ᐃᓯᑭᐊᓕᐅᑉ ᐊᒡᓚᖏᑦ 14:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ “ᓇᓪᓕᐊᑦ ᐃᓴᕆᐊᓕᒧᑦ ᑭᖑᕚᖑᔪᖅ, ᐃᓴᕆᐊᓕᒥᐅᑕᐅᖏᑦᑐᓪᓘᓐᓃᑦ ᓄᓇᖃᖃᑕᐅᔪᑦ ᐃᓴᕆᐊᓕᒥᐅᓄᑦ, ᐅᕙᓐᓂᒃ ᕿᒤᓯᒪᓗᑎᒃ, ᒎᑎᓐᖑᐊᓄᑦ ᓵᓐᖓᖔᓕᕐᑐᑦ ᐊᔪᕐᑐᓕᓂᕐᒧᓪᓗ ᐊᒡᕕᐊᕈᑎᒃᓴᖃᓕᕐᑐᑦ, ᐱᔪᖃᓛᕐᑐᒥᒃ ᐅᖃᕐᑎᓐᓄᑦ ᐅᐸᒍᑎᓗᑎᒃ ᐊᐱᕐᓱᕆᐊᕐᑐᕐᐸᑕ ᖃᓄᖅ ᐃᓱᒪᖕᒪᖔᕐᒪ, ᐅᕙᖓ ᐊᑕᓂᖅ ᓇᖕᒥᓂᖅ ᑭᐅᒐᔭᕐᐸᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 14:7 ပူးပေါင်းရင်းမြစ်များ

ᒨᓯᓯ ᐂᑉᐸᖏᑦ 12:48

ᐃᓚᒋᓐᖏᑕᓯᓐᓂᒡᓕ ᐃᒡᓗᒥᐅᑕᖃᕈᑦᓯ ᖄᖏᕐᑕᐅᕕᒃᓯᐅᑎᒥᒡᓗ ᐊᑕᓂᕐᒧᑦ ᓂᕆᖃᑕᐅᔪᒪᒃᐸᑦ, ᑖᒃᑯᐊ ᐊᖑᑎᑦ ᑭᐱᔭᐅᖅᑳᕐᑐᒃᓴᐅᕗᑦ, ᑕᕝᕙ ᑭᖑᓂᖓᒍᑦ ᐱᖃᑕᐅᔪᓐᓇᕐᓯᒐᔭᕐᐳᖅ; ᐃᓚᒋᔭᐅᓪᓚᕆᒃᑐᑎᑐᓪᓗ ᑍᒤᓕᕋᔭᕐᐳᖅ. ᑭᓯᐊᓂᓕ ᑭᐱᔭᐅᓯᒪᖏᑦᑐᒥᒃ ᑕᕝᕙᓐᖓᑦ ᓂᕆᖃᑕᐅᔪᖃᕐᑐᒃᓴᐅᓐᖏᓚᖅ.

ᒨᓯᓯ ᐂᑉᐸᖏᑦ 20:10

ᐅᓪᓗᓪᓕ 7ᖓᓐᓂ ᐅᓪᓗᖅ ᑕᕾᕐᓯᕐᕕᒃᓴᖅ ᓇᓪᓕᐅᑎᕗᖅ ᐊᑕᓂᕐᒧᑦ ᒎᑎᖕᓄᑦ ᑐᕌᖓᔪᖅ. ᐅᓪᓗᒥ ᑕᕝᕙᓂ ᑭᓇᓘᓐᓃᑦ ᓴᓇᔪᒃᓴᐅᓐᖏᓚᖅ ᕿᑐᕐᖓᑎᑦ, ᐱᔨᑎᓪᓗ ᐆᒪᔪᖁᑎᑎᓪᓘᓐᓃᑦ, ᓂᐅᕐᕈᐊᓪᓘᓐᓃᑦ ᓄᓇᑦᓯᓐᓄᑦ;

