ᐃᓯᑭᐊᓕᐅᑉ ᐊᒡᓚᖏᑦ 16:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᐄᑦᔨᑉᑎᒥᐅᓂᒃ ᐊᓯᓐᓂᐊᖃᑎᖃᖃᑦᑕᓚᐅᕆᕗᑎᑦ, ᐃᒃᓯᒍᓗᐊᕐᒥᔪᓂᒃ ᖃᓂᒋᔭᑦᓯᓐᓃᑦᑐᓂᒃ, ᐊᖑᓐᓂᐊᕐᓂᕕᑦ ᓯᐊᒻᒪᒃᐸᓪᓕᐊᓂᖓᓄᑦ ᓂᓐᖓᒃᑎᑉᐸᓪᓕᐊᕙᕐᒪ.

ᐃᓯᑭᐊᓕᐅᑉ ᐊᒡᓚᖏᑦ 16:26 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 12:28

ᐃᓱᒪᒃᓴᕐᓯᐅᓚᐅᕐᓗᓂ, ᒪᕐᕉᖕᓂᒃ ᐃᒻᒧᒃᓯᐅᒐᐅᑉ ᓄᕐᕋᓐᖑᐊᖏᖕᓂᒃ ᓴᓇᕗᖅ ᒎᓘᓪᓗᒋᒃ, ᐃᓄᐃᓗ ᐅᖃᐅᑎᓪᓗᓂᒋᑦ, “ᐊᑯᓂᐅᓗᐊᓕᕐᒪᑦ ᑍᒪᓐᖓᑦ ᔨᕉᓴᓕᒧᐊᖃᑕᕐᓗᓯ ᑐᒃᓯᐊᕆᐊᕐᑐᕐᓗᓯ, ᐃᓕᑦᓯ ᐃᓴᕆᐊᓖᑦ ᐃᓄᖏᑦ ᐅᕝᕙᐅᓇ ᒎᑎᓯ ᐄᑦᔨᑉᑎᒥᑦ ᐊᐅᓪᓚᕐᑎᑦᓯᓚᐅᕐᑐᖅ!”

ᒨᓯᓯ ᐂᑉᐸᖏᑦ 32:4

ᐂᕉᓂᐅᓪᓗ ᓯᐅᑎᒥᐅᑍᑦ ᐱᒐᒥᒋᑦ ᐊᐅᒃᑎᑉᐰᑦ, ᑯᕕᓪᓗᒋᓪᓗ ᐋᖅᑭᒃᓯᕕᖕᒧᑦ, ᓄᕐᕋᓐᖑᐊᒥᒡᓗ ᓴᓇᕗᖅ. ᐃᓄᐃᓪᓗ ᐅᖃᕐᐳᖅ, “ᐃᓴᕆᐊᓕ, ᐅᓇ ᑕᕝᕙ ᒎᑎᕗᑦ, ᐄᑦᔨᑉᑎᒥᑦ ᐊᐅᓪᓚᕈᑦᔨᓚᐅᕐᑐᖅ ᐅᕙᑦᑎᓐᓂᒃ!”

ᐂᓮᐊᓯᐅᑉ ᐊᒡᓚᖏᑦ 30:21

ᓴᖑᓕᕈᑦᓯ ᑕᓕᕐᐱᒧᑦ ᓴᐅᒥᒧᓪᓘᓐᓃᑦ, ᓯᐅᑎᑦᓯᓐᓄᑦ ᑐᓄᑦᓯᓐᓂ ᓂᐱᖓ ᑐᓴᕈᒫᕐᐸᓯ ᐅᖃᕐᑐᖅ, “ᑕᒪᑦᔭ ᐊᖅᑯᑎᒃᓴᓯ, ᐱᓱᒡᕕᒋᓕᕐᓯᐅᒃ.”

ᔨᕆᒤᐊᐅᑉ ᐊᒡᓚᖏᑦ 3:1

ᐊᖑᑦ ᓄᓕᐊᒥᓂᒃ ᐊᕕᑦᑎᒃᐸᑦ ᐊᕐᓇᐅᓪᓗ ᐅᐃᒋᓚᐅᕐᑕᓂ ᕿᒪᒡᓗᒍ ᐊᓯᐊᓂᒡᓗ ᐅᐃᓂᒡᓗᓂ, ᐅᐃᒋᓚᐅᕐᑕᖓᑕ ᐅᑎᕐᕕᒋᔭᕆᐊᖃᕐᐸᐅᒃ? ᐃᓕᑦᓯᓕ ᐊᖑᓐᓂᐊᕐᑎᑎᑐᑦ ᐃᓅᓕᕐᐳᓯ ᐅᓄᕐᑐᓂᒃ ᐅᖓᒋᔭᖃᓕᕐᑐᑎᑐᑦ, ᑕᕝᕙ ᒫᓐᓇ ᐅᕙᓐᓄᑦ ᐅᑎᕈᓐᓇᕐᐱᓰ? ᐊᑕᓂᖅ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 23:3

ᑖᒃᑯᐊᒃ ᐊᖑᓐᓂᐊᕐᑎᐅᓚᐅᕐᐴᒃ ᐄᑦᔨᑉᑎᒥ; ᐃᓅᓱᒃᑑᓂᕐᒥᖕᓂᑦ ᐊᖑᓐᓂᐊᕐᑎᐅᓕᓚᐅᕐᐴᒃ; ᑕᕝᕙᓂᓗ ᐃᕕᐊᖏᖏᒃ ᐊᒃᑐᐊᔭᐅᓚᐅᕐᐴᒃ ᐱᖃᑎᖃᓚᐅᕐᓯᒪᖏᑦᑑᒡᓗ ᓈᖏᒃ ᐊᒃᑐᐊᔭᐅᓪᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 23:8

