ᐃᓯᑭᐊᓕᐅᑉ ᐊᒡᓚᖏᑦ 14:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ “ᐃᓅᑉ ᐃᕐᓂᖓ, ᓄᓇᓕᐅᖃᑎᒌᒡᔪᐊᑦ ᐊᔪᕐᑐᓕᒃᐸᑕ ᐅᕙᓐᓂᒃ ᐅᒃᐱᕆᔭᖃᖏᓐᓂᕐᒧᑦ, ᐱᔪᓐᓇᕐᓂᓐᓄᓪᓗ ᐱᓇᓱᐊᕐᕕᒋᓕᕈᒃᑭᑦ, ᓂᕿᒃᓴᖃᐅᑎᖏᑦ ᓄᖑᑎᒐᔭᕐᐸᒃᑲ ᑳᖕᓇᕐᑐᕐᔪᐊᕐᒧᓪᓗ ᑎᑭᑎᓪᓗᒋᑦ, ᐃᓄᖏᓪᓗ ᑐᖁᕋᕐᑎᒃᑲᔭᕐᐸᒃᑲ ᐆᒪᔪᖁᑎᖏᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 14:13 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 6:7

ᑍᒤᒻᒪᑦ ᐊᑕᓂᖅ ᐅᖃᓕᕐᐳᖅ, “ᐱᓐᖑᕐᑎᓚᐅᕐᑕᒃᑲ ᐃᓄᐃᑦ ᓄᖑᑎᑦᓱᒪᕙᒃᑲ ᓄᓇᒥᑦ, ᐆᒪᔪᓪᓗ ᐹᕐᖑᕐᑐᓪᓗ ᑎᖕᒥᐊᓪᓗ ᖃᖓᑕᕙᒃᑐᑦ, ᐅᒡᒍᐊᓕᕋᒪ ᓴᓇᓚᐅᕋᒃᑭᑦ.”

ᐄᓱᕋᐅᑉ ᐊᒡᓚᖏᑦ 9:6

ᐅᖃᕐᓗᖓᓗ: “ᒎᑏᒃ, ᑲᓐᖑᓱᓗᐊᕐᐳᖓ ᐃᓕᕋᓱᒃᓗᖓᓗ ᐃᓕᖕᓄᑦ ᐋᕐᓗᕆᐊᒃᓴᖅ ᒎᑎᒐ, ᓵᖕᓂ ᐊᔪᕐᓂᕗᑦ ᐳᕐᑐᓂᕐᓴᐅᓕᕐᒪᑕ ᓂᐊᖁᑦᑎᓐᓂᑦ; ᐸᓯᔭᒃᓴᐅᓂᕗᓪᓗ ᐊᓪᓛᑦ ᑎᑭᐅᑎᕗᑦ ᕿᓚᖕᒧᑦ.

ᐂᓮᐊᓯᐅᑉ ᐊᒡᓚᖏᑦ 24:20

ᓄᓇᕐᔪᐊᕐᓗ ᐊᖔᔮᕐᑐᑎᑐᑦ ᐅᕐᕈᔮᕈᒫᕐᐳᖅ, ᐃᒡᓗᑎᑐᓪᓗ ᐊᓄᕆᓯᐅᕐᓗᓂ ᐅᕚᔪᑎᑐᑦ ᐊᐅᓚᔪᒫᕐᐳᖅ, ᓄᓇᕐᔪᐊᖅ ᐊᔪᕐᑐᓕᓂᕐᒥᓄᑦ ᐅᖁᒤᑦᑐᒦᑎᒻᒪᑦ, ᐅᕐᕈᔪᒫᕐᐳᖅ ᒪᑭᒃᑲᓐᓂᕐᓂᐊᕈᓐᓃᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 3:1

ᑕᑯᒋᑦ ᐊᑕᓂᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᐊᕐᓵᕐᓯᓕᕐᐳᖅ ᔨᕉᓴᓕᒥᑦ ᔫᑎᐊᒥᓪᓗ ᓂᐅᕕᐊᒃᓴᖃᕐᕕᖕᓂᒃ ᓂᐅᕕᕐᕕᖕᓂᒡᓗ, ᓂᐊᖂᔭᒃᓴᓕᒫᓂᒃ ᐃᒥᒃᓴᓕᒫᓂᒡᓗ.

