ᐃᓯᑭᐊᓕᐅᑉ ᐊᒡᓚᖏᑦ 17:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᐅᓇᑕᕐᑎᖁᑎᖏᑕ ᐊᔪᖏᓐᓂᕐᐹᖏᑦ ᑐᖁᕋᕐᑕᐅᔪᒫᕐᐳᑦ, ᐊᒥᐊᒃᑯᖏᓪᓗ ᓇᒧᑐᐃᓐᓈᕈᒫᕐᐳᑦ; ᑕᕝᕙ ᖃᐅᔨᓕᕈᒫᕐᐳᓯ ᐅᕙᖓ ᐊᑕᓂᖅ ᑍᒫᒃ ᐅᖃᕐᓯᒪᒐᒪ.”

ᐃᓯᑭᐊᓕᐅᑉ ᐊᒡᓚᖏᑦ 17:21 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 25:11

ᑕᕝᕙ ᓂᐳᔭᕋᑕᓐ ᓴᐳᓐᓂᐊᕐᑎᓄᑦ ᐊᖓᔪᖅᑳᖑᔫᑉ ᐃᓄᐃᑦ ᐃᒡᓗᒐᓴᖕᓂ ᐊᒥᐊᒃᑰᓯᒪᔪᑦ ᑎᒍᓪᓗᒋᑦ ᐹᐱᓘᓂᒧᑦ ᐊᐅᓚᕈᑎᕔᑦ, ᓴᓇᔪᓐᓇᕐᑐᑦ ᐊᒥᐊᒃᑯᕕᓂᖏᑦ ᐹᐱᓘᓂᒥᐅᓄᓪᓗ ᐃᓚᒋᓕᐅᑎᓂᑰᓕᕐᑐᑦ.

ᐊᑕᓃᑦ ᐂᑉᐸᖏᑦ 25:5

ᑲᐅᓪᑎᐊᒥᐅᓪᓕ ᐅᓇᑕᕐᑎᖁᑎᖏᓐᓄᑦ ᐊᖓᔪᖅᑳᕐᔪᐊᖅ ᔨᑎᑬᐊ ᐅᓇᑕᕐᑎᖁᑎᖏᓪᓗ ᒪᓕᒃᑕᐅᒐᒥᒃ ᐊᖑᔭᐅᓪᓗᑎᒃ ᑎᒍᔭᐅᕗᑦ ᔨᕆᑰᑉ ᓴᓂᐊᓂ; ᐅᓇᑕᕐᑎᖁᑎᖏᓪᓗ ᓇᒧᑐᐃᓐᓇᖅ ᐊᑦᑎᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 26:11

ᐊᑕᓃᖅ ᐊᒡᒐᑎᑦ ᐅᕐᓕᑐᕐᑐᑦ ᐃᓴᐅᑎᓯᒪᓕᕐᐸᑎᑦ, ᓱᓕᓕ ᑕᒪᑐᒥᖓ ᖃᐅᔨᓐᖏᓚᑦ. ᐃᓄᖁᑎᖕᓂᒃ ᓇᒡᓕᒍᓱᒃᑐᐊᓘᓂᕐᓂᒃ ᑕᑯᑎᓚᐅᒃᑭᑦ ᑲᓐᖑᓱᓕᖅᑯᓪᓗᒋᑦ. ᐊᑭᕋᕐᑐᕐᑎᕕᑦ ᓂᓐᖓᐅᒪᓂᖏᑕ ᐃᑯᐊᓚᓂᖏᓐᓄᑦ ᓄᖑᑕᐅᑎᓚᐅᒃᑭᑦ.

