ᐃᓯᑭᐊᓕᐅᑉ ᐊᒡᓚᖏᑦ 18:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᓇᓪᓕᐊᓐᓂᒡᓗ ᐅᖁᒤᑎᑦᓯᕙᖏᓪᓗᓂ, ᑎᒡᓕᒃᐸᖏᓪᓗᓂᓗ, ᐊᑐᕐᑐᐊᕐᑕᕕᓂᕐᒥᓂᒡᓗ ᐊᑕᖏᕐᓗᒋᑦ ᐊᑭᓖᑦᓯᐊᖃᑦᑕᕐᓗᓂ, ᑳᒃᑐᓂᒃ ᓂᕆᑎᑦᓯᕙᒡᓗᓂ, ᐊᓐᓄᕌᒃᓴᖃᖏᑦᑐᓂᒡᓗ ᐊᓐᓄᕌᕐᑎᑦᓯᕙᒡᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 18:7 ပူးပေါင်းရင်းမြစ်များ

ᓂᕼᐃᒤᐊᐅᑉ ᐊᒡᓚᖏᑦ 5:10

ᐃᓄᐃᑦ ᑮᓇᐅᔭᓂᒃ ᐊᑐᕐᑐᐊᕐᑎᓚᐅᕐᐸᒃᑲ ᓂᐊᖂᔭᒃᓴᓂᒡᓗ, ᐱᖃᑎᒋᔭᒃᑲᓗ ᐱᓇᓱᐊᖃᑎᒋᔭᒃᑲᓗ ᑍᒫᑦᓮᓐᓇᖅ ᐱᓇᓱᐊᕆᕗᑦ, ᒫᓐᓇᓕ ᐊᑭᓕᒃᓴᖃᕐᕕᐅᓂᕗᑦ ᐊᑭᓖᒋᐊᓖᓪᓗ ᓄᖅᑲᕐᑎᓕᕐᓚᕗᑦ.

ᔫᐱᐅᑉ ᐊᒡᓚᖏᑦ 22:6

ᐃᓚᒋᔭᕐᓂᒃ ᐊᑭᓖᑎᑦᓯᖃᑦᑕᕐᓯᒪᒐᕕᑦ ᓱᓇᐅᖏᑦᑐᒧᑦ, ᐊᓐᓄᕅᔭᕐᓗᒋᓪᓗ ᓱᓇᑕᖃᕈᓐᓁᕐᑎᓪᓗᒋᑦ ᕿᒪᒃᐸᒃᓗᒋᑦ.

ᔫᐱᐅᑉ ᐊᒡᓚᖏᑦ 24:3

ᐃᓕᐊᕐᔪᐃᑦ ᓯᐅᑎᖅᑯᕐᑐᔪᖁᑎᖏᓐᓂᒃ ᑎᒍᓯᑐᐃᓐᓇᕐᐸᒃᐳᑦ; ᐅᐃᒡᒐᕐᓃᓪᓗ ᐃᒻᒧᒃᓯᐅᒐᖁᑎᖏᑕ ᐸᖕᓂᖏᓐᓂᒃ ᑎᒍᓯᕙᒃᐳᑦ ᐊᑭᓕᒃᓴᖏᓐᓂᒃ ᐊᑭᓖᓚᐅᖏᓐᓂᖏᓐᓂ.

ᔫᐱᐅᑉ ᐊᒡᓚᖏᑦ 24:9

ᓄᑕᖅᑲᑦ ᐊᑖᑕᖃᖏᑦᑐᑦ ᑎᒍᔭᐅᑲᓪᓚᖃᑦᑕᕐᐳᑦ ᐊᒫᒪᒃᑎᓪᓗᒋᑦ, ᐊᒃᓱᔪᓪᓗ ᓄᑕᕋᖏᑦ ᐊᑭᓕᒃᓮᕈᑎᒋᔭᐅᖃᑦᑕᕐᐳᑦ ᐊᑭᓕᒃᓴᖏᓐᓄᑦ.

ᐃᓐᖏᕈᑎᑦ 112:4

ᐃᓄᑦᓯᐊᕙᐅᔪᖅ ᖃᐅᒪᕕᐅᕙᒃᐳᖅ ᑖᕐᑐᒦᑎᓪᓗᒍ, ᓂᑲᒍᓱᖕᓂᖃᕐᑐᖅ, ᐱᑦᓯᐊᕐᑐᕐᓗ, ᐊᑲᐅᔪᓕᔪᕐᓗ.