ᔨᕆᒤᐊᐅᑉ ᐊᒡᓚᖏᑦ 32:43

ᐱᕈᕐᓰᕖᓪᓗ ᑕᒫᓂ ᓂᐅᕕᐊᖑᔪᓐᓇᕐᓯᔪᒫᕆᕗᑦ ᐅᖃᕐᐸᓚᐅᕋᓗᐊᕐᑎᓪᓗᓯ ᓱᓇᑕᖃᖏᓐᓂᕐᒧᑦ ᐃᓄᖃᕐᑐᒃᓴᐅᔪᓐᓃᕐᓂᕋᕐᓗᒋᑦ ᐆᒪᔪᖃᕐᑐᒃᓴᐅᔪᓐᓃᕐᓂᕋᕐᓗᒋᓪᓗ ᑲᐅᓪᑎᐊᒥᐅᓄᑦ ᑐᓂᔭᐅᓯᒪᓕᕐᒪᑦ.

ᔨᕆᒤᐊᐅᑉ ᐊᒡᓚᖏᑦ 36:29

ᔨᕼᐅᐃᐊᑭᒻᓗ ᔫᑕᐅᑉ ᐊᖓᔪᖅᑳᕐᔪᐊᖓ ᐅᖃᐅᑎᓗᒍ, ᐃᒫᒃ ᐊᑕᓂᖅ ᐅᖃᕐᐳᖅ, ᐊᒡᓔᑦ ᐃᒧᑦᑕᕐᑐᑦ ᐃᑯᐊᓪᓚᓕᕋᕕᒋᑦ ᐅᖃᓚᐅᕋᕕᑦ, ‘ᖃᓄᐃᒻᒪᑦ ᑎᑎᕋᐅᓯᖃᕐᐱᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᓄᓇᕗᑦ ᐊᓯᕈᕐᑕᐅᔪᒫᕐᓂᕋᕐᓗᒍ ᐃᓄᐃᕈᑦᔭᐅᓗᓂ ᐆᒪᔪᖃᕈᓐᓃᕈᒫᕐᓂᕋᕐᓗᒍ?’

ᔨᕆᒤᐊᐅᑉ ᐊᒡᓚᖏᑦ 52:6

ᑕᖅᑮᑦ ᓯᑕᒪᒋᓕᕐᑕᖓᓐᓂ ᐅᓪᓗᖏᑦᑕ 9ᖓᓐᓂ ᑳᖕᓇᕐᑐᕐᔪᐊᖃᓕᓚᐅᕐᐳᖅ ᑕᕝᕙᓂ, ᐃᓄᐃᑦ ᓂᕿᒃᓮᕈᑎᓚᐅᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 7:20

ᐃᒫᒃ ᑕᕝᕙ ᐊᑕᓂᖅ ᒎᑎ ᐅᖃᕐᐳᖅ: ᑕᑯᒋᑦ, ᓂᓐᖓᒃᑯᒪ ᓂᓐᖓᐅᒪᓗᖓ ᐱᓇᓱᐊᕐᕕᒋᓂᐊᕐᐸᒃᑲ ᐃᓄᐃᓗ ᐆᒪᔪᓪᓗ, ᓇᐹᕐᑐᐃᓪᓗ, ᐸᐅᕐᒊᓪᓗ ᓄᓇᒥ ᐱᕈᕐᐸᒃᑐᑦ, ᐃᑯᐊᓚᓂᐊᕐᐳᑦ ᖃᒥᑕᐅᔪᓐᓇᖏᑦᑐᒥᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:20

