ᐃᓯᑭᐊᓕᐅᑉ ᐊᒡᓚᖏᑦ 16:63 - ᐊᒡᓔᑦ ᐃᑦᔪᕐᖕᓁᑦᑐᑦ

⁶³ ᐱᓂᐊᕐᓂᕆᖃᑦᑕᓚᐅᕐᑕᓯᓐᓂᒃ ᐃᖅᑬᒍᑦᓯ ᐅᖃᐅᓯᕆᔭᕆᐊᖏᓪᓘᓐᓃᑦ ᑲᓐᖑᓇᓗᐊᓕᕈᒫᕐᐳᑦ, ᐃᓱᒪᒋᔪᓐᓁᕐᕕᒋᒍᑦᓯ ᑕᒻᒪᕈᑎᒋᓯᒪᔭᓕᒫᑦᓯᓐᓂᒃ. ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 16:63 ပူးပေါင်းရင်းမြစ်များ

ᐄᓱᕋᐅᑉ ᐊᒡᓚᖏᑦ 9:6

ᐅᖃᕐᓗᖓᓗ: “ᒎᑏᒃ, ᑲᓐᖑᓱᓗᐊᕐᐳᖓ ᐃᓕᕋᓱᒃᓗᖓᓗ ᐃᓕᖕᓄᑦ ᐋᕐᓗᕆᐊᒃᓴᖅ ᒎᑎᒐ, ᓵᖕᓂ ᐊᔪᕐᓂᕗᑦ ᐳᕐᑐᓂᕐᓴᐅᓕᕐᒪᑕ ᓂᐊᖁᑦᑎᓐᓂᑦ; ᐸᓯᔭᒃᓴᐅᓂᕗᓪᓗ ᐊᓪᓛᑦ ᑎᑭᐅᑎᕗᑦ ᕿᓚᖕᒧᑦ.

ᐃᓐᖏᕈᑎᑦ 39:9

ᓂᐰᑦᑑᓚᐅᕐᐳᖓ, ᖃᓂᕋᓘᓐᓃᑦ ᐂᑦᑕᓚᐅᓐᖏᓚᕋ ᐃᕝᕕᑦ ᑍᒤᑎᓚᐅᕋᕕᖓ.

ᐃᓐᖏᕈᑎᑦ 65:3

ᐱᐅᖏᑦᑐᓕᓂᕐᒧᑦ ᓵᓚᐅᓯᒪᓕᕐᑎᓪᓗᑕ, ᓈᒻᒪᖏᑦᑐᓕᓂᑦᑕ ᐃᓱᒪᒋᔭᐅᔪᓐᓁᕐᑕᐅᑦᔪᑎᒃᓴᖏᓐᓂᒃ ᑐᓂᓯᕗᑎᑦ.

ᐃᓐᖏᕈᑎᑦ 78:38

ᑖᓐᓇᓕ, ᓇᒡᓕᒍᓱᖕᓂᕐᒥᒃ ᑕᑕᓐᓇᒥ, ᐊᔪᕐᓂᖏᓐᓂᑦ ᐃᓱᒪᒋᔪᓐᓁᕐᕕᒋᓚᐅᕐᐰᑦ, ᐊᓯᕈᕐᓇᒋᓪᓗ; ᐅᓄᕐᑐᐃᓱᕐᓗᓂ ᓂᓐᖓᐅᒪᓂᓂ ᓄᖅᑲᕐᑎᖃᑦᑕᓚᐅᕐᐹ, ᓂᓐᖓᐅᒪᓂᓕᒫᓂᓗ ᐊᑕᖏᕐᓗᒍ ᓴᖅᑭᑎᓚᐅᓐᖏᓛ.

