ᐃᓯᑭᐊᓕᐅᑉ ᐊᒡᓚᖏᑦ 1:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᐃᒡᓗᕕᒐᐅᔮᕐᑑᓪᓗ ᓂᐊᖁᖏᑕ ᖁᓛᓃᑦᑑᑉ ᖁᓛᓂ ᐃᒃᓯᕙᐅᑕᕐᔪᐊᖑᔮᕐᑐᖃᕐᐳᖅ, ᐅᔭᕋᒃᑎᑐᑦ ᓴᐰᕋᐅᔮᕐᑐᒥᒃ; ᐃᒃᓯᕚᕐᑐᕐᓗ ᐃᒃᓯᕙᐊᑕᕐᔪᐊᖑᔮᕐᑐᒥ ᐃᓄᒃᑎᑐᑦ ᑕᐅᑦᑐᖃᕐᑑᔮᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 1:26 ပူးပေါင်းရင်းမြစ်များ

ᐃᓯᑭᐊᓕᐅᑉ ᐊᒡᓚᖏᑦ 10:1

ᑕᑯᓴᕋᒪ ᑕᑯᕗᖓ, ᓯᕈᐱᒻ ᐃᓴᕈᖃᕐᑐᑦ ᖁᓛᓃᑦᑐᒥᒃ ᐃᒡᓗᕕᒐᕐᑎᑐᑦ ᐊᓂᖓᔪᒥᒃ, ᖁᓛᓂᓗ ᐃᒃᓯᕙᐅᑕᕐᔪᐊᖑᔮᕐᑐᖅ ᑕᐅᑦᑐᖃᕐᐳᖅ ᓴᐰᕆᑎᑐᑦ ᐱᐅᓂᕐᐹᑎᑐᑦ.

ᒨᓯᓯ ᐂᑉᐸᖏᑦ 24:10

ᑖᒃᑯᐊᓗ ᑕᑯᕚᑦ ᐃᓴᕆᐊᓕᒥᐅᑦ ᒎᑎᖓᑦ; ᑖᑦᓱᒪᓗ ᐃᑎᒐᖏᑕ ᐊᑖᒍᑦ ᐅᔭᕋᒃᑕᖃᕐᐳᖅ ᓴᓇᓯᒪᔫᔮᕐᑐᒥᒃ ᓴᐰᕋᑎᑐᑦ ᑕᑯᒥᓇᕐᑐᐊᓗᒃᑎᑐᑦ ᑍᒤᑦᑐᒥᒃ, ᐅᔭᖅᑲᑎᑐᑦ ᓯᓚᑎᑐᑦ ᑕᑯᒃᓴᐅᓇᑦᓯᐊᕐᑐᒥᒃ ᑐᖑᔪᑦᓯᐊᕐᑎᒋᔪᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:13

ᑖᒃᑯᐊᓗ ᐊᑯᓐᓂᖓᓃᑦᑐᖃᕐᐳᖅ ᐃᓅᑉ ᐃᕐᓂᖓᑐᑦ ᑕᐅᑦᑐᖃᕐᑐᒥᒃ, ᑕᑭᔪᒥᒃ ᐊᓐᓄᕌᕐᓯᒪᔪᒥᒃ ᒎᓗᒥᒡᓗ ᑕᑦᓯᐅᔭᖅᑲᕐᓗᓂ ᓴᒡᕕᖕᒥᒍᑦ.

ᑖᓂᐊᓕᐅᑉ ᐊᒡᓚᖏᑦ 10:18

ᓱᓕ ᐊᖑᑎᑎᑐᑦ ᑕᐅᑦᑐᓕᐅᑉ ᐊᒃᑐᕐᐹᖓ ᓄᑭᒃᑖᕐᑎᑉᐹᖓᓗ.

