ᐃᓯᑭᐊᓕᐅᑉ ᐊᒡᓚᖏᑦ 16:43 - ᐊᒡᓔᑦ ᐃᑦᔪᕐᖕᓁᑦᑐᑦ

⁴³ ᐃᖅᑲᐅᒪᔪᓐᓁᕋᑦᓯᐅᒃ ᐃᓅᓱᒃᑑᑎᓪᓗᓯ ᐱᐅᓯᕆᓚᐅᕐᑕᓯ, ᓂᓐᖓᒃᑎᓚᐅᕋᑦᓯᓐᖓ ᑕᒪᒃᑯᓂᖓ ᐱᐅᖏᑦᑐᓂᒃ ᐱᓂᐊᕐᓂᑦᓯᓐᓄᑦ; ᑍᒤᒻᒪᑦ ᑕᑯᒋᑦ, ᐱᓂᐊᕐᓂᕆᓚᐅᕐᑕᑦᓯᓐᓄᑦ ᐊᑭᓂᐊᕐᕕᒋᔪᒫᕐᐸᑦᓯ, ᐊᑕᓂᖅ ᒎᑎ ᐅᖃᕐᐳᖅ. “ᓱᖕᒪᑦ ᐃᒃᓯᒎᕐᓂᖅ ᐃᓚᐅᑎᓐᓇᓱᓚᐅᕐᐱᓯᐅᒃ ᓇᕐᕈᓇᕐᑐᓕᓂᑦᓯᓐᓄᑦ?”

ᐃᓯᑭᐊᓕᐅᑉ ᐊᒡᓚᖏᑦ 16:43 ပူးပေါင်းရင်းမြစ်များ

ᐃᓐᖏᕈᑎᑦ 106:13

ᑖᑦᓱᒪᓕ ᐱᓂᐊᕐᓂᖏᑦ ᐳᐃᒍᑦᓴᐅᑎᒋᓚᐅᕆᕔᑦ; ᐱᓇᓱᐊᓕᓚᐅᕆᕗᑦ ᑖᑦᓱᒥᖓ ᖃᐅᔨᒋᐊᕐᕕᖃᓚᐅᕋᑎᒃ.

ᐃᓐᖏᕈᑎᑦ 78:40

ᐊᑯᓔᑦᑐᒥᒃ ᐊᑭᕋᕐᑐᖃᑦᑕᓚᐅᕐᐹᑦ ᐃᓄᖃᖏᑦᑐᒥ, ᕿᒃᓵᑎᑉᐸᒡᓗᒍᓗ ᓱᓇᖃᔪᐃᑦᑐᒥ!

ᐃᓐᖏᕈᑎᑦ 78:42

ᐱᔪᓐᓇᕐᓂᖓ ᐃᖅᑲᐅᒪᓚᐅᖏᓐᓇᒥᑦᔪᒃ; ᐅᕝᕙᓗ ᐅᓪᓗᐃᑦ ᐃᓚᖏᓐᓂ ᐊᑭᕋᒥᖕᓂᑦ ᓴᐳᑎᔭᐅᓚᐅᕐᓯᒪᓂᕐᒥᖕᓂᒃ.

ᐃᓐᖏᕈᑎᑦ 95:10

ᐊᕐᕌᒍᓂᒃ 40ᓂᒃ ᐃᓅᖃᑎᒌᑦ ᑍᒃᑯᐊ ᖁᕕᐊᓱᖏᑦᔪᑎᒋᓚᐅᕐᐸᒃᑲ, ᐅᖃᕐᓗᖓᓗ, “ᑖᒃᑯᐊ ᐃᓅᕗᑦ ᐆᒻᒪᑎᖏᑦ ᑕᒻᒪᕐᓯᒪᔪᑦ, ᐊᑐᕐᑕᐅᖁᔭᒃᑲᓗ ᖃᐅᔨᒪᓇᒋᑦ.”

ᐂᓮᐊᓯᐅᑉ ᐊᒡᓚᖏᑦ 63:10

ᐊᑭᕋᕐᑐᓕᖃᑦᑕᓚᐅᕐᐳᓪᓕ, ᐊᓂᕐᓂᖓᓗ ᐃᑦᔪᕐᓁᑦᑐᖅ ᕿᒃᓵᒃᑎᓪᓗᒍ, ᑍᒤᒻᒪᑦ ᓇᖕᒥᓂᖅ ᓵᓐᖓᓕᓚᐅᕐᐰᑦ ᐊᑭᕋᕐᑐᕐᑎᑎᑐᑦ, ᓇᖕᒥᓂᕐᓗ ᐅᓇᑕᕐᓕᕐᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 2:32

