ᐃᓯᑭᐊᓕᐅᑉ ᐊᒡᓚᖏᑦ 18:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐱᐅᖏᑦᑐᓕᓂᕐᒥᒃ ᐃᓅᓯᖃᕈᒪᖏᓪᓗᓂ, ᐊᑐᕐᑎᑕᒥᓂᒡᓗ ᑮᓇᐅᔭᓕᐅᕐᕕᖃᕋᓱᒃᐸᖏᓪᓗᓂ ᐃᓚᒋᐊᕐᓯᖃᑦᑕᖏᓪᓗᓂᓗ, ᐱᖁᔭᓐᓂᒡᓗ ᐊᑐᑦᓯᐊᕐᓗᓂ, ᒪᓕᒐᒃᓴᐅᖁᔭᓐᓂᒡᓗ ᐊᑐᑦᓯᐊᕐᓗᓂ; ᑖᓐᓇ ᑐᖁᔪᒫᓐᖏᓚᖅ ᐊᑖᑕᖓᑕ ᐊᔪᕐᑐᓕᓯᒪᓂᖓᓄᑦ; ᐃᓅᔪᒫᕐᐳᕐᓕ ᖁᓚᕐᓇᖏᑦᑐᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 18:17 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 29:16

ᐊᒃᓱᔪᓄᑦ ᐊᑖᑕᒋᔭᐅᓚᐅᕐᐳᖓ, ᖃᐅᔨᒪᓐᖏᑕᓐᓂᒃ ᓈᒻᒪᓐᖏᓕᐅᕐᑐᖃᓕᕐᑎᓪᓗᒍ ᖃᐅᔨᓴᕈᑦᔨᕙᓚᐅᕐᐳᖓ.

ᐃᓐᖏᕈᑎᑦ 119:1

ᑐᓱᓐᓇᕐᐳᑦ ᐸᓯᔭᒃᓴᐅᖏᑦᑐᒥᒃ ᐃᓅᓯᖃᕐᑐᑦ, ᐃᓅᔪᑦ ᐊᑕᓂᐅᑉ ᐱᖁᔭᖏᑦ ᒪᓕᒡᓗᒋᑦ.

ᐃᓐᖏᕈᑎᑦ 119:3

ᐱᐅᖏᑦᑐᓕᓂᕐᒥᒃ ᐊᑐᖏᑦᑐᑦ, ᑖᑦᓱᒪᓕ ᐊᑐᕐᑕᐅᖁᔭᖏᓐᓂᒃ ᒪᓕᒃᑐᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:31

ᐊᒃᓗᔪᓂᒃ ᐅᖁᒤᒃᓴᕐᑎᑦᓯᔪᖅ ᐱᓐᖑᕐᑎᑎᔨᒥᓂᒃ ᐱᐅᒃᓴᓐᖏᓚᖅ, ᐊᒃᓗᔪᓂᒡᓕ ᐱᑦᓯᐊᕐᑐᖅ ᒎᑎᒥᒃ ᐅᐱᒍᓱᖕᓂᖃᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:14

ᐊᖓᔪᖅᑳᕐᔪᐊᖅ ᐊᑦᔨᒌᒃᑐᒥᒃ ᐊᔪᕐᓴᕐᑐᓂᒃ ᐃᖅᑲᕐᑐᐃᒃᐸᑦ, ᑖᑦᓱᒪ ᐃᒃᓯᕙᐅᑕᕐᔪᐊᖓ ᐃᓱᖃᖏᑦᑐᒧᑦ ᐃᓕᖓᔪᒫᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:7

ᐃᓱᐊᕐᑑᑉ ᐊᔪᕐᓴᕐᑐᑦ ᖃᓄᐃᓕᐅᕐᑕᐅᔭᕆᐊᖃᕐᓂᖏᑦ ᖃᐅᔨᒪᑦᓯᐊᕐᐰᑦ, ᐱᐅᖏᑦᑐᕐᓕ ᑕᒪᑐᒥᖓ ᖃᐅᔨᒪᓂᕐᒥᒃ ᑐᑭᓯᐅᒪᓐᖏᓚᖅ.