ᐃᓐᖏᕈᑎᑦ 112:9

ᐂᑦᑐᕐᑐᐃᖃᑦᑕᕐᑐᖅ ᐊᓐᓂᕈᓱᒐᓂ, ᑐᓂᓯᖃᑦᑕᕐᑐᕐᓗ ᐃᑲᔪᕐᑕᐅᔭᕆᐊᓕᖕᓄᑦ; ᑖᑦᓱᒪ ᓇᓛᒎᕐᓂᖓ ᐃᓱᖃᖏᑦᑐᒧᑦ ᐃᓕᖓᕗᖅ; ᑖᑦᓱᒪ ᐱᔪᓐᓇᕐᓂᖓ ᐊᖏᒡᓕᑎᑕᐅᓂᐊᕐᐳᖅ ᐅᐱᒋᔭᐅᓗᓂᓗ.

ᐃᓐᖏᕈᑎᑦ 41:1

ᖁᕕᐊᓱᑦᓯᐊᕐᐳᖅ ᐊᔪᕐᓴᕐᑐᓂᒃ ᐃᓱᒪᒋᔭᖃᕐᑐᖅ; ᐊᑕᓂᐅᑉ ᓴᐳᑎᔪᒫᕐᒪᒍ ᐊᔪᕐᓇᕐᑐᖃᓕᕐᐸᑦ.

ᒨᓯᓯ ᐂᑉᐸᖏᑦ 22:25

“ᐃᓄᖁᑎᒪ ᓇᓪᓕᐊᓐᓄᑦ ᐊᔪᕐᓴᕐᑐᒧᑦ ᑮᓇᐅᔭᒥᒃ ᐊᑐᕐᑕᐅᑎᑦᓯᒍᑦᓯ, ᐊᑐᕐᑐᐊᕐᕕᓪᓚᕆᒃᑎᑐᑦ ᐱᓇᓱᐊᕐᑐᒃᓴᐅᓐᖏᓚᓯ, ᐊᑐᕐᑕᐅᔪᕕᓃᓪᓗ ᕿᑐᕐᖏᐅᕐᑎᑕᒃᓴᕆᓐᖏᓚᓯ.

ᒨᓯᓯ ᐂᑉᐸᖏᑦ 22:26

ᐃᓅᖃᑎᕕᑦ ᐊᓐᓄᕌᑐᐊᖓᓂᒃ ᐊᕐᓵᕐᓯᒍᑦᓯ ᐊᑭᓕᕐᑕᐅᔪᒪᓂᑦᓯᓐᓄᑦ ᐱᑦᔪᑎᖃᕐᓗᓯ, ᑕᕝᕙ ᐅᑎᕐᑎᑕᒃᓴᕆᕙᓯ ᓯᕿᓂᖅ ᓂᐱᓚᐅᕐᑎᓐᓇᒍ;

ᒨᓯᓯ ᐂᑉᐸᖏᑦ 23:9

“ᓄᓇᒋᓐᖏᑕᒥᓃᑦᑐᒥᒃ ᐅᖁᒤᒃᓴᕐᑎᑦᓯᔪᒃᓴᐅᓐᖏᓚᓯ; ᐃᒃᐱᒋᔭᖓᓂᒃ ᖃᐅᔨᒪᒐᑦᓯ, ᓄᓇᒋᓐᖏᑕᑦᓯᓐᓃᓚᐅᕐᒥᒐᑦᓯ ᓄᓇᒥ ᐄᑦᔨᑉᑎᒥ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:31

ᐊᒃᓗᔪᓂᒃ ᐅᖁᒤᒃᓴᕐᑎᑦᓯᔪᖅ ᐱᓐᖑᕐᑎᑎᔨᒥᓂᒃ ᐱᐅᒃᓴᓐᖏᓚᖅ, ᐊᒃᓗᔪᓂᒡᓕ ᐱᑦᓯᐊᕐᑐᖅ ᒎᑎᒥᒃ ᐅᐱᒍᓱᖕᓂᖃᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:27

ᓇᓪᓕᐊᑦ ᐊᔪᕐᓴᕐᑐᒧᑦ ᑐᓂᓯᔪᖅ ᐊᒥᒐᕐᓯᓕᕐᓂᐊᓐᖏᓚᖅ, ᓇᓪᓕᐊᓪᓕ ᐃᔨᒥᓂᒃ ᒪᑐᓯᔪᖅ ᐅᓄᕐᑐᓂᒃ ᐃᓱᒪᓂᕐᓗᒡᕕᐅᔪᒫᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:8

