ᐃᓯᑭᐊᓕᐅᑉ ᐊᒡᓚᖏᑦ 18:30 - ᐊᒡᓔᑦ ᐃᑦᔪᕐᖕᓁᑦᑐᑦ

³⁰ “ᑍᒤᒻᒪᑦ ᐃᓴᕆᐊᓕᒥᐅᑦ ᑭᖑᕚᖑᖃᑎᒌᑦ ᐅᖃᐅᑎᕙᑦᓯ, ᐃᓕᑦᓯ ᐊᑐᓂᑦ ᐃᓕᖅᑯᓯᓯ ᒪᓕᒡᓗᒋᑦ ᐃᖅᑲᕐᑐᕐᓂᐊᕐᐸᑦᓯ, ᐊᑕᓂᖅ ᒎᑎ ᐅᖃᕐᐳᖅ. ᓵᒋᐊᕆᑦᓯ ᐱᐅᖏᑦᑐᓕᓂᓯ ᕿᒪᒡᓗᒋᑦ, ᐊᔪᕐᑐᓕᓂᕐᒧᑦ ᑐᖁᔪᒃᓴᓐᖑᖁᓇᓯ.

ᐃᓯᑭᐊᓕᐅᑉ ᐊᒡᓚᖏᑦ 18:30 ပူးပေါင်းရင်းမြစ်များ

ᐄᓱᕋᐅᑉ ᐊᒡᓚᖏᑦ 10:11

ᒫᓐᓇᓕ ᖃᕿᐊᓕᓕᕆᑦᓯ ᐊᔪᕐᑐᓕᓂᑦᓯᓐᓂᒃ ᐊᑕᓂᕐᒧᑦ ᓯᕗᓕᑦᓯ ᒎᑎᖓᓄᑦ, ᑖᑦᓱᒪᓗ ᖁᕕᐊᒋᔭᖓᓂᒃ ᐱᓇᓱᐊᕐᓗᓯ; ᐊᕝᕗᑎᓕᕆᑦᓯ ᐃᓅᖃᑎᒃᓴᔭᕆᓐᖏᑕᑦᓯᓐᓂᑦ ᓄᓇᖃᖃᑎᑦᓯᓐᓂᑦ ᓄᓕᐊᓯᓗ ᐃᓅᖃᑎᒃᓴᔭᕆᓐᖏᑕᓯ ᐊᕕᓪᓗᓯᐅᒃ.”

ᐃᓕᓯᒪᓃᑦ ᐃᒃᓖᓯᐊᓯᑏᔅ 12:14

ᒎᑎᐅᑉ ᑕᒤᑕ ᐱᓂᐊᕐᓃᑦ ᐃᖅᑲᕐᑐᐃᕕᖕᒧᑦ ᐱᑎᑦᓱᒫᕐᒪᒋᑦ, ᐃᔨᕐᓯᒪᔪᓪᓗ ᐊᒡᓛᑦ, ᐱᐅᔫᒐᓗᐊᕐᐸᑕ ᐱᐅᖏᑦᑑᒐᓗᐊᕐᐸᑕᓘᓐᓃᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:17

ᐆᒻᒪᑎᑯᑦ ᐃᓱᒪᓚᐅᕐᐳᖓ, “ᒎᑎᐅᑉ ᐃᖅᑲᕐᑐᐃᕕᖕᒧᑦ ᕾᑎᑦᓱᒫᕐᐰᑦ ᐱᐅᔪᑦ ᐱᐅᖏᑦᑐᓕᔪᓪᓗ, ᓇᓪᓕᐅᓐᓂᖃᕐᒪᑦ ᐱᑦᔪᑎᒃᓴᖃᕐᑐᓄᑦ ᓱᓇᑐᐃᓐᓇᕐᓄᑦ ᓴᓇᓯᒪᔪᓄᓪᓗ.”