ᐃᓯᑭᐊᓕᐅᑉ ᐊᒡᓚᖏᑦ 1:22

ᐆᒪᔪᑦ ᓂᐊᖁᖏᑕ ᖁᓛᓂ ᐃᒡᓗᕕᒐᐅᔨᖓᔪᒥᒃ ᓴᖅᑭᔮᕐᑐᖃᕐᐳᖅ, ᕿᓪᓚᕆᒃᑐᒥᒃ ᓂᓚᒃᑎᑐᑦ, ᓂᐊᖁᖏᑕᓗ ᖁᓛᓃᑦᑐᑦ ᑲᒪᓇᕐᑐᐊᓘᕗᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:11

ᑕᕝᕙ ᑕᑯᓕᕆᕗᖓ ᐃᒃᓯᕙᐅᑕᕐᔪᐊᕐᒥᒃ ᖃᑯᕐᑕᒥᒃ ᑕᕝᕙᓂᓗ ᐃᒃᓯᕚᕐᑐᒥᒃ; ᑖᑦᓱᒪᓕ ᓇᔪᕐᑕᖓᓂᑦ ᓄᓇᕐᔪᐊᖅ ᕿᓚᒡᓗ ᕿᒪᒃᓯᕘᒃ, ᐃᓂᒃᓴᖃᕈᓐᓃᕐᓗᑎᒡᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:14

ᑕᑯᓴᕋᒪ, ᑕᑯᒋᑦ ᓄᕗᔭᑕᖃᕐᐳᖅ ᖃᑯᕐᑕᒥᒃ, ᓄᕗᔭᒥᓗ ᐃᒃᓯᕚᕐᑐᖅ ᐃᓅᑉ ᐃᕐᓂᖓᑐᑦ ᑕᐅᑦᑐᖃᕐᐳᖅ, ᒎᓗᒥᒃ ᓂᐊᖂᓯᕐᓯᒪᕗᖅ, ᐃᐱᒃᑐᒥᒡᓗ ᐃᕕᖕᓂᒃ ᓇᑲᑎᕆᑦᔪᑎᒥᒃ ᑎᒍᒥᐊᕐᓗᓂ.

ᐄᑉᕈᐃᓄᑦ 12:2

ᔩᓱᓯ ᑕᑯᓐᓈᕐᓗᒍ ᐅᒃᐱᕐᓂᑦᑎᓐᓂᒃ ᐱᒋᐊᕐᑎᑦᓯᔨᐅᓪᓗᓂᓗ ᓈᒻᒪᒃᓯᑎᑦᓯᔪᖅ, ᑖᓐᓇ ᖁᕕᐊᓱᖕᓂᒃᓴᒥᓂᒃ ᑕᑯᓐᓈᕋᒥ ᓴᓐᓂᖓᔪᓕᒃ ᕿᓄᐃᓵᕐᓗᓂ ᐊᑐᓚᐅᕐᐹ, ᑲᓐᖑᓇᕐᓂᖓ ᑲᒪᒋᓇᒍ, ᒫᓐᓇᓗ ᐃᒃᓯᕙᓕᕐᐳᖅ ᒎᑎᐅᑉ ᐃᒃᓯᕙᐅᑕᕐᔪᐊᖓᑕ ᑕᓕᕐᐱᐊᓂ.

ᐂᓮᐊᓯᐅᑉ ᐊᒡᓚᖏᑦ 54:11

ᐋᓐᓂᐊᑎᑕᐅᔪᓯ, ᐊᖅᑯᓇᕐᒧᓪᓗ ᐃᒋᑕᐅᖃᑦᑕᕐᑐᓯ, ᐃᑲᔪᕐᑕᐅᓇᓯᓗ, ᑕᑯᒋᑦ, ᐃᓕᐅᕋᕐᓂᐊᕐᐸᑦᓯ ᐅᔭᖅᑲᓄᑦ ᐱᐅᔪᓄᑦ, ᑐᓐᖓᕕᓕᐅᕐᓗᓯᓗ ᐅᔭᕋᖕᓄᑦ ᑕᑯᒥᓇᕐᑐᕐᔪᐊᓄᑦ.

ᐂᓮᐊᓯᐅᑉ ᐊᒡᓚᖏᑦ 6:1

ᐊᕐᕌᒍᒥ ᐊᖓᔪᖅᑳᕐᔪᐊᑉ ᐅᓮᐊᐅᑉ ᑐᖁᕝᕕᐊᓂ, ᐊᑕᓂᖅ ᑕᑯᓚᐅᕐᐸᕋ ᐃᒃᓯᕙᐅᑕᕐᔪᐊᖕᒥᓂ ᐃᒃᓯᕙᔪᖅ, ᖁᑦᓯᒃᑐᒥ ᐳᕐᑐᔪᒥᓗ, ᐊᓐᓄᕌᖓᑕᓗ ᐅᓕᒡᔪᐊᖓᑕ ᑐᒃᓯᐊᕐᕕᒡᔪᐊᑉ ᐃᓗᐊ ᓈᓯᒪᕚ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:13

