ᐃᓯᑭᐊᓕᐅᑉ ᐊᒡᓚᖏᑦ 12:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᐃᒡᓗᒐᓴᒡᔪᐊᑦ ᒫᓐᓇ ᐃᓄᓖᑦ ᓱᒃᑯᑎᕐᑕᐅᔪᒫᕐᐳᑦ, ᓄᓇᓗ ᑕᒪᓐᓇ ᓱᓇᑕᖃᕈᓐᓃᕐᓗᓂ; ᑕᕝᕙ ᖃᐅᔨᔪᒫᕐᐳᓯ ᐅᕙᖓᐅᒐᒪ ᐊᑕᓂᖅ.”

ᐃᓯᑭᐊᓕᐅᑉ ᐊᒡᓚᖏᑦ 12:20 ပူးပေါင်းရင်းမြစ်များ

ᔨᕆᒤᐊᐅᑉ ᐊᒡᓚᖏᑦ 4:7

ᓛᔭᑎᑐᑦ ᐃᔨᕐᓯᒪᕕᖕᓂᑦ ᐊᓂᔪᑎᑐᑦ, ᐃᓅᖃᑎᒌᒡᔪᐊᓂᒃ ᐊᓯᕈᐃᔭᕐᑐᕐᑐᖅ ᐃᓂᒋᔭᒥᓂᑦ ᕾᓕᕐᐳᖅ, ᓄᓇᖁᑎᓯᓗ ᓄᓇᓕᕕᓂᑐᐃᓐᓇᓐᖑᕐᑎᓐᓂᐊᕐᐰᑦ ᐃᓄᖃᕈᓐᓃᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 25:9

ᑕᑯᒋᑦ, ᐅᓐᓄᐊᓪᓗᐊᑉ ᓇᓛᓃᑦᑐᑦ ᐃᓄᓕᒫᖏᓐᓂᒃ ᑎᓕᓯᓂᐊᕐᐳᖓ, ᑭᒡᒐᓐᓂᒡᓗ ᓂᐱᑯᓁᓴᒥᒃ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓂᒃ, ᐊᑕᓂᖅ ᐅᖃᕐᐳᖅ, ᐅᓇᑕᕆᐊᕐᑎᓐᓂᐊᕐᐸᒃᑲᓗ ᓄᓇᒧᑦ ᑕᒪᐅᖓ ᐃᓅᖃᑎᒌᒡᔪᐊᓄᑦ, ᓄᓇᓕᐅᖃᑎᒋᔭᓕᒫᓯᓗ ᐊᓯᕈᕐᑕᐅᑎᓐᓂᐊᕐᐸᒃᑲ ᑲᑉᐱᐊᓲᑎᒃᓴᓐᖑᕐᑎᓪᓗᒋᓪᓗ ᐋᖅᑭᒃᑕᐅᒃᑲᓐᓂᕐᓂᐊᕈᓐᓃᕐᑐᒥᒃ ᓄᓇᓕᕕᓂᑐᐃᓐᓇᐅᓕᕐᑎᓐᓂᐊᕐᐸᕋ.

ᐂᓮᐊᓯᐅᑉ ᐊᒡᓚᖏᑦ 3:26

ᐃᑎᕐᑕᕐᕕᖏᑦ ᐅᒡᒍᐊᕐᓂᕐᒧᑦ ᕿᐊᔪᒫᕐᐳᑦ; ᐃᒡᓗᒐᓴᒡᔪᐊᓪᓗ ᐊᓐᓄᕅᔭᕐᑕᐅᓯᒪᔪᑎᑐᑦ ᒪᓂᖅᑲᒥ ᐃᒃᓯᕙᑐᐃᓐᓇᓕᕐᑐᑎᑐᑦ ᑍᒤᑦᓱᒫᕐᐳᑦ.

ᑖᓂᐊᓕᐅᑉ ᐊᒡᓚᖏᑦ 9:17

ᒫᓐᓇᓕ ᒎᑏ, ᐱᔨᕕᑦ ᑐᒃᓯᐊᕐᓂᖏᑦ ᑐᒃᓯᐅᑦᔨᓂᖏᓪᓗ ᑐᓴᓚᐅᒃᑭᑦ, ᐃᑦᔪᕐᓁᑦᑐᕕᖁᑏᑦ ᓱᕋᒃᓯᒪᔪᖅ ᑮᓇᕐᐱᑦ ᖃᐅᒪᓂᖓᓄᑦ ᑕᑯᓚᐅᕈᒃ, ᐊᑕᓂᖅ ᐱᑦᔪᑎᒋᓗᒍ.

