ᐃᓯᑭᐊᓕᐅᑉ ᐊᒡᓚᖏᑦ 16:53 - ᐊᒡᓔᑦ ᐃᑦᔪᕐᖕᓁᑦᑐᑦ

⁵³ “ᒪᑭᑎᒃᑲᓐᓂᕈᒫᕐᐸᒃᑲ ᓱᑑᒪ ᐸᓂᖏᓪᓗ, ᓴᒥᐊᕆᐊᑉ ᐸᓂᖏᓪᓗ, ᒪᑭᑎᒃᑲᓐᓂᕈᒫᕆᕙᑦᓯᑦᑕᐅᖅ ᑖᒃᑯᐊ ᐊᑯᕐᖓᓐᓂ.

ᐃᓯᑭᐊᓕᐅᑉ ᐊᒡᓚᖏᑦ 16:53 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 42:10

ᔫᐱᓕ ᑐᒃᓯᐅᑦᔨᔭᕇᕐᓯᒪᓕᕐᑎᓪᓗᒍ ᐃᓚᓐᓇᕆᔭᒥᓂᒃ, ᐊᑕᓂᐅᑉ ᒪᑭᑎᒃᑲᓐᓂᓕᓚᐅᕆᕚ ᐱᖁᑎᒋᓚᐅᕐᑕᖏᑕᓗ ᒪᕐᕈᐃᕐᑑᑎᓪᓗᐊᖏᓐᓂᒃ ᐱᑖᕐᑎᒃᑲᓐᓂᕐᓗᒍ.

ᐃᓐᖏᕈᑎᑦ 126:1

ᐊᑕᓂᐅᑉ ᐅᑎᕐᑎᒻᒪᑎᒍᑦ ᓮᐅᓂᒧᑦ, ᓯᓐᓇᒃᑑᒪᔪᑎᑐᑦ ᑍᒤᓚᐅᕐᐳᒍᑦ.

ᐃᓐᖏᕈᑎᑦ 14:7

ᐊᑏᑐᖅ, ᐃᓴᕆᐊᓕᑎᑦ ᐱᐅᓕᔭᐅᕕᒃᓴᖓ ᓮᐅᓂᒥᑦ ᐱᓗᓂ ᑎᑭᒋᐊᓕᕐᓕ! ᐊᑕᓂᐅᑉ ᐃᓄᖁᑎᓂ ᑎᒍᔭᐅᓯᒪᕕᖏᓐᓂᑦ ᐅᑎᕐᑎᓕᕐᐸᒋᑦ, ᑕᕝᕙ ᔧᑯ ᖁᕕᐊᓱᖕᓂᐊᕐᐳᖅ ᐃᓴᕆᐊᓕᓗ ᖁᕕᐊᓱᒡᓗᓂ.

ᐃᓐᖏᕈᑎᑦ 85:1

ᐊᑕᓃᖅ, ᓄᓇᖁᑏᑦ ᓮᒻᒪᕐᑎᓯᒪᓚᐅᕐᐸᑦ; ᐊᐅᓪᓚᕈᑦᔭᐅᓯᒪᔪᓪᓗ ᔧᑯᒃᑯᓐᓂᑦ ᐅᑎᕐᑎᓚᐅᕐᐸᑎᑦ.

ᐂᓮᐊᓯᐅᑉ ᐊᒡᓚᖏᑦ 1:9

ᐊᑕᓂᐅᑉ ᐊᔪᒐᖃᖏᑦᑑᑉ ᐃᓄᐃᑦ ᐃᓚᖏᓐᓂᒃ ᐊᒥᐊᒃᑯᖃᕐᑎᓚᐅᖏᑉᐸᑎᒍᑦ, ᓄᖑᑕᐅᓇᔭᓚᐅᕐᐳᒍᑦ ᓱᑑᒪᑐᑦ ᒍᒨᕋᒥᐅᑎᑐᓪᓗ.

ᔨᕆᒤᐊᐅᑉ ᐊᒡᓚᖏᑦ 12:16

ᑕᒪᑐᒪ ᑭᖑᕐᖓᒍᑦ, ᐊᒃᓱᕈᕐᓗᑎᒃ ᐃᓄᖁᑎᒪ ᐱᐅᓯᖏᓐᓂᒃ ᐃᓕᓐᓂᐊᕋᔭᕐᐸᑕ, ᐅᖃᕕᒍᑎᖃᕐᓗᑎᒡᓗ ᐊᑎᓐᓂ, ‘ᐊᑕᓂᖅ ᐃᓅᖕᒪᑦ,’ ᑍᒫᒃᑕᐅᖅ ᐃᓄᖁᑎᒃᑲ ᐃᓕᓐᓂᐊᕐᑎᓚᐅᕐᒪᒋᑦ ᐅᖃᕕᒡᕕᖃᖁᓪᓗᒋᑦ ᐰᓕᒧᑦ, ᑖᒃᑯᐊ ᒪᑭᑦᓱᒫᕐᐳᑦ ᐃᓄᖁᑎᒪ ᐊᑯᕐᖓᓐᓂ.