ᐊᕐᓇᐅᑉ ᐃᓅᓱᒃᑑᑉ ᐱᐅᓴᐅᑎᓂ ᐳᐃᒍᕈᓐᓇᕐᐸᒌᑦ? ᐅᐃᑖᕐᓂᐊᓕᕐᑐᕐᓗ ᐊᓐᓄᕌᓂ ᑲᑎᑎᑕᐅᔪᕐᓯᐅᑏᑦ ᐳᐃᒍᕈᓐᓇᕐᐸᒌᑦ? ᐃᓄᖁᑎᒪᓕ ᐳᐃᒍᕐᓯᒪᓕᕐᐹᖓ ᐅᓪᓗᑦ ᐊᒡᓛᑦ ᓈᓴᕐᓗᒋᑦ ᐳᐃᒍᕐᓯᒪᓂᖏᑦ ᐅᓄᓗᐊᓕᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 11:21

ᐅᖓᒋᔭᖃᕐᑐᓪᓕ ᐱᐅᖏᑦᑐᓂᒃ ᒎᑎᒧᓪᓗ ᓇᕐᕈᓇᕐᑐᓂᒃ, ᐊᑭᓂᐊᕈᒫᕐᐸᒃᑲ ᐱᓂᐊᕐᓂᖏᑦ ᒪᓕᒡᓗᒋᑦ. ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 16:22

ᑕᒪᒃᑯᓂᖓ ᓇᕐᕈᓇᕐᑐᓕᕆᑎᓪᓗᑎᑦ ᐊᖑᓐᓂᐊᕐᑎᓪᓗᑎᓪᓗ ᓄᑕᕋᐅᓂᕆᓚᐅᕐᑍᑦ ᐃᖅᑲᐅᒪᓐᖏᓚᑦ, ᐊᓐᓄᕌᖃᕋᑎᑦ ᐊᓈᓇᖕᓂᑦ ᐊᓂᖃᑎᖕᓂ ᐊᐅᖕᒥ ᓂᒪᑐᐃᓐᓇᓚᐅᕐᓃᑦ.”

ᐃᓯᑭᐊᓕᐅᑉ ᐊᒡᓚᖏᑦ 16:58

ᑕᒪᓐᓇ ᓱᒋᐊᕐᑕᐅᓂᓯ ᐊᑐᕆᐊᖃᕐᐸᓯ ᐃᒃᓯᒎᖃᑦᑕᓚᐅᕋᑦᓯ ᓇᕐᕈᓇᕐᑐᓕᓪᓗᓯᓗ. ᐊᑕᓂᖅ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 17:19

“ᑍᒤᒻᒪᑦ ᐊᑕᓂᖅ ᒎᑎ ᐅᖃᕐᐳᖅ: ᐅᕙᖓ ᐆᒪᓪᓗᖓ ᒎᑎᐅᒐᒪ, ᐅᖃᕕᒍᑎᒋᓯᒪᔭᓐᓂᒃ ᓇᕐᕈᓕᓚᐅᕐᒪᑦ, ᐊᖏᖃᑎᒌᒍᑎᒋᓯᒪᔭᑦᑎᓐᓂᒡᓗ ᓯᖁᒥᑦᑎᓯᒪᓪᓗᓂ, ᐱᓂᐊᕐᓂᖓ ᒪᓕᒡᓗᒍ ᐊᑭᔪᒫᕐᐸᕋ.

ᐃᓯᑭᐊᓕᐅᑉ ᐊᒡᓚᖏᑦ 22:31

ᑍᒤᒻᒪᑦ ᓂᓐᖓᒡᕕᒋᓯᒪᓕᕐᐸᒃᑲ; ᓄᖑᓯᒪᓕᕐᐸᒃᑲᓗ ᓂᓐᖓᐅᓯᕐᒪ ᐃᑯᒪᖓᓄᑦ; ᐱᓂᐊᕐᓂᕆᓯᒪᔭᖏᑦ ᐊᑭᓕᕐᓗᒋᑦ, ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 6:9

“ᐃᓕᑦᓯ ᐊᓐᓇᒃᓯᒪᔪᓯ ᐃᖅᑲᕈᒫᕐᐸᑦᓯᓐᖓ ᐃᓅᖃᑎᒌᒡᔪᐊᓃᓕᕐᑎᓪᓗᓯ ᐊᐅᓪᓚᕈᑦᔭᐅᓯᒪᕕᒋᔭᑦᓯᓐᓂ, ᐃᓱᒪᕐᓱᕈᒪᓂᓯ ᓯᖁᒥᑎᒍᒃᑭᑦ ᐅᕙᓐᓂᒃ ᕿᒤᑦᔪᑎᒋᓚᐅᕐᑕᓯ, ᑕᐅᑐᖏᑦᔪᑎᒋᓚᐅᕐᑕᑦᓯᓐᓂᒡᓗ ᒎᑎᓐᖑᐊᖃᕈᒪᓂᕐᒧᑦ; ᐃᓕᑦᓯᓐᓄᑦ ᓇᕐᕈᓇᕐᓯᔪᒫᕐᒪᑕ ᐊᒡᓛᑦ ᑕᑯᑐᐃᓐᓇᕐᓗᒋᑦ ᐊᔪᕐᑐᓕᑦᔪᑎᒋᓯᒪᔭᓯ, ᒎᑎᒧᓪᓗ ᑕᒪᕐᒥᒃ ᓇᕐᕈᓇᕐᑑᓂᖏᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 9:10

ᐅᕙᖓᑦᑕᐅᖅ ᓇᒡᓕᒋᓗᒋᑦ ᑕᑯᓐᓇᕐᓂᐊᕈᓐᓃᕐᐸᒃᑲ, ᓂᑲᒋᓂᐊᕈᓐᓃᕐᓗᒋᓪᓗ, ᐊᑭᓂᐊᕐᕕᒋᓂᐊᓕᕐᐸᒃᑲ ᐱᓂᐊᕐᓂᖏᑦ ᒪᓕᒡᓗᒋᑦ.”