ᐂᓮᐊᓯᐅᑉ ᐊᒡᓚᖏᑦ 21:12

ᑭᐅᓚᐅᕐᐸᕋ, “ᐅᓪᓛᖅ ᑎᑭᓕᕐᐳᖅ, ᑭᓯᐊᓂ ᐅᓐᓄᖕᓂᐊᕆᕗᖅ, ᐊᐱᕐᓱᕈᒪᒍᕕᖓ ᐅᑎᕐᓂᐊᕐᐳᑎᑦ ᐊᐱᕆᔭᕐᑐᕐᓗᖓ.”

ᐂᓮᐊᓯᐅᑉ ᐊᒡᓚᖏᑦ 59:20

“ᐱᐅᓕᔨᒃᓴᖅ ᓮᐅᓂᒧᑦ ᑎᑭᑦᓱᒫᕐᒪᑦ ᐱᐅᓕᓯᔭᕐᑐᕐᓗᓂ, ᔧᑰᑉ ᑭᖑᕚᖏᓐᓄᑦ ᐊᔪᕐᓂᕐᒥᑦ ᕿᒤᓯᒪᔪᓄᑦ,” ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 25:5

ᐅᖃᖃᑦᑕᓚᐅᕐᐳᓪᓗ, ‘ᓵᒋᐊᓕᕆᑦᓯ, ᑕᒪᑦᓯ ᐊᑐᓂᑦ, ᐱᐅᖏᑦᑐᓕᓂᑦᓯᓐᓂᑦ ᐱᓂᐊᕐᓂᕆᔭᑦᓯᓐᓂᓪᓗ ᓈᒻᒪᖏᑦᑐᓂᑦ ᓄᓇᖃᑯᑖᒍᓐᓇᕐᓂᐊᕋᑦᓯ ᐊᑕᓂᐅᑉ ᓄᓇᑖᕆᔭᐅᑎᓯᒪᔭᖓᓂᒃ ᐃᓕᑦᓯᓐᓄᑦ ᓯᕗᓕᑦᓯᓐᓄᓪᓗ ᑍᑦᓱᒪᓂᐊᓗᖕᒥᑦ ᐃᓱᖃᖏᑦᑐᒧᑦ.

ᔨᕆᒤᐊᐅᑉ ᐊᒡᓚᖏᑦ 3:22

ᐅᑎᕆᑦᓯ, ᐊᑕᓂᕐᒥᒃ ᕿᒤᓚᐅᕐᑐᓯ ᑕᕝᕙ ᑲᑕᒃᓯᒪᓂᑦᓯᓐᓂᑦ ᐋᖅᑭᖕᓂᐊᕐᐸᑦᓯ. ᐅᖃᕐᐳᓯ, “ᐅᑎᕈᒪᕗᒍᑦ ᐊᑕᓂᐅᒐᕕᑦ ᒎᑎᒋᔭᕗᑦ.

ᔨᕆᒤᐊᐅᑉ ᐊᒡᓚᖏᑦ 35:15

ᐅᓄᕐᑐᐃᕐᓱᕐᓗᖓ ᐅᖃᕐᑎᒃᑲ ᑎᓕᕙᓚᐅᕐᐸᒃᑲ ᐃᓕᑦᓯᓐᓄᑦ, ᐅᖃᕐᐸᓚᐅᕐᐳᓪᓗ, ‘ᓵᒋᐊᕐᑐᒃᓴᐅᕗᓯ ᐱᐅᖏᑦᑐᓕᓂᑦᓯᓐᓂᑦ ᐊᑲᐅᔪᒥᒡᓗ ᐃᓕᖅᑯᓯᖃᓕᕐᓗᓯ; ᒎᑎᓐᖑᐊᓂᒃ ᒪᓕᓕᕐᑍᓕᒋᑦᓯ ᐱᓂᐊᕐᕕᒋᓇᒋᓪᓘᓐᓃᑦ, ᑕᕝᕙ ᐃᓅᓂᐊᕐᐳᓯ ᓯᕗᓕᑦᓯᓐᓄᑦ ᐃᓕᑦᓯᓐᓄᓪᓗ ᓄᓇᒋᔭᐅᖁᓚᐅᕐᑕᓐᓂ.’ ᑭᓯᐊᓂᓕ ᑐᓴᕈᓐᓇᓚᐅᓐᖏᓚᑦᓯᓐᖓ ᓈᓚᒍᒪᓇᖓᓗ.

