ᐃᓯᑭᐊᓕᐅᑉ ᐊᒡᓚᖏᑦ 17:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᐃᓴᕆᐊᓕᒥᐅᑦ ᖃᖅᑲᖏᑕ ᐳᕐᑐᓂᕐᐹᖓᓐᓂ ᓇᑉᐸᕐᓯᔪᒪᕗᖓ, ᐊᕙᓚᖓᔪᕐᔪᐊᖃᓕᕈᒫᕐᐳᖅ ᐸᐅᕐᖓᖃᓕᕐᓗᓂᓗ, ᓇᐹᕐᑐᕐᔪᐊᖑᓕᖁᓪᓗᒍ ᓰᑕᕆᐅᓕᕐᓗᓂ; ᐆᒪᔪᓪᓗ ᖃᓄᐃᑦᑐᑐᐃᓐᓁᑦ ᓇᐹᕐᑑᑉ ᐊᑖᓂ ᐃᓂᖃᓕᕈᒫᕐᐳᑦ, ᐊᕙᓚᖓᔪᖏᑕᓗ ᑕᕐᕋᓕᓂᖏᓐᓂ ᑎᖕᒥᐊᑦ ᐊᑦᔨᒌᖏᑦᑐᑦ ᐅᓪᓗᖃᓕᕐᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 17:23 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 49:10

ᐊᖓᔪᖅᑳᕐᔪᐊᑉ ᐱᔪᓐᓇᐅᑎᖓᑕ ᓇᓗᓁᒃᑯᑕᖓ ᔫᑕᒥᑦ ᕿᒪᕉᑎᓂᐊᓐᖏᓚᖅ, ᐊᐅᓚᑦᓯᔨᐅᓪᓗ ᐊᔭᐅᑉᐱᐊᖓ ᐃᑎᒐᖏᑕ ᐊᑯᕐᖓᓐᓂᑦ ᐲᕐᑕᐅᓂᐊᖏᓐᓂᕗᖅ, ᐊᖓᔪᖅᑳᕐᔪᐊᖅ ᐱᖁᑎᓕᒃ ᑎᑭᓚᐅᖅᑳᕐᑎᓐᓇᒍ; ᑖᓐᓇ ᐃᓄᖕᓄᑦ ᐅᐱᒋᔭᐅᔪᒫᕐᐳᖅ ᓈᓚᒃᑕᐅᔪᒫᕐᓗᓂᓗ.

ᐃᓐᖏᕈᑎᑦ 80:8

ᓇᐹᕐᑐᖅ ᕔᓂᓕᒃᓴᖅ ᐂᓚᐅᕐᐸᑦ ᐄᑦᔨᑉᑎᒥᑦ; ᐃᓅᖃᑎᒌᒡᔪᐊᑦ ᓄᓇᖏᓐᓂᑦ ᐊᐅᓪᓚᐅᑎᓪᓗᒍ ᓄᓇᖏᓐᓄᑦ ᐃᓕᖔᓚᐅᕐᐸᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 5:15

ᓂᐅᖏᒃ ᐅᔭᕋᒃᑎᑐᑦ ᐊᓚᐹᔅᑕᕆᑐᑦ ᓇᐹᕘᒃ, ᒎᓘᖕᓂᒃ ᑐᓐᖓᕕᖃᕐᓗᑎᒃ. ᑕᐅᑦᑐᖃᕐᓗᓂᓗ ᓕᐸᓇᓂᑐᑦ, ᓇᐹᕐᑐᑎᑐᑦ ᓰᑕᕆᑐᑦ ᐱᐅᑎᒋᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 2:2

ᐅᓪᓗᐃᑦ ᑭᖑᓪᓕᖏᓐᓂ ᐱᔪᖃᕈᒫᕐᐳᖅ ᖃᖅᑲᖅ ᐊᑕᓂᐅᑉ ᑐᒃᓯᐊᕐᕕᒡᔪᐊᖓᑕ ᐃᓂᖓ ᐳᕐᑐᓂᕐᐸᐅᓕᕈᒫᕐᐳᖅ ᖃᖅᑲᓂᑦ, ᐱᖑᓕᒫᓂᓪᓗ ᐃᓅᖃᑎᒌᒡᔪᐊᓪᓗ ᓇᑭᑐᐃᓐᓈᕐᓯᒪᔪᑦ ᑕᕝᕗᖓ ᐂᔪᒫᕐᐳᑦ ᑰᒃᑐᑎᑐᑦ,