ᑖᓂᐊᓕᐅᑉ ᐊᒡᓚᖏᑦ 9:13

ᑎᑎᕋᕐᓯᒪᔪᑦ ᒨᓯᓯᐅᑉ ᐱᖁᔭᖏᓐᓂ ᒪᓕᒡᓗᒋᑦ, ᐱᓂᐊᕐᕕᐅᓯᒪᒐᑦᑕ ᖁᕕᐊᓇᖏᑦᑐᓂᒃ, ᑍᒤᒃᑲᓗᐊᕐᑎᓪᓗᒍ ᐊᑕᓂᖅ ᒎᑎᕗᑦ ᕿᓂᓚᐅᓐᖏᓚᕗᑦ ᐊᔪᕐᓂᑦᑎᓐᓂᒡᓗ ᕿᒤᓇᑕ ᓱᓕᑦᓯᐊᕐᓃᑦ ᑲᒪᒋᓚᐅᖏᓐᓇᑦᑎᒍ.

ᑖᓂᐊᓕᐅᑉ ᐊᒡᓚᖏᑦ 9:14

ᐊᑕᓂᐅᑉ ᐱᐅᖏᑦᑐᒧᑦ ᑲᑉᐱᐊᓇᕐᑐᒧᑦ ᐅᑕᕿᓇᓂ ᑎᑭᑎᓚᐅᕐᐹᑎᒍᑦ, ᐊᑕᓂᖅ ᒎᑎ ᐃᓱᐊᕐᑑᖕᒪᑦ ᖃᓄᐃᓕᐅᕐᑕᓕᒫᒥᓂ; ᐅᕙᒍᓪᓕ ᓈᓚᓚᐅᖏᓚᕗᑦ.

ᐂᒨᓯᐅᑉ ᐊᒡᓚᖏᑦ 2:13

ᑕᑯᒋᑦ, ᐊᕐᑐᕐᓴᕐᑎᓐᓂᐊᕐᐸᑦᓯ ᐅᓂᐊᒐᐅᑉ ᐅᖁᒤᓐᓂᖓᑐᑦ ᑕᑕᑦᑐᑎᑐᑦ ᓂᐊᖂᔭᒃᓴᒥᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 7:51

ᓯᑎᐹᓇᓯ ᓱᓕ ᐅᖃᕐᐳᖅ, “ᓯᑎᔪᐊᓘᔪᓯ, ᑐᓴᕈᓐᓇᖏᑦᑐᐊᓘᓪᓗᓯ ᓈᓚᒍᓐᓇᖏᑦᑐᐊᓘᕗᓯ ᒎᑎᖃᖏᑦᑐᑎᑐᑦ, ᑍᒪᓐᖓᑦ ᐊᑭᕋᕐᑐᕐᑐᓯ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᓯᕗᓕᕕᓂᑦᓯᑐᑦ.

ᐃᐱᓯᒥᐅᓄᑦ 4:30

ᒎᑎᐅᓪᓗ ᐊᓂᕐᓂᖓ ᐃᑦᔪᕐᓁᑦᑐᖅ ᕿᒃᓵᒃᑎᓐᓂᐊᕋᓯᐅᒃ, ᑖᑦᓱᒧᖓ ᓇᓗᓁᒃᑯᓯᕐᑕᐅᓯᒪᒐᑦᓯ ᐅᓪᓗᒧᑦ ᐱᐅᓕᔭᐅᕕᒃᓴᒧᑦ.

ᒨᓯᓯ ᑕᓪᓕᒪᖏᑦ 32:21

ᒎᑎᓐᖑᐊᖏᓐᓄᑦ ᓂᓐᖓᒃᑎᑕᐅᕗᖓ ᓯᖕᓇᕗᖓ ᒎᑎᐅᓂᕋᕐᑕᖏᓐᓄᑦ ᓱᓕᖏᑦᑐᓄᑦ, ᒎᑎᓪᓚᕆᐅᖏᑦᑐᓂᒃ ᒎᑎᖃᕋᓱᖕᒪᑕ. ᑍᒤᒻᒪᑦ ᐃᓅᖃᑎᒌᒡᔪᐊᓂᒃ ᐊᑐᕐᓗᖓ ᓂᓐᖓᒃᓴᕐᓂᐊᕐᐸᒃᑲ; ᐃᓅᖃᑎᒌᒡᔪᐊᓄᑦ ᓯᓔᑦᑐᓄᑦ ᓯᖕᓇᓕᕐᑎᓐᓂᐊᕐᐸᒃᑲ.