ᔨᕆᒤᐊᐅᑉ ᐊᒡᓚᖏᑦ 7:3

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᐃᓕᖅᑯᓯᕆᔭᓯ ᐱᓂᐊᕐᓂᕆᔭᓯᓗ ᐋᖅᑭᒋᐊᕐᑕᒃᓴᕆᕙᓯ ᓄᓇᖃᕈᒪᒍᑦᓯ ᑕᒫᓂ.

ᐃᓯᑭᐊᓕᐅᑉ ᐊᒡᓚᖏᑦ 14:6

“ᑍᒤᒻᒪᑦ ᐃᓴᕆᐊᓕᐅᑉ ᑭᖑᕚᖏᑦ ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᖃᕿᐊᓕᕆᑦᓯ ᕿᒤᓗᓯᓗ ᒎᑎᓐᖑᐊᓯᓐᓂᒃ, ᒎᑎᒧᓪᓗ ᓇᕐᕈᓇᕐᑐᓕᕆᓂᓯ ᑕᒪᕐᒥᒃ ᕿᒪᒡᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 18:21

“ᐱᐅᖏᑦᑐᓕᔪᕐᓕ ᐊᔪᕐᑐᓕᓂᕐᒥᓂᒃ ᐱᓂᐊᕐᓂᕆᓚᐅᕐᑕᒥᓂᒃ ᕿᒤᒃᐸᑦ ᒪᓕᒐᒃᓴᐅᖁᔭᒃᑲᓗ ᒪᓕᓕᕐᓗᓂᒋᑦ, ᐃᓱᐊᕐᑐᒥᒃ ᓈᒻᒪᓈᕐᑐᒥᒡᓗ ᐃᓕᖅᑯᓯᖃᓕᕐᓗᓂ, ᑖᓐᓇ ᖁᓚᕐᓇᖏᑦᑐᒥᒃ ᐃᓅᔪᒫᕐᐳᖅ; ᑐᖁᑦᔮᓇᓂᓗ.

ᐃᓯᑭᐊᓕᐅᑉ ᐊᒡᓚᖏᑦ 18:29

ᐃᓴᕆᐊᓕᒥᐅᓪᓕ ᑭᖑᕚᖑᖃᑎᒌᑦ ᐅᖃᕐᐳᑦ, ‘ᐊᑕᓂᖅ ᐱᓂᐊᕐᓂᕐᒥᓂᒃ ᓈᒻᒪᓈᕐᓯᒪᓐᖏᓚᖅ.’ ᐃᓴᕆᐊᓕᒥᐅᑦ ᑭᖑᕚᖏᑦ, ᐱᓂᐊᕐᓂᒃᑲ ᓈᒻᒪᓈᕐᓯᒪᓇᓱᒋᖏᑉᐱᓯᐅᒃ? ᐃᓕᑦᓯᖔᖅ ᐱᓂᐊᕐᓂᓯ ᓈᒻᒪᓈᕐᓯᒪᓐᖏᖔᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 24:14

ᐅᕙᖓ ᐊᑕᓂᐅᔪᖓ ᐅᖃᕇᕐᐳᖓ; ᖃᓄᐃᓕᒋᐊᕐᕕᒃᓴᕋ ᓇᓪᓕᐅᑎᔪᒫᕐᐳᖅ; ᐅᑎᕆᐊᕐᓂᐊᓐᖏᓚᖓ, ᑲᒪᒋᓐᖏᑕᖃᑦᔮᓇᖓᓗ, ᓴᖑᑦᔮᓇᖓᓗ; ᐱᐅᓯᕆᔭᓯ ᐱᓂᐊᕐᓂᓯᓗ ᒪᓕᒡᓗᒋᑦ ᐃᖅᑲᕐᑐᕈᒫᓕᕐᐸᑦᓯ, ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 33:11

