ᐃᓯᑭᐊᓕᐅᑉ ᐊᒡᓚᖏᑦ 16:37 - ᐊᒡᓔᑦ ᐃᑦᔪᕐᖕᓁᑦᑐᑦ

³⁷ ᑍᒤᒻᒪᑦ ᑕᑯᒋᑦ, ᑍᒤᑦᑐᒥᒃ ᐃᓕᖅᑯᓯᖃᕐᓂᑦᓯᓐᓄᑦ ᐅᖓᒋᔭᕐᑖᕆᖃᑦᑕᕐᑕᓯ ᑲᑎᕐᓱᕈᒫᕐᐸᒃᑲ, ᐊᓕᐊᓁᒋᖃᑦᑕᕐᓯᒪᔭᓯ, ᐱᐅᒋᖃᑦᑕᕐᓯᒪᔭᓯ ᓇᕐᕈᒋᖃᑦᑕᕐᓯᒪᔭᓯᓗ; ᑲᑎᕐᓱᕈᒫᕐᐸᒃᑲ ᐃᓕᑦᓯᓐᓂᒃ ᐊᑭᕋᕐᑐᓕᖁᓪᓗᒋᑦ ᐊᕙᑎᓕᒫᑦᓯᓐᓂᑦ ᐃᓗᒪᔭᐅᓕᕐᓗᓯ, ᑖᒃᑯᓇᓐᖓᓪᓗ ᐊᓐᓄᕅᔭᕐᑕᐅᔪᒫᕐᐳᓯ ᓱᓇᑕᖃᕈᓐᓃᕐᓗᓯ, ᑕᑯᔭᐅᖁᓪᓗᓯ.

ᐃᓯᑭᐊᓕᐅᑉ ᐊᒡᓚᖏᑦ 16:37 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 47:3

ᐊᓐᓄᕅᓐᖔᕐᑎᓪᓗᑎᑦ ᑕᑯᔭᐅᔪᒫᓕᕐᐳᑎᑦ, ᑲᓐᖑᓇᕐᓃᓪᓗ ᐅᓕᒃᓯᒪᔪᒫᓐᖏᓚᖅ; ᐊᑭᓂᐊᕈᒫᕋᒪ ᑭᓇᒥᒡᓘᓐᓃᑦ ᓂᑲᒍᓱᖕᓂᐊᕐᓇᖓ.

ᔨᕆᒤᐊᐅᑉ ᐊᒡᓚᖏᑦ 13:22

ᐆᒻᒪᑎᑦᓯᓐᓂ ᐅᖃᕈᒫᕐᐳᓯ, ᓱᖕᒪᑦ ᑍᒤᑦᑐᒦᑉᐱᑖ? ᐅᓄᕐᑐᓂᒃ ᐊᔪᕐᑐᓕᓯᒪᓂᑦᓯᓐᓄᑦ ᑍᒤᑉᐳᓯ ᖁᓄᔪᕐᓂᐊᕐᑕᐅᔪᑎᑐᑦ ᐊᓐᓄᕌᑎᑦ ᐲᔭᕐᑕᐅᖕᒪᑕ ᐋᓐᓂᕐᓯᕐᑕᐅᓪᓗᑎᓪᓗ.

ᔨᕆᒤᐊᐅᑉ ᐊᒡᓚᖏᑦ 13:26

ᐊᓐᓄᕌᓯ ᐲᔭᕐᓗᒋᑦ ᑮᓇᑦᓯᓐᓄᑦ ᒪᑑᑎᒋᔪᒫᕐᐸᒃᑲ, ᑲᓐᖑᒋᔭᓯ ᑕᑯᔭᐅᖁᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 22:20

“ᒪᔪᕋᕆᑦ ᓕᐸᓇᓂᒧᑦ, ᕾᒐᓛᕆᑦ ᐹᓴᓂᒥ, ᕾᒐᓛᕆᓪᓗ ᐊᐸᕅᒥ, ᐃᑲᔪᕐᑎᒋᓂᐊᕋᓱᒋᓚᐅᕐᑕᑎᑦ ᓄᖑᑕᐅᖕᒪᑕ.