ᑮᓇᐅᔭᓂᒃ ᐊᑐᕐᑐᐊᕐᑕᐅᔪᓂᒃ ᐃᓚᓯᖃᑦᑕᕐᓂᕐᒧᑦ ᐅᓄᕐᓯᕙᓪᓕᐊᑎᑦᓯᔪᖅ ᑲᑎᕐᓱᐃᕗᖅ ᑖᑦᓱᒧᖓ ᐊᔪᕐᓴᕐᑐᓂᒃ ᐃᓚᑦᓱᒍᓱᒃᑐᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:31

ᐃᓄᒃ ᑲᑉᐱᐊᓱᒃᑎᑦᓯᕙᒃᑐᖅ ᑐᓱᒋᓕᕐᑍᓕᒍᒃ ᐱᓂᐊᕐᓂᖏᓐᓂᒃ ᓇᓪᓕᐊᓐᓂᑐᐃᓐᓇᖅ ᐊᑐᕐᑍᓕᒋᑦ.

ᐂᓮᐊᓯᐅᑉ ᐊᒡᓚᖏᑦ 1:17

ᐊᑲᐅᔪᒥᒃ ᐃᓕᓐᓂᐊᓕᕆᑦᓯ, ᐸᓯᔭᐅᓐᓇᖏᑦᑐᒥᒃ ᕿᓂᕆᑦᓯ, ᓵᓚᓯᐊᖃᕐᓂᖅ ᐋᖅᑭᒋᐊᕐᓗᒍ; ᐃᓕᐊᕐᔪᐃᑦ ᓴᐳᓐᓂᐊᕐᓗᒋᑦ, ᐅᐃᒡᒐᕐᓃᓪᓗ ᐃᑲᔪᕐᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 33:15

ᓇᓪᓕᐊᑦ ᓇᓛᒎᕐᑐᒥᒃ ᐃᓅᓯᖃᕐᑐᖅ ᓱᓕᔪᓂᒃ ᐅᖃᐅᓯᖃᕐᐳᖅ, ᐆᒥᓱᒡᓗᓂᓗ ᓵᓚᓯᐊᖃᕐᓂᒃᑯᑦ ᐱᕙᓪᓕᐅᑎᖃᕋᓱᐊᕐᑐᓂᒃ, ᐅᐃᕕᕆᒃᓯᓂᒃᑯᑦ ᐱᓯᒪᔪᓂᒃ ᓱᓇᒥᒃ ᑎᒍᓯᔪᒪᓐᖏᓚᖅ, ᑐᖁᑦᓯᓂᕐᒥᒡᓗ ᑐᓴᕈᒪᓐᖏᓚᖅ ᐊᔪᕐᑐᓕᓂᕐᒥᒃ ᑕᑯᔪᒪᖏᓐᓇᒥ:

ᐂᓮᐊᓯᐅᑉ ᐊᒡᓚᖏᑦ 5:7

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᕔᓂᒃᓴᓕᐅᕐᕕᒋᖕᒪᒋᑦ ᐃᓴᕆᐊᓕᐅᑉ ᑭᖑᕚᖏᑦ; ᔫᑕᐅᓪᓗ ᐃᓄᖏᑦ ᑕᑯᒥᓇᕐᑐᖁᑎᒋᓪᓗᒋᑦ ᐱᕈᕐᓰᕕᖁᑎᒋᕔᑦ; ᓂᕆᐅᒡᕕᒋᓚᐅᕐᐰᑦ ᐊᑦᔨᒌᒃᑎᑦᓯᓂᕐᒥᒃ, ᑭᓯᐊᓂᓕ ᐅᖁᒤᒃᓴᕐᑎᑦᓯᓯᒪᕗᑦ; ᐃᓱᐊᕐᓂᕐᒥᒡᓗ ᓂᕆᐅᒡᕕᒋᓚᐅᕐᐰᑦ, ᕿᐊᔪᓂᒡᓕ ᑐᓵᕗᑦ.