ᐂᓮᐊᓯᐅᑉ ᐊᒡᓚᖏᑦ 63:17

ᖃᓄᐃᒻᒪᑦ ᐊᑕᓃᖅ ᐊᖅᑯᑎᐅᖁᔭᕐᓂᑦ ᓴᖑᑎᓯᒪᕕᑎᒎᑦ? ᐆᒻᒪᑎᕗᓪᓗ ᑎᓯᒃᑎᑎᑦᓱᒋᑦ, ᐃᓕᖕᓂᒃ ᓯᕘᕋᔪᓐᓃᖁᓪᓗᑖ? ᐅᕙᑦᑎᓐᓄᑦ ᐅᑎᓚᐅᕆᑦ ᐱᔨᑎᑦ ᐱᑦᔪᑎᒋᓗᒋᑦ, ᑭᖑᕚᕇᑦ ᐱᑖᕆᓯᒪᔭᑎᑦ.

ᔨᕆᒤᐊᐅᑉ ᐊᒡᓚᖏᑦ 37:17

ᐊᖓᔪᖅᑳᕐᔪᐊᑉ ᔨᑎᑬᐊᐅᑉ ᐃᒡᓗᒥᓄᑦ ᕾᑎᑕᐅᖁᕚ, ᑕᕝᕙᓃᓕᕐᑎᓪᓗᒍᓗ ᖃᐅᔨᔭᐅᑦᑍᓕᓪᓗᓂ ᐊᐱᕐᓱᕐᐹ, ᐊᑕᓂᕐᒥᑦ ᑐᓴᒐᒃᓴᕐᑕᖃᕐᒪᖔᑦ. ᔨᕆᒤᐊᐅᓪᓗ ᐅᖃᐅᑎᕚ, “ᑐᓴᒐᒃᓴᖃᕐᐳᖅ, ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐱᔭᐅᓂᐊᕐᐳᑎᑦ.”

ᐃᓯᑭᐊᓕᐅᑉ ᐊᒡᓚᖏᑦ 3:20

“ᓇᓛᒎᕐᑐᕐᓕ ᐊᑲᐅᔪᒥᒃ ᕿᒤᓗᓂ ᐊᔪᕐᑐᓕᒃᐸᑦ, ᐹᓪᓚᒍᑎᒃᓴᒧᑦ ᑎᑭᑎᒃᑯᒃᑯ, ᑐᖁᒃᐸᑦ ᐊᔪᕐᑐᓕᓂᕐᒦᓪᓗᓂ, ᐃᓂᕐᑎᓚᐅᖏᒃᑯᕕᐅᒃ, ᐱᐅᔪᑦ ᐱᓂᐊᓚᐅᕐᑕᖏᑦ ᐃᖅᑲᐅᒪᔭᐅᓂᐊᓐᖏᓚᑦ; ᑐᖁᓂᖓᓄᑦ ᐸᓯᔭᒃᓴᐅᑎᒃᑲᔭᕐᐸᒋᑦ.

ᕼᐆᓯᐊᑉ ᐊᒡᓚᖏᑦ 4:14

“ᑍᒤᒃᑲᓗᐊᕐᑎᓪᓗᒋᑦ ᐸᓂᓯ ᓱᒋᐊᕐᓂᐊᓐᖏᓚᒃᑲ, ᐅᑯᐊᓯᓗ ᐊᓯᓐᓂᐊᖃᑦᑕᕐᓂᖏᑦ ᓱᒋᐊᕐᓂᐊᖏᓐᓂᕙᒃᑲ; ᐊᖑᑎᑦ ᐃᒻᒥᖕᓂᒃ ᐂᑦᑑᑎᒋᖃᑦᑕᕐᒪᑕ ᐊᑐᒐᕐᓄᑦ, ᑐᓂᕐᕈᓯᖃᑦᑕᕐᓗᑎᒡᓗ ᒎᑎᓐᖑᐊᓖᑦ ᐊᑐᒐᖁᑎᖏᓐᓄᑦ, ᐃᓄᐃᓪᓗ ᑐᑭᓯᓯᒪᖏᑦᑐᑦ ᐊᓯᕈᕐᑕᐅᔪᒫᕐᐳᑦ.