ᔨᕆᒤᐊᐅᑉ ᐊᒡᓚᖏᑦ 48:44

ᕿᒫᓇᓱᐊᕐᑑᒐᓗᐊᑦ ᑲᑉᐱᐊᓇᕐᑐᒧᑦ ᐃᑎᕐᓴᒧᑦ ᑲᑕᖕᓂᐊᕐᐳᑦ, ᐃᑎᕐᓴᒥᓪᓗ ᒪᔪᕐᑑᒐᓗᐊᑦ ᓂᒐᕐᑎᑕᐅᓂᐊᕐᐳᑦ, ᒧᐊᐱᒥᐅᑦ ᐊᕐᕌᒍᖓ ᓇᓪᓕᐅᑎᓯᒪᖕᒪᑦ ᓱᒋᐊᕐᑕᐅᕕᒃᓴᖓᓄᑦ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 52:8

ᑲᐅᓪᑎᐊᒥᐅᓪᓕ ᐅᓇᑕᕐᑐᒃᓴᖁᑎᖏᑕ ᔨᑎᑬᐊᒃᑯᑦ ᒪᓕᒃᑲᒥᑦᔪᒃ, ᐊᖑᕚᑦ ᔨᕆᑰᑉ ᓇᑎᕐᓇᕐᔪᐊᖓᓂ, ᔨᑎᑬᐊᐅᓪᓗ ᐅᓇᑕᕐᑎᖁᑎᖏᑦ ᑕᕝᕙᓂ ᐊᕕᒃᑐᕐᓗᑎᒃ ᓇᒧᑐᐃᓐᓇᖅ ᕿᒫᕗᑦ, ᕿᒤᓪᓗᑎᒃ ᐊᖓᔪᖅᑳᒥᖕᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 12:14

ᓇᒧᑐᐃᓐᓇᖅ ᓯᐊᒻᒪᕐᑎᑦᓱᒫᕐᐸᒃᑲ ᐊᓐᓄᕌᕐᕕᐅᕙᒃᑐᓕᒫᓄᑦ ᐃᓚᒋᔭᓕᒫᖏᑦ, ᐃᑲᔪᕐᑎᖏᑦ ᐅᓇᑕᕐᑐᒃᓴᖁᑎᖏᓪᓗ; ᓴᕕᒡᔪᐊᕐᓗ ᐊᒧᓗᒍ ᒪᓕᒍᒫᕐᐸᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 13:14

ᐊᕙᓗᕐᔪᐊᕐᓗ ᓯᖁᑦᑎᕈᒫᕐᐸᕋ ᖃᑯᕐᑕᒧᑦ ᒥᖑᐊᓚᐅᕐᑕᓯ, ᐅᕐᕉᕋᕐᑎᑦᓱᒫᕐᐸᕋ ᒪᓂᖅᑲᒧᑦ, ᑐᓐᖓᕕᕕᓂᑐᐃᓐᓇᐅᓕᕐᓗᓂ; ᐅᕐᕉᒃᐸᑦ ᐃᓕᑦᓯᑦᑕᐅᖅ ᑐᖁᔪᒫᕐᐳᓯ ᐊᑯᕐᖓᓐᓂ; ᑕᕝᕙ ᖃᐅᔨᓕᕈᒫᕐᐳᓯ ᐅᕙᖓᐅᒐᒪ ᐊᑕᓂᖅ.

ᐃᓯᑭᐊᓕᐅᑉ ᐊᒡᓚᖏᑦ 13:23

ᑍᒤᒻᒪᑦ ᑕᑯᑎᑕᐅᓐᖑᐊᕐᓂᕆᖃᑦᑕᕐᑕᓯ ᓄᖅᑲᕐᓂᐊᓕᕐᐳᖅ ᐱᔪᒫᕐᑐᒃᓴᓂᒡᓗ ᐅᖃᐅᓯᖃᕋᓱᖃᑦᑕᕐᓂᓯ ᐃᓱᓕᑉᐳᖅ; ᐃᓄᖁᑎᒃᑲ ᓴᐳᑎᓂᐊᓕᕐᐸᒃᑲ ᐱᔪᓐᓇᐅᑎᑦᓯᓐᓂᑦ. ᑕᕝᕙ ᖃᐅᔨᓂᐊᕐᐳᓯ ᐅᕙᖓᐅᒐᒪ ᐊᑕᓂᖅ.”

