ᐃᓯᑭᐊᓕᐅᑉ ᐊᒡᓚᖏᑦ 14:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐅᕙᓐᓄᑦ ᓵᑦᑎᐊᖁᒐᓗᐊᕐᐸᒃᑲ ᐃᓴᕆᐊᓕᐅᑉ ᑭᖑᕚᖏᑦ, ᐅᕙᓐᓂᒃ ᐊᕕᑦᑎᓯᒪᖕᒪᑕ ᒎᑎᓐᖑᐊᓅᕐᓂᕐᒥᖕᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 14:5 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 1:4

“ᓈᓚᒋᑦᓯ, ᐃᓅᖃᑎᒌᒡᔪᐊᖑᔪᓯ ᐊᔪᕐᑐᓕᔪᓯ, ᐃᓄᐃᑦ ᐊᔪᕐᓂᕐᒥᒃ ᑕᑕᑦᑐᑦ, ᐱᐅᖏᑦᑐᐊᓗᖕᓂᒃ ᐱᓇᓱᐊᕐᑏᑦ ᕿᑐᕐᖓᖏᑦ, ᕿᑐᕐᖎᑦ ᐱᓂᐊᕐᓂᖃᕐᑐᑦ ᐅᐃᕕᕆᒃᓯᓂᕐᒥᒃ! ᐊᑕᓂᖅ ᑲᒪᒋᔪᓐᓃᕐᐹᑦ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᓇᕐᕈᒋᕚᑦ, ᐃᒻᒥᖕᓂᒃ ᐊᕕᑕᐅᑎᓯᒪᒻᒪᕆᒃᐳᑦ.

ᔨᕆᒤᐊᐅᑉ ᐊᒡᓚᖏᑦ 17:10

ᐅᕙᖓ ᐊᑕᓂᖅ ᖃᐅᔨᓴᕈᓐᓇᕐᐳᖓ, ᐃᓅᑉ ᐆᒻᒪᑎᖓᓂᒃ ᐃᓱᒪᖓᓂᒡᓗ, ᑐᓂᓯᔪᓐᓇᕐᓗᖓᓗ ᐃᓅᑉ ᐱᓂᐊᕐᓂᖏᑦ ᒪᓕᒡᓗᒋᑦ, ᐱᓂᐊᕐᓂᖏᑕ ᐱᕈᕐᑎᑕᖏᓐᓂᒃ.”

ᔨᕆᒤᐊᐅᑉ ᐊᒡᓚᖏᑦ 2:5

ᐊᑕᓂᖅ ᐅᖃᕐᐳᖅ: “ᓱᓇᒥᒃ ᓯᕗᓕᓯ ᐸᑦᓯᑎᒃᓴᖃᓚᐅᕐᐹᑦ ᐅᕙᓐᓄᑦ? ᓱᓇᒧᑦ ᐅᕙᓐᓂᒃ ᑐᓄᐃᑎᑕᐅᕚᑦ? ᑐᒃᓯᐊᕐᕕᖃᓕᕐᓗᑎᒡᓗ ᐊᑑᑎᒃᓴᖃᖏᑦᑐᓂᒃ ᒎᑎᓐᖑᐊᓂᒃ, ᓇᖕᒥᓂᖅ ᓱᓇᐅᔪᓐᓃᕐᓗᑎᒃ.

ᕼᐆᓯᐊᑉ ᐊᒡᓚᖏᑦ 10:2

ᐆᒻᒪᑎᖏᑦ ᑕᒻᒪᕐᑎᑦᓯᕗᑦ; ᒫᓐᓇ ᐸᓯᔭᒃᓴᐅᓂᒃᑯᑦ ᐃᓅᓂᐊᓕᕐᐳᑦ. ᑐᓂᕐᕈᓯᕐᕕᖁᑎᖏᑦ ᐊᑕᓂᐅᑉ ᓯᖁᑦᑎᕐᓂᐊᕐᐰᑦ, ᐅᔭᕅᓪᓗ ᓇᐸᔪᑦ ᒎᑎᓐᖑᐊᑦ ᐊᓯᕈᕐᓗᒋᑦ.

ᓴᑲᕅᐊᐅᑉ ᐊᒡᓚᖏᑦ 11:8

ᑕᖅᑭᒥ ᐊᑕᐅᓯᕐᒥ ᓰᐱᓕᕆᔩᑦ ᐱᖓᓱᑦ ᓄᖅᑲᕐᑎᓚᐅᕐᐸᒃᑲ; ᑖᒃᑯᓇᓐᖓᑦ ᐊᑲᐅᒋᔭᐅᓚᐅᖏᓐᓇᒪ ᐅᕙᖓᓗ ᑕᖃᑦᔪᑎᓚᐅᕋᒃᑭᑦ.