ᐃᓯᑭᐊᓕᐅᑉ ᐊᒡᓚᖏᑦ 15:8

ᓄᓇᖓ ᐃᓄᖃᓚᐅᕐᓯᒪᖏᑦᑐᑎᑐᑦ ᑍᒤᓕᑎᑦᓱᒫᕐᐸᕋ, ᐱᓂᐊᕐᓂᖃᓕᓚᐅᕐᒪᑕ ᐅᒃᐱᕐᓂᖃᖏᑦᑐᑎᑐᑦ, ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 15:6

“ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᕔᓂᓕᐅᕐᕖᑦ ᓇᐹᕐᑐᒐᓵᓗᐃᑦ ᐊᑯᕐᖓᓂᑦ ᐃᑯᐊᓪᓚᖅᑯᑎᒃᓴᐅᖁᓪᓗᒋᑦ ᑐᓂᓯᒪᒐᒃᑭᑦ, ᑍᒫᒃᑕᐅᖅ ᔨᕉᓴᓕᒥᐅᑦ ᐃᓄᖏᑦ ᑐᓂᖅᑯᑎᒋᔪᒫᕐᐸᒃᑲ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:18

ᓮᐅᓂ ᓱᓇᖃᕈᓐᓃᕐᒪᑦ ᐃᑭᐊᓐᖑᓇᕐᓯᕗᖅ, ᐊᒪᕈᖓᔪᓄᑦ ᓇᔪᒐᑐᐃᓐᓇᐅᓕᕐᒪᑦ.

ᔨᕆᒤᐊᐅᑉ ᐊᒡᓚᖏᑦ 19:11

ᐅᖃᐅᑎᓗᒋᓪᓗ, ‘ᐃᒫᒃ ᑕᕝᕙ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ: ᑍᒫᒃ ᑕᕝᕙ ᐃᓅᖃᑎᒌᒡᔪᐊᑦ ᐃᒡᓗᒐᓴᒡᔪᐊᓪᓗ ᓯᖁᒥᑦᓱᒫᕐᐸᒃᑲ ᑖᑦᓱᑐᓇᖅ ᒪᕐᕋᐅᔭᕐᑎᑐᑦ ᓯᖁᒥᑕᐅᔪᑎᑐᑦ ᐋᖅᑭᒃᓱᒐᒃᓴᐅᔪᓐᓃᕐᓗᑎᒡᓗ ᑍᒤᑦᓱᒫᕐᐳᑦ. ᑐᐱᑎᒥ ᐃᓗᕕᕐᓯᔪᒫᕐᐳᑦ ᐊᓯᐊᓂ ᐃᓗᕕᕐᓯᕕᒃᓴᖃᕈᓐᓃᕈᒫᕐᒪᑦ.

ᔨᕆᒤᐊᐅᑉ ᐊᒡᓚᖏᑦ 16:9

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᒪᑦ: “ᐃᓅᑎᓪᓗᓯ ᓱᓕ ᐅᓪᓗᒥ ᐃᓅᔪᓯ, ᖁᕕᐊᓱᒡᕙᓗᒃᑐᓂᒃ ᑐᓵᔭᒃᓴᖃᕈᓐᓃᕈᒫᕐᐳᓯ, ᓄᓕᐊᓂᕋᑖᕐᑐᑦ ᐅᐃᓂᕋᑖᕐᑐᓪᓗ ᓂᐱᖏᑦ ᖁᕕᐊᓱᒃᑐᑦ ᑐᓴᕐᓴᐅᕙᒍᓐᓃᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 24:12

ᐃᒡᓗᒐᓴᒡᔪᐊᕕᓂᐅᒐᓗᐊᑦ ᓯᖁᒻᒪᑰᓕᕐᐳᑦ, ᐃᑎᕐᑕᕐᕕᒡᔪᐊᖏᑕ ᐅᒃᑯᐊᕐᔪᐊᖏᑦ ᓯᖁᑦᑎᕐᓯᒪᓕᕐᒪᑕ.

ᐂᓮᐊᓯᐅᑉ ᐊᒡᓚᖏᑦ 24:3

ᓄᓇᕐᔪᐊᖅ ᓯᖁᑦᑎᕐᓯᒪᔪᒫᕐᐳᖅ ᐊᓯᕈᕐᑕᐅᓯᒪᓗᓂᓗ, ᐊᑕᓂᖅ ᐅᖃᕐᓯᒪᖕᒪᑦ ᑍᒫᒃ ᑭᓯᐊᓂᐅᔪᒫᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 34:22