ᐃᓯᑭᐊᓕᐅᑉ ᐊᒡᓚᖏᑦ 15:7

ᑖᒃᑯᐊ ᓵᓐᖓᔪᒫᕐᐸᒃᑲ; ᐃᑯᐊᓚᔪᒥᑦ ᐊᓐᓇᒃᓗᑎᒃ ᐊᓂᒍᐃᒐᓗᐊᕐᐸᑕ, ᐃᑯᒪᒧᓪᓕ ᓱᓕ ᓄᖑᑕᐅᔪᒫᕐᐳᑦ; ᑕᕝᕙ ᖃᐅᔨᔪᒫᕐᐳᓯ ᐅᕙᖓᐅᒐᒪ ᐊᑕᓂᖅ, ᑮᓇᓐᓄᑦ ᓵᓐᖓᓕᕈᒃᑭᑦ.

ᐃᓯᑭᐊᓕᐅᑉ ᐊᒡᓚᖏᑦ 5:10

ᑍᒤᒻᒪᑦ ᐊᑖᑕᐅᔪᑦ ᕿᑐᕐᖓᒥᖕᓂᒃ ᓂᕿᖃᓕᕈᒫᕐᐳᑦ ᐊᑯᓐᓇᑦᓯᓐᓂ, ᕿᑐᕐᖓᐅᔪᓪᓗ ᐊᖓᔪᖅᑳᒥᖕᓂᒃ ᓂᕿᖃᓕᕐᒥᓗᑎᒃ; ᑍᒫᒃ ᓱᒋᐊᕈᒫᕐᐸᑦᓯ, ᐊᒥᐊᒃᑰᔪᓪᓗ ᓇᒧᓕᒫᖅ ᓯᐊᒻᒪᒍᒫᕐᐳᑦ ᐊᓄᕆᓕᒫᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 5:12

ᐃᓅᖃᑎᑦᓯ ᐱᖓᔪᓪᓗᐊᖏᑦ ᐋᓐᓂᐊᓇᕐᑐᒧᑦ ᑐᖁᕋᕈᒫᕐᐳᑦ ᑳᖕᓇᕐᑐᕐᔪᐊᒧᓪᓗ ᐱᕐᓕᕋᕐᓗᑎᒃ ᐊᑯᓐᓇᑦᓯᓐᓂ; ᐃᓅᖃᑎᑦᓯ ᐱᖓᔪᒋᖕᒥᔭᖏᑦ ᑐᖁᕋᕐᑕᐅᔪᒫᕐᐳᑦ ᓴᕕᒡᔪᐊᒧᑦ ᐊᕙᑎᑦᓯᓐᓂ; ᐱᖓᔪᒋᖕᒥᔭᖏᑦ ᓯᐊᒻᒪᕐᑎᓪᓗᒋᑦ ᐊᓄᕆᓕᒫᓄᑦ ᑎᒃᑕᐅᕋᕐᑎᑦᓱᒫᕐᐸᒃᑲ ᓴᕕᒡᔪᐊᕐᓗ ᐴᖓᓂᑦ ᐊᒧᓗᒍ ᒪᓕᒍᒫᕐᐸᒃᑲ ᕿᒫᑎᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 5:13

“ᑍᒫᒃ ᓂᓐᖓᐅᒪᓂᕋ ᐊᐅᓚᓂᖃᕈᒫᕐᐳᖅ, ᓂᓐᖓᕕᒡᔪᐊᕐᓂᕋᓗ ᑖᒃᑯᓄᖓ ᑐᕌᕈᒫᕐᐳᖅ ᐱᔭᕇᓚᐅᖏᓐᓂᓐᓂ; ᑖᒃᑯᐊ ᖃᐅᔨᓕᕈᒫᕐᐳᑦ ᐅᕙᖓ ᐊᑕᓂᐅᔪᖓ ᐅᖃᓪᓚᒃᓯᒪᒐᒪ ᓯᖕᓇᓂᕐᒧᑦ, ᓂᓐᖓᒡᕕᖃᕐᓯᒪᓂᕐᒧᓪᓗ ᐱᓇᓱᐊᕐᓯᒪᓂᓐᓂᒃ ᑖᒃᑯᓄᖓ.