ᔨᕆᒤᐊᐅᑉ ᐊᒡᓚᖏᑦ 4:30

ᓱᓇᒥᒃ ᐱᓇᓱᐊᓕᕐᐲᑦ? ᐃᓕᑦᓯ ᐃᓅᕕᒃᓴᖃᕈᓐᓃᕐᑐᓯ! ᓱᖕᒪᑦ ᐊᐅᐸᕐᑐᓂᒃ ᐱᐅᔪᓂᒃ ᐊᓐᓄᕌᕐᑐᕐᐱᓰ? ᐱᐅᓴᐅᑎᓂᒡᓗ ᐊᑎᓯᓪᓗᓰ? ᐃᔨᓯᓗ ᕿᕐᓂᕐᓯᓕᕐᓗᓯᐅᒃ? ᐱᐅᔫᔪᒪᒐᓗᐊᕐᐳᓯ, ᐅᖓᒋᓚᐅᕐᑕᑦᓯᓕ ᐱᐅᒋᔪᓐᓃᕐᐹᓯ ᑐᖁᑦᓱᒪᓕᕐᐹᓯᓕ ᐊᒡᓛᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:19

ᑕᐱᕆᖃᑦᑕᓚᐅᕐᑕᒃᑲ ᐃᑲᔪᕐᑎᒋᔪᒪᒐᓗᐊᕋᒃᑭᑦ, ᐊᕕᑉᐹᖓ, ᑐᓂᕐᕈᓯᕐᑎᑦᓯᔨᖁᑎᒃᑲ ᐊᖓᔪᖅᑳᖁᑎᒃᑲᓗ ᐱᕐᓕᕋᕐᐳᑦ, ᐃᒡᓗᒐᓴᒡᔪᐊᓂ ᕿᓂᕋᓗᐊᕐᓗᑎᒃ ᓂᕿᒃᓴᒥᖕᓂᒃ ᐃᓅᑦᔪᑎᒋᓂᐊᕐᑕᒥᖕᓂᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:8

ᔨᕉᓴᓕᒥᐅᑦ ᐊᔪᕐᑐᓕᓚᐅᕐᒪᑕ ᕿᒃᓵᖕᓇᕐᑐᒥᒃ ᒥᑕᐅᑎᒃᓴᑐᐃᓐᓇᐅᓕᕐᐳᑦ, ᐅᐱᒍᓲᑎᖃᓚᐅᕐᑐᓕᒫᑦ ᒫᓐᓇ ᓇᕐᕈᓕᕐᐳᑦ, ᓱᓇᖃᖏᓐᓂᖓ ᑕᑯᓕᕋᒥᑦᔪᒃ, ᓇᖕᒥᓂᕐᓗ ᐋᓐᓂᐊᑎᑉᐳᑦ ᑲᓐᖑᓱᒃᓗᑎᒡᓗ.

ᐃᓯᑭᐊᓕᐅᑉ ᐊᒡᓚᖏᑦ 16:57

ᐱᐅᖏᑦᑐᓕᓂᓯ ᓴᖅᑭᑎᑕᐅᓚᐅᖅᑳᕐᑎᓐᓇᒋᑦ, ᑖᓐᓇ ᐊᑦᔨᒋᓕᕐᐸᓯ ᒥᑕᐅᑎᒋᔭᒃᓴᑐᐃᓐᓇᐅᓕᕐᐳᓯ ᐄᑐᒥᐅᑉ ᐸᓂᖏᓐᓄᑦ ᐃᓅᖃᑎᓕᒫᖏᓐᓄᓪᓗ, ᐱᓕᔅᑍᓂᒥᐅᓪᓗ ᐸᓂᖏᓐᓄᑦ ᖃᓂᒋᔭᖏᓐᓃᑦᑐᓄᓪᓗ ᐃᓕᑦᓯᓐᓂᒃ ᓇᕐᕈᔪᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 23:17

ᑲᐅᓪᑎᐊᒥᐅᓪᓗ ᑎᑭᑉᐳᑦ ᑖᓐᓇ ᐃᓐᓇᖓᖃᑎᒋᔭᕐᑐᕐᓗᒍ, ᐃᒃᓯᒎᕐᓂᒃᑯᓪᓗ ᓇᕐᕈᓇᕐᓯᑎᑕᐅᓚᐅᕐᐳᖅ; ᑭᖑᓂᖓᒍᑦ ᑖᒃᑯᓄᖓ ᓴᓗᒤᓕᑎᑕᐅᒐᒥ, ᑐᓄᓚᐅᕐᐰᑦ ᓇᕐᕈᒋᓕᕐᓗᒋᑦ.

ᕼᐆᓯᐊᑉ ᐊᒡᓚᖏᑦ 2:10

ᒫᓐᓇ ᐊᓐᓄᕅᔭᕐᓂᐊᓕᕐᐸᕋ ᑲᓐᖑᒋᔭᖏᑦ ᓴᖅᑭᔮᓕᕐᓗᑎᒃ ᐱᖃᑎᒋᕙᓚᐅᕐᑕᖏᑦ ᑕᑯᓐᓇᕐᑎᓪᓗᒋᑦ, ᑭᓇᒧᓪᓘᓐᓃᑦ ᓴᐳᑎᔭᐅᔪᓐᓇᕐᓂᐊᓐᖏᓚᖅ ᐱᔪᓐᓇᕐᓂᓐᓂᑦ.

ᕼᐆᓯᐊᑉ ᐊᒡᓚᖏᑦ 2:3

ᑐᓴᖏᑉᐸᑦ, ᐊᓐᓄᕅᔭᕐᓂᐊᕐᐸᕋ ᐊᓐᓄᕌᖃᕈᓐᓁᖁᓪᓗᒍ ᐃᓅᓕᓵᕐᓂᕆᓚᐅᕐᑕᒥᑐᑦ, ᐸᓂᕐᑎᓐᓂᐊᕐᐸᕋ ᓄᓇᑐᑦ ᓱᓇᖃᖏᑦᑐᑎᑐᑦ, ᐃᒥᕈᓕᕐᑎᓐᓂᐊᕐᐸᕋᓗ ᓄᓇᑐᑦ ᐸᓂᕐᑐᑐᑦ, ᑐᖁᓂᐊᕐᐳᕐᓗ ᖀᓪᓗᓂ.

ᕼᐆᓯᐊᑉ ᐊᒡᓚᖏᑦ 8:10

ᐃᓇᑦᓯᓚᐅᕋᓗᐊᕐᐳᑦ ᐃᓚᑖᕈᒪᓪᓗᑎᒃ ᐃᓅᖃᑎᒌᒡᔪᐊᓂᑦ, ᑲᑎᕐᓱᕐᓂᐊᕐᐸᒃᑲᓕ ᒫᓐᓇᑦᓴᐅᑎᒋᒃᑯᑦ. ᕿᒃᓵᒃᑎᑕᐅᑬᓐᓇᕈᒫᕐᐳᓪᓕ ᐊᖓᔪᖅᑳᕐᔪᐊᕐᒧᑦ ᑎᓕᔭᐅᓯᒪᔪᒧᑦ ᐊᖓᔪᖅᑳᖁᑎᖏᓐᓄᓪᓗ ᐅᖁᒤᒃᓴᕐᑎᑕᐅᓕᕈᑎᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:16

ᓇᒡᔪᐃᓪᓗ ᖁᓖᑦ ᑕᑯᓯᒪᔭᑎᑦ, ᑖᒃᑯᐊ ᐆᒪᔪᐊᓗᒡᓗ ᐊᕐᓇᖅ ᐊᖑᓐᓂᐊᕐᑎ ᐊᑭᕋᕐᑐᓕᕈᒫᕐᐹᑦ; ᐱᒋᔭᓕᒫᖏᓐᓂᒡᓗ ᐱᖁᑍᒍᑎᔪᒫᕐᐹᑦ ᐊᓐᓄᕌᖃᕈᓐᓃᕐᑎᓪᓗᒍᓗ ᕿᒪᒍᒫᕐᐹᑦ, ᑎᒥᖓᓗ ᓂᕆᔪᒫᕐᐹᑦ ᐃᑯᒪᒧᓪᓗ ᓄᖑᑕᐅᑎᓪᓗᒍ,