ᔨᕆᒤᐊᐅᑉ ᐊᒡᓚᖏᑦ 22:3

ᐃᒫᒃ ᐊᑕᓂᖅ ᐅᖃᕐᐳᖅ: ᐊᑦᔨᒌᒃᑎᑦᓯᓂᕐᒥᒃ ᐃᓱᐊᕐᑐᓕᓂᕐᒥᒡᓗ ᐱᓇᓱᐊᕆᑦᓯ, ᓴᐳᑦᔨᓯᒪᓇᓱᐊᕐᐸᒡᓗᓯᓗ ᑎᒡᓕᒡᕕᐅᓯᒪᔪᓂᒃ; ᓄᓇᑦᓯᓐᓂᒥᐅᑕᐅᖏᑦᑐᓂᒡᓗ ᐱᑦᓯᐊᖃᑦᑕᕐᓗᓯ, ᐱᓂᕐᓗᐃᑦᑍᓕᒋᑦᓯ ᐊᑖᑕᖃᖏᑦᑐᓂᒃ ᐅᐃᒡᒐᕐᓂᕐᓂᒡᓗ, ᐸᓯᔭᒃᓴᐅᖏᑦᑐᓂᒡᓗ ᑐᖁᑕᐅᑎᑦᓯᕙᖏᓪᓗᓯ ᑕᒫᓂ ᓄᓇᑦᓯᓐᓂ.

ᐃᓯᑭᐊᓕᐅᑉ ᐊᒡᓚᖏᑦ 16:49

ᑕᑯᒋᑦ, ᓄᑲᓯ ᓱᑑᒪ ᐸᓯᔭᒃᓴᐅᑦᔪᑎᖃᓕᓚᐅᕐᐳᑦ ᐃᒤᑦᑐᒥᒃ: ᑖᓐᓇ ᐸᓂᖏᓪᓗ ᐱᐅᔪᕆᓕᓚᐅᕐᒪᑕ ᓂᕿᒃᓴᖃᓗᐊᕐᓂᕐᒥᖕᓄᑦ, ᐃᓱᕐᕆᑦᔪᑎᓂᒡᓗ ᐱᖃᓗᐊᕐᓂᕐᒥᖕᓄᑦ, ᐊᒃᓱᔪᓂᒃ ᐃᑲᔪᕆᐊᓕᖕᓂᒡᓗ ᐃᑲᔪᖃᑦᑕᓚᐅᓐᖏᓚᑦ.

ᐃᓯᑭᐊᓕᐅᑉ ᐊᒡᓚᖏᑦ 18:12

ᐊᒃᓗᔪᓂᒃ ᐊᔪᕐᓴᕐᑐᓂᒡᓗ ᐅᖁᒤᒃᓴᕐᑎᑦᑎᕙᒡᓗᓂ, ᑎᒡᓕᒃᐸᒡᓗᓂ, ᐊᑐᕐᑐᐊᕐᑕᕕᓂᕐᒥᓂᒡᓗ ᐱᑖᑐᐃᓐᓇᖃᑦᑕᕐᓗᓂ, ᒎᑎᓐᖑᐊᓄᓪᓗ ᑐᒃᓯᐊᖃᑦᑕᕐᓗᓂ, ᓇᕐᕈᓇᕐᑐᓂᒡᓗ ᐱᓇᓱᐊᖃᑦᑕᕐᓗᓂ,

ᐃᓯᑭᐊᓕᐅᑉ ᐊᒡᓚᖏᑦ 18:16

ᓇᓪᓕᐊᓐᓂᒡᓘᓐᓃᑦ ᐱᑦᓯᐊᖏᕝᕕᖃᓚᐅᕐᓯᒪᖏᓪᓗᓂ, ᐊᑐᕐᕕᒋᔭᒥᓂᒡᓗ ᐅᑎᕐᑎᑦᓯᑦᓯᐊᕐᐸᒡᓗᓂ, ᑎᒡᓕᖃᑦᑕᖏᓪᓗᓂᓗ, ᓂᕿᒃᓴᖃᖏᑦᑐᓂᒃ ᓂᕆᑎᑦᓯᕙᒡᓗᓂ, ᐊᓐᓄᕌᓴᖃᖏᑦᑐᓂᒡᓗ ᐊᓐᓄᕌᕐᑎᑦᓯᕙᒡᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 18:18

