ᐃᓯᑭᐊᓕᐅᑉ ᐊᒡᓚᖏᑦ 13:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² “ᓴᐱᓕᕐᑎᑦᓯᖃᑦᑕᕋᑦᓯ ᐃᓄᖕᓂᒃ ᐃᓱᐊᕐᑐᓕᔪᓂᒃ ᓱᓕᖏᑦᑐᓄᑦ, ᓴᐱᓕᕐᑎᓯᒪᓐᖏᑕᓐᓂᒃ, ᐱᐅᖏᑦᑐᓕᔪᓪᓗ ᐱᐅᖏᑦᑐᓕᓂᕐᒧᑦ ᑲᔪᖏᕐᓴᖃᑦᑕᕋᑦᓯᒋᒃ, ᕿᒤᖁᔨᖃᑦᑕᖏᓐᓇᑦᓯ ᐱᐅᖏᑦᑐᓕᓂᕐᒥᖕᓂᒃ ᐃᓅᓯᕐᒥᖕᓂᒃ ᐱᐅᓕᓯᖁᓇᒋᑦ;

ᐃᓯᑭᐊᓕᐅᑉ ᐊᒡᓚᖏᑦ 13:22 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 28:15

ᐅᖃᓚᐅᕋᑦᓯ, “ᑐᖁ ᐊᖏᖃᑎᒌᒍᑎᓕᐅᕐᕕᒋᓯᒪᕙᕗᑦ, ᑐᖁᖓᔪᓪᓗ ᐃᓂᖓᑦ ᐊᖏᖃᑎᒋᓯᒪᕙᕗᑦ; ᑏᒐᕈᑎᒧᑦ ᑏᒐᕆᐊᕐᑕᐅᒐᓗᐊᕈᑦᑕ ᐅᕙᑦᑎᓐᓄᑦ ᑎᑭᐅᑎᓂᐊᓐᖏᓚᑦ; ᓴᒡᓗᕿᑦᓯᓂᕐᒥᒃ ᕿᒫᕕᒃᓴᓕᐅᕐᓯᒪᒐᑦᑕ, ᓯᓔᕐᕆᒃᓯᓂᒃᑯᓪᓗ ᓱᓕᖏᑦᑐᒃᑯᑦ ᐅᕙᑦᑎᓐᓂᒃ ᐃᔨᕐᓯᒪᕕᒃᓴᖃᕐᓗᑕ.”

ᔨᕆᒤᐊᐅᑉ ᐊᒡᓚᖏᑦ 23:14

ᔨᕉᓴᓕᒥᐅᓂᓗ ᒎᑎᒧᑦ ᐱᔪᖃᓛᕐᑐᒥᒃ ᐅᖃᕐᑎᐅᔪᓂᒃ ᐱᐅᖏᓐᓂᕐᓴᓂᒃ ᑕᑯᓯᒪᕗᖓ, ᐊᓯᓐᓂᐊᖃᑦᑕᕐᒪᑕ ᐃᓅᓯᖃᓕᕐᓗᑎᒡᓗ ᓱᓕᖏᑦᑐᒥᒃ; ᐱᐅᖏᑦᑐᓕᔪᓂᒃ ᐃᑲᔪᕐᑐᐃᑐᐃᓐᓇᖃᑦᑕᓕᕐᐳᑦ, ᐱᐅᖏᑦᑐᓕᓂᕐᒥᖕᓂᑦ ᓵᒋᐊᕐᑐᖃᕈᓐᓇᕈᓐᓃᕐᐳᖅ; ᓱᑑᒪᒥᐅᓄᑦ ᐊᑦᔨᒋᔭᐅᑎᓕᕐᐸᒃᑲ, ᐃᓄᖏᓪᓗ ᒍᒨᕋᒥᐅᑎᑐᑦ ᑍᒤᓕᕐᓗᑎᒃ.”