ᕼᐆᓯᐊᑉ ᐊᒡᓚᖏᑦ 4:5

ᐅᓪᓗᒃᑯᑦ ᐹᓪᓚᒍᒫᕐᐳᓯ, ᐱᔪᖃᓛᕐᑐᒥᒡᓗ ᐅᖃᕐᑏᑦ ᐅᓐᓄᒃᑯᑦ ᐹᓪᓚᒍᒫᕆᕗᑦ; ᐊᓈᓇᓯᓗ ᐃᓴᕆᐊᓕ ᐊᓯᕈᕐᓂᐊᕐᐸᕋ.

ᕼᐆᓯᐊᑉ ᐊᒡᓚᖏᑦ 9:10

“ᐃᓴᕆᐊᓕ ᓇᓂᕙᕋ, ᐸᐅᕐᖓᑎᑐᑦ ᐃᓄᖃᔪᐃᑦᑐᒦᑦᑐᑎᑐᑦ, ᓇᐹᕐᑑᑉ ᐱᒋᓕᖕᓂᒃ ᐸᐅᕐᖓᓕᐅᑉ ᓯᕗᓪᓕᕐᐹᒥᒃ ᐱᕈᕐᑎᑕᖏᑎᑐᑦ ᐊᕐᕌᒍᖏᑕ ᓯᕗᓪᓕᕐᐹᖓᓂ, ᓯᕗᓕᓯ ᑕᑯᓚᐅᕐᐸᒃᑲ. ᐂᓚᐅᕐᐳᓪᓕ ᐰᓕ-ᐱᐅᕆᒧᑦ, ᐃᒻᒥᖕᓂᒡᓗ ᓴᓂᕐᕙᒃᑎᓚᐅᕐᐳᑦ ᐰᓕᒧᑦ, ᐃᒻᒥᖕᓂᒡᓗ ᐱᐅᖏᑦᑐᒧᐊᕐᑎᓚᐅᕐᐳᑦ ᐱᐅᒋᔭᒥᓂ ᐊᑐᕐᓂᕐᒥᖕᓄᑦ.

ᒨᓯᓯ ᐱᖓᔪᖏᑦ 16:29

ᐅᓇ ᐱᖁᔭᖅ ᐃᓕᑦᓯᓐᓄᑦ ᑍᒪᓐᖓᑦ ᐊᑐᕐᓂᐊᕐᑐᖅ. ᐅᓪᓗᑦ 10ᖓᓐᓂ ᑕᖅᑮᓪᓗ 7ᖓᓐᓂ ᓂᕆᑦᑍᓕᔭᕆᐊᖃᕐᐳᓯ ᑕᕐᓂᓯ ᐱᓪᓗᒍ, ᐃᖅᑲᓁᔭᖏᓪᓗᓯᓗ ᐃᓴᕆᐊᓕᒥᐅᖑᒍᕕᓪᓘᓐᓃᑦ ᐊᓯᖏᓐᓂᓪᓘᓐᓃᑦ ᐱᓯᒪᒐᓗᐊᕈᕕᑦ ᑕᕝᕙᓂ ᓄᓇᖃᖃᑕᐅᓗᑎᑦ.

ᒨᓯᓯ ᐱᖓᔪᖏᑦ 20:2

“ᐃᓴᕆᐊᓕᒥᐅᑦ ᐅᖃᐅᑎᒃᑭᑦ, ᐃᓴᕆᐊᓕᒥᐅᑦ ᐃᓴᕆᐊᓕᒥᐅᖑᖏᑦᑐᓪᓘᓐᓃᑦ ᐃᓴᕆᐊᓕᒥ ᓄᓇᖃᕐᑐᑦ ᕿᑐᕐᖓᒥᖕᓂᒃ ᑐᓂᕐᕈᑎᖃᕐᑐᖅ ᒎᑎᓐᖑᐊᒧᑦ ᒧᓕᑭᒧᑦ ᑐᖁᑕᐅᔭᕆᐊᖃᕐᐳᑦ. ᓄᓇᖅᑲᑎᒌᑦ ᒥᓪᓗᕐᓗᒍ ᑐᖁᑕᒃᓴᕆᕚᑦ.