ᐄᑦᔨᑉᑎᒥᓗ ᐊᖑᓐᓂᐊᕐᑎᓐᖑᓚᐅᕐᓂᓂ ᑲᔪᓯᑎᑉᐹ; ᓂᕕᐊᕐᓵᖑᓂᕐᒥᓂᑦ ᐊᖑᑎᓄᑦ ᐃᓐᓇᖓᖃᑕᐅᕙᓕᓚᐅᕐᐳᖅ ᐱᖃᑎᖃᓚᐅᕐᓯᒪᖏᓐᓂᓂ ᐊᒃᑐᐊᔭᐅᑎᑦᓱᒍ ᐃᒃᓯᒎᕐᓂᖏᓪᓗ ᐃᓱᒤᓐᓇᕐᕆᑎᓪᓗᒋᑦ ᐃᒻᒥᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 8:10

ᑕᕝᕙ ᐃᑎᕐᐳᖓ ᑕᑯᓪᓗᖓᓗ; ᐊᑭᓐᓇᕐᒥ ᑎᑎᕋᐅᔭᕐᕕᒋᓯᒪᕗᑦ ᖁᐱᕐᕈᓐᖑᐊᓂᒃ ᐹᕐᖑᕐᑐᓂᒃ ᖃᓄᐃᑦᑐᑐᐃᓐᓇᕐᓂᒃ, ᐆᒪᔪᕐᓗᓐᖑᐊᓂᒃ ᓇᕐᕈᓇᕐᑐᓂᒃ, ᐃᓴᕆᐊᓕᐅᓪᓗ ᑭᖑᕚᖏᑕ ᒎᑎᓐᖑᐊᓕᒫᖏᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 8:14

ᐂᑎᒃᑭᕚᖓ ᐊᑕᓂᐅᑉ ᐃᒡᓗᖓᑕ ᐃᑎᕐᑕᕐᕕᖓᓄᑦ ᐅᓐᓄᐊᓪᓗᐊᑉ ᓇᓛᓃᑦᑐᒧᑦ; ᑕᑯᒋᓪᓗ, ᑕᕝᕙᓂ ᐊᕐᓁᑦ ᐃᒃᓯᕚᕐᐳᑦ ᒎᑎᓐᖑᐊᖅ ᑕᒨᔾ ᕿᐊᑦᔪᑎᒋᓪᓗᒍ.

ᐃᓯᑭᐊᓕᐅᑉ ᐊᒡᓚᖏᑦ 8:17

ᑕᕝᕙ ᐅᖃᐅᑎᕚᖓ, “ᐃᓅᑉ ᐃᕐᓂᖓ, ᑕᑯᕕᒌᑦ? ᖃᓄᐃᓐᖏᓛᖅ? ᔫᑕᐅᑉ ᑭᖑᕚᖏᑦ ᓇᕐᕈᒋᔭᓐᓂᒃ ᐱᓇᓱᐊᑐᐃᓐᓇᕐᐸᑕ ᑕᕝᕙᓂ ᐱᓇᓱᐊᕐᑕᒥᖕᓂ, ᓄᓇ ᓈᔭᐅᑎᓪᓗᒍ ᐱᕋᔭᖕᓂᕐᓂᒃ, ᓱᓕ ᓂᓐᖓᒃᓴᒃᑲᓐᓂᕐᓗᖓ? ᑕᑯᒋᑦ, ᕿᔪᑯᑖᒥᒃ ᐊᑭᕈᕐᒥᒃ ᕿᖓᕐᒥᖕᓄᐊᕐᓯᕗᑦ.

ᒨᓯᓯ ᐱᖓᔪᖏᑦ 15:3

ᒪᖀᓐᓇᐅᔭᕐᐸᓪᓘᓐᓃᑦ ᐅᓱᖓ ᒪᕿᔪᓐᓁᕐᑎᑕᐅᓯᒪᒃᐸᓪᓘᓐᓃᑦ, ᑖᓐᓇ ᓴᓗᒤᑦᑑᕗᖅ ᐃᒫᒃ ᑕᕝᕙ ᒪᕐᓴᕐᓂᖅ ᓴᓗᒤᑎᑦᓯᓂᐊᕐᐳᖅ.

ᔮᓱᐊᑉ ᐊᒡᓚᖏᑦ 24:14

“ᒫᓐᓇᓕ ᑍᒤᒻᒪᑦ ᐊᑕᓂᖅ ᓯᕘᕋᒋᓯᐅᒃ, ᐅᐱᒋᑦᓯᐊᕐᓗᒍ ᐱᔨᑦᓯᕐᓯᐅᒃ ᓱᓕᑦᓯᐊᕐᓗᓯ ᓱᖁᓯᔪᐃᑦᑑᓗᓯᓗ; ᓯᕗᓕᓯ ᒎᑎᒋᓚᐅᕐᑕᒋᑦ ᖁᔭᓈᕐᓯᐅᒃ ᑐᒃᓯᐊᕐᕕᒋᓚᐅᕐᑕᖏᑦ ᑰᑉ ᐊᑭᐊᓂ, ᐄᑦᔨᑉᑎᒥᓗ, ᐊᑕᓂᕐᓕ ᐱᔨᑦᓯᕐᓯᐅᒃ.