ᐊᑖᑕᖓᓕ ᓴᒡᓗᕿᑦᓯᔨᐅᓚᐅᕋᒥ ᑎᒡᓕᒃᑎᐅᓪᓗᓂᓗ ᐃᓅᖃᑎᒥᓂᑦ, ᐱᐅᖏᑦᑐᒥᒡᓗ ᐃᓅᖃᑎᒥᓄᑦ ᐱᓂᐊᕐᕕᖃᕐᐸᒡᓗᓂ, ᑐᖁᔪᒫᕐᐳᖅ ᓇᖕᒥᓂᖅ ᐊᔪᕐᑐᓕᓚᐅᕐᓂᕐᒥᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 33:15

ᐊᔪᕐᑐᓕᔪᖅ ᐊᑐᕐᑐᐊᕐᓯᒪᔭᕕᓂᕐᒥᓂᒃ ᐅᑎᕐᑎᑦᓯᒃᐸᑦ, ᑎᒡᓕᒃᓯᒪᔭᕕᓂᓂᓗ ᐅᑎᕐᑎᑉᐸᒋᑦ, ᐃᓅᑦᓯᐊᓕᕐᐸᓪᓗ, ᐱᐅᖏᑦᑐᓕᔪᓐᓃᕐᓗᓂ; ᑖᓐᓇ ᐃᓅᓂᐊᓕᕐᐳᖅ, ᑐᖁᓂᐊᕈᓐᓃᕐᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 7:23

“ᓄᖑᕅᑦᔪᑎᒃᓴᓕᐅᕆᑦ; ᓇᓂᓕᒫᖅ ᓄᓇ ᐃᓄᐊᕐᑎᓂᒃ ᓈᓯᒪᖕᒪᑦ ᐃᒡᓗᒐᓴᒡᔪᐊᓪᓗ ᐱᕋᔭᒃᑎᓂᒃ ᑕᑕᓪᓗᑎᒃ.

ᑖᓂᐊᓕᐅᑉ ᐊᒡᓚᖏᑦ 4:27

ᑍᒤᒻᒪᑦ ᐊᖓᔪᖅᑳᕐᔪᐊᖅ, ᐅᖃᐅᓯᕋ ᐃᓚᓕᐅᕈᒃ: ᐊᔪᕐᓂᑎᑦ ᑐᓄᓕᒃᑭᑦ, ᐊᑲᐅᔪᒥᒃ ᐱᓇᓱᐊᕐᓗᑎᑦ, ᐱᐅᖏᑦᑐᓕᓂᑎᓪᓗ ᕿᒪᓕᒃᑭᑦ ᐊᔪᕐᓴᕐᑐᑦ ᓂᑲᒋᓗᒋᑦ; ᐊᔪᕐᓴᖏᓐᓃᑦ ᑲᔪᓰᓐᓇᖁᓪᓗᒍ.”

ᒨᓯᓯ ᐱᖓᔪᖏᑦ 19:13

“ᐃᓅᖃᑎᖕᓂᒃ ᓯᓔᕐᕆᒃᓯᔪᒃᓴᐅᓐᖏᓚᑎᑦ, ᐱᖁᑎᖏᓐᓂᒡᓗ ᑎᒡᓕᒡᕕᒋᔭᒃᓴᕆᓐᖏᓚᑦ ᐃᖅᑲᓁᔭᕐᑎᑕᕐᓂᒃ ᐊᑭᓖᑦᑍᓕᒪᔪᒃᓴᐅᓐᖏᓚᑎᑦ ᖃᐅᑦᓯᐊᕆᑦᑍᓕᓗᒍ ᐊᒡᓛᑦ.

ᒨᓯᓯ ᐱᖓᔪᖏᑦ 19:15

ᓱᓕᑦᓯᐊᕐᑐᒥᒃ ᐱᓂᐊᕐᓂᖃᕆᑦ; ᐃᓔᓐᓇᕐᓯᐅᕐᓂᐊᕐᓇᒃ ᐃᓄᒃ ᐊᔪᕐᓴᕐᑐᑦ ᐱᓪᓗᒋᑦ ᐊᔪᕐᓴᖏᑦᑐᓪᓗ ᐱᓪᓗᒋᑦ, ᐃᓅᖃᑎᑎᑦ ᐊᑦᔨᒌᒃᑐᒥᒃ ᐱᓂᐊᕐᓂᖃᕐᕕᒋᔭᕆᐊᖃᕐᐸᑎᑦ.

ᒨᓯᓯ ᐱᖓᔪᖏᑦ 25:14

ᓄᓇᒥᒃ ᓂᐅᕈᑎᖃᕈᑦᓯ ᓄᓇᖃᑎᑦᓯᓐᓄᑦ ᐅᕝᕙᓘᓐᓃᑦ ᓂᐅᕕᕈᑦᓯ ᓄᓇᖃᑎᑦᓯᓐᓂᑦ, ᓯᓔᕆᒃᓯᕐᓂᐊᕋᓯ.