ᑐᓴᕐᐳᖓᓗ ᐆᒪᔪᓕᒫᓂᒃ ᕿᓚᖕᒦᑦᑑᓂᒃ ᓄᓇᒦᑦᑐᓂᒃ ᓄᓇᐅᓪᓗ ᐊᑖᓃᑦᑐᓂᒃ ᐃᒪᕐᕕᖕᒦᑦᑐᓂᒡᓗ, ᑕᒤᓐᓂᒃ ᐊᓂᕐᓂᖃᕐᑐᓕᒫᓂᒃ, ᐅᖃᕐᑐᓂᒃ, “ᐃᒃᓯᕙᐅᑕᕐᔪᐊᕐᒥ ᐃᒃᓯᕙᔪᖅ ᓄᕐᕋᐅᔭᕐᓗ ᓂᕐᑐᕐᑕᐅᓕᑦ ᐅᐱᒋᔭᐅᓕᑦ ᐱᓐᓇᕐᓇᕐᑎᑕᐅᓗᑎᒃ ᐊᔪᖓᖃᖏᓐᓂᕐᒥᒡᓗ, ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:21

ᓵᓚᖃᕐᑐᖅ, ᐃᒃᓯᕙᖃᑎᒋᔪᒫᕐᐸᕋ ᐃᒃᓯᕙᐅᑕᕐᔪᐊᓐᓂ, ᓵᓚᖃᕐᓯᒪᒐᒪᑦᑕᐅᑦ ᐊᑖᑕᒐ ᐃᒃᓯᕙᖃᑎᒋᓕᕋᒃᑯ ᐃᒃᓯᕙᐅᑕᕐᔪᐊᖓᓂ.

ᐲᑦᑐᕉᓯ ᓯᕗᓪᓖᑦ 3:22

ᑖᓐᓇ ᕿᓚᓕᐊᓚᐅᕐᐳᖅ ᒫᓐᓇᓗ ᒎᑎᐅᑉ ᑕᓕᕐᐱᐊᓃᑉᐳᖅ, ᐂᖏᓖᓂᒃ ᐃᓚᖃᕐᓗᓂ, ᐱᔪᓐᓇᕐᑎᑕᐅᔪᑦ, ᐱᔪᓐᓇᕐᓃᓪᓗ ᑖᑦᓱᒥᖓ ᓈᓚᒐᖃᕐᐳᑦ.

ᐄᑉᕈᐃᓄᑦ 8:1

ᐅᖃᐅᑎᒋᔭᕗᑦ ᐃᒫᒃ ᑐᑭᖃᕐᐳᑦ: ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖃᕋᑦᑕ, ᕿᓚᖕᒦᑦᑑᑉ ᐊᖓᔪᖅᑳᕐᔪᐊᑉ ᐃᒃᓯᕙᐅᑕᕐᔪᐊᖓᑕ ᑕᓕᕐᐱᐊᓂ ᐃᒃᓯᕙᔪᒥᒃ,

ᐄᑉᕈᐃᓄᑦ 1:8

ᐃᕐᓂᕐᓕ ᐱᓪᓗᒍ ᐅᖃᓚᐅᕐᐳᖅ, “ᒎᑏ ᐃᒃᓯᕙᐅᑕᕐᔪᐊᑦ, ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᑍᒤᓕᖓᓂᐊᕐᐳᖅ, ᐊᑕᓂᐅᕖᓪᓗ ᐊᐅᓚᓐᓂᐊᕐᐸᑦ ᐊᔭᐅᑉᐱᐊᕐᓄᑦ ᓇᓛᒎᑦᓯᐊᕐᑐᒥᒃ.

ᒫᑎᐅᓯᐅᑉ ᐊᒡᓚᖏᑦ 28:18

ᔩᓱᓯᐅᑉ ᐅᐸᒃᓗᒋᑦ ᐅᖃᐅᑎᕔᑦ, “ᐱᔪᓐᓇᕐᓂᕐᓂᒃ ᑕᒤᓐᓂᒃ ᑐᓂᓯᕕᐅᕗᖓ ᕿᓚᖕᒥ ᓄᓇᕐᔪᐊᒥᓗ.