ᔨᕆᒤᐊᐅᑉ ᐊᒡᓚᖏᑦ 20:16

ᑍᓐᓇ ᐊᖑᑦ ᐃᒡᓗᒐᓴᒃᑎᑐᑦ ᐊᑕᓂᕐᒧᑦ ᓇᒡᓕᖕᓂᖃᕐᕕᐅᓇᑎᒃ ᐃᒋᑕᐅᓂᐊᕐᑐᑎᑐᑦ ᑍᒤᑕᐅᖁᕙᕋ, ᑍᒪᑐᖅ ᕿᐊᔪᓂᒃ ᑐᓴᒐᒃᓴᑐᐊᖃᕈᒫᕐᐳᖅ ᐅᓪᓛᑕᒫᑦ, ᐅᓇᑕᕆᐊᕐᑐᓂᒡᓗ ᑐᓴᒐᒃᓴᑐᐊᖃᕐᐸᒡᓗᓂ ᐅᓪᓘᑉ ᕿᑎᖓᓂ.

ᔨᕆᒤᐊᐅᑉ ᐊᒡᓚᖏᑦ 31:23

ᐃᒫᒃ ᑕᕝᕙ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ: “ᐊᐅᓪᓚᕈᑦᔭᐅᓯᒪᕕᒋᓚᐅᕐᑕᖏᓐᓂᑦ ᐅᑎᕐᑎᓯᒪᓕᕈᒃᑭᑦ, ᐃᓄᐃᑦ ᔫᑕᐅᑉ ᓄᓇᖓᓂ ᓄᓇᖃᓚᐅᕐᑐᑦ ᐅᖃᕈᓐᓇᕐᓯᔪᒫᕆᕗᑦ ᐃᒫᒃ, ‘ᐊᑕᓂᐅᑉ ᓮᒻᒪᕐᑎᓪᓕᓯ, ᓄᓇᖃᕐᑐᓯ ᐃᓱᐊᕐᑐᓕᓂᕐᒥ, ᖃᖅᑲᒦᑦᑐᑦ ᐃᑦᔪᕐᓁᑦᑐᒥ.’

ᔨᕆᒤᐊᐅᑉ ᐊᒡᓚᖏᑦ 46:27

“ᓯᕘᕋᓂᐊᕋᓯ ᐃᓄᖁᑎᒃᑲ, ᑲᒪᓂᐊᕈᑎᒋᓇᒍᓗ ᐃᓴᕆᐊᓕᒥᐅᖑᔪᓯ ᐅᖓᓯᒃᑐᒥᑦ ᐱᐅᓕᔭᕐᑐᕈᒫᕐᐸᑦᓯ, ᑭᖑᕚᓯᓗ ᐊᐅᓪᓚᕈᑦᔭᐅᓯᒪᕕᒋᔭᖏᓐᓂᑦ. ᔧᑯᒃᑯᑦ ᐅᑎᕈᒫᕐᐳᑦ ᓮᒪᓇᕐᑐᒥᒃ ᐃᓂᖃᑦᓯᐊᕐᓇᕐᑐᒥᒡᓗ ᓄᓇᖃᓕᕈᒫᕆᕗᑦ, ᓯᕘᕋᓵᕐᑎᖃᕈᓐᓃᕐᓗᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 48:47

“ᑭᓯᐊᓂᓕ ᑍᒤᒐᓗᐊᕐᑎᓪᓗᒍ ᒧᐊᐱᒥᐅᑦ ᐱᔪᓐᓇᕐᓯᑎᑦᓯᐊᕈᒫᕆᕙᒃᑲ ᐅᓪᓗᓂ ᕾᔪᒫᕐᑐᓂ, ᐊᑕᓂᖅ ᐅᖃᕐᐳᖅ, ᑕᒪᓐᓇ ᒧᐊᐱᒥᐅᑦ ᐃᖅᑲᕐᑐᕐᑕᐅᓂᖓᑕ ᐃᓱᒋᕚ.”

