ᐃᓯᑭᐊᓕᐅᑉ ᐊᒡᓚᖏᑦ 16:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᓴᓇᓯᒪᕗᑎᑦ ᐊᑦᓱᖏᕈᓐᓇᕐᑐᓂᒃ ᐃᒡᓗᕈᓯᕐᓂᒃ, ᐳᕐᑐᔪᓂᒡᓗ ᑐᒃᓯᐊᕐᕕᓕᐅᕐᓯᒪᓪᓗᑎᑦ ᐊᖅᑯᑏᑦ ᑲᑎᓐᖓᓂᓕᒫᖏᓐᓂ;

ᐃᓯᑭᐊᓕᐅᑉ ᐊᒡᓚᖏᑦ 16:24 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 14:23

ᐃᒻᒥᓂᒃ ᓴᓐᓇᓚᐅᕆᕗᑦ ᑐᒃᓯᐊᕐᕕᒋᔭᒃᓴᒥᖕᓂᒃ ᒎᑎᓐᖑᐊᓂᒃ, ᐅᔭᕋᖕᓂᒃ ᓇᑉᐸᔪᓂᒃ, ᐃᓄᓐᖑᐊᓂᒡᓗ ᕿᔪᖕᓂᒃ ᐊᓯᕆᒻᓂᒃ ᖃᖅᑲᓕᒫᑦ ᖄᖏᓐᓂ ᑐᒃᓯᐊᕐᕕᒃᓴᒥᖕᓂᒃ ᓇᐹᕐᑐᕐᔪᐊᓪᓗ ᐊᖏᔪᑦ ᐊᑖᓐᓂ.

ᑯᕉᓂᑲ ᐂᑉᐸᖏᑦ 21:11

ᓱᓕᓗ ᓴᓇᓚᐅᕆᕗᖅ ᒎᑎᓐᖑᐊᒧᑦ ᑐᒃᓯᐊᕐᕕᖕᓂᒃ ᔫᑕᐅᑉ ᖃᖅᑲᖏᓐᓂ, ᔨᕉᓴᓕᒥᓗ ᓄᓇᖃᕐᑐᑦ ᐊᔪᕐᑐᓕᑎᓚᐅᕐᐰᑦ, ᔫᑕᒥᐅᓪᓗ ᑕᒻᒪᕐᑎᓪᓗᒋᑦ.

ᑯᕉᓂᑲ ᐂᑉᐸᖏᑦ 28:25

ᔫᑕᐅᓪᓗ ᐃᒡᓗᒐᓴᓕᒫᖏᓐᓂ ᒎᑎᓐᖑᐊᓄᑦ ᑐᒃᓯᐊᕐᕕᖕᓂᒃ ᓴᓇᕗᖅ ᑎᐱᑦᓯᐊᕆᒃᑐᓂᒃ ᐃᑯᐊᓚᑎᑦᓯᕕᒃᓴᓂᒃ ᒎᑎᓐᖑᐊᓄᑦ, ᑕᒪᑐᒧᖓᓗ ᐊᑕᓂᖅ ᓂᓐᖓᒃᓴᓚᐅᕐᐹ, ᓯᕗᓕᖏᑕ ᒎᑎᖓᑦ.

ᐃᓐᖏᕈᑎᑦ 78:58

ᓂᓐᖓᒃᓴᓚᐅᕐᐹᑦ ᑐᒃᓯᐊᕐᕕᓕᐊᒥᖕᓄᑦ ᐳᕐᑐᔪᑦ ᖄᖏᓐᓃᑦᑐᓄᑦ; ᓯᖕᓇᑎᓚᐅᕐᐹᓪᓗ ᓴᓇᓐᖑᐊᕐᓯᒪᔪᓄᑦ ᒎᑎᓐᖑᐊᓄᑦ.

ᐂᓮᐊᓯᐅᑉ ᐊᒡᓚᖏᑦ 57:5

ᐃᒡᓕᒎᕐᓂᕐᔪᐊᒧᑦ ᐱᔪᒪᓂᐊᓗᓯ ᑲᔪᓯᑎᖃᑦᑕᕐᐸᓯ ᓇᐹᕐᑐᐃᑦ ᓯᑕᒃᑍᑦ ᐊᑯᓐᓂᖏᓐᓂ, ᓇᐹᕐᑐᓕᒫᓪᓗ ᐊᑖᓂ; ᕿᑐᕐᖓᓯ ᑐᖁᑉᐸᒃᐸᓯ ᓇᕐᓴᓂ, ᕾᕈᓱᐃᓪᓗ ᖁᖕᓈᖏᑕ ᐃᓗᖏᓐᓂ.