ᐂᓮᐊᓯᐅᑉ ᐊᒡᓚᖏᑦ 27:6

ᐅᓪᓗᓂ ᓇᓪᓕᐅᑎᔪᒫᕐᑐᓂ, ᔧᑰᑉ ᑭᖑᕚᖏᑦ ᐊᒫᖃᓕᕈᒫᕐᐳᑦ; ᐃᓴᕆᐊᓕ ᓇᐹᕐᑐᒃᓴᑎᑐᑦ ᐱᕈᕐᑐᒃᓴᖃᓕᕐᓗᓂ, ᓄᓇᕐᔪᐊᕐᓗ ᐸᐅᕐᖓᖃᓕᕈᒫᕐᐳᖅ ᑖᒃᑯᓇᓐᖓᑦ ᐱᔪᓂᒃ.

ᐂᓮᐊᓯᐅᑉ ᐊᒡᓚᖏᑦ 49:18

ᑕᑯᓴᓕᕆᑦ ᐊᕙᒻᒧᓪᓗ ᕿᓂᕐᓗᑎᑦ; ᑕᒪᕐᒥᒃ ᐃᒻᒥᖕᓄᑦ ᑲᑎᕐᓱᓕᕐᐳᑦ ᐃᓕᖕᓄᓪᓗ ᕾᓕᕐᓗᑎᒃ, ᐆᒪᒐᒪ, ᐊᑕᓂᖅ ᐅᖃᕐᐳᖅ, ᐊᓐᓄᕌᑎᑐᑦ ᑕᑯᒥᓇᕐᓯᑦᔪᑎᒋᔪᒫᕐᐸᑎᑦ, ᑲᑎᑎᑕᐅᔪᓪᓗ ᐱᐅᓴᐅᑎᖏᑎᑐᑦ ᐊᑎᔪᒫᕐᐸᑎᑦ.

ᔨᕆᒤᐊᐅᑉ ᐊᒡᓚᖏᑦ 31:12

ᕾᔪᒫᕐᐳᑦ ᖁᕕᐊᓱᖕᓂᕐᒧᑦ ᐃᓐᖏᕐᓗᑎᒃ ᕾᒐᓛᕐᓗᑎᒃ ᖃᖅᑲᒥ ᓮᐅᓂᒥ, ᖁᕕᐊᓲᑎᖃᕈᒫᕐᐳᓪᓗ ᐊᑕᓂᕐᒥᒃ ᐱᓕᐅᓯᐊᒥᖕᓂᒃ ᓂᐊᖂᔭᒃᓴᓂᒃ, ᐸᐅᕐᒊᑦ ᐃᑦᑎᖏᓐᓂᑦ ᐅᕐᓱᒃᓴᓂᓪᓗ, ᐆᒪᔪᖁᑎᒃᓴᖏᓪᓗ ᓰᐱᖁᑎᖏᑦ ᐃᒻᒧᒃᓯᐅᒊᓪᓗ ᐃᓅᔪᒫᕐᐳᑦ ᐱᕈᕐᓰᕕᒃᑎᑐᑦ ᐃᒪᖃᑦᓯᐊᕐᑐᑎᑐᑦ ᑍᒤᑦᓱᒫᕐᐳᑦ ᕿᒃᓵᒍᑎᒃᓴᖃᕈᓐᓃᕐᓗᑎᒡᓗ.

ᐃᓯᑭᐊᓕᐅᑉ ᐊᒡᓚᖏᑦ 20:40

ᖃᖅᑲᖁᑎᓐᓂ ᐃᑦᔪᕐᓁᑦᑐᒥ, ᐃᓴᕆᐊᓕᒥᐅᑦ ᖃᖅᑲᖏᓐᓂ ᐳᕐᑐᓂᕐᐹᒥ, ᐊᑕᓂᖅ ᒎᑎ ᐅᖃᕐᐳᖅ, ᑕᕝᕙᓂ ᐃᓴᕆᐊᓕᐅᑉ ᑭᖑᕚᓕᒫᖏᑕ ᑐᒃᓯᐊᕐᕕᒋᔭᒃᓴᕆᕚᖓ; ᑕᕝᕙᓂ ᐃᓚᓕᐅᕈᒫᕐᐸᒃᑲ, ᑕᕝᕙᓂᓗ ᑐᓂᕐᕈᓯᖁᕙᑦᓯ ᑐᓂᔭᒃᓴᓂᒃ ᐱᐅᓂᕐᐹᓂᒃ ᑐᓂᕐᕈᑎᒃᓴᑦᓯᓐᓂᒃ ᐃᑦᔪᕐᓁᑦᑐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 31:6

