ᒨᓯᓯ ᐂᑉᐸᖏᑦ 9:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᑕᕝᕙ ᐰᕉ ᑎᓕᓯᓕᕐᐳᖅ ᒨᓯᓯᒃᑯᒃ ᐂᕉᓂᒃᑯᒃ ᕾᖁᔭᐅᖁᓪᓗᒋᒃ, ᐅᖃᐅᑎᓪᓗᒋᒡᓗ, “ᒫᓐᓇ ᖃᐅᔨᕗᖓ ᐊᔪᕐᑐᓕᓯᒪᒐᒪ; ᐊᑕᓂᕐᓕ ᓈᒻᒪᓈᕐᐳᖅ, ᐅᕙᖓᓕ ᐃᓄᖁᑎᒃᑲᓗ ᑕᒻᒪᕐᓯᒪᕗᒍᑦ.

ᒨᓯᓯ ᐂᑉᐸᖏᑦ 9:27 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 12:13

ᑍᕕᑎ ᐅᖃᕐᐳᖅ ᓁᑕᓂᒧᑦ, “ᐊᔪᕐᑐᓕᓚᐅᕐᐳᖓ ᐊᑕᓂᕐᒧᑦ.” ᓁᑕᓂᓗ ᑭᐅᕗᖅ, “ᐊᑕᓂᐅᑉ ᐃᓱᒪᒋᔪᓐᓁᕐᕕᒋᓯᒪᕚᑎᑦ; ᑐᖁᓂᐊᓐᖏᓚᑎᑦ.

ᑯᕉᓂᑲ ᐂᑉᐸᖏᑦ 12:6

ᑍᒤᒻᒪᑦ ᐃᓴᕆᐊᓕᒥᐅᑦ ᐊᖓᔪᖅᑳᖏᑦ ᐊᖓᔪᖅᑳᕐᔪᐊᕐᓗ ᐃᒻᒥᖕᓂᒃ ᒥᑭᒡᓕᑎᕐᐳᑦ; ᐅᖃᕐᓗᑎᒡᓗ, “ᐊᑕᓂᖅ ᓇᓛᒎᕐᑐᑑᕗᖅ.”

ᐃᓐᖏᕈᑎᑦ 129:4

ᐊᑕᓂᖅ ᐃᓱᐊᕐᑑᕗᖅ; ᑖᑦᓱᒪ ᐱᐅᖏᑦᑐᑦ ᐊᒃᓱᓈᖏᑦ ᑭᐱᓚᐅᕐᐰᑦ ᓇᑲᓪᓗᒋᑦ.

ᐃᓐᖏᕈᑎᑦ 145:17

ᐊᑕᓂᖅ ᓈᒻᒪᓈᑦᓯᐊᕐᐳᖅ ᑕᒤᑎᒍᑦ ᐱᓇᓱᐊᕐᓂᕐᒥᒍᑦ, ᐱᑦᓯᐊᕐᓂᖃᕐᓗᓂᓗ ᑕᒤᑎᒍᑦ ᐱᓂᐊᕐᓂᕐᒥᒍᑦ.

ᐃᓐᖏᕈᑎᑦ 9:16

ᐊᑕᓂᖅ ᖃᐅᔨᒪᔭᐅᕗᖅ ᐃᖅᑲᕐᑐᐃᓂᖏᑕ ᐱᓂᐊᕐᓂᖏᑎᒍᑦ; ᐱᐅᖏᑦᑐᓕᔪᑦ ᓂᒐᕐᓯᒪᕗᑦ ᓇᖕᒥᓂᖅ ᐊᒡᒐᖕᒥᖕᓄᑦ ᓴᓇᓯᒪᔭᒥᖕᓄᑦ. ᐃᓱᒪᒃᓴᕐᓯᐅᕐᓂᖅ ᑐᒃᓯᐊᕐᓂᒃᑯᑦ. ᓰᓚ

ᒨᓯᓯ ᐂᑉᐸᖏᑦ 10:16

ᑕᕝᕙ ᐰᕉᖅ ᒨᓯᓯᒥᒃ ᐂᕉᓂᒥᒡᓗ ᕾᖁᔨᕗᖅ ᑐᐊᕕᖁᓪᓗᒋᒃ, ᐅᖃᐅᑎᓪᓗᒋᒡᓗ, “ᐊᔪᕐᑐᓕᓯᒪᕗᖓ ᐊᑕᓂᕐᒧᑦ ᒎᑎᑦᓯᓐᓄᑦ, ᐃᓕᑦᓯᖕᓄᓪᓗ.