ᐃᓐᖏᕈᑎᑦ 79:9

ᐃᑲᔪᓚᐅᕐᑎᒍᑦ, ᒎᑏ ᐱᐅᓕᔨᒋᔭᕗᑦ, ᐊᑎᕐᐱᑦ ᓂᕐᑐᕐᑕᐅᑦᔪᑎᒃᓴᖓᓄᑦ; ᓴᐳᑎᓚᐅᕐᑎᒍᑦ, ᐃᓱᒪᒋᔪᓐᓁᕐᕕᒋᓗᑕᓗ ᐊᔪᕐᓂᑦᑎᓐᓂᒃ, ᐊᑏᑦ ᐱᑦᔪᑎᒋᓗᒍ!

ᐃᓐᖏᕈᑎᑦ 85:3

ᓂᓐᖓᐅᒪᓃᑦ ᐃᓘᓐᓇᖓ ᓄᖅᑲᕐᑎᓚᐅᕐᐸᑦ; ᓂᓐᖓᐅᑦᔨᓯᒪᓂᕕᓪᓗ ᐋᓐᓂᐊᓇᕐᓂᖓᓂᒃ ᕿᒤᓚᐅᕐᐳᑎᑦ.

ᐂᓮᐊᓯᐅᑉ ᐊᒡᓚᖏᑦ 33:24

ᑕᕝᕙᓂᒥᐅᑦ ᓇᓪᓕᐊᑦ ᐅᖃᕈᒫᓐᖏᓚᖅ, “ᐋᓐᓂᐊᒐᒪ,” ᐃᓄᐃᓪᓗ ᑕᕝᕙᓃᑦᑐᑦ ᐊᔪᕐᑐᓕᓂᖏᑦ ᐃᓱᒪᒋᔪᓐᓁᕐᑕᐅᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 44:22

ᐱᐅᖏᑦᑐᓕᓂᓯ ᐊᖑᐊᓚᐅᕐᐸᒃᑲ ᓄᕗᔭᕐᓗᒃᑎᑐᑦ, ᐊᔪᕐᑐᓕᓂᓯᓗ ᓄᕗᔭᑎᑐᑦ ᐊᖑᐊᕐᓗᒋᑦ, ᐅᕙᓐᓄᑦ ᐅᑎᕆᑦᓯ, ᓴᑐᕐᑕᐅᕕᒃᓴᓕᐅᕐᓯᒪᓕᕋᑦᓯ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:39

ᐊᑲᐅᒃᓴᖏᓪᓗᑕ ᐅᖃᕐᐸᒃᑐᒃᓴᐅᕕᑖ ᐊᔪᕐᑐᓕᓂᑦᑎᓐᓄᑦ ᓱᒋᐊᕐᑕᐅᔭᕌᖓᑦᑕ?

ᐃᓯᑭᐊᓕᐅᑉ ᐊᒡᓚᖏᑦ 16:61

ᑕᕝᕙ ᐃᖅᑬᔪᒫᕐᐳᓯ ᐱᓂᐊᕐᓂᕆᓯᒪᔭᑦᓯᓐᓂᒃ, ᑲᓐᖑᓱᓕᕐᓗᓯᓗ ᐊᖓᔪᓯ ᓄᑲᓯᓗ ᐅᑎᕐᑎᒃᑯᒃᑭᑦ, ᐃᓕᑦᓯᓐᓄᑦ ᐸᓂᒋᔭᐅᔪᑎᑐᑦ ᑐᓂᔪᒫᕐᐸᒃᑲ, ᐊᖏᖃᑎᒌᒃᓯᒪᓂᕗᑦ ᐱᑦᔪᑎᒋᓇᒍ.

