ᐃᓯᑭᐊᓕᐅᑉ ᐊᒡᓚᖏᑦ 18:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ “ᐅᖃᕐᐳᓯᓕ, ‘ᐊᑕᓂᖅ ᐱᓂᐊᕐᓂᕐᒥᓂᒃ ᓈᒻᒪᓈᕐᓯᒪᓐᖏᓚᖅ.’ ᐃᓴᕆᐊᓕᒥᐅᑦ ᑭᖑᕚᖑᖃᑎᒌᑦ ᑐᓴᓕᕆᑦᓯ: ᐱᓂᐊᕐᓂᕆᔭᕋ ᓈᒻᒪᓈᕐᓯᒪᓇᓱᒋᖏᑉᐱᓯᐅᒃ? ᐃᓕᑦᓯᖔᖅ ᐱᓂᐊᕐᓂᕆᔭᓯ ᓈᒻᒪᓈᕐᓯᒪᓐᖏᓚᖅ.

ᐃᓯᑭᐊᓕᐅᑉ ᐊᒡᓚᖏᑦ 18:25 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 18:25

ᑍᒤᓕᐅᕈᒪᓂᕐᒥᒃ ᐃᓱᒪᓂᐊᕐᓇᒃ, ᐸᓯᔭᒃᓴᐅᖏᑦᑐᓂᒃ ᑐᖁᑦᓯᖃᓯᐅᑦᔨᓗᑎᑦ ᐊᔪᕐᑐᓕᔪᓄᑦ, ᐃᓱᐊᕐᑐᑦ ᐊᑦᔨᐅᓕᕐᓗᑎᒃ ᐃᓱᐃᑦᑐᓕᔪᓄᑦ! ᑕᒪᓐᓇ ᐃᓱᒪᒋᑦᑍᓕᒍᒃ! ᓄᓇᕐᔪᐊᕐᒥᐅᓄᑦ ᑕᒤᓐᓄᑦ ᐃᖅᑲᕐᑐᐃᔨ ᑍᒤᒍᓂ ᐃᓱᐊᕐᑐᒥᒃ ᐱᓂᐊᓐᖏᓚᖅ.”

ᔫᐱᐅᑉ ᐊᒡᓚᖏᑦ 15:13

ᒎᑎᒥᒃ ᐊᓂᕐᓂᒃᑯᑦ ᐊᑭᕋᕐᑐᓕᕐᐳᑎᑦ, ᐅᖃᓪᓚᒡᕕᒋᓕᕐᓗᒍᓗ ᓈᒻᒪᒃᓴᖏᓐᓂᕆᔭᕐᓂᒃ?

ᔫᐱᐅᑉ ᐊᒡᓚᖏᑦ 32:2

ᑕᕝᕙ ᐃᓕᕼᐅ ᐸᕌᑭᐅᑉ ᐃᕐᓂᖓ ᐳᔾᔧᑎᒥᐅᖅ, ᕌᒥᒃᑯᑦ ᑭᖑᕚᖏᓐᓂᑦ ᐱᓯᒪᔪᖅ, ᔫᐱᒧᑦ ᓂᓐᖓᒃᐳᖅ ᐃᒻᒥᓂᒃ ᐸᓯᔭᒃᓴᐅᔪᓐᓁᕐᑎᓐᓇᓱᖕᒪᑦ ᒎᑎᒥᒃ ᐸᓯᒃᓯᖔᕐᓗᓂ.

ᔫᐱᐅᑉ ᐊᒡᓚᖏᑦ 35:2

“ᓈᒻᒪᓈᕋᓱᒋᕖᑦ ᐅᖃᕐᓗᑎᑦ, ‘ᓇᓛᒎᕐᓂᕋ ᐊᖏᓂᕐᓴᐅᕗᖅ ᒎᑎᐅᑉ ᓇᓛᒎᕐᓂᖓᓂᑦ.’