ᔨᕆᒤᐊᐅᑉ ᐊᒡᓚᖏᑦ 23:17

ᒎᑎᒥᒃ ᓇᕐᕈᒋᔭᓖᑦ ᐅᖃᐅᑎᖃᑦᑕᕐᒪᒋᑦ ᐃᒫᒃ, ‘ᐊᑕᓂᖅ ᐅᖃᕐᐳᖅ, ᖃᓄᐃᑕᐅᓇᕐᑐᒧᑦ ᑎᑭᑕᐅᑦᔮᓐᖏᓚᓯ’; ᐆᒻᒪᑎᒥ ᓯᑎᔫᓂᖏᓐᓂᒃ ᒪᓕᒃᑐᑦ ᐅᖃᕐᕕᒋᕙᒃᐰᑦ, ‘ᐊᓯᕈᕐᑕᐅᓇᕐᑐᒧᑦ ᑎᑭᑕᐅᔪᒫᓐᖏᓚᓯ.’”

ᔨᕆᒤᐊᐅᑉ ᐊᒡᓚᖏᑦ 23:9

ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ ᐱᓪᓗᒋᑦ: ᐆᒻᒪᑎᒐ ᐃᓗᓐᓂ ᓯᖁᒥᓯᒪᕗᖅ, ᓴᐅᓂᒃᑲᓗ ᓴᔪᒡᐳᑦ; ᐋᖓᔮᕐᑐᑎᑐᑦ ᑍᒤᓕᕐᐳᖓ, ᕔᓂᒥᒃ ᐃᒥᓗᐊᕐᑐᕕᓂᕐᑎᑐᑦ, ᐊᑕᓂᖅ ᐱᑦᔪᑎᒋᓪᓗᒍ ᐅᖃᐅᓯᖏᓪᓗ ᐃᑦᔪᕐᓁᑦᑐᑦ ᐱᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 28:16

ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᕐᐳᖅ, “ᑕᑯᒋᑦ, ᓄᓇᕐᔪᐊᒥᑦ ᐃᒋᓐᓂᐊᕐᐸᒋᑦ, ᐊᕐᕌᒍᒥ ᑕᕝᕙᓂ ᑐᖁᔪᒫᕐᐳᑎᑦ ᐊᔪᕆᕐᑐᐃᓯᒪᒐᕕᑦ ᒎᑎᒥᒃ ᐊᑭᕋᕐᑐᕐᑐᓂᒃ.”

ᔨᕆᒤᐊᐅᑉ ᐊᒡᓚᖏᑦ 29:31

“ᐊᐅᓪᓚᕈᑦᔭᐅᓯᒪᔪᓕᒫᑦ ᐅᖃᐅᑎᒃᑭᑦ ᐃᒫᒃ ᐊᑕᓂᖅ ᐅᖃᐅᓯᖃᕐᐳᖅ, ‘ᓯᒤᐊ ᓂᕼᐃᓚᒥ ᓄᓇᓕᒃ ᐱᓪᓗᒍ, ᓯᒤᐊ ᐃᓕᑦᓯᓐᓄᑦ ᐱᔪᒫᕐᑐᒃᓴᓂᒃ ᐅᖃᐅᓯᖃᓚᐅᕐᒪᑦ ᑎᓕᓚᐅᖏᒃᑲᓗᐊᕐᑕᕋ ᑍᒫᒃ ᐅᖃᖁᓗᒍ, ᓱᓕᖏᑦᑐᒥᒃ ᐃᓕᑦᓯᓐᓂᒃ ᐅᒃᐱᓕᕐᑎᑦᓯᖕᒪᑦ.

ᔨᕆᒤᐊᐅᑉ ᐊᒡᓚᖏᑦ 29:32

ᐃᒫᒃ ᐊᑕᓂᖅ ᐅᖃᕐᐳᖅ, ᓯᒤᐊ ᓂᕼᐃᓚᒥ ᓱᒋᐊᕐᓂᐊᕐᐸᕋ ᑭᖑᕚᖏᑦ ᐱᖃᓯᐅᑎᓗᒋᑦ, ᐃᓅᖃᑎᒃᓴᖃᕈᓐᓃᕐᓂᐊᕐᐳᖅ ᐃᓚᒋᔭᒥᓂ, ᐱᐅᔪᓂᒡᓗ ᐃᓄᖁᑎᓐᓄᑦ ᐱᓇᓱᐊᕐᓂᕆᔭᒃᑲ ᑕᑯᓂᐊᓐᖏᓔᑦ, ᐊᑕᓂᖅ ᐅᖃᕐᐳᖅ, ᐅᖃᐅᓯᖃᓚᐅᕐᒪᑦ ᐅᕙᓐᓂᒃ ᐊᑭᕋᕐᑐᕐᑐᓂᒃ.’”