ᔨᕆᒤᐊᐅᑉ ᐊᒡᓚᖏᑦ 16:19

ᐊᑕᓃᖅ ᐱᔪᓐᓇᐅᑎᒋᕙᒋᑦ ᓴᐴᓗᑕᕆᓪᓗᑎᓪᓗ, ᕿᒫᕕᒋᕙᒃᐸᒋᑦ ᐅᖁᒤᑦᑐᒦᓕᕌᖓᒪ, ᐃᓅᖃᑎᒌᒡᔪᐊᑦ ᐃᓕᖕᓄᐊᕐᑐᒃᓴᐅᖕᒪᑕ ᐅᖃᕐᓗᑎᒡᓗ: “ᓯᕗᓕᕗᑦ ᑭᖑᕐᖑᑦᔨᓚᐅᓐᖏᓚᑦ ᓱᓇᒥᒡᓘᓐᓃᑦ ᓴᒡᓗᕿᑕᐅᓂᕐᒥᒃ ᑭᓯᐊᓂ, ᒎᑎᓐᖑᐊᓂᒃ ᐊᑑᑎᖃᖏᑦᑐᓂᒃ ᐱᕚᓪᓕᕈᑎᒃᓴᐅᖏᑦᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 22:16

ᐊᒃᓱᔪᓂᒃ ᐃᑲᔪᕐᑕᐅᔭᕆᐊᓕᖕᓂᒡᓗ ᓴᐳᑦᔨᓯᒪᓂᕐᓴᐅᓚᐅᕐᐳᑦ; ᐱᓇᓱᐊᑦᓯᐊᕋᒥᒃ ᓈᒻᒪᑦᓯᐊᕐᑐᒥᒃ ᐃᓅᓚᐅᕐᐳᑦ. ᐊᑕᓂᕐᒥᒃ ᖃᐅᔨᒪᓪᓗᓂ ᐃᓅᓯᖃᕐᓂᖅ ᑍᒤᑦᑐᒥᒃ ᐱᑎᑦᓯᓐᖏᓛᖅ? ᐊᑕᓂᖅ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 18:13

ᐊᑐᕐᑎᑦᓯᔭᕌᖓᒥᓗ ᑮᓇᐅᔭᓕᕈᑎᖃᕋᓱᒃᐸᒡᓗᓂ, ᐅᓄᕐᓯᒋᐊᕐᑎᑦᓯᓗᓂ, ᑍᒤᑦᑐᖅ ᐃᓅᔪᒫᕐᐹ? ᐃᓅᔪᒫᓐᖏᓚᖅ. ᑕᒪᒃᑯᓂᖓ ᓇᕐᕈᓇᕐᑐᓂᒃ ᐱᓇᓱᐊᕐᓯᒪᓂᕐᒥᓄᑦ ᐃᓅᔭᕆᐊᖃᓐᖏᓚᖅ; ᑖᓐᓇ ᑐᖁᓂᐊᓪᓚᕆᒃᐳᖅ; ᑐᖁᓂᕐᒥᓄᓪᓗ ᓵᑕᒃᓴᑑᒐᔭᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 18:18

ᐊᑖᑕᖓᓕ ᓴᒡᓗᕿᑦᓯᔨᐅᓚᐅᕋᒥ ᑎᒡᓕᒃᑎᐅᓪᓗᓂᓗ ᐃᓅᖃᑎᒥᓂᑦ, ᐱᐅᖏᑦᑐᒥᒡᓗ ᐃᓅᖃᑎᒥᓄᑦ ᐱᓂᐊᕐᕕᖃᕐᐸᒡᓗᓂ, ᑐᖁᔪᒫᕐᐳᖅ ᓇᖕᒥᓂᖅ ᐊᔪᕐᑐᓕᓚᐅᕐᓂᕐᒥᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 18:28

ᐃᓱᒪᒃᓴᕐᓯᐅᕈᑎᖃᕐᓂᕐᒥᓄᑦ ᐊᔪᕐᑐᓕᓂᕆᓚᐅᕐᑕᓕᒫᒥᓂᒃ ᕿᒤᒃᐸᑦ, ᑖᓐᓇ ᖁᓚᕐᓇᖏᑦᑐᒥᒃ ᐃᓅᓂᐊᕐᐳᖅ, ᑐᖁᖏᓪᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 20:18

