ᐃᓯᑭᐊᓕᐅᑉ ᐊᒡᓚᖏᑦ 1:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᐃᓴᕈᕐᓱᓕᕌᖓᑕᓗ ᐃᓴᕈᕐᓱᕐᕙᓗᖏᑦ ᐃᒪᕐᕕᐅᑉ ᒥᕿᑦᑕᕐᓂᖓᑕ ᐃᒃᑑᓕᔮᕐᓂᖏᑎᑐᑦ ᑐᓴᕐᓴᐅᖃᑦᑕᕐᐳᑦ, ᐊᔪᒐᖃᖏᑦᑑᑉ ᓂᐱᕐᔪᐊᖓᑐᑦ, ᐅᓇᑕᕐᑎᒐᓴᒡᔪᐊᓪᓗ ᓂᐱᕐᔪᐊᖏᑎᑐᑦ; ᓄᖅᑲᖓᓕᕌᖓᒥᒃ ᐃᓴᕈᑎᒃ ᓂᓚᒥᑉᐸᒃᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 1:24 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 7:6

ᐊᑕᓂᐅᑉ ᓯᕆᐊᒥᐅᑦ ᐅᓇᑕᕐᑎᖏᑦ ᑐᓵᑎᓚᐅᕐᒪᒋᑦ ᐅᓐᓄᐊᒥ ᕿᒧᒃᓯᐅᑎᒐᓴᒡᔪᐊᑦ ᕿᒥᕐᔪᐊᓪᓗ ᕿᑭᕐᕋᖏᓐᓂᒃ ᐅᓇᑕᕐᑎᒐᓴᒡᔪᐊᖑᕙᓗᒃᑐᓂᒃ ᐅᖃᕐᓗᑎᒡᓗ ᐃᒻᒥᖕᓄᑦ, “ᑕᑯᒋᑦ ᐃᓴᕆᐊᓕᒥᐅᑦ ᐃᑲᔪᕆᐊᕐᑕᐅᖂᕐᒪᑕ ᕼᐃᑍᑎᒥᐅᓄᑦ, ᐄᑦᔨᑉᑎᒥᐅᓪᓗ ᐊᖓᔪᖅᑳᕐᔪᐊᖏᓐᓄᑦ ᐅᓇᑕᕆᐊᕐᑖᓘᓕᕐᐳᒍᑦ.”

ᔫᐱᐅᑉ ᐊᒡᓚᖏᑦ 37:2

ᓈᓚᒋᑦᓯ ᑖᑦᓱᒪ ᓂᐱᖓᓂᒃ ᐃᒃᑐᓚᐅᕐᓂᕐᒥᑦ, ᐃᕗᓘᕐᓂᕐᓗ ᑖᑦᓱᒪ ᖃᓂᖓᓂᑦ ᐱᖕᒪᑦ.

ᐃᓐᖏᕈᑎᑦ 18:13

ᑕᕝᕙ ᐊᑕᓂᖅ ᐃᒃᑐᓚᐅᕐᑎᑦᓯᕗᖅ ᕿᓚᖕᒥ, ᖁᑦᓯᖕᓂᕐᐹᖑᔫᓪᓗ ᓂᐱᖓ ᑐᓴᕐᓴᐅᓪᓗᓂ, ᓇᑕᖅᑯᕐᓇᕐᑎᒍᑦ ᐊᐅᒫᓗᒃᑎᒍᓪᓗ ᐃᑯᐊᓚᔪᑎᒍᑦ.

ᐃᓐᖏᕈᑎᑦ 68:33

ᕿᓔᑦ ᕿᓚᖏᓐᓂ ᐃᑭᒪᔪᒧᑦ, ᑍᒪᓐᖓᓂᓴᐅᔪᒧᑦ! ᑕᑯᒋᑦ, ᓂᓪᓕᐊᕗᖅ ᐃᒃᑐᑑᕐᑐᒥᒃ, ᐊᔪᖏᑦᑐᕐᔪᐊᕐᒥᒃ ᓂᐱᖃᕐᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 10:5

ᓯᕈᐱᒻᓗ ᐃᓴᕈᕐᓱᕐᓂᖏᑦ ᑐᓴᕐᓴᐅᕗᑦ ᑐᒃᓯᐊᕐᕕᒡᔪᐊᑉ ᓯᓚᑖᓄᑦ ᑎᑭᓪᓗᒍ, ᒎᑎᐅᑉ ᐊᔪᒐᖃᖏᑦᑑᑉ ᐅᖃᓪᓚᖕᓂᖓᑕ ᓂᐱᕐᔪᐊᖓᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 3:13

