ᒨᓯᓯ ᐂᑉᐸᖏᑦ 8:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᒨᓯᓯᓕ ᐅᖃᕐᐳᖅ, “ᑕᒪᓐᓇ ᐊᑲᐅᑦᔮᓐᖏᓚᖅ ᑍᒤᓕᐅᕐᓂᐊᕈᑦᑕ; ᐄᑦᔨᑉᑎᒥᐅᑦ ᑕᒪᑐᒧᖓ ᐱᓇᓱᐊᕐᑕᑦᑎᓐᓄᑦ ᐊᑲᐅᓐᖏᓕᐅᕐᑎᑕᐅᒐᔭᕐᒪᑕ ᑐᓂᕐᕈᓯᓕᕈᑦᑕ ᐊᑕᓂᕐᒧᑦ ᒎᑎᑦᑎᓐᓄᑦ ᐆᒪᔪᓂᒃ ᑐᓂᕐᕈᓯᕋᔭᕋᑦᑕ. ᑕᒪᒃᑯᓂᖓᓗ ᐆᒪᔪᓂᒃ ᐄᑦᔨᑉᑎᒥᐅᑦ ᐊᓐᓂᕆᔭᖏᓐᓂᒃ ᑕᑯᓐᓇᕐᑎᓪᓗᒋᑦ ᑐᓂᕐᕈᓯᕈᑎᖃᓕᕈᑦᑕ, ᑖᒃᑯᓄᖓ ᒥᓪᓗᕐᑕᐅᒐᔭᓐᖏᓚᒎᑦ?

ᒨᓯᓯ ᐂᑉᐸᖏᑦ 8:26 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 43:32

ᔫᓯᐱᓗ ᐃᒻᒥᒍᑦ ᓂᕆᕕᖃᕐᓗᓂ ᓂᕆᑎᑕᐅᕗᖅ, ᑖᒃᑯᐊᓗ ᐃᒻᒥᒍᑦ ᓂᕆᕕᖃᕐᒥᑎᓪᓗᒋᑦ, ᐄᑦᔨᑉᑎᒥᐅᓪᓗ ᓂᕆᖃᑕᐅᖕᒥᔪᑦ ᐃᒻᒥᒍᑦ ᓂᕆᕕᖃᕆᕗᑦ, ᐄᑦᔨᑉᑎᒥᐅᑦ ᐄᑉᕉᓂᒃ ᓂᕆᖃᑎᖃᕈᓐᓇᖏᒻᒪᑕ, ᑕᒪᓐᓇ ᐄᑦᔨᑉᑎᒥᐅᓄᑦ ᓇᕐᕈᓇᐅᑎᒃᓴᖃᕐᒪᑦ.

ᒨᓯᓯ ᓯᕗᓪᓖᑦ 46:34

ᑭᐅᔪᒃᓴᐅᕗᓯ, ‘ᐱᔨᐅᕗᒍᑦ ᐃᓕᖕᓄᑦ ᐊᑯᓂᓂᑦ ᑍᒪᓐᖓᑦ ᐃᓅᓱᒃᑑᓂᑦᑎᓐᓂᑦ ᒫᓐᓇᒧᑦ ᑎᑭᓪᓗᒍ ᐃᒻᒧᒃᓯᐅᒐᓕᕆᔨᐅᕗᒍᑦ, ᑕᒪᑦᑕ ᓯᕗᓕᕆᓚᐅᕐᑕᕗᓪᓗ,’ ᑍᒫᒃ ᑕᕝᕙᓂ ᓄᓇᒥ ᒎᓯᓂᒥ ᓄᓇᖃᕐᑎᑕᐅᔪᓐᓇᖁᓪᓗᓯ; ᑕᒪᕐᒥᒃ ᓰᐱᓕᕆᔨᓕᒫᑦ ᓇᕐᕈᓇᕐᑑᖕᒪᑕ ᐄᑦᔨᑉᑎᒥᐅᓄᑦ.”

ᐊᑕᓃᑦ ᐂᑉᐸᖏᑦ 23:13

ᐊᖓᔪᖅᑳᕐᔪᐊᑉ ᔫᓮᐊᐅᑉ ᐱᓪᓚᕆᒋᔭᐅᓪᓗᑎᒃ ᑐᒃᓯᐊᕐᕕᐅᖃᑦᑕᕐᑐᕕᓃᑦ ᐊᑐᕐᑕᐅᔪᓐᓁᓪᓕᑎᑉᐰᑦ ᔨᕉᓴᓕᐅᑉ ᓯᕿᓂᐊᑕ ᓇᓛᓃᑦᑐᑦ ᐱᖒᑉ ᐱᐅᖏᑦᑐᓕᕝᕕᖕᒥᒃ ᑍᔭᐅᔫᑉ ᓯᕿᓂᖓᓃᑦᑐᑦ, ᓲᓗᒨᓂᐅᑉ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦᑕ ᓴᓇᔭᐅᑎᑕᕕᓂᖏᑦ ᒎᑎᓐᖑᐊᒧᑦ ᐋᔅᑕᕉᑎᒥᒃ ᑍᔭᐅᔪᒧᑦ ᓮᑐᓂᐊᒥᐅᑦ ᒎᑎᓐᖑᐊᖓᓐᓄᑦ ᓇᕐᕈᓇᕐᑐᒧᑦ, ᑭᒨᓯᓗ ᒧᐊᐱᒥᐅᑦ ᒎᑎᓐᖑᐊᖓᓄᑦ ᓇᕐᕈᓇᕐᑐᒧᑦ, ᒥᐅᓪᑲᒻᒧᓪᓗ ᐊᒧᓁᑎᒥᐅᑦ ᒎᑎᓐᖑᐊᖓᓐᓄᑦ ᓇᕐᕈᓇᕐᑐᒧᑦ.