ᕿᑐᕐᖓᖏᓪᓗ ᐅᖃᐅᑎᓚᐅᕐᐸᒃᑲ ᐃᓄᖃᖏᑦᑐᒦᑎᓪᓗᒋᑦ, ‘ᓯᕗᓕᑦᓯ ᐱᓂᐊᕐᑕᐅᖁᔭᖏᑦ ᒪᓕᒃᑍᓕᓯᐅᒃ, ᐊᑐᕐᑕᐅᖁᔭᖏᓪᓗ ᐊᑐᕐᑍᓕᓗᒋᑦ, ᓇᕐᕈᓇᕐᓯᑎᑦᑍᓕᒋᑦᓯᓗ ᒎᑎᓐᖑᐊᕆᓚᐅᕐᑕᖏᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 20:30

ᑍᒤᒻᒪᑦ ᐃᓴᕆᐊᓕᐅᑉ ᑭᖑᕚᖏᑦ ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓱᖕᒪᑦ ᐃᓕᑦᓯᓐᓂᒃ ᓴᓗᒤᓕᑎᑉᐱᓰ ᓯᕗᓕᓯ ᐱᐅᓯᖏᑦ ᒪᓕᒡᓗᒋᑦ ᑕᒻᒪᕐᑎᑕᐅᓪᓗᓯᓗ ᓇᕐᕈᓇᕐᑐᓄᑦ?

ᐃᓯᑭᐊᓕᐅᑉ ᐊᒡᓚᖏᑦ 3:21

ᓇᓛᒎᕐᑐᕐᓕ ᐃᓂᕐᑎᕈᕕᐅᒃ ᐊᔪᕐᑐᓕᖁᓇᒍ, ᐊᔪᕐᑐᓕᔪᓐᓃᕐᐸᑦ, ᑖᓐᓇ ᐃᓅᔪᒫᕐᐳᖅ, ᐃᓂᕐᑎᕐᑕᐅᓂᕐᒥᒃ ᓈᓚᖕᓂᕐᒥᓄᑦ; ᐃᕝᕕᓪᓗ ᐸᓯᔭᒃᓴᐅᒐᔭᓐᖏᓚᑎᑦ.”

ᐃᓯᑭᐊᓕᐅᑉ ᐊᒡᓚᖏᑦ 33:13

ᐅᖃᕐᓯᒪᒐᓗᐊᕐᐳᖓ ᐃᓱᐊᕐᑑᑉ ᐃᓅᓂᐊᕐᓂᖓᓂᒃ, ᐃᓱᐊᕐᑐᕐᓕ ᐃᓱᐊᕐᑐᒦᖏᓐᓇᓂᐊᕋᓱᒋᓗᓂ ᐱᐅᖏᑦᑐᓕᒃᐸᑦ, ᐃᓱᐊᕐᑐᓕᓂᕆᓚᐅᕐᑕᖓ ᐃᖅᑲᐅᒪᔭᐅᔪᒫᓐᖏᓚᖅ; ᐱᐅᖏᑦᑐᓕᓂᕐᒥᓄᓪᓕ ᑐᖁᔪᒫᕐᐳᖅ.

ᑖᓂᐊᓕᐅᑉ ᐊᒡᓚᖏᑦ 4:27

ᑍᒤᒻᒪᑦ ᐊᖓᔪᖅᑳᕐᔪᐊᖅ, ᐅᖃᐅᓯᕋ ᐃᓚᓕᐅᕈᒃ: ᐊᔪᕐᓂᑎᑦ ᑐᓄᓕᒃᑭᑦ, ᐊᑲᐅᔪᒥᒃ ᐱᓇᓱᐊᕐᓗᑎᑦ, ᐱᐅᖏᑦᑐᓕᓂᑎᓪᓗ ᕿᒪᓕᒃᑭᑦ ᐊᔪᕐᓴᕐᑐᑦ ᓂᑲᒋᓗᒋᑦ; ᐊᔪᕐᓴᖏᓐᓃᑦ ᑲᔪᓰᓐᓇᖁᓪᓗᒍ.”

