ᐃᓯᑭᐊᓕᐅᑉ ᐊᒡᓚᖏᑦ 18:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐃᓴᕆᐊᓕᐅᑉ ᑭᖑᕚᖏᑕ ᒎᑎᓐᖑᐊᖏᓐᓄᑦ ᑐᒃᓯᐊᖃᑕᐅᓚᐅᖏᓪᓗᓂ ᓂᕆᓚᐅᖏᓪᓗᓂᓗ ᐆᒪᔪᓂᒃ ᑐᓂᕐᕈᑎᕕᓂᕐᓂᒃ ᒎᑎᓐᖑᐊᓄᑦ, ᐃᓅᖃᑎᒥᓗ ᓄᓕᐊᖓᓂᒃ ᑲᒪᓇᓱᐊᓚᐅᕐᓯᒪᖏᓪᓗᓂ ᐱᖃᑎᖃᓚᐅᕐᓯᒪᖏᓪᓗᓂᓗ ᐊᕐᓇᒥᒃ ᐊᐅᓈᕐᕕᖓ ᓇᓪᓕᐅᑎᓯᒪᑎᓪᓗᒍ.

ᐃᓯᑭᐊᓕᐅᑉ ᐊᒡᓚᖏᑦ 18:6 ပူးပေါင်းရင်းမြစ်များ

ᐃᓐᖏᕈᑎᑦ 121:1

ᐋᕐᓗᕐᓗᖓ ᖃᖅᑲᓄᑦ ᑕᑯᓴᕐᐳᖓ, ᓇᑭᑦ ᐃᑲᔪᕐᑕᐅᒐᔭᕐᐳᖔ?

ᒨᓯᓯ ᐂᑉᐸᖏᑦ 34:15

ᐃᓅᖃᑎᒌᓂᒃ ᑕᒫᓂ ᓄᓇᖃᕐᑐᓂᒃ ᐃᒤᓕᐅᕐᓂᐊᕈᑦᓯ ᐃᒤᓕᐅᕐᓂᐊᕐᐳᒎᕐᓗᓯ ᐊᖏᖃᑎᖃᕋᓱᐊᕐᑐᒃᓴᐅᓐᖏᓚᓯ, ᒎᑎᓐᖑᐊᒥᖕᓄᑦ ᑐᒃᓯᐊᓕᕐᑎᓪᓗᒋᑦ ᑐᓂᕐᕈᓯᓕᕐᑎᓪᓗᒋᓪᓗ ᑖᒃᑯᓄᖓ, ᑖᒃᑯᓇᓐᖓᑦ ᐃᓇᑕᐅᓂᐊᕋᑦᓯ ᐱᖃᑕᐅᖁᔭᐅᓗᓯ, ᓂᕿᓂᒡᓗ ᑐᓂᕐᕈᑕᐅᓯᒪᔪᓂᒃ ᒎᑎᓐᖑᐊᒥᖕᓄᑦ ᐊᑐᐃᓐᓇᕈᐃᕕᐅᒍᑦᓯ ᐃᒃᓯᒍᓱᓕᑐᐃᓐᓇᕆᐊᖃᕋᑦᓯ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:29

ᑍᒤᒃᑭᕗᖅ ᐃᓅᖃᑎᒥ ᓄᓕᐊᖓᓂᒃ ᐃᓐᓇᖓᖃᑎᓕᒃ, ᑍᒤᑦᑐᒥᒃ ᐊᒃᑐᐃᔪᖅ ᓱᒋᐊᕐᑕᐅᑦᑍᓕᓂᐊᓐᖏᓚᖅ.

ᐃᓯᑭᐊᓕᐅᑉ ᐊᒡᓚᖏᑦ 18:15

ᒎᑎᓐᖑᐊᓄᓪᓗ ᑐᒃᓯᐊᕐᕕᐅᖃᑦᑕᕐᑐᓄᑦ ᑐᒃᓯᐊᖃᑕᐅᖃᑦᑕᖏᓪᓗᓂ ᐅᕝᕙᓗ ᓂᕆᓚᐅᕐᓯᒪᖏᓪᓗᓂ ᐆᒪᔪᓂᒃ ᒎᑎᓐᖑᐊᓄᑦ ᑐᓂᕐᕈᑕᐅᓯᒪᔪᓂᒃ, ᐃᓅᖃᑎᒥᓗ ᓄᓕᐊᖓᓂᒃ ᑲᒪᓇᓱᐊᓚᐅᕐᓯᒪᖏᓪᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 18:5

“ᐃᓄᒃᑕᖃᕐᐸᑦ ᐃᓱᐊᕐᑐᒥᒃ ᐱᓇᓱᐊᑦᓯᐊᕐᑐᒥᒡᓗ ᓈᒻᒪᓈᑦᓯᐊᕐᑐᒥᒃ ᐃᓅᓯᓕᖕᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 20:24