ᒫᑎᐅᓯᐅᑉ ᐊᒡᓚᖏᑦ 25:13

“ᑍᒤᒻᒪᑦ ᖃᐅᔨᓴᕆᑦᓯ, ᐅᓪᓗᖅ ᐃᑲᕐᕋᕐᓗ ᖃᐅᔨᒪᖏᓐᓇᑦᓯᐅᒃ.”

ᓴᑲᕅᐊᐅᑉ ᐊᒡᓚᖏᑦ 6:13

ᑖᓐᓇ ᐊᑕᓂᐅᑉ ᑐᒃᓯᐊᕐᕕᒡᔪᐊᖁᑎᖓᓂᒃ ᓴᓇᔪᒫᕐᐳᖅ, ᐊᖓᔪᖅᑳᕐᔪᐊᕐᓯᐅᑎᓂᒡᓗ ᐅᐱᒋᔭᐅᑦᔪᑎᓂᒃ ᐊᑐᕈᒫᕐᐳᖅ ᐃᒃᓯᕙᐅᑕᕐᔪᐊᕐᒥᓗ ᐃᒃᓯᕚᕐᓗᓂ. ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖑᔪᒫᕐᐳᖅ ᐃᒃᓯᕙᐅᑕᕐᔪᐊᕐᒥ ᐃᒃᓯᕚᕐᓗᓂ. ᐃᓂᒋᔭᖏᒡᓗ ᑖᒃᑯᐊᒃ ᒪᕐᕉᒃ ᐱᓇᓱᐊᖃᑎᒌᑦᓯᐊᕈᒫᕐᐴᒃ.”’

ᐃᓐᖏᕈᑎᑦ 45:6

ᒎᑏ, ᐃᒃᓯᕙᐅᑕᕐᔪᐊᑦ ᑍᒤᓕᖓᓂᐊᕐᐳᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ; ᐊᖓᔪᖅᑳᕐᔪᐊᕐᓯᐅᑎᓗ ᐊᔭᐅᑉᐱᐊᑦ ᐃᖅᑲᕐᑐᐃᑦᓯᐊᕐᓂᕐᒧᑦ ᐊᔭᐅᑉᐱᐊᕆᓂᐊᕐᐸᑦ ᐊᑕᓂᐅᕕᖕᓂ.

ᑖᓂᐊᓕᐅᑉ ᐊᒡᓚᖏᑦ 7:14

ᑖᓐᓇ ᐊᖓᔪᖅᑲᐅᓂᕐᒥᒃ ᑐᓂᓯᕝᕕᐅᕗᖅ, ᐃᓅᖃᓐᓂᕐᓂᕐᒥᒡᓗ ᐊᖓᔪᖅᑲᐅᓂᕐᒥᒡᓗ; ᐃᓄᓕᒫᓪᓗ, ᐃᓅᖃᑎᒌᒡᔪᐃᓪᓗ ᓇᑭᑐᐃᓐᓇᖅ ᐱᓯᒪᔪᑦ ᖃᓄᑐᐃᓐᓇᕐᓗ ᐅᖃᐅᓯᓖᑦ ᑐᒃᓯᐊᕐᕕᒋᕚᑦ: ᐊᖓᔪᖅᑲᐅᕕᖓ ᐃᓱᖃᖏᑦᑐᒧᑦ ᐊᖓᔪᖅᑲᐅᓂᐅᕗᖅ ᐃᓱᓕᓐᓂᐊᕋᓂᓗ, ᐊᖓᔪᖅᑳᔪᐊᖑᕕᖓ ᑍᒪᓐᖓᑦ ᓵᓚᐅᓂᐊᓐᖏᓚᖅ.”

ᔮᓱᐊᑉ ᐊᒡᓚᖏᑦ 5:13

ᔮᓱᐊ ᔨᕆᑰᑉ ᓴᓂᐊᓃᓪᓗᓂ, ᑕᑯᓴᕋᒥ ᑕᑯᕗᖅ ᐊᖑᒻᒥᒃ ᓇᖏᕐᑐᒥᒃ, ᓯᕗᕋᕐᒥᓂ ᓴᕕᒡᔪᐊᒥᓂᒃ ᑎᒍᒥᐊᕐᑐᒥᒃ; ᔮᓱᐊᑉ ᐅᐸᒃᓗᒍ ᐊᐱᕆᕚ, “ᐅᓇᑕᕐᑐᒃᓴᖁᑎᒋᕙᑦᑎᒌᑦ ᐅᕝᕙᓗ ᐊᑭᕋᑦᑎᓐᓂᒥᐅᑕᐅᕕᑦ?”

