ᐃᓯᑭᐊᓕᐅᑉ ᐊᒡᓚᖏᑦ 13:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᑮᓇᑦᓯᓐᓄᑦ ᒪᑐᐊᓯ ᐊᓕᒡᓗᒋᑦ ᐲᔭᕈᒫᕐᐸᒃᑲ, ᐃᓄᖁᑎᒃᑲᓗ ᐱᔪᓐᓇᐅᑎᑦᓯᓐᓂᑦ ᓴᐳᑎᓗᒋᑦ, ᐃᓕᑦᓯᓐᓄᓪᓗ ᓇᕆᐊᕆᔭᐅᔪᑎᑐᑦ ᑍᒤᑦᓱᓐᓁᕈᒫᕐᐳᑦ; ᖃᐅᔨᖁᓪᓗᓯ ᐅᕙᖓᐅᒐᒪ ᐊᑕᓂᖅ.

ᐃᓯᑭᐊᓕᐅᑉ ᐊᒡᓚᖏᑦ 13:21 ပူးပေါင်းရင်းမြစ်များ

ᐃᓐᖏᕈᑎᑦ 124:7

ᑕᕐᓂᕗᑦ ᐊᓐᓇᓚᐅᕐᐳᑦ ᑎᖕᒥᐊᑉ ᐊᓐᓇᖕᓂᖓᑐᑦ ᑎᖕᒥᐊᕋᓱᒃᑑᑉ ᓂᒐᖓᓂᑦ; ᓂᒐᕆᔭᐅᔪᖅ ᕿᒃᑐᕋᕐᒪᑦ, ᑕᕝᕙ ᐊᓐᓇᓚᐅᕐᐳᒍᑦ.

ᐃᓐᖏᕈᑎᑦ 91:3

ᑖᑦᓱᒪ ᐱᐅᓕᓂᐊᕐᐹᑎᑦ ᓂᒐᕐᑎᑦᓯᓇᓱᐊᕐᑎᐅᑉ ᓂᒐᖓᓂᑦ ᓱᒃᑯᑎᕆᓇᓱᐊᕐᑑᓪᓗ ᐱᓇᓱᐊᕐᓂᖓᓂᑦ ᓴᓗᒤᑦᑐᒥᑦ.

ᐃᓯᑭᐊᓕᐅᑉ ᐊᒡᓚᖏᑦ 13:20

“ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᓵᓐᖓᓂᐊᓕᕐᐸᒃᑲ ᐊᒡᒐᐅᒻᒥᐅᑕᓕᐊᕆᕙᒃᑕᓯ ᐊᐅᓚᑦᓯᑦᔪᑎᒋᓇᓱᐊᕐᓗᒋᑦ ᐃᓅᓯᕐᒥᒃ ᑐᖁᒥᒡᓗ, ᐊᕐᓵᕈᒫᕐᐸᑦᓯ ᐊᒡᒐᐅᒻᒥᐅᑕᑦᓯᓐᓂᒃ; ᐃᓄᐃᓪᓗ ᑕᒪᒃᑯᓄᖓ ᐊᐅᓚᓐᓇᓱᐊᓚᐅᕐᑕᓯ ᕿᓚᕈᑦᔮᕐᓯᒪᓕᕈᒫᕐᐳᑦ ᑎᖕᒥᐊᑎᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 13:23

ᑍᒤᒻᒪᑦ ᑕᑯᑎᑕᐅᓐᖑᐊᕐᓂᕆᖃᑦᑕᕐᑕᓯ ᓄᖅᑲᕐᓂᐊᓕᕐᐳᖅ ᐱᔪᒫᕐᑐᒃᓴᓂᒡᓗ ᐅᖃᐅᓯᖃᕋᓱᖃᑦᑕᕐᓂᓯ ᐃᓱᓕᑉᐳᖅ; ᐃᓄᖁᑎᒃᑲ ᓴᐳᑎᓂᐊᓕᕐᐸᒃᑲ ᐱᔪᓐᓇᐅᑎᑦᓯᓐᓂᑦ. ᑕᕝᕙ ᖃᐅᔨᓂᐊᕐᐳᓯ ᐅᕙᖓᐅᒐᒪ ᐊᑕᓂᖅ.”