ᐂᓮᐊᓯᐅᑉ ᐊᒡᓚᖏᑦ 57:7

ᓄᓇᓂ ᐳᕐᑐᔪᓂ ᐱᖑᕐᓂᓗ ᐃᓇᖓᖃᑎᒌᒋᐊᕐᑐᕐᐸᒃᐳᓯ, ᑐᓂᔭᒃᓴᑦᓯᓐᓂᒡᓗ ᑐᓂᕐᕈᓯᕆᐊᕐᑐᕐᐸᒃᓗᓯ.

ᔨᕆᒤᐊᐅᑉ ᐊᒡᓚᖏᑦ 11:13

ᔫᑕᒥᐅᑕᐅᔪᓯ ᒎᑎᖃᓕᕐᐳᓯ ᓄᓇᖁᑎᑦᓯᑐᑦ ᐅᓄᕐᑎᒋᔪᓂᒃ; ᑐᓂᕐᕈᓯᕐᕕᖃᐅᓕᕐᓗᓯᓗ ᔨᕉᓴᓕᒥᐅᑦ ᐊᖅᑯᑎᖏᑎᑐᑦ ᐅᓄᕐᑎᒋᔪᓂᒃ ᓇᕐᕈᓇᕐᑐᓂᒃ, ᒎᑎᓐᖑᐊᒧᑦ ᐰᓕᒧᑦ ᐃᓯᕐᓗᐊᕐᓂᑎᑦᓯᕕᑦᓯᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 17:3

ᖃᖅᑲᓂ ᓄᓇᑐᐃᓐᓇᕐᒦᑦᑐᒥ, ᐊᔪᕐᓴᖏᑦᔪᑎᓯ ᑲᑎᕐᓱᐊᓯᓗ ᓇᒡᕚᕐᑕᒐᐅᑎᑦᓱᒫᕐᐸᒃᑲ ᐊᑭᓕᐅᑕᐅᓗᑎᒃ ᐊᔪᕐᓂᑦᓯᓐᓄᑦ ᓄᓇᓕᒫᑦᓯᓐᓂ.

ᔨᕆᒤᐊᐅᑉ ᐊᒡᓚᖏᑦ 2:20

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, “ᑍᑦᓱᒪᓂᐊᓘᓕᕐᐳᖅ ᓇᖕᒪᐅᑍᑦ ᓱᕋᓚᐅᕋᕕᐅᒃ, ᕿᓚᕈᑏᓪᓗ ᕿᒃᑐᕋᕐᓗᒍ ᐅᖃᕐᓗᑎᓪᓗ, ‘ᐱᔨᑦᓯᕐᓂᐊᕈᓐᓃᕐᐸᒋᑦ.’ ᑍᒤᓚᐅᕐᐳᕐᓗ ᑕᒪᓐᓇ ᐱᖑᐃᑦ ᖄᖏᓐᓂ, ᓇᐹᕐᑐᐃᓪᓗ ᐊᑖᓂ ᐊᓯᓐᓂᐊᖃᑦᑕᓚᐅᕐᐸᕐᒪ ᐊᖑᓐᓂᐊᕐᑎᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 3:2

ᐱᖑᐃᑦ ᖄᖏᓐᓄᑦ ᑕᑯᓴᓕᕆᑦᓯ, ᐊᓯᓐᓂᐊᕐᕕᒋᓯᒪᓐᖏᑕᑦᓯᓐᓂᒃ ᐱᑕᖃᕐᐹ? ᐊᖅᑯᑏᑦ ᓴᓂᕌᓂ ᐅᑕᖅᑭᕗᓯ ᐅᖓᒋᔭᑦᓯᓐᓂᒃ, ᓄᓇᖁᑎᖃᖏᑦᑐᑎᑐᑦ ᑍᒤᓪᓗᓯ ᓲᕐᓗ ᐃᓄᖃᔪᐃᑦᑐᒦᑦᑐᑎᑐᑦ ᐋᕋᑉᒥᐅᑎᑐᑦ, ᓄᓇ ᓇᕐᕈᓇᕐᓯᑎᑉᐸᓯ ᐊᖑᓐᓂᐊᕐᑎᑎᑐᑦ ᐃᓕᖅᑯᓯᖃᕐᓂᑦᓯᓐᓄᑦ ᐱᐅᖏᑦᑐᓕᓂᑦᓯᓐᓄᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 16:23