ᐃᓯᑭᐊᓕᐅᑉ ᐊᒡᓚᖏᑦ 17:1

ᐊᑕᓂᐅᑉ ᐅᖃᐅᓯᖓᑕ ᑎᑭᑉᐹᖓ ᐅᖃᕐᓗᓂ:

ᐃᓯᑭᐊᓕᐅᑉ ᐊᒡᓚᖏᑦ 20:43

ᑕᕝᕙᓂᓗ ᐃᖅᑬᓕᕈᒫᕐᐳᓯ ᐃᓕᖅᑯᓯᕆᖃᑦᑕᓚᐅᕐᑕᑦᓯᓐᓄᑦ ᐱᐅᔪᓐᓃᕐᑎᑕᐅᓯᒪᓂᓯᓐᓂᒃ; ᐃᓕᑦᓯᓐᓂᒡᓗ ᓇᖁᔭᕆᓕᕈᒫᕐᐳᓯ ᐅᒡᒍᐊᓕᕐᓗᓯᓗ ᐱᐅᖏᑦᑐᓕᖃᑦᑕᓚᐅᕐᓂᓕᒫᓯᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 39:26

ᑲᓐᖑᓇᕐᑐᒦᓚᐅᕐᓂᑎᒃ ᐳᐃᒍᕈᒫᕐᐹᑦ, ᐅᒃᐱᕆᔭᒃᓴᐅᖏᑦᑐᓂᒡᓗ ᐱᓂᐊᕐᓂᖃᖃᑦᑕᓚᐅᕐᓂᑎᒃ ᐅᕙᓐᓄᑦ, ᓄᓇᒥᖕᓂ ᐃᓂᓪᓚᖓᑦᓯᐊᓕᕈᑎᒃ ᑲᑉᐱᐊᓱᒃᑎᑕᐅᖃᑦᑕᕈᓐᓁᕈᑎᒡᓗ ᓇᐅᑐᐃᓐᓇᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 43:10

“ᐃᕝᕕᓪᓕ ᐃᓅᑉ ᐃᕐᓂᖓ, ᐃᓴᕆᐊᓕᐅᑉ ᑭᖑᕚᖏᑦ ᓇᓗᓁᕐᓯᕕᒋᒃᑭᑦ ᑐᒃᓯᐊᕐᕕᒡᔪᐊᑉ ᑕᐅᑦᑐᖓᓂᒃ ᐸᕐᓇᒃᑕᐅᓯᒪᓂᖓᓂᒡᓗ, ᑲᓐᖑᓲᑎᖃᓕᖁᓪᓗᒋᑦ ᐊᔪᕐᑐᓕᓂᕐᒥᖕᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 44:13

ᐅᕙᓐᓂᒃ ᐱᔨᑦᓯᕐᑐᒃᓴᐅᔪᓐᓁᕐᐳᑦ ᑐᓂᕐᕈᓯᕐᑎᑦᓯᔨᐅᓗᑎᒃ, ᐃᑦᔪᕐᓁᑦᑐᖁᑎᓐᓄᓪᓗ ᓇᓪᓕᐊᓐᓄᓪᓘᓐᓃᑦ ᖃᒡᓕᔪᒃᓴᐅᔪᓐᓁᕐᐳᑦ ᐃᑦᔪᕐᓁᓐᓂᕐᐹᒧᓪᓗ ᐃᑎᕐᑐᒃᓴᐅᔪᓐᓁᕐᓗᑎᒃ; ᑲᓐᖑᓲᑎᒃᓴᒥᖕᓂᒡᓕ ᓇᔪᕐᑎᖃᓕᕐᐳᑦ, ᓇᕐᕈᓇᕐᑐᓂᒃ ᐱᓇᓱᐊᕐᐸᓚᐅᕐᓂᕐᒥᖕᓄᑦ.

ᕉᒪᒥᐅᓄᑦ 2:1

ᑍᒤᒻᒪᑦ ᐸᓯᔭᒃᓴᐅᖏᑦᔪᑎᒃᓴᖃᓐᖏᓚᑎᑦ, ᐊᓯᖕᓂᒃ ᐃᖅᑲᕐᑐᐃᔪᑎᑦ; ᐃᖅᑲᕐᑐᐃᑦᔪᑎᒋᔭᕐᓄᑦ ᐃᓕᖕᓂᒃ ᓇᖕᒥᓂᖅ ᐸᓯᔭᒃᓴᓐᖑᕐᑎᑉᐳᑎᑦ, ᐃᖅᑲᕐᑐᐃᑦᔪᑎᒋᔭᕐᓂᒃ ᑍᒫᓪᓗᐊᖅ ᐱᓇᓱᐊᕋᕕᑦ.

