32 ᓂᐊᖂᔭᒃᓴᓐᖑᕐᐸᓪᓕᐊᔪᓪᓕ ᓱᕋᒃᑕᐅᓚᐅᓐᖏᓚᑦ, ᐱᕈᕐᐸᓪᓕᐊᓕᓵᕋᒥᒃ ᐱᔭᕇᕐᕕᒃᓴᖓᑦ ᓱᓕ ᓇᓪᓕᐅᑎᓯᒪᓚᐅᖏᒻᒪᑦ.
ᑍᕕᑎᐅᑉ ᑖᒃᑯᐊ ᑐᓂᓚᐅᕐᐰᑦ ᒋᐱᐊᓁᑎᒥᐅᑦ ᐃᓄᖏᓐᓄᑦ, ᑖᒃᑯᓇᓐᖓᑦ ᖃᖅᑲᐅᑉ ᖄᖓᓂ ᕿᒥᑕᐅᓚᐅᕐᐳᑦ ᐊᑕᓂᐅᑉ ᓵᖓᓂ, ᑖᒃᑯᐊᓕᒫᑦ 7 ᐊᑕᐅᑦᓯᒃᑯᑦ ᑐᖁᓚᐅᕐᐳᑦ ᐅᐱᕐᖔᖅ ᐃᓱᓕᒋᐊᕕᒃᑎᓪᓗᒍ, ᓂᐊᖂᔭᒃᓮᑦ ᓄᐊᑕᐅᒋᐊᕐᕕᐊᓂ.
ᑕᕝᕙ ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᑕᓖᑦ ᐃᓵᓚᐅᕈᒃ ᐄᑦᔨᑉᑎᐅᑉ ᓄᓇᖓᑕ ᖁᓛᓄᑦ, ᐱᒡᓕᕐᑕᐅᔮᕐᑐᑦ ᐄᑦᔨᑉᑎᐅᑉ ᓄᓇᖓᓄᑦ ᑎᑭᖁᓪᓗᒋᑦ, ᓄᓇᒥ ᐱᕈᕐᑐᓕᒫᓂᒃ ᓂᕆᖁᓪᓗᒋᑦ ᓇᑕᖅᑯᕐᓇᕐᓄᑦ ᓱᕋᒃᑕᐅᓯᒪᖏᑦᑐᓂᒃ.”
ᑕᕝᕙ ᒨᓯᓯᐅᑉ ᑕᓕᓂ ᐃᓵᒃᐹ ᕿᓚᖕᒧᑦ, ᑕᕝᕙ ᑖᕐᑐᕐᔪᐊᖅ ᑭᓪᓚᖃᖏᑦᑐᑎᑐᑦ ᑍᒤᑦᑐᖅ ᑎᑭᐅᑎᕗᖅ ᐄᑦᔨᑉᑎᓕᒫᒧᑦ ᑖᕐᑑᓕᕐᓗᓂᓗ ᐅᓪᓗᓂᒃ ᐱᖓᓱᓂᒃ.
ᑕᒪᓐᓇᓗ ᓄᓇᓕᒫᑦᓯᐊᖅ ᑕᑕᑕᐅᓯᒪᓂᐊᕐᐳᖅ ᑕᒪᒃᑯᓄᖓ, ᐊᒡᓛᑦ ᐅᓄᓗᐊᒧᑦ ᓄᓇ ᓴᖅᑭᔮᕈᓐᓃᕐᑎᑕᐅᓂᐊᕐᐳᖅ ᑕᒪᒃᑯᓄᖓ; ᓱᓇᑐᐃᓐᓇᑦᓯᐊᓂᒡᓗ ᓇᑕᖅᑯᕐᓇᕐᓄᑦ ᓱᕋᒃᑕᐅᓯᒪᖏᑦᑐᓕᒫᓂᒃ ᓂᕆᓂᐊᕐᐳᑦ, ᓇᐹᕐᑐᖁᑎᓕᒫᓯᓗ ᓄᓇᒥ ᐱᕈᕐᑐᑦ ᑕᒪᒃᑯᓄᖓ ᓂᕆᔭᐅᓂᐊᕐᐳᑦ.