ᑍᒤᓕᐅᓚᐅᕐᐸᒃᑲ ᐱᓂᐊᕐᑕᐅᖁᔭᒃᑲ ᒪᓕᓚᐅᖏᒻᒪᒋᑦ, ᐊᑐᕐᑕᐅᖁᔭᒃᑲᓗ ᐊᑐᓚᐅᖏᒻᒪᒋᑦ, ᓴᐸᑎᖁᑎᒃᑲᓗ ᓇᕐᕈᓇᕐᓯᑎᑦᓱᒋᑦ, ᓯᕗᓕᕕᓂᖏᑕᓗ ᒎᑎᓐᖑᐊᖏᓐᓂᒃ ᐃᓱᒪᑐᐊᖃᓚᐅᕐᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 20:28

ᓄᓇᑖᕆᔭᐅᖁᓪᓗᒍᓕ ᐊᖏᕈᑎᒋᓚᐅᕐᑕᓐᓄᑦ ᑎᑭᑎᓐᓇᒃᑭᑦ, ᖃᖅᑲᓂᒃ ᐳᕐᑐᔪᓂᒃ ᓇᐹᕐᑐᓂᒡᓗ ᑐᖑᔪᕐᑐᓂᒃ ᑕᑯᓕᕋᒥᒃ ᑐᓂᕐᕈᓯᕐᕕᒋᓚᐅᕐᐰᑦ ᓇᕐᕈᓇᕐᑐᓂᒡᓗ ᑐᓂᕐᕈᓯᕐᕕᒋᓪᓗᒋᑦ; ᑕᕝᕙᓂ ᓂᓐᖓᒃᓮᑦᔪᑎᓂᒃ ᑐᓂᕐᕈᓯᖃᑦᑕᓚᐅᕐᐳᑦ ᐃᑯᐊᓚᑦᓯᓪᓗᑎᒃ; ᑎᐱᑦᓯᐊᕆᒃᑐᓂᒃ ᐳᔫᕐᑎᑦᓯᖃᑦᑕᓚᐅᕐᐳᑦ, ᕔᓂᒥᒡᓗ ᑐᓂᕐᕈᑎᒥᖕᓄᑦ ᐃᓚᓕᐅᑦᔨᕙᒃᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 20:7

ᐅᖃᐅᑎᓚᐅᕐᐸᒃᑲᓗ, ᑕᑯᒥᒋᔭᓯ ᓇᕐᕈᓇᕐᑐᑦ ᐃᒋᓚᐅᕐᓯᐅᒃ, ᐊᑕᖏᕐᓗᓯ ᐃᓕᑦᓯᓐᓂᒃ ᐃᑦᔪᕐᓇᕐᑎᑐᓐᓃᕆᑦᓯ ᐄᑦᔨᑉᑎᒥᐅᑦ ᒎᑎᓐᖑᐊᖏᓐᓄᑦ; ᐅᕙᖓᐅᒐᒪ ᐊᑕᓂᖅ ᒎᑎᓯ.

ᐃᓯᑭᐊᓕᐅᑉ ᐊᒡᓚᖏᑦ 6:13

ᖃᐅᔨᔪᒫᕐᐳᓯᓗ ᐅᕙᖓ ᐊᑕᓂᐅᒐᒪ, ᑐᖁᖓᔪᑦ ᒎᑎᓐᖑᐊᖃᕐᕕᖕᓂ ᑐᓂᕐᕈᓯᕐᕕᖕᓂᓗ ᓯᐊᒻᒪᕐᓯᒪᓕᕐᐸᑕ, ᐱᖑᕐᓂᓗ ᐳᕐᑐᔪᓕᒫᓂ, ᖃᖅᑬᓪᓗ ᖄᖏᓐᓂ, ᓇᐹᕐᑐᐃᓪᓗ ᑐᖑᔪᕐᑐᑦ ᐊᑖᓂ, ᓇᐹᕐᑐᕐᔪᐊᓪᓗ ᐅᖃᐅᔭᖅᑯᕐᑐᔪᑦ ᐊᑖᓂ, ᓇᓂᑐᐃᓐᓇᕐᓗ ᒎᑎᓐᖑᐊᓕᒫᓄᑦ ᒪᒪᕐᑐᓂᒃ ᑐᓂᕐᕈᓯᕐᕕᖏᓐᓂ.