ᐄᓱᕋᐅᑉ ᐊᒡᓚᖏᑦ 9:1

ᑕᒪᒃᑯᐊᓕᒫᑦ ᐱᔭᕇᕐᑕᐅᑎᓪᓗᒋᑦ, ᐃᓴᕆᐊᓕᒥᐅᑦ ᐃᓄᖏᑦᑕ ᓯᕗᓕᕐᑎᖏᑦᑕ ᐃᓚᖏᓐᓄᑦ ᐅᖃᐅᑦᔭᐅᓚᐅᕐᐳᖓ ᐃᓄᐃᑦ, ᑐᓂᕐᕈᓯᕐᑎᑦᓯᔩᑦ, ᓕᕔᑏᓪᓗ ᐃᒻᒥᖕᓂᒃ ᐊᑦᔨᐅᖏᑦᑑᑎᓯᒪᖏᒻᒪᑕ ᐃᓄᖕᓂᑦ ᓯᓚᖅᑲᑎᒥᖕᓂᑦ ᐅᑯᓇᓐᖓᑦ ᐊᒧᓁᑎᒃᑯᓂᑦ, ᒧᐊᐱᒥᐅᓂᓪᓗ, ᐄᑦᔨᑉᑎᒥᐅᓂᓪᓗ, ᐅᑯᓇᓐᖓᓪᓗ ᑬᓇᓂᒥᐅᓂᑦ, ᕼᐃᑍᑎᒥᐅᓂᑦ, ᐱᕆᔧᑎᒥᐅᓂᑦ, ᔨᐳᓮᑎᒥᐅᓂᑦ, ᐊᒧᕅᑎᒥᐅᓂᓪᓗ. ᑖᒃᑯᐊ ᑍᒫᑦᓮᓐᓇᖅ ᐱᐅᖏᑦᑐᓂᒃ ᐃᓅᓯᖃᕐᒪᑕ ᐃᓅᖃᑎᖏᑕ ᐱᐅᓯᖏᑎᑐᑦ.

ᒨᓯᓯ ᐂᑉᐸᖏᑦ 3:18

“ᐃᓄᖁᑎᒃᑲᓗ ᓈᓚᖕᓂᐊᕐᐳᑦ ᐅᖃᐅᓯᕆᔭᓐᓂᒃ ᐃᓴᕆᐊᓕᒥᐅᓪᓗ ᐊᖓᔪᖅᑳᖏᑦ ᐱᖃᑎᒋᓗᒋᑦ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓐᓄ ᐂᓂᐊᕐᐳᓯ, ᐅᖃᐅᑎᓗᒍᓗ, ᐊᑕᓂᖅ ᐄᑉᕉᒥᐅᑦ ᒎᑎᖓᑦᑕ ᓴᖅᑭᕝᕕᒋᓯᒪᖕᒪᑎᒍᑦ ᐊᐅᓪᓚᕈᓐᓇᕐᑎᑎᒍᑦ ᐃᖏᕐᕋᔭᕆᐊᖃᕋᑦᑕ ᐅᓪᓗᓂᒃ ᐱᖓᓱᓂᒃ ᐃᓄᖃᖏᑦᑐᒧᑦ ᑐᓂᕐᕈᓯᕆᐊᕐᑐᕐᓗᑕ ᐊᑕᓂᕐᒧᑦ ᒎᑎᑦᑎᓐᓄᑦ.

ᒨᓯᓯ ᐂᑉᐸᖏᑦ 8:8

ᑕᕝᕙ ᐰᕉᑉ ᒨᓯᓯᒃᑯᒃ ᐂᕉᓂᒃᑯᒃ ᕾᖁᕚᒃ, ᐅᖃᐅᑎᓪᓗᒋᒡᓗ, “ᐊᑕᓂᖅ ᑐᒃᓯᐊᕐᕕᒋᓚᐅᕐᓯᐅᒃ ᑕᒪᒃᑯᓂᖓ ᓈᕌᔨᓂᒃ ᐲᕐᓯᖁᓗᒍ ᐅᕙᓐᓂᑦ ᐃᓄᖁᑎᓐᓂᓪᓗ; ᑕᕝᕙ ᐃᓅᖃᑎᒌᒡᔪᐊᑦ ᐊᐅᓪᓚᖁᓂᐊᕐᐸᒃᑲ ᑐᓂᕐᕈᓯᕆᐊᕐᑐᖁᓪᓗᒋᑦ ᐊᑕᓂᕐᒧᑦ.”

ᐂᓮᐊᓯᐅᑉ ᐊᒡᓚᖏᑦ 44:19

ᓇᓪᓕᖏᓪᓘᓐᓃᑦ ᐃᓱᒪᒃᓴᕐᓯᐅᓐᖏᓚᑦ, ᓯᓔᓐᓂᕐᒧᑦ ᖃᐅᔨᒪᓇᓱᓐᖏᓚᑦ ᐅᖃᓐᖏᓚᓪᓘᓐᓃᑦ, “ᕿᔫᑉ ᐃᓚᖓᓄᑦ ᐃᑯᐊᓚᑦᓯᕗᖓ, ᓂᐊᖂᔭᓕᐅᕈᑎᒋᓪᓗᒍᓗ, ᓂᕿᒥᒡᓗ ᐆᔪᓕᐅᕈᑎᒋᒐᒃᑯ ᓂᕆᕗᖓ; ᕿᔪᒋᔭᒪ ᐊᒥᐊᒃᑯᖓ ᓇᕐᕈᓇᕐᑐᓕᐊᕆᔭᕆᐊᖃᕐᐸᕌ? ᐹᒻᒪᒃᑎᕆᐊᖃᕐᐳᖔ ᕿᔪᕈᓗᖕᒧᑦ?”