ᐂᒨᓯᐅᑉ ᐊᒡᓚᖏᑦ 2:6

ᐊᑕᓂᖅ ᐃᒫᒃ ᐅᖃᕐᐳᖅ, “ᐃᓴᕆᐊᓕᐅᑉ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ ᓯᑕᒪᓄᓪᓗ, ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ. ᐃᓱᐊᕐᑐᓂᒃ ᓂᐅᕐᕈᑎᖃᓚᐅᕐᒪᑕ ᓯᐅᓪᕕᕆᒧᑦ, ᐊᔪᕐᓴᕐᑐᓂᒡᓗ ᓂᐅᕐᕈᑎᖃᓚᐅᕐᐳᑦ ᐃᑎᒐᒍᑎᓄᑦ.

ᐂᒨᓯᐅᑉ ᐊᒡᓚᖏᑦ 2:8

ᑐᓂᕐᕈᓯᕐᕕᓕᒫᓪᓗ ᑭᒡᓕᖏᓐᓂ ᓇᓚᖃᑦᑕᕐᒪᑕ ᐊᑭᓕᐅᑕᐅᓯᒪᔪᑦ ᐊᓐᓄᕌᑦ ᖄᖏᓐᓂ; ᒎᑎᖏᑦᑕᓗ ᐃᒡᓗᖓᓂ ᕔᓂᑐᖃᑦᑕᕐᒪᑕ ᐊᑭᓖᔭᕆᐊᓖᑦ ᐊᑭᓕᐅᑎᕕᓂᖏᓐᓂᒃ.

ᐂᒨᓯᐅᑉ ᐊᒡᓚᖏᑦ 3:10

“ᐱᓂᐊᕐᓂᕐᒥᒃ ᐃᓱᐊᕐᑐᒥᒃ ᖃᐅᔨᒪᖏᒻᒪᑕ.” ᐊᑕᓂᖅ ᐅᖃᕐᐳᖅ, “ᑖᒃᑯᐊ ᑲᑉᐱᐊᓱᒃᑎᑦᓯᓂᒃᑯᑦ ᑎᒡᓕᒐᕐᓂᒃᑯᓪᓗ ᐱᓯᒪᔭᒥᖕᓂᒃ ᑐᖅᑯᕐᑎᕆᓯᒪᕗᑦ ᕿᒫᕕᖕᒥᖕᓂ.”

ᐂᒨᓯᐅᑉ ᐊᒡᓚᖏᑦ 6:3

ᑲᑉᐱᐊᓐᓇᒦᖑᔪᓯ ᐅᓪᓗᕐᒥᒃ ᓱᒋᐊᕐᑕᐅᕕᖕᒥᒃ ᐅᖓᓯᖕᓂᕅᔪᓯ, ᖃᒡᓕᒋᐊᕐᑎᑦᓯᒐᑦᓯ ᑲᑉᐱᐊᓇᕐᑐᒥᒃ.

ᒤᑲᐅᑉ ᐊᒡᓚᖏᑦ 2:1

ᑲᑉᐱᐊᓐᓇᒦᒃ ᐱᐅᖏᑦᑐᓂᒃ ᐃᓱᒪᒃᓴᕐᓯᐅᕈᑎᖃᕐᑐᑦ, ᐱᐅᖏᑦᑐᒥᒡᓗ ᐅᐸᓗᖎᔭᐅᑎᖃᕐᑐᑦ ᐅᓐᓄᐊᒃᑯᑦ ᐃᒡᓕᕐᒥᖕᓂ! ᐅᓪᓛᖓᓂᓗ ᐱᐅᖏᑦᑐᓂᒃ ᑲᔪᓯᑎᑦᓯᔪᑦ, ᑍᒤᓕᐅᕐᐳᑦ ᐱᔪᓐᓇᕐᓂᕐᒥᒃ ᑐᓂᓯᕕᐅᓯᒪᒐᒥᒃ.