ᕉᒪᒥᐅᓄᑦ 3:19

ᒫᓐᓇ ᖃᐅᔨᒪᕗᒍᑦ ᐱᖁᔧᑦ ᐅᖃᐅᑦᔨᖕᒪᑕ ᐱᖁᔭᖃᕐᑐᓄᑦ, ᐃᓄᓕᒫᑦ ᑭᐅᑦᔪᑎᒃᓴᖃᖁᓇᒋᑦ, ᓯᓚᕐᔪᐊᕐᒥᐅᓕᒫᑦ ᐃᖅᑲᕐᑐᕐᑕᐅᓕᕐᐸᑕ ᒎᑎᒧᑦ.

ᕉᒪᒥᐅᓄᑦ 3:27

ᖃᓄᕐᓕ ᓂᕐᑐᕐᓇᐅᑎᒃᓴᖃᕐᐱᑖ? ᓂᕐᑐᕐᓇᐅᑎᒃᓴᖃᓐᖏᓚᒍᑦ. ᓱᓇ ᐱᑦᔪᑎᒋᓪᓗᒍ? ᐱᖁᔭᓂᒃ ᒪᓕᒋᐊᖃᕐᓂᖅ ᐱᑦᔪᑎᒋᓪᓗᒍ ᐅᖃᐅᓯᐅᓐᖏᓛᖅ? ᑍᒤᓐᖏᓚᖅ, ᐅᒃᐱᕐᓂᖅ ᐱᑦᔪᑎᒋᓪᓗᒍ.

ᕉᒪᒥᐅᓄᑦ 6:21

ᓱᓇᒥᒡᓕ ᑖᒃᑯᓇᓐᖓᑦ ᐱᕙᓪᓕᕈᑎᒃᓴᖃᕐᐱᓰ ᒫᓐᓇ ᑲᓐᖑᓇᕐᓂᕋᓕᕐᑕᑦᓯᓐᓂᒃ? ᑕᒪᒃᑯᐊ ᐃᓱᖃᕐᒪᑕ ᑐᖁᒥᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:7

ᑭᐊ ᐃᓅᖃᑎᖕᓂᑦ ᐊᔪᖏᓐᓂᕐᓴᐅᑎᑉᐹᑏᑦ? ᓱᓇᒥᒡᓕ ᐱᓯᒪᕕᑦ ᑐᓂᕐᕈᓯᐊᕆᓐᖏᑕᕐᓂᒃ? ᑐᓂᓯᕕᐅᓯᒪᒍᕕᑦ, ᓱᖕᒪᓪᓕ ᐃᓕᖕᓂᒃ ᓂᕐᑐᕐᐲᑦ? ᐱᓯᒪᔧᑦ ᑐᓂᕐᕈᓯᐊᕆᓯᒪᓐᖏᑕᕐᑐᑦ ᐱᓕᕐᓗᒎ?

ᒨᓯᓯ ᑕᓪᓕᒪᖏᑦ 32:43

ᓂᕐᑐᕐᓯᐅᒃ ᑖᑦᓱᒪ ᐃᓄᖁᑎᖏᑦ, ᐃᓅᖃᑎᒌᒡᔪᐊᖑᔪᓯ; ᓴᐳᑎᖕᒪᒋᑦ ᐱᔨᒥ ᐊᐅᖏᑦ, ᐊᑭᕋᕐᑐᕐᑎᓂ ᐊᑭᓂᐊᕐᕕᒋᖕᒪᒋᑦ, ᐃᓄᖁᑎᒥ ᓄᓇᖓ ᓴᓗᒻᒪᕐᓴᕐᒪᒍ.”