ᑎᖕᒥᐊᓄᑦ ᖃᓄᐃᑦᑐᑐᐃᓐᓇᕐᓄᑦ ᐊᕙᓚᖓᔪᖏᑕ ᐱᕈᕐᑐᖏᑦ ᐃᕙᕕᐅᕗᑦ; ᐊᕙᓚᖓᔪᖏᑕᓗ ᐊᑖᓂ ᐆᒪᔪᑦ ᓄᔪᐊᕐᑐᑦ ᕿᑐᕐᖏᐅᕐᐳᑦ; ᐃᓅᖃᑎᒌᒡᔪᐊᓕᒫᓪᓗ ᑕᕐᕋᓕᓂᖓᓂ ᐃᓂᖃᕐᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 36:8

ᐃᓕᑦᓯᓕ, ᐃᓴᕆᐊᓕᐅᑉ ᖃᖅᑲᖏᑦ, ᓇᐹᕐᑐᑎᑦ ᐱᕈᕐᕕᐅᓕᕈᒫᕆᕗᑦ, ᐸᐅᕐᖓᕐᑖᖃᑦᑕᓕᕐᓗᑎᒡᓗ ᐃᓄᖁᑎᒪ ᐃᓴᕆᐊᓕᒥᐅᑉ ᓂᕿᒃᓴᖏᓐᓂᒃ; ᒫᓐᓇᒃᑯᑦ ᐊᖏᕐᕋᕆᐊᒃᓕᖕᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 40:2

ᒎᑎᐅᑉ ᑕᑯᑎᑕᐅᓂᒃᑯᑦ ᐃᓴᕆᐊᓕᒥᐅᑦ ᓄᓇᖓᓄᐊᕈᑎᕚᖓ, ᖃᖅᑳᓘᓪᓗ ᐳᕐᑐᔫᑉ ᖃᖓᓄᐊᕐᑎᑉᐹᖓ, ᐃᒡᓗᒐᓴᒡᔪᐊᑎᑐᑦ ᓴᓇᓯᒪᔫᔮᕐᑐᓂᒃ ᐊᑭᓪᓗᐊᓐᓂ ᑕᑯᓕᕐᐳᖓ.

ᑖᓂᐊᓕᐅᑉ ᐊᒡᓚᖏᑦ 4:8

ᑭᖑᓪᓕᕐᐹᒥᒡᓕ ᑖᓂᐊᓕ ᕾᓚᐅᕆᕗᖅ ᓇᔪᒐᓐᓄᑦ, ᓯᓐᓇᒃᑐᓐᓂᒡᓗ ᐅᓂᒃᑳᕐᕕᒋᓚᐅᕐᐸᕋ. ᑖᓐᓇ ᐊᑎᖃᕐᑐᖅ ᐱᐊᓪᓴᔮᕆᒥᒃ, ᒎᑎᒪ ᐊᑎᖓᓂᒃ, ᑖᓐᓇ ᒎᑎᑦ ᐃᑦᔪᕐᓁᑦᑐᑦ ᐊᓂᕐᓂᖏᑕ ᐃᓂᒋᕚᑦ.

ᑖᓂᐊᓕᐅᑉ ᐊᒡᓚᖏᑦ 4:9

ᐅᖃᐅᑎᓚᐅᕐᐸᕋᓗ, ᐱᐊᓪᓴᔮᕆ, ᐊᖓᒃᑯᐃᑦ ᐊᖓᔪᖅᑳᖓᑦ, ᖃᐅᔨᒪᕗᖓ ᒎᑎᑦ ᐊᓂᕐᓂᖏᑕ ᐃᓂᒋᖕᒪᑎᑦ, ᓇᓗᓇᕐᑐᓂᒡᓗ ᓴᐱᕈᑎᖃᖏᓐᓇᕕᑦ, ᐃᒫᒃ ᓯᓐᓇᒃᑐᓚᐅᕐᐳᖓ; ᑐᑭᖓᓂᒃ ᐅᖃᐅᑎᓚᐅᓐᖓ.