ᔨᕆᒤᐊᐅᑉ ᐊᒡᓚᖏᑦ 34:16

ᒫᓐᓇᓕ ᐅᖃᓚᐅᕐᑕᓯ ᓴᖑᑎᓪᓗᒍ ᐊᑎᕋ ᐊᑐᕐᓂᕐᓗᓕᕆᕙᓯ, ᓯᐊᓛᓯ ᐃᓱᒪᕐᓱᓕᕐᑎᑦᓴᕆᐊᖃᓚᐅᕐᑕᓯ ᐊᖑᑏᑦ ᐊᕐᓁᓪᓗ ᐅᑎᕐᑎᒻᒥᒐᑦᓯᐅᒃ, ᑎᒍᓯᒪᓪᓗᒋᑦ ᓯᐊᓛᕆᒃᑲᓐᓂᓕᕐᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 34:22

ᑎᓕᓯᓂᐊᕐᐳᖓ, ᐊᑕᓂᖅ ᐅᖃᕐᐳᖅ, ᐅᑎᕐᓂᐊᕐᒪᑕ ᑕᕝᕗᖓ ᐃᒡᓗᒐᓴᒡᔪᐊᓄᑦ ᐅᓇᑕᕐᓗᒍᓗ ᓵᓚᒋᒍᓂᑦᔪᒃ ᐃᑯᐊᓪᓚᖕᓂᐊᕐᐹᑦ, ᔫᑕᒥᐅᓪᓗ ᓄᓇᓕᖁᑎᖏᑦ ᓄᓇᒋᔭᒃᓴᐅᔪᓐᓃᕐᑎᓐᓂᐊᕐᐸᒃᑲ ᓄᓇᒋᔭᐅᔪᓐᓃᖁᓪᓗᒋᑦ ᐃᓄᖕᓄᑦ.”

ᔨᕆᒤᐊᐅᑉ ᐊᒡᓚᖏᑦ 4:10

ᐅᖃᕐᐳᖓᓕ, “ᐊᑕᓃᖅ ᒎᑏ, ᔨᕉᓴᓕᒥᐅᑦ ᐃᓄᖏᑦ ᓴᒡᓗᕿᑉᐸᑎᑦ ᖃᓄᐃᓐᓇᖏᑦᑐᒥᒃ ᐃᓅᓯᖃᕐᓂᐊᕐᓂᕋᕐᓗᒋᑦ, ᓱᓇᐅᕝᕙᓕ ᑐᖁᑕᐅᓂᐊᕐᑎᓪᓗᒋᑦ.”

ᔨᕆᒤᐊᐅᑉ ᐊᒡᓚᖏᑦ 6:14

ᐃᓄᖁᑎᒪ ᑭᓪᓕᖏᓐᓂᒃ ᒪᑦᑐᓯᕐᓯᑐᐃᓐᓇᕐᐳᑦ. ᐅᖃᕐᓗᑎᒃ, ‘ᖃᓄᐃᓐᓇᕐᑐᖃᓐᖏᓚᖅ,’ ᖃᓄᐃᓐᓇᕐᑐᒦᒃᑲᓗᐊᕋᒥᒃ.

ᔨᕆᒤᐊᐅᑉ ᐊᒡᓚᖏᑦ 8:11

ᐃᓄᖁᑎᒪ ᑭᓪᓕᖏᓐᓂᒃ ᕿᑦᑐᑳᒃᓯᒪᔪᑐᐃᓐᓇᕐᑎᑐᑦ ᒪᑦᑐᓯᕐᓯᕙᖕᒪᑕ. ᐅᖃᕐᐸᒃᐳᑦ, ᖃᓄᐃᖏᑦᓯᐊᕐᐳᒍᑦ ᖃᓄᐃᖏᑦᓯᐊᕐᐳᒍ, ᓮᒪᓇᕐᑐᖃᕈᓐᓃᕐᑎᓪᓗᒍ.