ᔫᐱᐅᑉ ᐊᒡᓚᖏᑦ 40:8

ᓈᒻᒪᓈᕐᓯᒪᖏᓐᓂᕋ ᓇᓗᓁᕈᓐᓇᕐᐱᐅᒃ? ᑕᒻᒪᕐᓯᒪᓂᕋᕈᓐᓇᕐᐱᖔ ᐃᓕᖕᓂᒃ ᑕᒻᒪᕐᓯᒪᖏᓐᓂᕋᕐᓗᑎᑦ?

ᐃᓐᖏᕈᑎᑦ 145:17

ᐊᑕᓂᖅ ᓈᒻᒪᓈᑦᓯᐊᕐᐳᖅ ᑕᒤᑎᒍᑦ ᐱᓇᓱᐊᕐᓂᕐᒥᒍᑦ, ᐱᑦᓯᐊᕐᓂᖃᕐᓗᓂᓗ ᑕᒤᑎᒍᑦ ᐱᓂᐊᕐᓂᕐᒥᒍᑦ.

ᐃᓐᖏᕈᑎᑦ 50:21

ᑕᒪᒃᑯᓂᖓ ᑍᒤᓕᐅᕐᓯᒪᕗᓯ, ᐅᕙᖓᓗ ᓂᓪᓕᓚᐅᓐᖏᓚᖓ; ᐃᓱᒪᓚᐅᕐᐳᓯ ᐃᓕᑦᓯᓂᒃ ᑕᒤᑎᒍᑦ ᐊᑦᔨᖃᕋᓱᒋᓪᓗᖓ; ᓱᒋᐊᓕᕐᐸᑦᓯᓕ, ᓵᓐᖓᓕᕐᓗᓯᓗ ᓇᖕᒥᓂᑦᓯᓐᓄᑦ.

ᐃᓐᖏᕈᑎᑦ 50:6

ᕿᓔᑦ ᓇᓗᓁᕐᓯᓕᕐᓕᑦ ᐃᓱᐊᕐᑑᓂᖓᓂᒃ, ᒎᑎ ᓇᖕᒥᓂᖅ ᐃᖅᑲᕐᑐᐃᔨᐅᖕᒪᑦ. ᓰᓚ

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:3

ᓯᓔᑦᑑᓂᕐᒧᑦ ᐃᓄᒃ ᐃᓅᓯᕐᒥᓂᒃ ᓱᒃᑯᐃᔪᓐᓇᕐᐳᖅ, ᐸᓯᒃᓯᕈᑎᒋᓕᕐᓗᓂᐅᒡᓗ ᐊᑕᓂᕐᒥᒃ.

ᔨᕆᒤᐊᐅᑉ ᐊᒡᓚᖏᑦ 12:1

“ᐊᑕᓂᖅ ᐃᓱᐊᕐᓃᑦ ᓱᕐᕋᒍᓐᓇᖏᒻᒪᑦ, ᓇᓗᓕᕐᓯᒪᑦᔪᑎᒋᔭᒃᑲ ᓵᖕᓄᑦ ᓴᖅᑭᑦᓱᒪᕙᒃᑲ, ᓱᖕᒪᑦ ᐱᐅᖏᑦᑐᓕᔪᑦ ᐱᔪᓐᓇᑦᓯᐊᕐᐹᑦ? ᐅᒃᐱᖏᑦᑐᓪᓗ ᑲᔪᓯᑦᓯᐊᕐᓗᑎᒃ?

ᐃᓯᑭᐊᓕᐅᑉ ᐊᒡᓚᖏᑦ 18:26

ᐃᓱᐊᕐᑐᒥᒃ ᐱᓂᐊᕐᓂᖃᕐᑐᖅ ᐃᓱᐊᕐᓂᕐᒥᒃ ᕿᒤᓗᓂ ᐊᔪᕐᑐᓕᓕᕐᐸᑦ, ᑕᒪᑐᒧᖓ ᑐᖁᑦᔪᑎᖃᕐᓂᐊᕐᐳᖅ; ᐱᐅᖏᑦᑐᓕᓂᕐᒥᒃ ᐱᓇᓱᐊᓚᐅᕐᓂᕐᒥᓄᑦ ᑐᖁᔪᒫᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 18:29

