ᐃᓯᑭᐊᓕᐅᑉ ᐊᒡᓚᖏᑦ 13:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐅᖃᐅᑎᓗᒋᓪᓗ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: “ᑲᑉᐱᐊᓐᓇᒦᒃ ᐊᕐᓁᑦ ᒥᕐᓱᖃᑦᑕᕐᑐᑦ ᐊᒡᒐᐅᒻᒥᐅᑕᓕᐅᕐᓗᑎᒃ ᐊᖓᒃᑰᓵᕈᑎᒃᓴᒥᖕᓂᒃ, ᑮᓇᕐᓄᓪᓗ ᒪᑐᐊᓕᐅᖃᑦᑕᕐᑐᑦ ᐊᑦᔨᒌᖏᑦᑐᓂᒃ ᑕᒤᓐᓄᑦ ᐊᑐᕐᑕᐅᔪᒃᓴᓂᒃ, ᑕᕐᓂᖏᓐᓂᒃ ᐱᓇᓱᐊᕐᓗᑎᒃ! ᐊᐅᓚᑦᓯᓇᓱᖃᑦᑕᕐᓂᐊᕐᐱᓰ ᐃᓄᖁᑎᒪ ᑕᕐᓂᖏᓐᓂᒃ, ᐊᓯᖏᓪᓗ ᐆᒪᑎᓪᓗᒋᑦ ᑮᓇᐅᔭᓕᐅᕈᑎᒋᔪᒪᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 13:18 ပူးပေါင်းရင်းမြစ်များ

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:26

ᐊᑭᓕᕐᑕᐅᓪᓗᓂ ᓄᓕᐊᒐᖅ ᓂᐊᖁᔮᕐᑖᕈᑎᒃᓴᒥᒃ ᐊᑭᓕᕐᑕᐅᔪᓐᓇᕐᐳᖅ, ᐊᖑᓐᓂᐊᕐᑎᓕ ᐊᕐᓇᖅ ᑎᒡᓕᒃᐳᖅ ᐊᖑᑎᐅᑉ ᐃᓅᓯᖓᓂᒃ.

ᔨᕆᒤᐊᐅᑉ ᐊᒡᓚᖏᑦ 4:10

ᐅᖃᕐᐳᖓᓕ, “ᐊᑕᓃᖅ ᒎᑏ, ᔨᕉᓴᓕᒥᐅᑦ ᐃᓄᖏᑦ ᓴᒡᓗᕿᑉᐸᑎᑦ ᖃᓄᐃᓐᓇᖏᑦᑐᒥᒃ ᐃᓅᓯᖃᕐᓂᐊᕐᓂᕋᕐᓗᒋᑦ, ᓱᓇᐅᕝᕙᓕ ᑐᖁᑕᐅᓂᐊᕐᑎᓪᓗᒋᑦ.”

ᔨᕆᒤᐊᐅᑉ ᐊᒡᓚᖏᑦ 6:14

ᐃᓄᖁᑎᒪ ᑭᓪᓕᖏᓐᓂᒃ ᒪᑦᑐᓯᕐᓯᑐᐃᓐᓇᕐᐳᑦ. ᐅᖃᕐᓗᑎᒃ, ‘ᖃᓄᐃᓐᓇᕐᑐᖃᓐᖏᓚᖅ,’ ᖃᓄᐃᓐᓇᕐᑐᒦᒃᑲᓗᐊᕋᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 13:10

“ᐃᓛᒃ ᑖᒃᑯᐊ, ᐃᓄᖁᑎᓐᓂᒃ ᑕᒻᒪᕐᑎᑦᓯᓚᐅᕐᐳᑦ, ᐅᖃᕐᓗᑎᒃ, ‘ᖃᓄᐃᓐᓇᕐᑐᖃᓐᖏᓚᖅ,’ ᐅᕝᕙ ᖃᓄᐃᓐᓇᕐᑐᑦ ᐊᑐᓕᕐᑎᓪᓗᒋᑦ; ᐃᓄᖁᑎᒃᑲ ᐊᕙᓗᕐᔪᐊᓕᐅᕐᑎᓪᓗᒋᑦ, ᑖᒃᑯᐊ ᓇᓚᐅᑦᑍᔨᐅᓂᕋᕐᑐᑦ ᖄᖓᒍᑦ ᖃᑯᕐᑕᒥᒃ ᒥᖑᐊᕆᔨᑐᐃᓐᓇᐅᕗᑦ;

ᐃᓯᑭᐊᓕᐅᑉ ᐊᒡᓚᖏᑦ 13:16

ᑍᒃᑯᐊᓗ ᐱᔪᒫᕐᑐᓂᒃ ᐅᖃᕐᑎᐅᓂᕋᕐᓗᑎᒃ ᐃᓴᕆᐊᓕᒥ ᐅᖃᕐᐸᓚᐅᕐᑐᑦ ᔨᕉᓴᓕᒥᐅᓂᒃ ᖃᓄᐃᓛᖏᓐᓂᕅᓪᓗᑎᒃ, ᖃᓄᐃᓐᓇᕐᑐᑦ ᐊᑐᓕᕋᓗᐊᕐᑎᓪᓗᒋᑦ, ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 13:20

“ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᓵᓐᖓᓂᐊᓕᕐᐸᒃᑲ ᐊᒡᒐᐅᒻᒥᐅᑕᓕᐊᕆᕙᒃᑕᓯ ᐊᐅᓚᑦᓯᑦᔪᑎᒋᓇᓱᐊᕐᓗᒋᑦ ᐃᓅᓯᕐᒥᒃ ᑐᖁᒥᒡᓗ, ᐊᕐᓵᕈᒫᕐᐸᑦᓯ ᐊᒡᒐᐅᒻᒥᐅᑕᑦᓯᓐᓂᒃ; ᐃᓄᐃᓪᓗ ᑕᒪᒃᑯᓄᖓ ᐊᐅᓚᓐᓇᓱᐊᓚᐅᕐᑕᓯ ᕿᓚᕈᑦᔮᕐᓯᒪᓕᕈᒫᕐᐳᑦ ᑎᖕᒥᐊᑎᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 13:21

ᑮᓇᑦᓯᓐᓄᑦ ᒪᑐᐊᓯ ᐊᓕᒡᓗᒋᑦ ᐲᔭᕈᒫᕐᐸᒃᑲ, ᐃᓄᖁᑎᒃᑲᓗ ᐱᔪᓐᓇᐅᑎᑦᓯᓐᓂᑦ ᓴᐳᑎᓗᒋᑦ, ᐃᓕᑦᓯᓐᓄᓪᓗ ᓇᕆᐊᕆᔭᐅᔪᑎᑐᑦ ᑍᒤᑦᓱᓐᓁᕈᒫᕐᐳᑦ; ᖃᐅᔨᖁᓪᓗᓯ ᐅᕙᖓᐅᒐᒪ ᐊᑕᓂᖅ.

ᐃᓯᑭᐊᓕᐅᑉ ᐊᒡᓚᖏᑦ 22:25

ᓯᕗᓕᕐᑎᖏᑦ ᓛᔭᑎᑐᑦ ᑐᖁᕋᑖᕐᑕᒥᖕᓂᒃ ᐊᓕᒃᑐᐃᔪᑎᑐᑦ ᖃᓕᖑᐊᕐᐳᑦ; ᐃᓅᖃᑎᒥᖕᓂᒃ ᑐᑯᕅᕗᑦ; ᐃᓄᐊᕐᑕᒥ ᑮᓇᐅᔭᖏᓐᓂᒃ ᐱᓐᓇᕆᔭᖏᓐᓂᒡᓗ ᐱᑖᕐᐸᒃᐳᑦ; ᐅᓄᕐᑐᓂᒃ ᐅᐃᒡᒐᕐᓂᓐᖑᕐᑎᑦᓯᕗᑦ ᓄᓇᒥᖕᓂᒃ.

ᐃᐱᓯᒥᐅᓄᑦ 4:14

ᓱᕈᓯᐅᔪᓐᓁᖁᓪᓗᑕ, ᒪᓕᖕᒧᑦ ᐊᐅᓚᑕᐅᔪᑎᑐᑦ ᐊᓄᕆᐅᓪᓗ ᓴᕿᖃᑦᑕᕐᓂᖓᓂᒃ ᒪᓕᑐᐃᓐᓇᕐᑐᑎᑐᑦ, ᑕᕝᕙ ᐊᔪᕆᕐᑑᓯᕐᓄᑦ ᓯᓔᕐᕆᒃᓯᔪᓄᑦ, ᑕᒻᒪᕐᑎᑦᓯᔪᓄᑦ ᑕᑯᒃᓴᐅᔪᒃᑯᑦ ᓱᓕᔫᔮᕐᓗᑎᒃ ᐱᓇᓱᐊᖃᑦᑕᕐᑐᓄᑦ.

ᑎᒧᑎᒧᑦ ᐂᑉᐸᖏᑦ 4:3

ᓇᓪᓕᐅᑎᔪᒫᕐᒪᑦ ᓇᓛᒎᕐᑑᑉ ᐊᔪᕆᕐᑑᑕᐅᓂᖏᓐᓂᒃ ᓈᓚᒍᒪᖏᑦᑐᓂᒃ, ᑖᒃᑯᐊᓗ ᐊᔪᕆᕐᑐᐃᔪᒃᓴᕐᓯᐅᓕᕈᒫᕐᐳᑦ ᑐᓴᕐᓂᕆᔭᒥᖕᓂᒃ ᐊᔪᕆᕐᑐᐃᔪᓐᓇᕐᑐᓂᒃ ᖁᕕᐊᒋᔭᖏᓐᓂᒡᓗ ᐊᔪᕆᕐᑐᐃᔪᓐᓇᕐᑐᓂᒃ,

ᐲᑦᑐᕉᓯ ᐂᑉᐸᖏᑦ 2:14

ᐊᓯᓐᓂᐊᕈᒪᓂᕐᒥᒃ ᑕᑯᓐᓇᒐᑐᐊᖃᕐᐳᑦ, ᐊᔪᕐᑐᓕᔪᒪᓂᖏᓪᓗ ᓈᒻᒪᒃᓯᔪᓐᓇᓐᖏᓚᑦ. ᓴᓐᖐᑦᑐᓂᒃ ᑕᓯᐅᕐᓯᕙᒃᐳᑦ ᐊᔪᓕᕐᕕᒋᓂᐊᕐᑕᖏᓐᓄᑦ. ᐆᒻᒪᑎᖏᑦ ᐱᔪᒪᕕᒡᔪᐊᕐᓂᕐᒥᒃ ᐃᓕᓐᓂᐊᕐᓯᒪᕗᑦ. ᑖᒃᑯᐊ ᒎᑎᐅᑉ ᓂᓐᖓᐅᓯᖓᓃᓕᕇᕐᐳᑦ!