ᒨᓯᓯ ᐱᖓᔪᖏᑦ 18:26

ᐃᓕᑦᓯᓕ ᒪᓕᒐᒃᓴᐅᖁᔭᒃᑲ ᐱᖁᔭᒃᑲᓗ ᐃᖅᑲᐅᒤᓐᓇᕐᓯᒋᒃ. ᐃᓴᕆᐊᓕᒥᐅᑦ ᐃᓴᕆᐊᓕᐅᖏᑦᑐᓪᓗ ᓄᓇᖅᑲᑎᓯ ᑕᒪᒃᑯᓂᖓ ᐃᑦᔪᕐᓇᕐᑐᓂᒃ ᐊᑐᕐᑍᓕᒋᑦᓯ.

ᒨᓯᓯ ᐱᖓᔪᖏᑦ 18:30

“ᐊᑐᖁᔭᒃᑲ ᐃᖅᑲᐅᒪᑦᓯᐊᕐᓯᒋᒃ, ᑕᒫᓂᓗ ᓄᓇᖃᓚᐅᕐᑐᑦ ᐱᐅᓯᕆᓚᐅᕐᑕᖏᑦ ᑎᑭᓚᐅᕐᑎᓐᓇᓯ ᒪᓕᖕᓂᐊᕐᓇᒋᑦ, ᑕᒪᒃᑯᓂᖓ ᐃᓕᑦᓯᓐᓂᒃ ᐃᑦᔪᕐᓇᕐᓯᑎᓐᓂᐊᕋᓯ, ᐅᕙᖓ ᐊᑕᓂᐅᒐᒪ ᒎᑎᓯ!”

ᒨᓯᓯ ᐱᖓᔪᖏᑦ 18:4

ᐱᖁᔭᒃᑲ ᓈᓚᒃᓯᒋᒃ ᒪᓕᒐᒃᓴᐅᖁᔭᒃᑲᓗ ᐅᑦᔨᕆᓯᒋᒃ, ᐊᑕᓂᐅᒐᒪ ᐃᓕᑦᓯ ᒎᑎᓯ.

ᒪᓚᑬᑉ ᐊᒡᓚᖏᑦ 3:7

ᓯᕗᓕᓯ ᐃᓅᑎᓪᓗᒋᑦ ᒪᓕᒃᑕᐅᖁᔭᓐᓂᒃ ᒪᓕᒍᓐᓁᓚᐅᕐᓯᒪᕗᓯ ᐊᑐᕈᓐᓁᕐᓗᒋᓪᓗ. ᐅᕙᓐᓄᑦ ᐅᑎᕆᑦᓯ, ᑕᕝᕙ ᐅᑎᕐᕕᒋᓂᐊᕐᐸᑦᓯ, ᕿᓚᖕᒥᐊᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ. ᐅᖃᕐᐳᓯᓕ, ‘ᖃᓄᕐᓕ ᐅᑎᕈᓐᓇᕐᐱᑖ?’

ᓘᑲᓯᐅᑉ ᐊᒡᓚᖏᑦ 19:8

ᓴᑭᐊᓯ ᓂᑯᕕᓪᓗᓂ ᐊᑕᓂᕐᒧᑦ ᐅᖃᕐᐳᖅ, “ᑕᑯᒋᑦ ᐊᑕᓃᖅ, ᐱᖁᑎᒪ ᐊᕝᕙᖏᑦ ᑐᓂᓂᐊᕐᐸᒃᑲ ᐊᒃᖢᔪᓄᑦ; ᓴᒡᓗᕿᑦᓯᓯᒪᓐᓂᕈᒪᓗ ᓇᓪᓕᐊᓐᓂᑐᐃᓐᓇᖅ ᐅᑎᕐᑎᑦᓯᕕᒋᓂᐊᕐᐸᕋ ᓯᑕᒤᕐᓱᓪᓗᐊᕐᑐᒥᒃ.”

ᕉᒪᒥᐅᓄᑦ 2:7

ᕿᓄᐃᓵᕐᓗᑎᒡᓕ ᐱᐅᔪᒥᒃ ᐱᓇᓱᐊᕐᑐᑦ, ᓂᕐᑐᕐᑕᐅᓂᕐᒥᒃ ᕿᓂᕐᑐᑦ, ᐅᐱᒋᔭᐅᓂᕐᒥᒡᓗ, ᑐᖁᓱᐃᑦᑑᓂᕐᒥᒡᓗ, ᑖᑦᓱᒪ ᑐᓂᓯᕕᒋᔪᒫᕐᐰᑦ ᐃᓅᓯᕐᒥᒃ ᓄᖑᓱᐃᑦᑐᒥᒃ;