ᐃᓯᑭᐊᓕᐅᑉ ᐊᒡᓚᖏᑦ 5:2

ᐱᖓᔪᖏᑦ ᐃᑯᐊᓪᓚᒍᒫᕐᐸᑎᑦ ᐃᒡᓗᒐᓴᒡᔪᐊᑦ ᐃᓗᐊᓂ; ᔨᕉᓴᓕᒥᐅᑦ ᐊᑭᕋᒥᓄᑦ ᐊᕙᓗᔭᐅᓯᒪᓂᖓ ᐃᓱᓕᑉᐸᑦ; ᐱᖓᔪᖏᓪᓗ ᓴᕕᒡᔪᐊᕐᓄᑦ ᓇᑲᑎᕐᓗᒋᑦ ᓈᕕᑕᒃᓴᕆᕙᑎᑦ ᐃᒡᓗᒐᓮᑦ ᐊᕙᓗᐊᑕ ᓯᓚᑖ ᓈᓗᒍ; ᐱᖓᔪᒋᖕᒥᔭᖏᑦ ᑎᒃᑕᐅᕋᕐᑎᓪᓗᒋᑦ ᐊᓄᕆᒧᑦ, ᓴᕕᒡᔪᐊᕋ ᐊᒧᓗᒍ ᒪᓕᒍᒫᕐᐸᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 6:10

ᖃᐅᔨᔪᒫᕐᐳᑦ ᐊᑕᓂᐅᓂᓐᓂᒃ; ᓯᕘᕋᓵᕆᑐᐃᓐᓇᕐᓗᖓᓗ ᐱᐅᖏᑦᑐᒥᒃ ᐱᓂᐊᕐᕕᒋᓯᒪᖏᓐᓇᒃᑭᑦ.”

ᐃᓯᑭᐊᓕᐅᑉ ᐊᒡᓚᖏᑦ 6:7

ᑐᖁᑕᐅᔪᖃᖃᑦᑕᕈᒫᕐᐳᑦ ᐊᑯᓐᓇᑦᓯᓐᓂ, ᖃᐅᔨᖁᓪᓗᓯ ᐊᑕᓂᐅᒐᒪ.

ᐂᒨᓯᐅᑉ ᐊᒡᓚᖏᑦ 9:1

ᐊᑕᓂᖅ ᑕᑯᓚᐅᕐᐸᕋ ᓇᖏᕐᑐᖅ ᑐᓂᕐᕈᓯᕐᕕᐅᑉ ᓴᓂᐊᓂ, ᐅᖃᕐᓗᓂᓗ, “ᑐᒃᓯᐊᕐᕕᒡᔪᐊᑉ ᓱᑲᖏᑕ ᓄᕗᖏᑦ ᐊᓇᐅᒃᑭᑦ ᑐᓐᖓᕕᖓ ᓴᔪᖁᓪᓗᒍ, ᑖᒃᑯᓄᖓᓗ ᐃᓄᓕᒫᑦ ᓂᐊᖁᖏᑦ ᓯᖁᒥᑕᐅᖁᓪᓗᒋᑦ, ᐊᒥᐊᒃᑯᖏᓪᓗ ᑐᖁᑦᓱᒫᕐᐸᒃᑲ ᓴᕕᒡᔪᐊᒧᑦ; ᐊᑕᐅᓯᕐᒥᒡᓘᓐᓃᑦ ᕿᒫᔪᖃᕐᓂᐊᓐᖏᓚᑦ, ᓇᓪᓕᐊᓐᓂᒡᓘᓐᓃᑦ ᐊᓐᓇᒃᑐᖃᕐᓂᐊᕋᓂ.