ᐅᖃᐅᑎᒃᑭᑦ, ᐃᓅᒐᒪ, ᐅᖃᕐᐳᖅ ᐊᑕᓂᖅ ᒎᑎ, ᐱᐅᖏᑦᑐᓕᔫᑉ ᑐᖁᓂᖓᓂᒃ ᖁᕕᐊᒋᔭᖃᓐᖏᓚᖓ, ᐱᐅᖏᑦᑐᓕᔪᕐᓕ ᓵᒋᐊᕐᓗᓂ ᐃᓅᖔᖁᕙᕋ; ᐅᑎᓕᕆᑦᓯ, ᐅᑎᓕᕆᑦᓯ ᐱᐅᖏᑦᑐᓕᓂᑦᓯᓐᓂᑦ; ᓱᖕᒪᑦ ᑐᖁᔪᒃᓴᐅᕕᓰ, ᐃᓴᕆᐊᓕᐅᑉ ᑭᖑᕚᖏᑦ?

ᐃᓯᑭᐊᓕᐅᑉ ᐊᒡᓚᖏᑦ 33:20

ᐅᖃᖃᑦᑕᕐᒥᒐᑦᓯ, ‘ᐊᑕᓂᐅᑉ ᐱᓂᐊᕐᑕᐅᖁᔭᖏᑦ ᓈᒻᒪᓈᓐᖏᓚᑦ.’ ᐃᓴᕆᐊᓕᒧᑦ ᑭᖑᕚᖑᔪᓯ, ᐱᓂᐊᕐᓂᓯ ᒪᓕᒡᓗᒋᑦ ᐊᑐᓂᑦ ᐃᖅᑲᕐᑐᕈᒫᕐᐸᑦᓯ.”

ᐃᓯᑭᐊᓕᐅᑉ ᐊᒡᓚᖏᑦ 33:9

ᖃᐅᔨᑎᑦᓯᓚᐅᕋᓗᐊᕐᑎᓪᓗᑎᓪᓕ ᐱᐅᖏᑦᑐᓕᔫᑉ ᓵᒋᐊᕆᐊᖃᕐᓂᖓᓂᒃ, ᐱᐅᖏᑦᑐᓕᓂᕐᒥᓂᑦ ᓵᒋᐊᖏᑉᐸᑦ; ᐱᐅᖏᑦᑐᓕᓂᕐᒦᓪᓗᓂ ᑐᖁᔪᒫᕐᐳᖅ, ᓇᖕᒥᓂᕐᓕ ᐃᓅᓰᑦ ᓴᐳᑎᓂᐊᕐᐸᑦ.”

ᐃᓯᑭᐊᓕᐅᑉ ᐊᒡᓚᖏᑦ 34:20

ᑍᒤᒻᒪᑦ, ᑖᒃᑯᓄᖓ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᐅᕙᖓ ᓇᖕᒥᓂᖅ ᐊᕕᑎᑦᓯᓂᐊᕐᐳᖓ ᓰᐱᓂᒃ ᖁᐃᓂᔪᓂᒃ ᓴᓗᒃᑐᓂᒡᓗ.

ᐃᓯᑭᐊᓕᐅᑉ ᐊᒡᓚᖏᑦ 36:19

ᓯᐊᒻᒪᕐᑎᓚᐅᕐᐸᒃᑲ ᐃᓅᖃᑎᒌᒡᔪᐊᓄᑦ, ᓄᓇᓕᒡᔪᐊᓂᓗ ᓄᓇᑖᕐᑎᓪᓗᒋᑦ; ᐃᓕᖅᑯᓯᖏᑦ ᐱᓂᐊᕐᓂᖏᓪᓗ ᒪᓕᒡᓗᒋᑦ ᓵᓐᖓᓕᓚᐅᕐᐸᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 43:9