ᑐᓴᕆᕗᖓᓗ ᐆᒪᔪᐊᓗᐃᑦ ᐃᓴᕈᖏᑕ ᐃᒻᒥᖕᓄᑦ ᐊᒃᑐᕐᑕᕐᕙᓗᖏᓐᓂᒃ, ᓴᓂᐊᓃᑦᑐᓪᓗ ᐊᒃᓴᓗᐊᑦ ᑐᓴᕐᓴᐅᓂᖏᓐᓂᒃ, ᑖᒃᑯᐊᓗ ᑲᓪᓕᐅᑉ ᐃᒃᑑᓕᔮᕐᓂᖓᑐᑦ ᑐᓴᕐᓴᐅᕗᑦ.

ᐃᓯᑭᐊᓕᐅᑉ ᐊᒡᓚᖏᑦ 43:2

ᑕᑯᒋᓪᓗ, ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐃᓴᕆᐊᓕᒥᐅᑦ ᒎᑎᖓᑕ ᓂᕐᑐᕐᓇᕐᓂᕐᔪᐊᖓᑕ ᕾᓕᕐᓂᖓᓂᒃ ᑕᑯᕗᖓ; ᑎᑭᓕᕐᓂᖓᓗ ᑐᓴᕐᓴᐅᕗᖅ ᑕᕆᐅᕐᔪᐊᑉ ᒥᕿᑦᑕᕐᓂᖓᑕ ᐃᒃᑑᓕᔮᕐᓂᖓᑐᑦ; ᓄᓇᓗ ᖃᐅᒻᒪᒃᑕᐅᕗᖅ ᓂᕐᑐᕐᓇᕐᓂᕐᔪᐊᖓᑕ ᖃᐅᒪᓂᖓᓄᑦ.

ᑖᓂᐊᓕᐅᑉ ᐊᒡᓚᖏᑦ 10:6

ᑎᒥᖓ ᐅᔭᕋᒃᑎᑐᑦ ᐱᓐᓇᕐᓇᕐᑐᑎᑐᑦ ᑯᕆᓱᓔᑎᒥᒃ ᐊᑎᓕᒃᑐᑦ ᖁᕐᓱᕐᑕᑐᑦ ᑍᒤᑦᑑᕗᖅ, ᑮᓇᖓ ᖃᐅᒻᒪᓪᓚᒃᑎᑐᑦ ᑕᐅᑦᑐᖃᕐᐳᖅ, ᐃᔨᖏᒡᓗ ᐃᑯᐊᓚᔪᑎᑐᑦ ᑍᒤᑦᑑᕗᒃ, ᑕᓕᖏᒃ ᓂᐅᖏᒡᓗ ᑲᓐᓄᔭᑎᑐᑦ ᕿᓪᓚᕆᒃᓴᕐᓯᒪᔪᑎᑐᑦ ᑍᒤᓪᓗᑎᒃ, ᓂᐱᖃᕐᓗᓂᓗ ᐃᓄᒋᐊᒃᑐᕐᔪᐃᑦ ᓂᐱᖏᑎᑐᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:15

ᐃᑎᒐᖏᑦ ᑲᓐᓄᔭᑎᑐᑦ ᑍᒤᑉᐳᑦ, ᐃᑯᒪᒧᑦ ᕿᓚᕆᒃᓴᕐᑕᐅᓯᒪᔪᑎᑐᑦ, ᓂᐱᖓᓗ ᒪᓕᐊᓗᐃᑦ ᐃᒃᑐᑑᕐᓂᖓᑎᑐᑦ ᑍᒤᑉᐳᖅ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:6

ᑕᕝᕙ ᑐᓴᕐᐳᖓ ᐃᓄᒋᐊᒃᑐᕐᔪᐊᓄᑦ ᓂᐱᒋᔭᐅᔮᕐᑐᓂᒃ, ᐃᒪᕐᔪᐊᓪᓗ ᐃᒃᑑᓕᔮᕐᓂᕆᔮᕐᑕᖏᓐᓂᒃ ᑲᓪᓘᓪᓗ ᐃᒃᑐᓚᐅᕐᓂᖓᑐᑦ ᑕᒤᑦᑑᔮᕐᑐᓂᒃ, ᐅᖃᕐᑐᓂᒃ, “ᐋᓕᓘᔭ! ᐊᑕᓂᖅ ᒎᑎᕗᑦ ᐊᔪᒐᖃᖏᑦᑐᖅ ᐊᖓᔪᖅᑳᕐᔪᐊᖑᕗᖅ.