ᕼᐆᓯᐊᑉ ᐊᒡᓚᖏᑦ 14:7

ᑖᒃᑯᐊ ᐅᑎᕈᒫᕐᐳᑦ ᑕᕐᕋᓕᓂᓐᓂᓗ ᐃᓂᖃᓕᕐᓗᑎᒃ, ᐱᕈᕐᐸᓪᓕᐊᓕᕈᒫᕐᐳᑦ ᓂᐊᖂᔭᒃᓴᑎᑐᑦ; ᐱᕈᕈᒫᕐᐳᑦ ᐃᓯᕕᑦᓯᐊᕐᓗᑎᒃ ᕔᓂᓕᒃᓴᑎᑐᑦ, ᑎᐱᖃᓕᕈᒫᕐᐳᓪᓗ ᕔᓂᑎᑐᑦ ᓕᐸᓇᓂᒥᐅᑕᑎᑐᑦ.

ᕼᐆᓯᐊᑉ ᐊᒡᓚᖏᑦ 14:8

ᐃᕗᕅᒥ, ᒎᑎᓐᖑᐊᑦ ᖃᓄᐃᓕᐅᕆᐊᖃᕐᐸᒃᑳ? ᐅᕙᖓ ᑭᐅᓯᒪᕗᖓ ᐃᓕᑦᓯᓐᓂᒡᓗ ᑲᒪᓕᕐᓗᖓ. ᑐᖑᔪᐃᓐᓇᕐᑐᑎᑐᑦ ᓇᐹᕐᑐᑐᑦ ᑍᒤᑉᐳᖓ, ᐱᕈᕐᑎᑕᑎᑦ ᐅᕙᓐᓂᑦ ᐱᕗᑦ.”

ᒤᑲᐅᑉ ᐊᒡᓚᖏᑦ 4:1

ᐅᓪᓗᐃᑦ ᑭᖑᓪᓕᖏᓐᓂ ᓇᓪᓕᐅᑎᔪᒫᕐᐳᖅ, ᖃᖅᑲᒥ ᐊᑕᓂᐅᑉ ᐃᒡᓗᖓ ᐋᖅᑭᒃᓯᒪᓕᕈᒫᕐᐳᖅ, ᐊᖏᓂᕐᐹᖑᓕᕈᒫᕐᐳᖅ ᐳᕐᑐᓂᕐᓴᐅᓗᓂ ᖃᖅᑲᓕᒫᓂᑦ; ᐃᓅᖃᑎᒋᒡᔪᐊᓪᓗ ᑕᕝᕗᓐᖓᐅᓕᕈᒫᕐᐳᑦ ᑰᒃᑐᑎᑐᑦ.

ᒫᑎᐅᓯᐅᑉ ᐊᒡᓚᖏᑦ 13:32

ᑖᓐᓇ ᐱᕈᕐᓯᐊᒃᓴᓕᒫᓂᑦ ᒥᑭᓐᓂᕐᐸᐅᕗᖅ, ᐱᕈᕋᒥ ᐱᕈᕐᑐᓕᒫᓂᑦ ᐊᖏᓂᕐᐸᐅᓕᕐᐳᖅ ᓇᐹᕐᑑᓕᕐᓗᓂ, ᑕᕝᕙ ᑎᖕᒥᐊᑦ ᑕᕝᕙᓂ ᐅᓪᓗᓕᐅᓕᕐᐳᑦ ᓇᐹᕐᑑᑉ ᐊᕙᓚᖓᔪᖏᓐᓂ.”

ᒫᑯᓯᐅᑉ ᐊᒡᓚᖏᑦ 4:32

ᑭᖑᓂᖓᒍᑦ ᑖᓐᓇ ᑲᓐᖓᕐᓲᑕᐅᒐᒥ ᐱᕈᕐᐸᓪᓕᐊᓯᕗᖅ ᐱᕈᕐᑐᓕᒫᓂᑦ ᐊᖏᓂᕐᐸᐅᓕᕐᓗᓂ, ᐊᕙᓚᖓᔪᖏᑦ ᐊᖏᒡᓕᕐᒪᑕ, ᑎᖕᒥᐊᑦ ᑕᕝᕙᓂ ᐅᓪᓗᖃᕈᓐᓇᓕᕐᐳᑦ ᑕᕐᕋᓕᓂᖓᓂ.”