ᑎᓕᓯᓂᐊᕐᐳᖓ, ᐊᑕᓂᖅ ᐅᖃᕐᐳᖅ, ᐅᑎᕐᓂᐊᕐᒪᑕ ᑕᕝᕗᖓ ᐃᒡᓗᒐᓴᒡᔪᐊᓄᑦ ᐅᓇᑕᕐᓗᒍᓗ ᓵᓚᒋᒍᓂᑦᔪᒃ ᐃᑯᐊᓪᓚᖕᓂᐊᕐᐹᑦ, ᔫᑕᒥᐅᓪᓗ ᓄᓇᓕᖁᑎᖏᑦ ᓄᓇᒋᔭᒃᓴᐅᔪᓐᓃᕐᑎᓐᓂᐊᕐᐸᒃᑲ ᓄᓇᒋᔭᐅᔪᓐᓃᖁᓪᓗᒋᑦ ᐃᓄᖕᓄᑦ.”

ᐃᓯᑭᐊᓕᐅᑉ ᐊᒡᓚᖏᑦ 5:14

ᓱᓇᐅᔪᓐᓃᕐᑎᑦᓱᒫᕐᐸᑦᓯ ᐃᓅᖃᑎᒌᒡᔪᐊᓪᓗ ᐊᕙᑎᑦᓯᓐᓃᑦᑐᑦ ᐃᓕᑦᓯᓐᓄᑦ ᐊᖅᑯᓵᕐᓗᑎᒃ ᑕᑯᔭᕌᖓᒥᒃ ᒥᑕᐅᑎᒃᓴᖃᑦᑕᓕᕈᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 12:15

“ᖃᐅᔨᓕᕈᒫᕐᐳᓪᓗ ᐅᕙᖓᐅᒐᒪ ᐊᑕᓂᖅ, ᐊᐅᓪᓚᕐᑎᒃᑯᒃᑭᑦ ᐃᓅᖃᑎᒌᒡᔪᐊᓄᑦ ᓯᐊᒻᒪᕐᑎᒃᑯᒃᑭᓪᓗ ᓄᓇᓕᒡᔪᐊᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 12:21

ᐊᑕᓂᐅᓪᓗ ᐅᖃᐅᓯᖓᑕ ᑎᑭᑉᐹᖓ: ᐅᖃᕐᓗᓂ,

ᐃᓯᑭᐊᓕᐅᑉ ᐊᒡᓚᖏᑦ 36:3

“ᑍᒤᒻᒪᑦ ᐱᔪᖃᓛᕐᑐᒥᒃ ᐅᖃᐅᑎᒃᑭᑦ, ᐅᖃᕐᓗᑎᓪᓗ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑖᒃᑯᓇᓐᖓᑦ ᓱᓁᕈᑦᔭᐅᓚᐅᕋᕕᑦ, ᐊᕙᑎᓕᒫᕐᓂᑦ ᑲᑐᑦᔭᐅᓪᓗᑎᑦ ᓵᓚᐅᓚᐅᕋᕕᑦ, ᐃᓅᖃᑎᒌᒡᔪᐊᓄᑦ ᐱᑖᕆᔭᐅᓚᐅᕐᐳᑎᑦ, ᐃᓄᖕᓄᓪᓗ ᐅᖃᐅᓯᐅᖃᑦᑕᓕᓚᐅᕐᐳᑎᑦ ᐅᖃᐅᓯᐅᓂᕐᓗᖃᑦᑕᓕᕐᓗᑎᓪᓗ;

ᒨᓯᓯ ᐱᖓᔪᖏᑦ 26:31

ᐃᒡᓗᒐᓴᒡᔪᐊᓯ ᓯᖁᑦᑎᕐᓂᐊᕐᐸᒃᑲ, ᑐᒃᓯᐊᕐᕕᒃᓯᓗ ᐊᓯᕈᕐᓗᒋᑦ, ᑐᓂᕐᕈᑎᓯᓗ ᐆᑕᒃᓮᑦ ᐃᓚᓕᐅᕐᓂᐊᓐᖏᓚᒃᑲ.

ᒨᓯᓯ ᐱᖓᔪᖏᑦ 26:33

ᓄᓇᓖᑦ ᐊᓯᖏᓐᓄᑦ ᐃᓅᖃᑎᒌᒡᔪᐊᓄᑦ ᐊᐅᓪᓚᕐᑎᓪᓗᓯ ᓯᐊᒻᒪᕐᑎᑦᓱᒫᕐᐸᑦᓯ, ᐅᓇᑕᕐᓂᕐᒥᒃᓗ ᓴᖅᑭᑎᑦᓯᓗᖓ. ᓄᓇᖁᑎᓯ ᐃᓄᖃᕈᓐᓁᕐᓗᑎᒃ ᐃᒡᓗᒐᓴᒡᔪᐊᓯ ᓯᖁᒥᓯᒪᒐᔭᕐᐳᑦ.