ᐊᑕᓃᖅ, ᑕᑯᓚᐅᓐᖓ ᐋᓐᓂᐊᕐᑐᖓ, ᐃᓗᒃᑯᑦ ᐋᓐᓂᐊᓕᕐᐳᖓ, ᐆᒻᒪᑎᒐ ᓯᖁᒥᑉᐳᖅ, ᐊᔪᕐᑐᓕᓯᒪᓂᕋ ᐱᑦᔪᑎᒋᓪᓗᒍ, ᓯᓚᒥ ᑐᖁᕋᐅᑎᔪᑦ ᐅᓄᕐᐳᑦ, ᐃᒡᓗᒥᓗ ᑐᖁᖓᔪᕐᑕᖃᐅᓕᕐᐳᖅ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:8

ᔨᕉᓴᓕᒥᐅᑦ ᐊᔪᕐᑐᓕᓚᐅᕐᒪᑕ ᕿᒃᓵᖕᓇᕐᑐᒥᒃ ᒥᑕᐅᑎᒃᓴᑐᐃᓐᓇᐅᓕᕐᐳᑦ, ᐅᐱᒍᓲᑎᖃᓚᐅᕐᑐᓕᒫᑦ ᒫᓐᓇ ᓇᕐᕈᓕᕐᐳᑦ, ᓱᓇᖃᖏᓐᓂᖓ ᑕᑯᓕᕋᒥᑦᔪᒃ, ᓇᖕᒥᓂᕐᓗ ᐋᓐᓂᐊᑎᑉᐳᑦ ᑲᓐᖑᓱᒃᓗᑎᒡᓗ.

ᐃᓯᑭᐊᓕᐅᑉ ᐊᒡᓚᖏᑦ 14:12

ᐊᑕᓂᐅᑉ ᐅᖃᐅᓯᖓᑕ ᑎᑭᑉᐹᖓ ᐅᖃᕐᓗᓂ:

ᐃᓯᑭᐊᓕᐅᑉ ᐊᒡᓚᖏᑦ 14:17

“ᐅᕝᕙᓗ ᓄᓇᖓᑦ ᓴᕕᒡᔪᐊᕐᒧᑦ ᑎᑭᑕᐅᑎᒃᑯᒃᑯ, ᐅᖃᕐᓗᖓᓗ, ‘ᓴᕕᒡᔪᐊᖅ ᓄᓇᒃᑯᑦ ᐊᖅᑯᓴᐅᑦᔭᐅᓕ;’ ᑕᕝᕙ ᐃᓄᐃᑦ ᐆᒪᔪᓪᓗ ᑕᒫᓃᑦᑐᑦ ᓄᖑᒃᑲᔭᕐᐸᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 14:19

“ᓄᓇᓖᓪᓗ ᖃᓄᐃᓐᓇᕐᑐᓄᑦ ᑎᑭᑕᐅᓂᕐᓗᒃᑎᒃᑲᔭᕈᒃᑭᑦ, ᓂᓐᖓᐅᒪᓂᓐᓄᓪᓗ ᑎᑭᑕᐅᓗᑎᒃ ᐅᓄᕐᑐᑦ ᑐᖁᒐᔭᕐᐳᑦ, ᐃᓄᐃᓪᓗ ᐆᒪᔪᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 14:21

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓱᒋᐊᕐᓯᑦᔪᑎᓐᓂᒃ ᑎᑭᑎᑦᓯᒐᔭᕈᒪ ᓯᑕᒪᓂᒃ ᐱᐅᖏᓐᓂᕐᐹᓂᒃ ᔨᕉᓴᓕᒧᑦ, ᐅᓇᑕᕐᓂᕐᒥᒃ, ᑳᖕᓇᕐᑐᕐᔪᐊᕐᒥᒃ, ᐆᒪᔪᓂᒃ ᐃᕐᓯᓇᕐᑐᓂᒃ, ᖃᓄᐃᓐᓇᕐᑐᓄᓪᓗ ᑎᑭᑕᐅᓂᕐᓗᒃᑎᒃᑯᒃᑭᑦ, ᑖᒃᑯᐊ ᐊᓯᕈᐃᒐᔭᕐᐳᑦ ᐃᓄᖕᓂᒃ ᐆᒪᔪᓂᒡᓗ.