ᐃᓯᑭᐊᓕᐅᑉ ᐊᒡᓚᖏᑦ 13:16

ᑍᒃᑯᐊᓗ ᐱᔪᒫᕐᑐᓂᒃ ᐅᖃᕐᑎᐅᓂᕋᕐᓗᑎᒃ ᐃᓴᕆᐊᓕᒥ ᐅᖃᕐᐸᓚᐅᕐᑐᑦ ᔨᕉᓴᓕᒥᐅᓂᒃ ᖃᓄᐃᓛᖏᓐᓂᕅᓪᓗᑎᒃ, ᖃᓄᐃᓐᓇᕐᑐᑦ ᐊᑐᓕᕋᓗᐊᕐᑎᓪᓗᒋᑦ, ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 18:21

“ᐱᐅᖏᑦᑐᓕᔪᕐᓕ ᐊᔪᕐᑐᓕᓂᕐᒥᓂᒃ ᐱᓂᐊᕐᓂᕆᓚᐅᕐᑕᒥᓂᒃ ᕿᒤᒃᐸᑦ ᒪᓕᒐᒃᓴᐅᖁᔭᒃᑲᓗ ᒪᓕᓕᕐᓗᓂᒋᑦ, ᐃᓱᐊᕐᑐᒥᒃ ᓈᒻᒪᓈᕐᑐᒥᒡᓗ ᐃᓕᖅᑯᓯᖃᓕᕐᓗᓂ, ᑖᓐᓇ ᖁᓚᕐᓇᖏᑦᑐᒥᒃ ᐃᓅᔪᒫᕐᐳᖅ; ᑐᖁᑦᔮᓇᓂᓗ.

ᐃᓯᑭᐊᓕᐅᑉ ᐊᒡᓚᖏᑦ 18:27

ᐊᒻᒪ ᐱᐅᖏᑦᑐᓕᔪᖅ ᐊᔪᕐᑐᓕᓂᕐᒥᒃ ᐱᓂᐊᕐᓂᕆᓚᐅᕐᑕᒥᓂᒃ ᕿᒤᓗᓂ ᐱᖁᔭᓂᒃ ᒪᓕᓕᕐᓗᓂ ᓈᒻᒪᓈᕐᑐᒥᒡᓗ ᐊᑐᓕᕐᐸᑦ, ᑖᑦᓱᒪ ᐃᓅᓯᓂ ᐱᐅᓕᓂᐊᕐᐹ.

ᐃᓯᑭᐊᓕᐅᑉ ᐊᒡᓚᖏᑦ 9:4

ᐊᑕᓂᐅᓪᓗ ᐅᖃᐅᑎᕚ, “ᔨᕉᓴᓕᐅᑉ ᐃᒡᓗᒐᓴᖏᑎᒍᑦ ᐃᖏᕐᕋᒋᑦ, ᖃᐅᖏᑎᒍᑦ ᓇᓗᓁᒃᑯᓯᕐᓱᐃᓗᑎᑦ ᐊᓂᕐᓴᐅᒥᑦᔪᑎᓕᖕᓂᒃ ᐅᒡᒍᐊᕈᑎᓕᖕᓂᒡᓗ ᓇᕐᕈᓇᕐᑐᓂᒃ ᐱᓂᐊᕐᓂᐅᕙᒃᑐᓂᒃ.”

ᐂᒨᓯᐅᑉ ᐊᒡᓚᖏᑦ 5:12

ᐊᔪᕐᓂᓯ ᐅᓄᕐᓂᖏᑦ ᖃᐅᔨᒪᒐᒃᑭᑦ, ᐊᔪᕐᑐᓕᓯᒪᔪᐊᓘᓂᓯᓗ, ᐊᑭᕋᕐᑐᕋᑦᓯᐅᒡᓗ ᐃᓱᐊᕐᑐᓕᔪᑦ, ᐊᑭᓕᕐᑕᐅᓪᓗᓯᓗ ᓴᖑᑎᑕᐅᕙᒃᓗᓯ; ᐊᔪᕐᓴᕐᑐᓪᓗ ᐱᑦᓯᐊᕐᕕᒋᓇᒋᑦ ᐃᖅᑲᕐᑐᐃᕕᖕᓂ.