓯᔪᒥᒃ.

ᓴᒧᐃᓕ ᓯᕗᓪᓖᑦ 8:8

ᑍᒪᓐᖓᓂᑦ ᐄᑦᔨᑉᑎᒥᑦ ᐊᐅᓪᓚᕈᑎᓚᐅᕋᒃᑭᑦ, ᐅᓪᓗᒥᒧᑦ ᑎᑭᓪᓗᒍ, ᐅᕙᓐᓂᒃ ᕿᒤᓚᐅᕐᐳᑦ ᑐᒃᓯᐊᓕᕐᓗᑎᒡᓗ ᒎᑎᓐᖑᐊᓄᑦ, ᐃᓕᖕᓄᓪᓗ ᑍᒤᓕᐅᓕᕆᕗᑦ.