ᐊᑕᓃᑦ ᓯᕗᓪᓖᑦ 22:19

ᒤᑬᐊ ᐅᖃᕐᐳᖅ, “ᑍᒤᒻᒪᑦ ᐊᑕᓂᐅᑉ ᐅᖃᐅᓯᖏᓐᓂᑦ ᑐᓴᕆᑦᓯ: ᐊᑕᓂᖅ ᑕᑯᕙᕋ ᐃᒃᓯᕙᐅᑕᕐᔪᐊᕐᒥᓂ ᐃᒃᓯᕙᔪᖅ, ᕿᓚᖕᒥᐅᒐᓴᒡᔪᐃᓪᓗ ᓇᖏᕐᐳᑦ ᑖᑦᓱᒪ ᐊᕙᑖᓂ, ᑕᓕᕐᐱᐊᓂ, ᓴᐅᒥᐊᓂᓗ;

ᐃᓯᑭᐊᓕᐅᑉ ᐊᒡᓚᖏᑦ 1:5

ᑖᑦᓱᒪᓗ ᐊᓄᕆᕐᔪᐊᑉ ᕿᑎᖓᓃᑦᑐᖃᕐᐳᖅ ᐆᒪᔪᐊᓗᖕᓂᒃ ᓯᑕᒪᓂᒃ. ᑖᒃᑯᐊᓗ ᐃᓄᒃᑎᑐᑦ ᑕᐅᑦᑐᖃᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 43:6

ᐊᖑᓪᓗ ᓇᖏᕐᑎᓪᓗᒍ ᓴᓂᓐᓂ, ᐅᕙᓐᓄᑦ ᐅᖃᕐᑐᒥᒃ ᑐᓴᕐᐳᖓ ᑐᒃᓯᐊᕐᕕᒡᔪᐊᑉ ᐃᓗᐊᓂᑦ;

ᐃᓯᑭᐊᓕᐅᑉ ᐊᒡᓚᖏᑦ 43:7

ᐅᖃᐅᑎᓪᓗᖓᓗ, “ᐃᓅᑉ ᐃᕐᓂᖓ, ᑖᓐᓇ ᑕᕝᕙ ᐃᒃᓯᕙᐅᑕᕐᔪᐊᒪ ᐃᓂᖓ ᐃᑎᒐᖕᒪᓗ ᐃᑯᕋᖏᑕ ᐃᓂᖓ, ᑕᕝᕙᓂ ᐃᓂᖃᕐᓂᐊᕐᐳᖓ ᐃᓱᖃᖏᑦᑐᒧᑦ ᐃᓴᕆᐊᓕᒥᐅᑦ ᐃᓄᖏᑕ ᐊᑯᕐᖓᓐᓂ. ᐃᓴᕆᐊᓕᒥᐅᓪᓗ ᑭᖑᕚᖏᑕ ᐊᑎᕋ ᐃᑦᔪᕐᓁᑦᑐᖅ ᓇᕐᕈᓇᕐᓯᑎᓐᓂᐊᕈᓐᓁᕐᐹᑦ, ᑖᒃᑯᐊᓘᓐᓃᑦ, ᐊᖓᔪᖅᑳᕐᔪᐊᖏᑕᓘᓐᓃᑦ, ᒎᑎᒥᒡᓗ ᐊᓯᓐᓂᐊᕐᓯᒪᓂᖏᓐᓄᑦ, ᐊᖓᔪᖅᑳᕐᔪᐊᕕᓂᖏᑕᓘᓐᓃᑦ ᑎᒥᕕᓂᖏᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 8:2

ᑕᕝᕙ ᑕᑯᓕᕐᐳᖓ, ᑕᑯᒋᓪᓗ, ᑕᑯᑎᑕᐅᕗᖓ ᐃᓅᔮᕐᑐᒥᒃ; ᕿᑎᕆᔮᕐᑕᖓᓂᑦ ᐱᒋᐊᕐᓗᒍ ᑕᐅᓄᖓ ᐃᑯᐊᓚᔪᒥᒃ, ᐊᒻᒪ ᕿᑎᕆᔮᕐᑕᖓᓂᑦ ᐱᒋᐊᕐᓗᒍ ᖃᐅᒪᔪᐊᓘᕗᖅ, ᑲᓐᓄᔭᑐᑦ ᕿᓪᓕᕐᑐᑐᑦ.