ᕉᒪᒥᐅᓄᑦ 1:28

ᓱᓕ ᒎᑎᒥᒃ ᖃᐅᔨᔭᕆᐊᖃᕋᓱᒋᖏᒻᒪᑕ, ᒎᑎᐅᑉ ᐃᓱᒪᕐᓱᕐᑎᓕᕐᐰᑦ ᐱᐅᖏᑦᑐᒥᒃ ᐱᔪᒪᓂᖏᓐᓄᑦ, ᐊᑐᒐᒃᓴᕆᓐᖏᑕᒥᖕᓂᒡᓗ ᐊᑐᓕᖁᓪᓗᒋᑦ.

ᕉᒪᒥᐅᓄᑦ 1:30

ᐅᖃᕐᓂᕐᓗᖃᑦᑕᐅᑎᕗᑦ, ᒎᑎᒥᒃ ᐆᒥᓱᒃᐳᑦ, ᓂᓐᖓᐅᒪᓪᓗᑎᒃ ᐅᖃᐅᓯᕾᓐᓇᕐᐳᑦ, ᐱᐅᔪᕆᕗᑦ, ᐅᓇᖕᒥᓁᔭᕐᐳᑦ, ᐱᐅᖏᑦᑐᓕᐅᕈᑎᒃᓴᓂᒃ ᐋᖅᑭᒃᓱᐃᕗᑦ, ᐊᖓᔪᖅᑳᒥᖕᓂᒃ ᓈᓚᒍᓐᓇᓐᖏᓚᑦ.

ᕉᒪᒥᐅᓄᑦ 8:7

ᐃᓱᒪ ᑎᒥᐅᑉ ᐱᔪᒪᔭᖓᓂᒃ ᓈᓚᒃᑐᖅ ᒎᑎᒥᒃ ᐊᑭᕋᕐᑐᕐᒪᑦ; ᐃᒻᒥᓂᒃ ᑐᓂᔪᒪᓐᖏᓚᖅ ᒎᑎᐅᑉ ᐱᖁᔭᖏᓐᓄᑦ; ᐊᓱᐃᓛᒃ ᐊᔪᓪᓚᕆᒃᐳᖅ.

ᒐᓔᑎᐊᒥᐅᓄᑦ 6:7

ᐅᐃᕕᕐᕆᔭᐅᑦᑍᓕᒋᑦᓯ; ᒎᑎ ᒥᑕᐅᑎᒋᔭᒃᓴᐅᖏᒻᒪᑦ, ᐃᓄᒃ ᓇᖕᒥᓂᖅ ᑲᓐᖓᕐᓲᑎᒋᓚᐅᕐᑕᒥᓂᒃ ᑲᑎᕐᓱᐃᔪᒫᕐᒪᑦ.

ᐃᐱᓯᒥᐅᓄᑦ 4:18

ᑐᑭᓯᓯᒪᓂᕐᒥᖕᓂᒃ ᑖᕐᓯᑎᑦᓯᓯᒪᕗᑦ, ᐃᓅᓯᕐᒧᓪᓗ ᒎᑎᐅᑉ ᑐᓂᓯᒪᔭᖓᓄᑦ ᐃᓚᒋᔭᐅᓐᖏᓚᑦ ᓇᓗᓂᕐᒧᑦ ᐃᓗᒥᐅᑕᒥᖕᓄᑦ, ᐆᒻᒪᑎᖏᑕ ᓯᑎᓂᖏᓐᓄᑦ;

ᑯᓘᓯᐊᒥᐅᓄᑦ 1:21

ᐃᓕᑦᓯᓗ, ᐅᖓᓯᒃᑐᒦᓚᐅᕐᑐᓯ ᐊᑭᕋᕐᑐᕐᑎᐅᓪᓗᓯᓗ ᑖᑦᓱᒧᖓ ᐃᓱᒪᑦᓯᒍᑦ ᐊᔪᕐᑐᓕᓂᑦᓯᓐᓄᓪᓗ,

ᐄᑉᕈᐃᓄᑦ 3:12

ᑲᒪᑦᓯᐊᕆᑦᓯ ᐅᒃᐱᖃᑎᒃᑲ, ᓇᓪᓕᓯ ᐃᓱᒪᖃᕐᑍᓕᓕ ᐱᐅᖏᑦᑐᒥᒃ, ᐅᒃᐱᖏᑦᑐᒥᒡᓗ ᒎᑎ ᑐᖁᓱᐃᑦᑐᖅ ᓈᓚᒍᓐᓃᕐᓗᒍ ᐱᔪᒥᒃ.