ᐃᓯᑭᐊᓕᐅᑉ ᐊᒡᓚᖏᑦ 16:32 - ᐊᒡᓔᑦ ᐃᑦᔪᕐᖕᓁᑦᑐᑦ

³² ᐊᓯᓐᓂᐊᕐᑎᐅᕗᓯ ᐊᕐᓇᑐᑦ ᓂᐅᕐᕈᐊᓂᒃ ᐱᖃᑎᖃᖃᑦᑕᕐᑐᑎᑐᑦ ᐅᐃᒥᖕᓂᒃ ᑲᒪᖏᑦᑐᑎᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 16:32 ပူးပေါင်းရင်းမြစ်များ

ᓲᓗᒨᓂᐅᑉ ᐅᖃᓪᓚᖕᓂᖏᑦ 7:19

ᐅᐃᒐ ᐊᖏᕐᕋᕐᓯᒪᖏᒻᒪᑦ, ᐊᐅᓪᓚᕐᓯᒪᖕᒪᑦ ᐅᖓᓯᒃᑐᒧᑦ.

ᔨᕆᒤᐊᐅᑉ ᐊᒡᓚᖏᑦ 2:25

ᐅᓪᓚᖕᓂᕐᒧᑦ ᑲᒦᕈᑎᑦᑍᓕᒋᑦ, ᐃᒡᒋᐊᓪᓗ ᐸᓂᕐᑍᓕᓕ, ᐅᖃᕐᐳᑎᓪᓕ, ᑲᓄᐃᖏᑦᑐᖅ, ᐃᓅᖃᑎᑐᖃᕆᓐᖏᑕᑦᑕ ᒎᑎᖏᓐᓂᒃ ᐅᖓᒐᒪ ᑖᒃᑯᐊ ᒪᓕᖕᓂᐊᕐᐸᒃᑲ.

ᔨᕆᒤᐊᐅᑉ ᐊᒡᓚᖏᑦ 2:28

“ᒎᑎᓯᓕ ᓴᓇᓚᐅᕐᑕᓯ ᓇᓃᒻᒪᑖ? ᐊᑲᐅᖏᑦᑐᒦᓕᕐᑎᓪᓗᓯ ᐱᐅᓕᓯᔪᓐᓇᕐᐸᑕ ᑍᒃᑯᐊ ᕾᓚᐅᕐᓕᑦ! ᒎᑎᖃᕐᐳᓯ ᓄᓇᓕᖁᑎᑦᓯᑐᑦ ᐅᓄᕐᑎᒋᔪᓂᒃ ᔫᑕᒥᐅᑕᐅᔪᓯ.

ᔨᕆᒤᐊᐅᑉ ᐊᒡᓚᖏᑦ 3:1

ᐊᖑᑦ ᓄᓕᐊᒥᓂᒃ ᐊᕕᑦᑎᒃᐸᑦ ᐊᕐᓇᐅᓪᓗ ᐅᐃᒋᓚᐅᕐᑕᓂ ᕿᒪᒡᓗᒍ ᐊᓯᐊᓂᒡᓗ ᐅᐃᓂᒡᓗᓂ, ᐅᐃᒋᓚᐅᕐᑕᖓᑕ ᐅᑎᕐᕕᒋᔭᕆᐊᖃᕐᐸᐅᒃ? ᐃᓕᑦᓯᓕ ᐊᖑᓐᓂᐊᕐᑎᑎᑐᑦ ᐃᓅᓕᕐᐳᓯ ᐅᓄᕐᑐᓂᒃ ᐅᖓᒋᔭᖃᓕᕐᑐᑎᑐᑦ, ᑕᕝᕙ ᒫᓐᓇ ᐅᕙᓐᓄᑦ ᐅᑎᕈᓐᓇᕐᐱᓰ? ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 3:20

ᐊᕐᓇᑎᑐᓪᓕ ᐊᓯᓐᓂᐊᕐᑐᑐᑦ ᐅᐃᒥᓂᒃ, ᐃᓴᕆᐊᓕᒥᐅᑦ ᐊᓯᓐᓂᐊᓚᐅᕐᐹᖓ,” ᐊᑕᓂᖅ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 16:31

ᐊᖅᑯᑎᓕᒫᓂ ᒎᑎᓐᖑᐊᓄᑦ ᑐᒃᓯᐊᕐᕕᓕᐅᕐᓯᒪᕗᓯ, ᑲᑎᑦᑕᕐᕕᓕᐅᕐᓯᒪᓪᓗᓯᓗ ᐳᕐᑐᔪᓂᒃ ᓄᓕᐊᕐᓂᒃᑯᑦ ᐱᓕᕆᕕᖕᓂᒃ ᐊᖅᑯᑏᑦ ᑲᑎᓐᖓᓂᖏᓐᓂ. ᐊᖑᓐᓂᐊᕐᑎᑎᑐᓪᓕ ᐱᖏᑦᔪᑎᑐᐊᕆᕙᓯ, ᑕᒪᑐᒧᖓ ᑮᓇᐅᔭᓕᐅᕋᓱᖃᑦᑕᖏᓐᓇᑦᓯ.

ᐃᓯᑭᐊᓕᐅᑉ ᐊᒡᓚᖏᑦ 16:33

ᐊᖑᑎᑦ ᐊᖑᓐᓂᐊᕐᑎᓂᒃ ᐊᑭᓖᕙᒃᐳᑦ; ᐃᓕᑦᓯᓕ ᑐᓂᓯᖔᖃᑦᑕᕐᐳᓯ ᑐᓂᕐᕈᑎᓂᒃ ᐱᖃᑎᒋᖃᑦᑕᕐᑕᑦᓯᓐᓄᑦ, ᐃᓚᓐᓂᕐᓴᐅᑎᒋᓪᓗᒋᑦ ᓇᑭᑐᐃᓐᓇᖅ ᐅᐸᒃᑕᐅᖃᑦᑕᕈᒪᓂᕐᒧᑦ ᐃᓐᓇᖓᖃᑎᒋᓂᐊᕐᑕᑦᓯᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 16:8

“ᐊᖅᑯᓵᓕᕐᒥᒐᒃᑭᑦ ᑕᑯᓕᓚᐅᕆᕙᒋᑦ, ᑕᑯᒋᑦ, ᐂᑉᐸᖃᕈᓐᓇᓕᓚᐅᕐᐳᑎᑦ; ᐊᓐᓄᕌᖃᖏᓐᓇᕕᑦ ᐊᑐᕐᑕᓐᓂᒃ ᖃᓪᓕᕐᐹᒥᒃ ᐅᓕᓚᐅᕐᐸᒋᑦ ᐊᓐᓄᕌᖃᖏᓐᓃᑦ ᑕᓕᑎᑕᐅᖁᓪᓗᒍ: ᐃᓛᒃ, ᓄᓕᐊᕐᑖᕆᔪᒪᓪᓗᑎᑦ ᐊᖏᖃᑎᒌᒍᑎᓕᐅᓚᐅᕐᐳᖓ, ᐱᑖᕆᓚᐅᕐᐸᒋᓪᓗ, ᐊᑕᓂᖅ ᒎᑎ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 23:37

ᐊᓯᓐᓂᐊᖃᑦᑕᕐᓯᒪᕘᒃ, ᐃᓄᐊᕐᑎᑦᓯᖃᑦᑕᕐᓗᑎᒡᓗ; ᒎᑎᓐᖑᐊᓄᑦ ᐊᓯᓐᓂᐊᖃᑦᑕᕐᓯᒪᕘᒃ; ᑐᖁᑕᐅᑎᑦᓯᖃᑦᑕᕐᓯᒪᓪᓗᑎᒡᓗ ᐃᕐᓂᕐᑖᕆᓯᒪᔭᓐᓂᒃ, ᑐᓂᕐᕈᑕᐅᑎᓪᓗᒋᓪᓗ ᐃᑯᐊᓪᓚᒡᓗᒋᑦ ᒎᑎᓐᖑᐊᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 23:45