ᒨᓯᓯ ᐂᑉᐸᖏᑦ 10:17

ᑍᒤᒻᒪᑦ ᒫᓐᓇ, ᐊᔪᕐᑐᓕᓂᒃᑲ ᐃᓱᒪᒋᔪᓐᓁᕐᓯᐅᒃ, ᐊᒃᓱᕈᕐᓗᖓ ᕿᓄᕕᒋᕙᑦᓯᒃ ᐊᑕᐅᓯᐊᓪᓚᕆᒡᓗᖓ, ᐊᑕᓂᖅ ᒎᑎᓯ ᑐᒃᓯᐊᕐᕕᒋᓚᐅᕐᓯᐅᒃ ᑕᒪᑐᒥᖓᑦ ᑐᖁᓐᓇᕐᑐᒥᒃ ᐲᕐᓯᖁᓗᒍ ᐅᕙᓐᓂᑦ.”

ᒨᓯᓯ ᐂᑉᐸᖏᑦ 8:25

ᑕᕝᕙ ᐰᕉ ᕾᖁᔨᓕᕐᐳᖅ ᒨᓯᓯᒥᒃ ᐂᕉᓂᒥᒡᓗ, ᐅᖃᐅᑎᓗᒋᒡᓗ, “ᐊᐅᓪᓚᕐᓗᓯ ᒎᑎᑦᓯᓐᓄᑦ ᑐᓂᕐᕈᓯᕆᐊᕐᑐᓕᕆᑦᓯ ᑕᒫᓂ ᓄᓇᒥ.”

ᒨᓯᓯ ᐂᑉᐸᖏᑦ 8:8

ᑕᕝᕙ ᐰᕉᑉ ᒨᓯᓯᒃᑯᒃ ᐂᕉᓂᒃᑯᒃ ᕾᖁᕚᒃ, ᐅᖃᐅᑎᓪᓗᒋᒡᓗ, “ᐊᑕᓂᖅ ᑐᒃᓯᐊᕐᕕᒋᓚᐅᕐᓯᐅᒃ ᑕᒪᒃᑯᓂᖓ ᓈᕌᔨᓂᒃ ᐲᕐᓯᖁᓗᒍ ᐅᕙᓐᓂᑦ ᐃᓄᖁᑎᓐᓂᓪᓗ; ᑕᕝᕙ ᐃᓅᖃᑎᒌᒡᔪᐊᑦ ᐊᐅᓪᓚᖁᓂᐊᕐᐸᒃᑲ ᑐᓂᕐᕈᓯᕆᐊᕐᑐᖁᓪᓗᒋᑦ ᐊᑕᓂᕐᒧᑦ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:18

ᐊᑕᓂᖅ ᓈᒻᒪᑦᓯᐊᕐᑐᒥᒃ ᐃᓕᖅᑯᓯᖃᕐᐳᖅ, ᐊᑭᕋᕐᑐᓕᓚᐅᕋᒃᑭᑦ ᐱᖁᔭᖏᑦ ᑐᓴᕐᑕᐅᔪᒪᓕᕐᐳᖓ ᐃᓄᖕᓄᑦ ᐋᓐᓂᐊᓂᒃᑲ ᑕᑯᔭᐅᖁᓪᓗᒋᑦ. ᐃᓅᓱᒃᑐᖁᑎᒃᑲ ᐅᐃᒡᒐᓱᖁᑎᒃᑲᓗ ᑎᒍᔭᐅᓪᓗᑎᒃ ᐊᐅᓪᓚᕈᑦᔭᐅᓯᒪᖕᒪᑕ.