ᔨᕆᒤᐊᐅᑉ ᐊᒡᓚᖏᑦ 49:39

ᑍᒤᓕᐅᕋᓗᐊᕐᑎᓪᓗᒋᑦ ᐃᓛᒥᐅᑦ ᐱᔪᓐᓇᕐᓯᑎᑦᓯᐊᕈᒫᕆᕙᒃᑲ, ᐅᓪᓗᓂ ᑎᑭᑦᓱᒫᕐᑐᓂ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 49:6

“ᑕᒪᑐᒪᓕ ᑭᖑᓂᖓᒍᑦ ᐊᒧᓁᑎᒥᐅᑦ ᐱᔪᓐᓇᕐᓯᑎᑦᓯᐊᕈᒫᕆᕙᒃᑲ, ᐊᑕᓂᖅ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 16:52

ᑲᓐᖑᓇᕐᑐᒦᓐᓂᓯ ᕿᓄᐃᓵᕈᑎᒋᔭᕆᐊᖃᕐᐸᓯ, ᐊᔪᕐᑐᓕᓂᓯ ᖃᑕᓐᖑᑎᑦᓯᓐᓂᑦ ᓇᕐᕈᓇᕐᓂᕐᓴᐅᓂᖓᓄᑦ ᐸᓯᔭᒃᓴᐅᖏᓐᓂᕐᓴᐅᕗᑦ ᐃᓕᑦᓯᓐᓂᑦ; ᑲᓐᖑᓲᑎᒃᓴᐅᕗᖅ ᑕᒪᓐᓇ, ᑲᓐᖑᓇᕐᓂᖓᓗ ᐊᑐᕆᐊᖃᕐᐸᓯ, ᖃᑕᓐᖑᑎᓯ ᐃᓱᐊᕐᑐᓕᔪᑎᑐᑦ ᐃᓅᓯᖃᕐᑑᔮᓕᕐᑎᓐᓇᑦᓯᐅᒃ.”

ᐃᓯᑭᐊᓕᐅᑉ ᐊᒡᓚᖏᑦ 16:54

ᑲᓐᖑᓇᕐᑐᒦᓐᓂᕐᒥᒃ ᐊᑐᕆᐊᖃᕈᒫᕐᐳᓯ ᐱᓂᐊᕐᓂᕆᓚᐅᕐᑕᓕᒫᑦᓯᓐᓂᒃ ᑲᓐᖑᓲᑎᖃᓕᕈᒫᕋᑦᓯ, ᖃᑕᓐᖑᑎᓯ ᐱᑦᓯᐊᕐᓂᕐᓴᐅᓂᕐᒥᖕᓄᑦ ᐃᒻᒥᖕᓂᒃ ᐅᐱᒋᓕᕈᒫᕐᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 26:6

ᓄᓁᓐᓇᕐᒦᑦᑐᑦ ᓴᕕᒡᔪᐊᒧᑦ ᑐᖁᕋᕐᑕᐅᔪᒫᕐᐳᑦ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ.

ᐃᓯᑭᐊᓕᐅᑉ ᐊᒡᓚᖏᑦ 29:14

ᐄᑦᔨᑉᑎᒥᐅᓪᓗ ᐅᑎᕐᑎᑦᓱᕐᐸᒃᑲ, ᓄᓇᖃᓕᕈᒫᕐᐳᓪᓗ ᓄᓇᒥ ᐹᑦᑐᕉᓯᒥ, ᓄᓇᑐᖃᕆᓚᐅᕐᑕᒥᖕᓂ, ᑕᕝᕙᓂᓗ ᐊᖓᔪᖅᑲᐅᕕᖓᑦ ᐊᖏᔫᔪᒫᓐᖏᓚᖅ.

ᐃᓯᑭᐊᓕᐅᑉ ᐊᒡᓚᖏᑦ 39:25

“ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᒫᓐᓇ ᔧᑰᑉ ᑭᖑᕚᖏᑦ ᐅᑎᕐᑎᓐᓂᐊᕐᐸᒃᑲ, ᐃᓴᕆᐊᓕᐅᓪᓗ ᑭᖑᕚᓕᒫᖏᑦ ᓈᒃᑭᒋᓂᐊᕐᐸᒃᑲ; ᐊᑎᕋᓗ ᐃᑦᔪᕐᓁᑦᑐᖅ ᓯᖕᓇᒋᓂᐊᕐᐸᕋ.

ᔪᐃᓕᐅᑉ ᐊᒡᓚᖏᑦ 3:1

“ᑕᑯᒋᑦᓯ ᐅᓪᓗᐃᑦ ᑍᒃᑯᐊ ᓇᓪᓕᐅᑎᒃᐸᑕ, ᔨᕉᓴᓕᒥᑦ ᔫᑕᒥᓪᓗ ᐊᓯᐅᔨᔭᐅᓯᒪᔪᑦ ᐅᑎᕐᑎᑦᓱᒫᕐᐸᒃᑲ.