ᐃᓯᑭᐊᓕᐅᑉ ᐊᒡᓚᖏᑦ 15:8

ᓄᓇᖓ ᐃᓄᖃᓚᐅᕐᓯᒪᖏᑦᑐᑎᑐᑦ ᑍᒤᓕᑎᑦᓱᒫᕐᐸᕋ, ᐱᓂᐊᕐᓂᖃᓕᓚᐅᕐᒪᑕ ᐅᒃᐱᕐᓂᖃᖏᑦᑐᑎᑐᑦ, ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 20:27

ᑍᒤᒻᒪᑦ, ᐃᓅᑉ ᐃᕐᓂᖓ ᐃᓴᕆᐊᓕᐅᑉ ᑭᖑᕚᖏᑦ ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑍᒫᒃᑕᐅᖅ ᓯᕗᓕᓯ ᐅᕙᓐᓂᒃ ᐅᖃᕐᓂᕐᓘᑎᖃᓚᐅᕆᕗᑦ, ᐅᕙᓐᓄᑦ ᓱᓕᖃᑦᑕᖏᓐᓂᕐᒥᖕᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 25:13

ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ, ᓱᒋᐊᕈᒫᕐᐸᒃᑲ ᐄᑐᒥᐅᑦ, ᑐᖁᕅᔪᒫᕐᐳᖓ ᐃᓄᖕᓂᒃ ᐆᒪᔪᓂᒡᓗ; ᐃᓄᖃᕈᓐᓃᕐᑎᑦᓱᒫᕐᐸᕋ; ᑏᒪᓐᓂᒥᑦ ᐱᒋᐊᕐᓗᒍ ᑎᑖᓂᒥᐅᑦ ᑎᑭᓪᓗᒋᑦ ᓴᕕᒡᔪᐊᒧᑦ ᑐᖁᕋᕐᑕᐅᔪᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 4:16

ᐅᖃᐅᑎᒃᑲᓐᓂᕐᐹᖓᓗ, “ᐃᓅᑉ ᐃᕐᓂᖓ, ᑕᑯᒋᑦ ᔨᕉᓴᓕᒥᐅᑦ ᓂᐊᖂᔭᒃᓴᕐᑖᕐᕕᒋᕙᒃᑕᖏᑦ ᓄᖅᑲᕐᑎᓐᓂᐊᕐᐸᒃᑲ; ᓂᕆᖃᑦᑕᓕᕈᒫᕐᐳᑦ ᐆᒃᑑᑎᒧᑦ ᐆᒃᑐᕐᑕᐅᓯᒪᔪᒥᒃ ᑲᑉᐱᐊᓱᒡᓗᑎᒃ; ᐃᒥᖃᑦᑕᕈᒫᕐᐳᓪᓗ ᐆᒃᑐᕋᐅᑦ ᒪᓕᒡᓗᒍ ᐃᓱᒪᔮᕐᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 5:16

ᑳᖕᓇᕐᑐᕐᔪᐊᓪᓗ ᖃᕐᔪᖏᓐᓄᑦ ᐱᓯᒋᐊᖃᑦᑕᓕᕈᒪ, ᖃᕐᔪᓄᑦ ᐊᓯᕈᐃᔪᓄᑦ, ᐱᒋᐊᕈᒫᕐᐸᑦᓯ ᓄᖑᑕᐅᖁᓪᓗᓯ, ᑳᖕᓇᕐᑐᕐᔪᐊᓄᑦ ᑭᖑᓕᕇᓄᑦ ᑎᑭᑕᐅᑎᑦᓱᒫᕐᐸᑦᓯ, ᓂᐊᖂᔭᒃᓴᖁᑎᓯᓗ ᐊᔭᐱᕐᕕᒋᕙᒃᑕᓯ ᓄᖑᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 6:14