ᒤᑲᐅᑉ ᐊᒡᓚᖏᑦ 3:2

ᐃᓕᑦᓯ ᐱᐅᔪᒥᒃ ᓇᕐᕈᔪᓯ ᐱᐅᒃᓴᕐᓗᓯᓗ ᐱᐅᖏᑦᑐᒥᒃ; ᐃᓕᑦᓯ ᐃᓄᖁᑎᒪ ᐅᕕᓂᖏᓐᓂᒃ ᐊᓕᒃᑐᐃᔪᓯ, ᓴᐅᓂᖏᑕ ᐅᕕᓂᖏᑦ ᐲᔭᕋᑦᓯᒋᒃ.

ᔨᐸᓁᐊᐅᑉ ᐊᒡᓚᖏᑦ 1:9

ᐅᓪᓗᖅ ᓇᓪᓕᐅᑎᒃᐸᑦ ᐃᑎᕐᑕᕐᕕᒃᑯᑦ ᐊᓪᓗᕐᑐᓕᒫᑦ ᓱᒋᐊᕈᒫᕐᐸᒃᑲ, ᐊᖓᔪᖅᑳᒥᓗ ᐃᒡᓗᖓᓄᐊᖅᑬᔪᑦ ᐱᕋᔭᖕᓂᕐᒥᒃ ᐅᐃᕕᕆᒃᓯᓂᕐᒥᒡᓗ.

ᒪᓚᑬᑉ ᐊᒡᓚᖏᑦ 3:5

“ᑕᕝᕙ ᓴᖅᑭᑦᓱᒫᕐᐳᖓ ᐃᖅᑲᕐᑐᕆᐊᕐᑐᕐᓗᓯ; ᐱᒋᐊᑦᓴᐅᑎᒋᔪᒫᕐᐳᖓ ᐊᑭᕋᕐᑐᓪᓗᖓ ᐊᖓᒃᑰᓇᓱᐊᕐᑐᓂᒃ, ᐊᓯᓐᓂᐊᕐᑎᓂᒃ, ᓱᓕᖏᑦᑐᒥᒡᓗ ᐊᖏᕈᑎᓕᖕᓂᒃ, ᓯᓔᕐᕆᒃᓯᓗᑎᒡᓗ ᐊᑭᓕᕐᓱᐃᔪᓂᒃ ᐃᖅᑲᓁᔭᕐᑎᓂᒃ, ᐅᐃᒡᒐᕐᓂᕐᓂᒃ ᐃᓕᐊᕐᔪᖕᓂᒡᓗ ᐊᒃᓱᕈᕐᑎᑦᓯᔪᓂᒃ, ᓄᓇᓕᑐᖃᐅᖏᑦᑐᓂᒡᓗ ᑐᓐᖓᓱᒃᑎᑦᓯᖏᑦᑐᓂᒃ, ᐅᕙᓐᓂᒃ ᐃᓕᕋᓱᖏᑦᑐᓂᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.”

ᓘᑲᓯᐅᑉ ᐊᒡᓚᖏᑦ 3:11

ᔪᐊᓇᓯᐅᑉ ᑭᐅᕔᑦ, “ᒪᕐᕉᖕᓂᒃ ᐅᕕᓂᕈᖃᕐᑑᑉ, ᐂᑉᐸᖓ ᑐᓂᔭᒃᓴᕆᕚ ᐱᖃᖏᑦᑐᒧᑦ; ᓂᕿᖃᕐᑐᖅ, ᓂᕆᔭᒃᓴᖃᖏᑦᑐᒥᒃ ᐱᑎᑦᓯᔪᒃᓴᐅᕗᖅ.”

ᒨᓯᓯ ᑕᓪᓕᒪᖏᑦ 24:17

“ᓄᓇᖅᑲᑎᑐᖃᕆᓐᖏᑕᕕᑦ ᐃᓕᐊᕐᔪᐃᓪᓗ ᐱᔪᓐᓇᕐᓂᕆᔭᕆᐊᖃᕐᑕᖏᓐᓂᒃ ᓄᖅᑲᕐᑎᑦᓯᓇᓱᐊᕐᑐᒃᓴᐅᓐᖏᓚᑎᑦ; ᐅᐃᒡᒐᕐᓃᓪᓗ ᐊᓐᓄᕌᖏᓐᓂᒃ ᐱᔪᒃᓴᐅᓐᖏᓚᑎᑦ ᐊᑐᕐᑕᖏᓐᓄᑦ ᐅᑎᕐᑎᑦᓯᔭᕆᐊᖃᕐᓂᖓᓂᒃ ᓇᓗᓁᒃᑯᑕᐅᑎᓐᓇᓱᐊᕐᓗᒍ.