ᒫᓐᓇ ᐊᓯᓐᓂᒃ ᒎᑎᖃᕐᓂᕐᒥᒃ ᓄᖅᑲᐅᑦᔨᓕᕐᓕᑦ ᐊᖓᔪᖅᑳᕐᔪᐊᕕᓂᖏᑕᓗ ᑎᒥᕕᓂᖏᑦ ᐅᕙᓐᓂᑦ ᐅᖓᓯᒃᓯᑎᑕᐅᓗᑎᒃ, ᑕᕝᕙ ᐊᑯᕐᖓᓐᓂ ᐃᓂᖃᓕᕐᓂᐊᕐᐳᖓ ᐃᓱᖃᖏᑦᑐᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 7:27

ᐊᖓᔪᖅᑳᕐᔪᐊᑦ ᕿᒃᓵᒃᑎᑕᐅᔪᒫᕐᐳᑦ, ᐃᕐᓂᖏᓪᓗ ᓴᐱᓕᕈᒫᕐᐳᑦ, ᐃᓄᐃᓪᓗ ᓄᓇᒦᑦᑐᑦ ᐃᕐᓯᓂᕐᒧᑦ ᓴᔪᒃᓱᓕᕈᒫᕐᐳᑦ. ᐱᓂᐊᕐᓂᖏᑦ ᒪᓕᒡᓗᒋᑦ ᐱᓂᐊᕐᕕᒋᔪᒫᕐᐸᒃᑲ, ᐃᖅᑲᕐᑐᐃᓂᖏᑦ ᒪᓕᒡᓗᒋᑦ ᐃᖅᑲᕐᑐᕈᒫᕐᐸᒃᑲ; ᖃᐅᔨᖁᓪᓗᒋᑦ ᐅᕙᖓ ᐊᑕᓂᐅᒐᒪ.”

ᐃᓯᑭᐊᓕᐅᑉ ᐊᒡᓚᖏᑦ 7:3

“ᒫᓐᓇ ᐃᓱᐊᓄᑦ ᑎᑭᑉᐳᓯ, ᓂᓐᖓᐅᓯᓐᓄᑦ ᕿᓚᕈᑦᔮᕐᕕᒋᓕᕐᐸᑦᓯ, ᐱᓂᐊᕐᓂᓯ ᒪᓕᒡᓗᒋᑦ ᐃᖅᑲᕐᑐᕐᓂᐊᓕᕐᐸᑦᓯ; ᓱᒋᐊᕐᓂᐊᕐᐸᑦᓯᓗ ᓇᕐᕈᓇᕐᑐᓕᓯᒪᓂᓯ ᒪᓕᒡᓗᒋᑦ.

ᑖᓂᐊᓕᐅᑉ ᐊᒡᓚᖏᑦ 9:13

ᑎᑎᕋᕐᓯᒪᔪᑦ ᒨᓯᓯᐅᑉ ᐱᖁᔭᖏᓐᓂ ᒪᓕᒡᓗᒋᑦ, ᐱᓂᐊᕐᕕᐅᓯᒪᒐᑦᑕ ᖁᕕᐊᓇᖏᑦᑐᓂᒃ, ᑍᒤᒃᑲᓗᐊᕐᑎᓪᓗᒍ ᐊᑕᓂᖅ ᒎᑎᕗᑦ ᕿᓂᓚᐅᓐᖏᓚᕗᑦ ᐊᔪᕐᓂᑦᑎᓐᓂᒡᓗ ᕿᒤᓇᑕ ᓱᓕᑦᓯᐊᕐᓃᑦ ᑲᒪᒋᓚᐅᖏᓐᓇᑦᑎᒍ.

ᕼᐆᓯᐊᑉ ᐊᒡᓚᖏᑦ 12:6

ᒎᑎᖕᓄᑦ ᐃᑲᔪᕐᑕᐅᓗᑎᑦ ᑖᑦᓱᒧᖓ ᐅᑎᓕᕆᑦ, ᓇᒡᓕᖕᓂᕐᒥᒃ ᒪᓕᑦᓯᐊᕐᓂᕐᒥᒡᓗ ᑎᒍᒥᐊᑦᓯᐊᓕᕆᑦ, ᐅᑕᖅᑭᑦᓯᐊᕐᓗᑎᓪᓗ ᒎᑎᖕᓂᒃ ᑲᔪᓯᑦᓯᐊᕐᓗᑎᑦ.