ᐱᔪᓐᓇᕐᓂᓐᓄᑦ ᓄᓇᒋᔭᖓ ᐱᒋᐊᕈᒫᕐᐸᕋ, ᐃᓄᖃᕈᓐᓃᕐᑎᓪᓗᒍ ᐊᑐᕐᑐᒃᓴᐅᔪᓐᓃᕐᑎᓪᓗᒍᓗ, ᓄᓇᒋᔭᓕᒫᖏᓐᓂ, ᐃᓄᖃᖏᑦᑐᒥᑦ ᕆᑉᓚᒧᑦ ᑎᑭᓪᓗᒍ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓ ᐊᑕᓂᐅᒐᒪ.”

ᐃᓯᑭᐊᓕᐅᑉ ᐊᒡᓚᖏᑦ 9:9

ᑕᕝᕙ ᐅᖃᐅᑎᕚᖓ, “ᐃᓴᕆᐊᓕᐅᑉ ᔫᑕᐅᓪᓗ ᑭᖑᕚᖏᑦ ᐸᓯᔭᒃᓴᐅᓗᐊᕐᒪᑕ; ᓄᓇ ᐊᐅᖕᒥᒃ ᑕᑕᒻᒪᑦ, ᐃᒡᓗᒐᓴᒡᔪᐊᕐᒥᐅᓪᓗ ᐊᑦᔨᒌᒃᑎᑦᓯᓇᑎᒃ; ᐅᖃᖃᑦᑕᕐᒪᑕ, ‘ᐊᑕᓂᖅ ᓄᓇᒥᒃ ᖁᔭᓈᕐᓯᕗᖅ, ᑕᑯᓐᓇᕈᓐᓃᕐᓗᓂᓗ.’

ᑖᓂᐊᓕᐅᑉ ᐊᒡᓚᖏᑦ 9:5

“ᐱᐅᖏᑦᑐᓕᓯᒪᒐᑦᑕ ᓈᒻᒪᖏᑦᑐᓂᒡᓗ ᐱᓂᐊᕐᓂᖃᕐᓯᒪᓪᓗᑕ, ᐱᐅᖏᑦᑐᐊᓘᓯᒪᒐᑦᑕ ᐃᓕᖕᓂᒡᓗ ᐊᑭᕋᕐᑐᕐᓯᒪᓪᓗᑕ; ᒪᓕᒐᒃᓴᐅᖁᔭᕐᓂᒃ ᐱᖁᔭᕐᓂᒡᓗ ᕿᒤᓯᒪᒐᑦᑕ.

ᒨᓯᓯ ᐱᖓᔪᖏᑦ 26:26

ᓂᕿᒃᓴᓯ ᐃᓕᑦᓯᓐᓄᑦ ᑎᑭᒍᓐᓁᓪᓕᑎᒃᑯᑭᑦ, ᐊᕐᓁᑦ ᖁᓕᑦ ᐃᒐᒥᒃ ᐊᑕᐅᓯᕐᒥᒃ ᓂᕿᓕᐅᕐᓂᕐᒧᑦ ᓈᒻᒪᒋᔭᖃᓕᕋᔭᕐᐳᑦ, ᓂᐊᖂᔭᑉ ᐅᖁᒤᓐᓂᖓ ᒪᓕᒡᓗᒍ ᐊᒡᒍᕐᑕᐅᓗᓂ ᓂᕆᑎᑕᐅᖃᑦᑕᓕᕐᓗᓯ, ᓂᕆᓂᐊᕐᑕᓯ ᓄᖑᒃᑲᓗᐊᕈᑦᓯᐅᒃ ᓱᓕ ᐊᕿᐊᑦᑐᕈᓐᓁᓪᓕᓗᓯ.