ᑖᓂᐊᓕᐅᑉ ᐊᒡᓚᖏᑦ 9:14

ᐊᑕᓂᐅᑉ ᐱᐅᖏᑦᑐᒧᑦ ᑲᑉᐱᐊᓇᕐᑐᒧᑦ ᐅᑕᕿᓇᓂ ᑎᑭᑎᓚᐅᕐᐹᑎᒍᑦ, ᐊᑕᓂᖅ ᒎᑎ ᐃᓱᐊᕐᑑᖕᒪᑦ ᖃᓄᐃᓕᐅᕐᑕᓕᒫᒥᓂ; ᐅᕙᒍᓪᓕ ᓈᓚᓚᐅᖏᓚᕗᑦ.

ᒨᓯᓯ ᓯᑕᒪᖏᑦ 21:7

ᑍᒤᒻᒪᑦ ᐃᓄᐃᑦ ᕾᕗᑦ ᒨᓯᓯᒧᑦ ᐅᖃᕐᓗᑎᒃ, “ᐊᔪᕐᑐᓕᓚᐅᕐᐳᒍᑦ, ᓈᒻᒪᒃᓴᖏᓐᓂᕐᒥᒃ ᓂᓪᓕᐊᓚᐅᕋᑦᑕ ᐊᑭᕋᕐᑐᕐᓗᑕ ᐊᑕᓂᕐᒥᒃ ᐃᓕᖕᓂᒡᓗ; ᑐᒃᓯᐊᓚᐅᕆᑦ ᐊᑕᓂᕐᒧᑦ ᖁᒡᓗᒋᐊᑦ ᐊᐅᓪᓚᖁᓪᓗᒋᑦ ᐅᕙᑦᑎᓐᓂᑦ.” ᑍᒫᒃ ᒨᓯᓯ ᑐᒃᓯᐊᓚᐅᕐᐳᖅ ᐃᓄᐃᑦ ᐱᓪᓗᒋᑦ.

ᒨᓯᓯ ᓯᑕᒪᖏᑦ 22:34

ᑕᕝᕙ ᐸᓛᒻ ᐊᑕᓂᐅᑉ ᐂᖏᓕᖓᓄᑦ ᐅᖃᕐᐳᖅ, “ᐊᔪᕐᑐᓕᓚᐅᕐᐳᖓ, ᖃᐅᔨᒪᖅᑲᐅᖏᓐᓇᒪ ᐊᖅᑯᑎᓐᓂ ᓇᖏᕐᑐᑎᑦ ᐅᕙᓐᓄᑦ ᐊᒡᕕᐊᕐᓗᑎᑦ. ᒫᓐᓇᓕ ᖁᕕᐊᒋᖏᒃᑯᕕᖓ ᐅᑎᕐᓂᐊᕐᐳᖓ.”

ᒫᑎᐅᓯᐅᑉ ᐊᒡᓚᖏᑦ 27:4

ᐅᖃᕐᓗᓂ, “ᐊᔪᕐᑐᓕᓯᒪᕗᖓ ᐸᓯᔭᒃᓴᐅᖏᑦᑐᒥᒃ ᐊᖑᒻᒥᒃ ᐱᔭᐅᑎᑦᓯᒐᒪ ᑐᖁᑕᐅᖁᓪᓗᒍ.” ᑖᒃᑯᐊ ᑭᐅᕚᑦ, “ᑕᒪᓐᓇ ᑍᒤᑎᓐᖏᓚᕗᑦ, ᐃᕝᕕᑦ ᑍᒤᑎᑕᑐᐊᕆᕙᑦ!”

ᕉᒪᒥᐅᓄᑦ 2:5

ᓯᑎᔪᐊᓘᓂᕐᓄᑦ ᐆᒻᒪᑎᒃᑯᓪᓗ ᖃᕿᐊᓕᕈᒪᖏᓐᓂᕐᓄᑦ ᐃᓕᖕᓂᒃ ᖁᒥᐅᑎᒋᓕᕐᐳᑎᑦ ᐅᓪᓗᒧᑦ ᒎᑎᐅᑉ ᓂᓐᖓᒡᕕᒃᓴᖓᓄᑦ ᐃᖅᑲᕐᑐᐃᓂᖓ ᓈᒻᒪᓈᑦᓯᐊᕐᑐᖅ ᓴᖅᑭᑉᐸᑦ.