ᐱᕈᕐᑐᓪᓕ ᐊᓐᓄᕌᒃᓴᓕᐊᕆᔭᐅᓲᑦ ᓂᐊᖂᔭᒃᓮᓪᓗ ᓱᕋᒃᑎᕐᑕᐅᕗᑦ, ᓂᐊᖂᔭᒃᓮᑦ ᓇᑲᑎᕐᑕᐅᑐᐃᓐᓇᕆᐊᖃᓕᓚᐅᕐᒪᑕ, ᐱᕈᕐᑐᓪᓗ ᐊᓐᓄᕌᒃᓴᓕᐊᕆᔭᐅᓲᑦ ᐱᕈᕐᐸᓪᓕᐊᓇᓱᐊᓕᕐᑎᓪᓗᒋᑦ.
ᑕᕝᕙ ᒨᓯᓯ ᐰᕉᒥᑦ ᕿᒪᕉᑎᒐᒥ ᐃᒡᓗᒐᓮᑦ ᓯᓚᑖᓄᐊᕐᐳᖅ, ᑕᓕᓂᓗ ᐃᓴᒃᐹ ᑐᒃᓯᐊᕐᓗᓂ ᐊᑕᓂᕐᒧᑦ; ᑕᕝᕙ ᖃᐅᒻᒪᓪᓚᒃ ᓄᖅᑲᕐᐳᖅ ᓇᑕᖅᑯᕐᓇᕈᓐᓃᓗᓂᓗ, ᓯᓚᓗᒍᓐᓃᕐᐳᕐᓗ ᓄᓇᒧᑦ.
ᓄᓇᓕᕆᔭᓂ ᒪᓂᖅᑲᒃᓴᕇᕈᓂᐅᒃ, ᑲᓐᖓᕐᓱᐃᓕᕐᐸᓐᖏᓛᖅ ᐱᕈᕐᑐᒃᓴᓂᒃ ᓂᕿᐅᑉ ᐃᓚᒃᓴᖏᓐᓂᒃ ᑎᐅᓪᓂᒃ, ᑯᒥᓐᓂᒃ, ᓂᐊᖂᔭᒃᓮᓪᓗ ᑲᑎᓪᓗᒋᑦ ᑐᑭᓕᕇᒃᑎᑉᐸᓐᖏᓔᑦ; ᓂᐊᖂᔭᒃᓮᓪᓗ ᓄᕗᖏᑦ ᐹᓖᑦ ᐃᓂᒋᔭᕆᐊᓕᖏᓐᓄᐊᖅᑲᕐᐸᓐᖏᓔᑦ, ᐊᕕᒃᓯᒪᐅᑎᖃᕐᑎᓪᓗᒋᑦ ᓇᓗᓁᕐᐸᓐᖏᓔᑦ ᑲᑎᒪᑦᔧᒃᑯᑎᒃᓴᖏᓐᓂᒃ?
“ᓂᐊᖂᔭᒃᓴᒥᒃ ᓯᑎᔪᓂᒡᓗ ᓂᐊᖂᔭᒃᓴᓂᒃ, ᐲᓐᓂᓯᓂᒃ, ᐱᕈᕐᑐᕕᓂᕐᓂᒃ, ᐃᕕᐅᔭᓂᒡᓗ ᓂᐊᖂᔭᒃᓴᓂᒃ, ᐱᕈᕐᓯᐊᒃᓴᓂᒃ, ᑲᑎᓪᓗᒋᑦ ᓂᐊᖂᔭᓕᐊᕆᒃᑭᑦ, ᑍᒤᑦᑐᒥᒃ ᑕᕝᕙ ᓂᕆᖃᑦᑕᕆᐊᖃᕈᒫᕐᐳᑎᑦ ᓴᐅᒥᖔᕐᓄᑦ ᐃᓂᓪᓚᖓᓂᓕᒫᕐᓂ ᐅᓪᓗᓂᒃ 390ᓂᒃ.