ᐃᓴᕆᐊᓕᒥᐅᓪᓕ ᑭᖑᕚᖑᖃᑎᒌᑦ ᐅᖃᕐᐳᑦ, ‘ᐊᑕᓂᖅ ᐱᓂᐊᕐᓂᕐᒥᓂᒃ ᓈᒻᒪᓈᕐᓯᒪᓐᖏᓚᖅ.’ ᐃᓴᕆᐊᓕᒥᐅᑦ ᑭᖑᕚᖏᑦ, ᐱᓂᐊᕐᓂᒃᑲ ᓈᒻᒪᓈᕐᓯᒪᓇᓱᒋᖏᑉᐱᓯᐅᒃ? ᐃᓕᑦᓯᖔᖅ ᐱᓂᐊᕐᓂᓯ ᓈᒻᒪᓈᕐᓯᒪᓐᖏᖔᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 33:17

ᐃᓅᖃᑎᑎᑦ ᐅᖃᕐᐸᖕᒥᖕᒪᑕ, ‘ᐊᑕᓂᐅᑉ ᐱᓂᐊᕐᑕᐅᖁᔭᖏᑦ ᓈᒻᒪᓈᓐᖏᓚᑦ;’ ᓇᖕᒥᓂᖅ ᐱᓂᐊᕐᓂᖏᑦ ᓈᒻᒪᓈᕐᓯᒪᑎᓐᓇᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 33:20

ᐅᖃᖃᑦᑕᕐᒥᒐᑦᓯ, ‘ᐊᑕᓂᐅᑉ ᐱᓂᐊᕐᑕᐅᖁᔭᖏᑦ ᓈᒻᒪᓈᓐᖏᓚᑦ.’ ᐃᓴᕆᐊᓕᒧᑦ ᑭᖑᕚᖑᔪᓯ, ᐱᓂᐊᕐᓂᓯ ᒪᓕᒡᓗᒋᑦ ᐊᑐᓂᑦ ᐃᖅᑲᕐᑐᕈᒫᕐᐸᑦᓯ.”

ᔨᐸᓁᐊᐅᑉ ᐊᒡᓚᖏᑦ 3:5

ᐊᑕᓂᕐᓕ ᑖᑦᓱᒪᓃᑦᑐᖅ ᐃᓱᐊᕐᑑᕗᖅ, ᐃᓱᐃᑦᑐᓕᓂᐊᓐᖏᓚᕐᓗ. ᐅᓪᓛᑕᒫᑦ ᐃᓱᐊᕐᑐᓕᓂᓂ ᓴᖅᑭᑎᑉᐹ ᖃᐅᒪᔪᓄᑦ; ᐅᕐᕈᔪᓐᓇᖏᑦᑐᖅ, ᐃᓱᐃᑦᑐᓕᔪᓪᓕ ᖃᐅᔨᒪᓐᖏᓚᑦ ᑲᓐᖑᓱᖕᓂᕐᒥᒃ.

ᒪᓚᑬᑉ ᐊᒡᓚᖏᑦ 2:17

ᐅᖃᐅᓯᑦᓯᓐᓄᑦ ᐊᑕᓂᖅ ᑕᖃᑎᓕᕐᐸᓯ. ᐅᖃᕐᐳᓯᓕ, “ᖃᓄᐃᓕᐅᕐᓗᑖ ᑕᖃᑎᓕᕐᐸᕘᑦ?” ᐃᒫᒃ ᐅᖃᕐᓂᑦᓯᓐᓄᑦ, “ᐱᐅᖏᑦᑐᓕᔪᓕᒫᑦ ᐱᐅᔫᕗᑦ ᐊᑕᓂᐅᑉ ᓵᖓᓂ, ᖁᕕᐊᒋᕔᓪᓗ.” ᐅᕝᕙᓗ ᐅᖃᕐᐳᓯ, “ᓇᐅᒡᓕ ᒎᑎ ᓈᒻᒪᓈᕐᑐᒥᒃ ᐃᖅᑲᕐᑐᐃᔨ?”