ᓴᑲᕅᐊᐅᑉ ᐊᒡᓚᖏᑦ 1:4

“ᓯᕗᓕᕕᓂᑦᓯᑐᑦ ᐱᖁᓐᖏᓚᑦᓯ, ᑍᒃᑯᐊ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᓐᓄᑦ ᐅᖃᕐᕕᐅᕙᓚᐅᕐᐳᑦ ᐃᒫᒃ, ‘ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐊᑐᕐᓂᕐᓗᒃᑕᑦᓯᓐᓂᑦ ᖃᕿᐊᓕᕆᑦᓯ ᐱᐅᖏᑦᑐᓕᓂᕆᕙᒃᑕᑦᓯᓐᓂᓪᓗ.’ ᑍᒫᒃ ᑐᓴᕋᓗᐊᕋᒥᒃ ᓈᓚᓚᐅᓐᖏᓚᑦ ᒪᓕᒍᒪᓚᐅᓐᖏᓚᓪᓘᓐᓃᑦ.

ᒪᓚᑬᑉ ᐊᒡᓚᖏᑦ 3:18

ᑕᕝᕙ ᑭᖑᓂᐊᒍᑦ ᖃᐅᔨᓕᕈᒫᕐᐳᓯ ᐃᓱᐊᕐᑐᓂᒃ ᐱᐅᖏᑦᑐᓂᒡᓗ, ᒎᑎᒥᒡᓗ ᐱᔨᑦᓯᕐᑐᑦ ᐱᔨᑦᓯᖏᑦᑐᓪᓗ ᐊᑦᔨᒌᖏᓐᓂᖏᓐᓂᒃ.”

ᒫᑎᐅᓯᐅᑉ ᐊᒡᓚᖏᑦ 16:27

ᐃᓅᑉ ᐃᕐᓂᖓ ᑎᑭᑦᓱᒫᕐᒪᑦ ᐂᖏᓖᖁᑎᓂ ᐃᓚᒋᓗᒋᑦ ᐊᑖᑕᖓᑕ ᓂᕐᑐᕐᓇᕐᓂᕐᔪᐊᖓᓂᑦ, ᑕᕝᕙᓂ ᐊᑐᓂᑦ ᐊᑭᓕᕈᒫᕐᐰᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 25:32

ᐃᓅᖃᑎᒌᒡᔪᐊᓂᑦ ᑕᒤᓐᓂᑦ ᐱᓯᒪᔪᑦ ᓵᖓᓄᑦ ᑲᑎᕐᓱᕐᑕᐅᔪᒫᕐᐳᑦ, ᑕᕝᕙᓂ ᐊᕕᑎᑦᓱᒫᕐᐰᑦ ᒪᕐᕈᐃᓕᓗᒋᑦ ᓲᕐᓗ ᓰᐱᓕᕆᔨ ᐊᕕᑎᑦᓯᕙᖕᒪᑦ ᓰᐱᓂᒃ ᒎᑦᓯᓂᒡᓗ.

ᒫᑎᐅᓯᐅᑉ ᐊᒡᓚᖏᑦ 3:2

ᐅᖃᕐᓗᓂ, “ᖃᕿᐊᓕᕆᑦᓯ, ᒎᑎᐅᑉ ᐊᑕᓂᐅᕕᖓ ᖃᒡᓕᓕᕐᒪᑦ!”