“ᐱᐅᖏᑦᑐᓕᓂᕐᓂᒃ ᐅᓄᕐᑐᓂᒃ ᐱᓇᓱᐊᓂᕐᐱᑦ ᑭᖑᓂᖓᒍᑦ ᑲᑉᐱᐊᓐᓇᒦᒃ, ᑲᑉᐱᐊᓐᓇᒦᖑᔪᑎᑦ! ᐊᑕᓂᖅ ᒎᑎ ᐅᖃᕐᐳᖅ,

ᐃᓯᑭᐊᓕᐅᑉ ᐊᒡᓚᖏᑦ 16:31

ᐊᖅᑯᑎᓕᒫᓂ ᒎᑎᓐᖑᐊᓄᑦ ᑐᒃᓯᐊᕐᕕᓕᐅᕐᓯᒪᕗᓯ, ᑲᑎᑦᑕᕐᕕᓕᐅᕐᓯᒪᓪᓗᓯᓗ ᐳᕐᑐᔪᓂᒃ ᓄᓕᐊᕐᓂᒃᑯᑦ ᐱᓕᕆᕕᖕᓂᒃ ᐊᖅᑯᑏᑦ ᑲᑎᓐᖓᓂᖏᓐᓂ. ᐊᖑᓐᓂᐊᕐᑎᑎᑐᓪᓕ ᐱᖏᑦᔪᑎᑐᐊᕆᕙᓯ, ᑕᒪᑐᒧᖓ ᑮᓇᐅᔭᓕᐅᕋᓱᖃᑦᑕᖏᓐᓇᑦᓯ.

ᐃᓯᑭᐊᓕᐅᑉ ᐊᒡᓚᖏᑦ 16:39

ᓄᓕᐊᕐᓂᕐᒧᑦ ᐅᐃᕆᕝᕕᒋᓯᒪᔭᑦᓯᓐᓄᑦ ᑐᓂᔪᒫᕐᐸᑦᓯ, ᑖᒃᑯᓇᓐᖓᑦ ᒎᑎᓐᖑᐊᑦᓯᓐᓄᑦ ᑐᒃᓯᐊᕐᕕᒋᕙᒃᑕᓯ ᐊᔪᕐᑐᓕᕕᒋᕙᒃᑕᓯᓗ ᓯᖁᑦᑎᕐᑕᐅᔪᒫᕐᐳᑦ; ᐊᓐᓄᕌᓯ ᐊᓕᒃᑐᕐᓗᒋᑦ ᐊᓐᓄᕅᔭᕈᒫᕐᐹᓯ ᐱᐅᓴᐅᑎᒋᕙᒃᑕᓯᓗ ᐊᑭᑐᔪᑦ ᐱᔭᐅᓗᑎᒃ, ᐊᓐᓄᕌᖃᓐᖏᑎᓪᓗᓯ ᓱᓇᑕᖃᓐᖏᑎᓪᓗᓯᓗ ᕿᒪᒃᑕᐅᔪᒫᕐᐳᓯ.

ᒨᓯᓯ ᐱᖓᔪᖏᑦ 26:30

ᑐᒃᓯᐊᕐᕕᒃᓯ ᖃᖅᑲᓃᑦᑐᑦ ᓯᖁᒥᒐᔭᕐᐸᒃᑲ, ᐃᓯᕐᓗᐊᕐᓂᑎᑦᓯᕕᖁᑎᓯᓗ ᑐᓂᕐᕈᓯᕐᕖᑦ ᐅᕐᕈᑎᓪᓗᒋᑦ, ᑎᒥᓯᓗ ᑐᖁᖓᔪᑦ ᐃᒋᒃᑲᔭᕐᐸᒃᑲ ᒎᑎᓐᖑᐊᑦᓯᓐᓄᑦ ᓯᖁᒥᓯᒪᓕᕐᑐᓄᑦ, ᓂᓐᖓᐅᒪᓗᖓ.