ᐊᖑᑎᓄᓪᓕ ᐃᓱᐊᕐᑐᓕᔪᓄᑦ ᐃᖅᑲᕐᑐᕐᑕᐅᓗᑎᒃ ᑐᑭᑖᕈᑕᐅᔪᒫᓕᕐᐴᒃ ᐊᓯᓐᓂᐊᕐᑎᐅᓂᕋᕐᑕᐅᓗᑎᒃ, ᐃᓄᐊᕐᑎᐅᓂᕋᕐᑕᐅᓗᑎᒡᓗ; ᐊᓯᓐᓂᐊᕐᑎᐅᖕᒪᑎᒃ ᐃᓄᐊᕐᑎᐅᓪᓗᑎᒡᓗ.

ᕼᐆᓯᐊᑉ ᐊᒡᓚᖏᑦ 2:2

“ᐊᓈᓇᓯ ᐊᔪᐃᓐᓈᕆᓯᐅᒃ ᐅᑎᖅᑯᓪᓗᒍ, ᓄᓕᐊᕆᔪᓐᓁᕋᒃᑯ ᑖᑦᓱᒪᓗ ᐅᐃᒋᔪᓐᓁᕐᒪᖓ, ᐊᔪᐃᓐᓈᕆᓯᐅᒃ ᐊᑐᒐᐅᔪᓐᓁᖁᓪᓗᒍ ᐊᑭᓕᕐᑕᐅᓂᕐᒧᑦ, ᐊᓯᓐᓂᐊᕐᑎᐅᔪᓐᓁᖁᓪᓗᒍᓗ.

ᕼᐆᓯᐊᑉ ᐊᒡᓚᖏᑦ 3:1

ᐊᑕᓂᐅᓪᓗ ᐅᖃᐅᑎᕚᖓ, “ᐂᓚᐅᕐᒥᒋᑦ, ᓇᒡᓕᒋᓕᕐᒥᓗᒍᓗ ᐊᕐᓇᖅ ᐅᖓᒋᔭᐅᔪᖅ ᐊᓯᓐᓂᐊᕐᑎᐅᓪᓗᓂᓗ; ᑍᒫᒃᑕᐅᖅ ᐃᓴᕆᐊᓕᒥᐅᑦ ᐊᑕᓂᐅᑉ ᓇᒡᓕᒋᖕᒪᒋᑦ ᓱᓕ, ᒎᑎᓐᖑᐊᓄᑦ ᓵᖃᑦᑕᓚᐅᕋᓗᐊᕐᑎᓪᓗᒋᑦ ᐱᐅᒃᓴᓚᐅᕋᓗᐊᕐᑎᓪᓗᒋᓪᓗ ᑐᓂᕐᕈᓯᕈᑎᓂᒃ ᐆᓯᒪᔪᓂᒃ ᓂᐊᖂᔭᓂᒃ ᐸᐅᕐᖓᐅᔭᓕᖕᓂᒃ.”

ᔧᒥᓯᐅᑉ ᐊᒡᓚᖏᑦ 4:4

ᐊᓯᓐᓂᐊᕐᑎᐅᔪᓯ! ᖃᐅᔨᒪᓐᖏᓚᓰ ᓯᓚᕐᔪᐊᕐᒥᒃ ᐃᓚᓐᓈᖃᕐᓂᖅ ᒎᑎᒥᒃ ᐊᑭᕋᕐᑐᕐᓂᐅᖕᒪᑦ? ᑍᒤᒻᒪᑦ ᓇᓪᓕᐊᑦ ᓯᓚᕐᔪᐊᕐᒥᒃ ᐃᓚᓐᓈᖃᕈᒪᔪᖅ ᑖᓐᓇ ᒎᑎᒥᒃ ᐊᑭᕋᕐᑐᓕᕐᐳᖅ?