ᒫᑎᐅᓯᐅᑉ ᐊᒡᓚᖏᑦ 3:8

ᖃᕿᐊᓕᕐᓂᓯ ᓇᓗᓁᓕᕐᓯᐅᒃ ᐱᓂᐊᕐᓂᑦᓯᒍᑦ,

ᓘᑲᓯᐅᑉ ᐊᒡᓚᖏᑦ 13:3

ᐅᖃᐅᑎᕙᑦᓯ, ᑍᒤᓐᖏᓚᖅ; ᐃᓕᑦᓯᑦᑕᐅᖅ ᐱᐅᖏᑦᑐᓕᓂᑦᓯᓐᓂᒃ ᑐᓄᑦᓯᓂᐊᓐᖏᒍᑦᓯ, ᑍᒫᒃᑕᐅᖅ ᑐᖁᔪᒫᕆᕗᓯ.

ᓘᑲᓯᐅᑉ ᐊᒡᓚᖏᑦ 13:5

ᐅᖃᐅᑎᕙᑦᓯ, ᑍᒤᓐᖏᓚᖅ; ᐃᓕᑦᓯᑦᑕᐅᖅ ᐱᐅᖏᓐᓂᑦᓯᓐᓂᒃ ᖃᕿᐊᓕᕐᓂᐊᖏᒃᑯᑦᓯ ᑍᒫᒃᑕᐅᖅ ᑐᖁᔪᒫᕆᕗᓯ.”

ᐋᐴᓯᑕᓖᑦ ᐱᓂᐊᕐᓂᖏᑦ 26:20

ᐱᓇᓱᐊᓚᐅᕐᐳᖓᓕ ᑕᒫᓯᑰᓯᒥᑦ ᐱᒋᐊᕐᓗᖓ, ᔨᕉᓴᓕᒻᒥᓗ, ᔫᑎᐊᒦᑦᑐᓕᒫᓂᓗ, ᔫᑎᐅᖏᑦᑐᓂᓗᑦᑕᐅᖅ ᐊᔪᕆᕐᑐᐃᖃᑦᑕᓚᐅᕐᐳᖓ ᐊᔪᕐᓂᕐᒥᖕᓂᑦ ᖃᕿᐊᓕᖁᓪᓗᒋᑦ ᒎᑎᒧᓪᓗ ᓵᒋᐊᖁᓪᓗᒋᑦ, ᖃᕿᐊᓕᕐᓂᕐᒥᖕᓂᒡᓗ ᓇᓗᓁᕐᓯᖁᓪᓗᒋᑦ ᐱᓂᐊᕐᓂᕐᒥᒃᑎᒍᑦ.

ᕉᒪᒥᐅᓄᑦ 2:5

ᓯᑎᔪᐊᓘᓂᕐᓄᑦ ᐆᒻᒪᑎᒃᑯᓪᓗ ᖃᕿᐊᓕᕈᒪᖏᓐᓂᕐᓄᑦ ᐃᓕᖕᓂᒃ ᖁᒥᐅᑎᒋᓕᕐᐳᑎᑦ ᐅᓪᓗᒧᑦ ᒎᑎᐅᑉ ᓂᓐᖓᒡᕕᒃᓴᖓᓄᑦ ᐃᖅᑲᕐᑐᐃᓂᖓ ᓈᒻᒪᓈᑦᓯᐊᕐᑐᖅ ᓴᖅᑭᑉᐸᑦ.

ᔧᒥᓯᐅᑉ ᐊᒡᓚᖏᑦ 1:15

ᑭᖑᕐᖓᒍᑦ ᐱᔪᒪᓂᐊᓗᒃ ᓄᑕᕋᒃᓴᕆᔭᐅᓕᕋᒥ ᐊᔪᕐᑐᓕᓂᕐᒥᒃ ᐃᕐᓂᐊᖃᕐᐳᖅ; ᐊᔪᕐᓂᖅ ᐱᕈᕇᕋᒥ ᑐᖁᒥᒃ ᐃᕐᓂᐊᖃᕐᐳᖅ.