ᒨᓯᓯ ᐱᖓᔪᖏᑦ 20:10

“ᐊᖑᑦ ᐊᓯᓐᓂᐊᕐᐸᑦ ᐃᓅᖃᑎᒥ ᓄᓕᐊᖓᓂᒃ, ᑖᒃᑯᐊᒃ ᐊᖑᓪᓗ ᐊᕐᓇᕐᓗ ᐊᓯᓐᓂᐊᕐᑑᒃ ᑕᒪᕐᒥᒃ ᑐᖁᑕᐅᔭᕆᐊᖃᕐᐳᒃ.

ᒨᓯᓯ ᐱᖓᔪᖏᑦ 20:18

ᐊᖑᑦ ᐃᓐᓇᖓᓗᓂ ᐱᖃᑎᖃᕐᐸᑦ ᐊᕐᓇᒥᒃ ᐊᐅᓈᕐᑐᒥᒃ, ᑕᒪᕐᒥᒃ ᑖᒃᑯᐊᒃ ᐃᓅᖃᑎᒌᓂᑦ ᐃᓚᒋᔭᐅᔪᓐᓃᕆᐊᖃᕐᐴᒃ.

ᒨᓯᓯ ᓯᑕᒪᖏᑦ 25:2

ᑖᒃᑯᐊ ᕾᖁᔨᖃᑦᑕᓚᐅᕐᒪᑕ ᐃᓴᕆᐊᓕᒥᐅᓂᒃ ᒎᑎᓐᖑᐊᒥᖕᓄᑦ ᑐᓂᕐᕈᓯᕌᖓᒥᒃ, ᐃᓄᐃᓪᓗ ᓂᕆᖃᑦᑕᓚᐅᕐᐳᑦ ᐹᒻᒪᒃᑎᕐᓗᑎᒡᓗ ᒎᑎᓐᖑᐊᖏᓐᓄᑦ.

ᒫᑎᐅᓯᐅᑉ ᐊᒡᓚᖏᑦ 5:28

ᒫᓐᓇᓕ ᐅᖃᐅᑎᕙᑦᓯ: ᓇᓪᓕᐊᑦ ᐊᕐᓇᒥᒃ ᑕᑯᓐᓈᕐᓗᓂ ᐃᒃᓯᒍᒃᑐᖅ, ᑖᓐᓇ ᓄᓕᐊᕇᖕᓂᕐᒥᒃ ᐊᓯᕈᐃᔭᕇᕐᐳᖅ ᐆᒻᒪᑎᒥᒍᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:20

ᐃᒫᒡᓕ ᐅᖃᕐᐳᖓ, ᐅᒃᐱᖏᑦᑐᑦ ᑐᓂᕐᕈᑎᖏᑦ ᒎᑎᓐᖑᐊᓄᑦ ᑐᓂᔭᐅᕗᑦ ᐊᓂᕐᓂᕐᓗᖕᓄᑦ, ᒎᑎᒨᖏᑦᑐᖅ, ᐱᖃᑕᐅᖁᓐᖏᓚᑦᓯᓗ ᐊᓂᕐᓂᕐᓗᖕᓄᑦ.

ᒨᓯᓯ ᑕᓪᓕᒪᖏᑦ 4:19

ᑐᒃᓯᐊᕐᕕᖃᕈᒪᓗᓯ ᐱᔨᑦᓯᕈᒪᓗᓯᓗ ᐃᓱᒪᑦᑍᓕᒋᑦᓯ ᕿᓚᖕᒥ ᑕᑯᕙᒃᑕᑦᓯᓐᓂᒃ, ᓯᕿᓂᕐᒥᒃ, ᑕᖅᑭᕐᒥᒃ, ᐅᓪᓗᕆᐊᓂᒡᓗ, ᐊᑕᓂᐅᑉ ᒎᑎᑦᓯ ᑕᒪᒃᑯᐊ ᑐᓂᓯᒪᖕᒪᒋᑦ ᐃᓅᖃᑎᒌᓄᑦ ᐊᓯᑦᓯᓐᓄᑦ ᑐᒃᓯᐊᕐᕕᒋᔭᐅᖁᓪᓗᒋᑦ.

ᐄᑉᕈᐃᓄᑦ 13:4

ᓄᓕᐊᕇᖕᓂᖅ ᑕᒤᓐᓄᑦ ᐅᐱᒋᔭᐅᑦᓯᐊᕆᐊᖃᕐᐳᖅ, ᓄᓕᐊᕇᓪᓗ ᐃᓐᓇᖓᕕᐊ ᓇᕐᕈᓇᕐᓯᑎᑕᐅᑦᑍᓕᓕ; ᓄᓕᐊᕇᖕᓂᕐᒥᒃ ᐊᑐᕐᓂᕐᓗᒃᑐᑦ ᐊᓯᓐᓂᐊᕐᑐᓪᓗ ᒎᑎᐅᑉ ᓱᒋᐊᕈᒫᕐᒪᒋᑦ.