ᕉᒪᒥᐅᓄᑦ 3:19

ᒫᓐᓇ ᖃᐅᔨᒪᕗᒍᑦ ᐱᖁᔧᑦ ᐅᖃᐅᑦᔨᖕᒪᑕ ᐱᖁᔭᖃᕐᑐᓄᑦ, ᐃᓄᓕᒫᑦ ᑭᐅᑦᔪᑎᒃᓴᖃᖁᓇᒋᑦ, ᓯᓚᕐᔪᐊᕐᒥᐅᓕᒫᑦ ᐃᖅᑲᕐᑐᕐᑕᐅᓕᕐᐸᑕ ᒎᑎᒧᑦ.

ᔮᓱᐊᑉ ᐊᒡᓚᖏᑦ 7:20

ᐂᑲᓐ ᔮᓱᐊᒧᑦ ᑭᐅᕗᖅ, “ᓱᓕᕗᖅ ᐊᔪᕐᑐᓕᓚᐅᕐᐳᖓ ᐊᑕᓂᕐᒧᑦ ᐃᓴᕆᐊᓕᐅᑉ ᒎᑎᖓᓄᑦ, ᐃᒫᒃ ᐱᓂᐊᕐᓂᖃᓚᐅᕐᐳᖓ.

ᓴᒧᐃᓕ ᓯᕗᓪᓖᑦ 15:24

ᓴᐅᓕᓗ ᐅᖃᓕᕐᐳᖅ ᓴᒧᐃᓕᒧᑦ, “ᐊᔪᕐᑐᓕᓚᐅᕐᐳᖓ; ᐊᑕᓂᐅᑉ ᐅᖃᐅᓯᖏᑦ ᓱᕋᓚᐅᕐᐸᒃᑲ ᐅᖃᐅᓯᕐᑎᓪᓗ, ᐃᓄᖕᓂᒃ ᓯᕘᕋᓚᐅᕋᒪ ᓂᐱᖏᓪᓗ ᓈᓚᖔᓕᓚᐅᕋᒃᑭᑦ.

ᓴᒧᐃᓕ ᓯᕗᓪᓖᑦ 15:30

ᑕᕝᕙ ᐅᖃᓕᕐᐳᖅ, “ᐊᔪᕐᑐᓕᓚᐅᕐᐳᖓ; ᐅᐱᒋᓚᐅᓐᖓᓕ, ᐃᓄᐃᑦ ᐊᖓᔪᖅᑳᖏᑕ ᓵᖓᓂ ᐃᓴᕆᐊᓕᒥᐅᓪᓗ ᓵᖏᓐᓂ, ᐅᑎᖃᑎᒋᓚᐅᓐᖓ, ᑐᒃᓯᐊᕈᓐᓇᖁᓪᓗᖓ ᐊᑕᓂᕐᒧᑦ ᒎᑎᖕᓄᑦ.”

ᓴᒧᐃᓕ ᓯᕗᓪᓖᑦ 26:21

ᑕᕝᕙ ᓴᐅᓕ ᐅᖃᕐᐳᖅ, “ᐊᔪᕐᑐᓕᓚᐅᕐᐳᖓ; ᐅᑎᓕᕆᑦ, ᐃᕐᓃᒃ ᑍᕕᑏ, ᐋᓐᓂᕋᓱᐊᕐᓂᐊᕈᓐᓃᕐᐸᒋᑦ, ᐃᓅᓯᕋ ᐱᐅᓕᓚᐅᕋᕕᐅᒃ ᐅᓪᓗᒥ; ᑕᑯᒋᑦ, ᓯᓔᑦᑐᐊᓗᖕᒥᒃ ᐱᓇᓱᐊᕐᓯᒪᕗᖓ, ᐱᐅᖏᑦᑐᐊᓗᖕᒥᒡᓗ ᐱᓇᓱᐊᕐᓯᒪᓪᓗᖓ.”