ᐲᑦᑐᕉᓯ ᓯᕗᓪᓖᑦ 1:17

ᒎᑎ ᐊᑖᑕᒋᓂᕋᕐᓗᒍ ᐅᖃᕐᕕᒋᕙᒃᑯᑦᓯᐅᒃ ᐊᑦᔨᒌᒥᒃ ᐃᓄᖕᓂᒃ ᐃᖅᑲᕐᑐᐃᓲᖅ ᐊᑐᓂᑦ ᐱᓂᐊᕐᓂᕆᔭᖏᑦ ᒪᓕᒡᓗᒋᑦ; ᑍᒤᒻᒪᑦ ᑕᒫᓂ ᐃᓅᓂᑦᓯᓐᓂ ᑖᓐᓇ ᐅᐱᒋᑦᓯᐊᕐᓗᒍ ᐃᓅᒋᑦᓯ ᓄᓇᒋᓐᖏᑕᑦᓯᓐᓃᓐᓇᑦᓯ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:16

ᖃᕿᐊᓕᓕᕆᑦ. ᖃᕿᐊᓕᖏᒃᑯᕕᑦ, ᒫᓐᓇᒃᑯᑦ ᐅᐸᖕᓂᐊᕐᐸᒋᑦ ᐅᓇᑕᕆᐊᕐᑐᕐᓗᒋᑦ ᓴᕕᒡᔪᐊᕐᒧᑦ ᖃᓂᓐᓃᑦᑐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:5

ᐃᖅᑬᓕᕆᑦ ᓇᑭᑦ ᑲᑕᒃᐸᓪᓕᐊᓕᕐᓂᕐᒪᖔᕐᐱᑦ, ᖃᕿᐊᓕᕐᓗᑎᑦ ᓯᕗᓪᓕᕐᒥᒃ ᐱᓇᓱᐊᕐᐸᓚᐅᕐᑕᑎᑦ ᐱᓇᓱᐊᓕᒃᑭᑦ. ᑍᒤᓐᓂᐊᖏᒃᑯᕕᑦ, ᕾᓗᖓ ᖃᐅᒻᒪᖅᑯᑎᕕᑦ ᐃᓂᖓ ᐲᕆᐊᕐᑐᕈᒫᕐᐸᕋ, ᖃᕿᐊᓕᖏᒃᑯᕕᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:12

ᑐᖁᓯᒪᔪᓪᓗ ᑕᑯᒋᕙᒃᑲ, ᐊᖏᔪᑦ ᒥᑭᔪᓪᓗ, ᐃᒃᓯᕙᐅᑕᕐᔪᐊᑉ ᓵᖓᓂ ᓇᖏᕐᑐᑦ, ᑎᑎᕋᕐᕕᒃᓮᓪᓗ ᒪᒃᐱᕐᑕᐅᕗᑦ. ᐊᓯᖏᓪᓗ ᐊᑎᖃᕐᕖᑦ ᒪᒃᐱᕐᑕᐅᒋᕗᑦ, ᑖᒃᑯᐊ ᐊᑎᖃᕐᕖᑦ ᐃᓅᓯᕾᓐᓇᕐᓇᕐᑐᑦ. ᑐᖁᓯᒪᔪᓪᓗ ᐊᑐᓂᑦ ᐃᖅᑲᕐᑐᕐᑕᐅᓕᕐᐳᑦ ᐱᓂᐊᕐᓂᕆᓯᒪᔭᖏᑦ ᒪᓕᒡᓗᒋᑦ, ᑎᑎᕋᕐᕕᒃᓴᓂ ᑎᑎᕋᕐᑕᐅᓯᒪᔪᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:12

ᔩᓱᓯᓗ ᐅᖃᕐᐳᖅ, “ᑕᑯᒋᑦ, ᐊᑯᓂᐅᖏᑦᑐᖅ ᕾᓂᐊᕐᐳᖓ, ᐊᑭᓕᐅᑎᒃᓴᕋ ᓇᒃᓴᕐᓗᒍ, ᐱᓂᐊᕐᓂᖏᑦ ᒪᓕᒡᓗᒋᑦ ᐊᑭᓕᕐᑕᐅᖁᓪᓗᒋᑦ.