ᕉᒪᒥᐅᓄᑦ 10:3

ᐃᓗᐊᕐᑑᓂᕋᕐᑕᐅᓂᖅ ᒎᑎᒥᑦ ᐱᔪᖅ ᖃᐅᔨᒪᓐᖏᓛᑦ, ᓇᖕᒥᓂᕐᒥᒃᑎᒍᓪᓕ ᐃᓗᐊᕐᑐᓕᔪᓐᖑᕋᓱᐊᕐᐳᑦ, ᐃᒻᒥᖕᓂᒃ ᑐᓂᓯᒪᓐᖏᓚᑦ ᒎᑎᐅᑉ ᐃᓗᐊᕐᑐᓕᔪᓐᖑᕐᑎᑦᓯᓂᖓᓄᑦ.

ᕉᒪᒥᐅᓄᑦ 3:20

ᑍᒤᒻᒪᑦ ᒎᑎᐅᑉ ᓵᖓᓂ ᓈᒻᒪᒋᔭᐅᔪᓐᓇᕐᑐᖃᕐᓂᐊᓐᖏᓚᖅ ᐱᖁᔭᓂᒃ ᒪᓕᖕᓂᒃᑯᑦ, ᐱᖁᔭᑎᒍᑦ ᖃᐅᔨᑎᑕᐅᒐᑦᑕ ᐊᔪᕐᓂᕐᒥᒃ.

ᕉᒪᒥᐅᓄᑦ 3:5

ᐊᔪᕐᑐᓕᓂᕗᓪᓕ ᓴᖅᑭᑎᑦᓯᒃᑲᓐᓂᕐᐸᑕ ᒎᑎᐅᑉ ᓈᒻᒪᒃᑐᑑᓂᖓᓂᒃ, ᖃᓄᖅ ᐅᖃᕐᑐᒃᓴᐅᕕᑕ? ᒎᑎᒧᑦ ᓈᒻᒪᓈᖏᑦᑐᒥᒃ ᓂᓐᖓᒡᕕᐅᓂᕋᕈᓐᓇᕐᐱᑖ? (ᐃᓄᐃᑦ ᐃᓱᒪᑦᔪᓯᖓᒍᑦ ᒫᓐᓇ ᐅᖃᕐᐳᖓ.)

ᕉᒪᒥᐅᓄᑦ 9:20

ᐃᓅᒃ, ᐃᕝᕕᓪᓕ ᑭᓇᐅᕖᑦ, ᒎᑎᒥᒃ ᑭᐅᒪᔪᓐᓇᕋᕕᑦ? ᒪᕐᕋᖅ ᓴᓇᔭᐅᔪᖅ ᓴᓇᔨᒥᓄᑦ ᐅᖃᕈᓐᓇᕐᐹ, “ᓱᖕᒪᑦ ᑍᒫᒃ ᓴᓇᕕᖔ?”

ᒨᓯᓯ ᑕᓪᓕᒪᖏᑦ 32:4

ᕾᕐᑑᓪᓗᓂ, ᐱᓇᓱᐊᕐᓂᖓ ᐋᖅᑭᑦᓯᐊᕐᓯᒪᕗᖅ; ᑖᑦᓱᒪ ᐱᓇᓱᐊᕐᑕᓕᒫᖏᑦ ᓈᒻᒪᓈᕐᓯᒪᑦᓯᐊᕐᐳᑦ. ᒎᑎ ᓱᖁᓯᔪᐃᑦᑑᕗᖅ ᓈᒻᒪᓈᕐᓯᒪᖏᓐᓂᖃᕋᓂᓗ; ᐃᓱᐊᕐᑐᕗᖅ ᓈᒻᒪᑦᓯᐊᕐᑑᓪᓗᓂᓗ.