ᓘᑲᓯᐅᑉ ᐊᒡᓚᖏᑦ 13:19

ᐃᒤᑦᑑᔮᕐᐳᖅ, ᐱᕈᕐᓯᐊᒃᓴᖅ ᒥᑭᓐᓂᕐᐹᖅ ᒪᓯᑕᕐᑦ ᐊᖑᑎᐅᑉ ᐱᕈᕐᓯᐊᒃᓴᖅ ᒥᑭᔪᑯᓗᒃ ᐱᒐᒥᐅᒃ ᐱᕈᕐᓰᕕᖕᒥᓄᑦ ᑲᓐᖓᕐᓲᑎᒋᕚ; ᑖᓐᓇ ᐱᕈᓕᕐᐳᖅ ᓇᐹᕐᑐᓐᖑᕐᓗᓂ, ᑎᖕᒥᐊᑦ ᑕᕝᕙᓂ ᐊᕙᓚᖓᔪᖏᓐᓂ ᐃᕙᕕᖃᕈᓐᓇᕐᓯᓪᓗᑎᒃ.”

ᔪᐊᓇᓯᐅᑉ ᐊᒡᓚᖏᑦ 12:24

ᓱᓕᔪᒥᒃ ᐅᖃᐅᑎᕙᑦᓯᒃ: ᓂᐊᖂᔭᒃᓴᐅᑉ ᑲᓐᖓᕐᓲᑎᒃᓴᕐᑕᖓ ᑖᓐᓇᑑᒐᔭᕐᐳᖅ ᓄᓇᒧᐊᕐᑕᐅᓗᓂ ᑐᖁᖏᒃᑯᓂ, ᑐᖁᒍᓂᓕ, ᓂᐊᖂᔭᒃᓴᓂᒃ ᐊᒥᓱᓂᒃ ᐱᕈᕐᑎᑦᓯᒐᔭᕐᐳᖅ.

ᒐᓔᑎᐊᒥᐅᓄᑦ 3:28

ᑖᑦᓱᒪᓂᓗ ᔫᑎᐅᒍᕕᑦ ᒍᕇᑭᐅᒍᕕᓪᓘᓐᓃᑦ, ᓯᐊᓛᖑᒍᕕᑦ ᓯᐊᓛᖑᖏᒃᑯᕕᓪᓘᓐᓃᑦ, ᐊᖑᑕᐅᒍᕕᑦ ᐊᕐᓇᐅᒍᕕᓪᓘᓐᓃᑦ; ᑕᒪᑦᓯ ᐊᑕᐅᓯᐅᕗᓯ ᙭ᔅᑑᓯ ᔩᓱᓯᒥ.

ᑯᓘᓯᐊᒥᐅᓄᑦ 3:11

ᑕᕝᕙᓂ ᐃᓅᓯᕐᒥ ᓄᑖᒥ ᒍᕇᑭᑕᖃᓐᖏᓚᖅ ᔫᑎᑕᖃᕋᓂᓗ, ᑭᐱᓯᒪᔪᖃᓐᖏᓚᖅ ᑭᐱᓯᒪᖏᑦᑐᖃᕋᓂᓗ, ᐅᖓᓯᕐᑐᒥᐅᑕᖃᕋᓂᓗ ᐋᓪᓚᑕᖃᕋᓂᓗ, ᓂᐅᕕᐊᖑᓯᒪᓂᒃᑯᓪᓗ ᐱᔨᑕᖃᕋᓂ, ᐱᔨᐅᖏᕐᑐᖃᕋᓂᓗ, ᙭ᔅᑑᓯᓕ ᑕᒤᓐᓅᕐᐳᖅ, ᑕᒤᓐᓃᓪᓗᓂᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:15

ᐂᖏᓖᓪᓗ 7ᖓᑦᑕ ᑎᑦᑐᓚᐅᑦ ᓂᓪᓕᕐᑎᒃᑭᕚ, ᕿᓚᖕᒥᓗ ᓂᐱᕐᔪᐊᕐᑕᖃᓕᕐᐳᖅ ᐅᖃᕐᑐᒥᒃ, “ᓯᓚᕐᔪᐊᕐᒥᐅᑦ ᐊᑕᓂᐅᕕᖓ ᐊᑕᓂᐅᕕᒃᑖᖑᕗᖅ ᐊᑕᓂᑦᑎᓐᓄᑦ ᙭ᔅᑑᓯᖓᓄᓪᓗ, ᐊᐅᓚᑦᓯᓂᐊᕐᐳᕐᓗ ᑕᕝᕙᓂ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.”