ᒨᓯᓯ ᐱᖓᔪᖏᑦ 24:22

ᐊᑦᔨᒌᒥᒃ ᐱᖁᔭᖃᕆᐊᖃᕐᐳᓯ ᐃᓴᕆᐊᓕᒥᐅᖑᒃᐸᑦ ᐊᓯᐊᓂᒥᐅᑕᐅᒃᐸᓪᓘᓐᓃᑦ ᐃᓕᑦᓯᓐᓂ ᓄᓇᖃᖃᑕᐅᔪᓕᒫᑦ ᐅᕙᖓ ᐊᑕᓂᐅᒐᒪ ᒎᑎᓯ.”

ᒨᓯᓯ ᓯᑕᒪᖏᑦ 15:15

ᒪᓕᒐᖃᕐᓂᐊᕐᐳᓯ ᐃᓕᑦᓯᓐᓄᑦ ᑲᑎᒪᔪᕐᔪᐊᓄᑦ ᓄᓇᐅᓪᓗ ᐊᓯᐊᓂᑦ ᐱᓯᒪᔪᓄᑦ, ᑍᒪᓐᖓᓕᒫᖅ ᒪᓕᒐᕆᓂᐊᕐᑕᓯ ᑭᖑᕚᕇᓂᑦ ᑭᖑᕚᕇᓄᑦ; ᐃᓕᑦᓯ ᑍᒤᑦᓴᕆᐊᖃᕐᓂᐊᕋᑦᓯ, ᑍᒫᒃᑕᐅᖅ ᓄᓇᐅᑉ ᐊᓯᐊᓂᑦ ᐱᓯᒪᔪ ᐱᔭᕆᐊᖃᕆᕗᑦ ᐊᑕᓂᐅᑉ ᓵᖓᓂ.

ᒨᓯᓯ ᓯᑕᒪᖏᑦ 15:29

ᐊᑕᐅᓯᕐᒥᒃ ᐱᖁᔭᖃᕐᓂᐊᕐᐳᓯ ᐱᔮᕆᓇᓂ ᐊᔪᕐᑐᓕᔪᒧᑦ, ᐃᓴᕆᐊᓕᒥᐅᓂ ᓄᓇᖃᖃᑕᐅᓗᓂ ᐃᓅᓚᐅᕐᑐᒧᑦ ᐊᓯᓂᓪᓗ ᓄᓇᒥᑦ ᐱᓯᒪᓗᓂ ᑖᒃᑯᓇᓂ ᓄᓇᖃᖃᑕᐅᔪᓄᑦ.”

ᒨᓯᓯ ᑕᓪᓕᒪᖏᑦ 29:19

ᐅᓪᓗᒥ ᐅᕙᓃᑦᑐᒥᒃ ᐱᖁᔨᑦᔪᑎᐅᓪᓚᕆᒃᑐᓂᒃ ᑐᓵᔪᒥᒃ ᐃᓱᒪᔪᖃᕐᑍᓕᓕ ᑍᒤᑦᑐᓅᓕᕋᓗᐊᕈᓂ ᖃᓄᐃᓐᓂᐊᕋᓱᒋᖏᑦᑐᒥᒃ, ᓈᓚᒍᒪᖏᓪᓗᓂ ᐊᓯᒥᓂᒃ ᐃᓱᒪᒋᔭᑐᐃᓐᓇᕐᒥᓂᒃ ᐃᓅᔪᓐᓇᕋᓱᒋᔪᒥᒃ. ᑕᒪᓐᓇ ᑍᒤᓕᖓᓂᖅ ᑕᒪᑦᓯᓐᓂᒃ ᓄᖑᑎᑦᓯᔪᒫᕐᐳᖅ, ᐱᐅᔪᓂᒃ ᐱᐅᖏᑦᑐᓂᒡᓗ.

ᔫᑎᐅᑉ ᐊᒡᓚᖏᑦ 1:19

ᑖᒃᑯᐊ ᑕᕝᕙ ᐃᓄᖕᓂᒃ ᐊᕕᑎᑦᓯᔪᑦ, ᓯᓚᕐᔪᐊᕐᒥᒃ ᒪᓕᑐᐃᓐᓇᕐᑐᑦ, ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐱᓯᒪᖏᑦᑐᑦ.